JEMBIEE 4:6 - WƖA TENIŊ

⁶ Ŋɩɩ ba sɩ dɔgɩsɛ mɩ nɩaa nɛ yʋga a kɩɩ ŋɩɩ ba fa sɩ dɔgɩsɛ Sodom nɩaa. Wɩa fa guu cheiba nɛ, ka nʋʋ tuo dɩ ʋ pɛ ba lɛ.

JEMBIEE 4:6 ပူးပေါင်းရင်းမြစ်များ

WƖAA DƖ-SUOMUŊ 19:24

Wɩa leŋ jiribiiŋ chol nyiniŋ, a lɩɩ wɩa-nyuŋ a kʋ tuu dii Sodom arɩ Gomora kala,

WƖAA DƖ-SUOMUŊ 19:25

a dii nuhuobiinee arɩ kʋŋ na-kala sɩ hɛ tabala-la balɩamɩŋ tinteeŋ lɛ.

AZAAYA 24:2

Wɩɩsʋllɩ sɩpaalaaraa, arɩ nʋʋkala, yosuŋ arɩ nɩalɩŋ sɩ tɩɩ ba tɩtɩa, haalaa arɩ ba ketiee, nɩalɩŋ sɩɩ yallɛ kɩaa arɩ nɩalɩŋ sɩɩ yɔɔ, nɩalɩŋ sɩ joŋ kɩaa chɩchɩŋ nɩaa arɩ chɩŋ-diiree, kɩaa tɩŋŋaa arɩ summoo, ba kala lɛ nɛ wɩɩŋ deeŋ jaŋ ŋaa.

JƐRƖMAAYA 20:16

A leŋ dɩ baal-la nagɛ tasɩ-la La TƖƖNA sɩ cheye a bɩ ba nenige fá. A leŋ dɩ ʋ nɩɩ nii-ŋmobo chʋchʋɔŋ, aŋ nɩɩ laalɩŋ goŋ ma wɩɩhɛyɛ.

JƐRƖMAAYA 23:14

Jerusalɛm tɩmma-la sɩ ŋaa mɩ wʋlaabʋllaa ma tʋɔŋ, mɩ na wɩɩ sɩ bɩ ba na kɛnɛ nɛ: Baa ŋaa wʋchɔrʋmɔɔ nɛ aŋ pɛ nyɩnyɩɛ wɩaa ma. Ba pɛ wʋbɔŋ ŋaaraa lɛ nɛ ba ŋɩŋaa wʋbɔŋŋɔɔ, ŋɩɩ leŋ nʋʋkala bɩ chɛ ʋ leŋ wʋbɔŋŋɔɔ ŋaanɩŋ. Ba kala nagɛ Sodom nɩaa nɛ mɩ teeŋ, Jerusalɛm nɩaa ma nagɛ Gomora nɩaa.”

JEMBIEE 4:9

Nɩalɩŋ ba sɩ kpʋa laalɩŋ lɛ nɛ kpɩa nɩalɩŋ losuŋ sɩ kɛnɛ ba sʋʋ. Losuŋ-pʋla leŋe ba kiiki ŋɩɩ nɛ a mʋ sʋʋ, kʋdiilee sɩ nyaa wɩaa.

DANƖƐL 8:25

Ʋ jaŋ nyɩsɛ nɩaa a dʋa. Ʋ jaŋ kɛŋ ʋ tɩtɩa arɩ ʋ nɛ kɩɩ kʋŋkala. Dɩ nɩaa nɛ hɔnɔ ta jɩa a bɩɩnɛ wɩɩ bɩbaa jʋʋ, kuoru-la jaŋ cheiba yʋgɛ. Ʋ jaŋ kɛŋ kuoroo kala kuoro yuo yuosuŋ, ama Wɩa jaŋ cheyu dɩ nuhuobiiŋ bɩ pɛ.

DANƖƐL 9:12

Ŋ leŋe wɩalɩŋ ŋ sɩ bʋla tɩgɛ la dɩ la sɩpaalaaraa lɛ kʋ ŋaa wʋtɩtɩɩ nɛ. Ŋ sɩ joŋ wʋlɔrʋnʋŋ ŋaa la lɛ, dʋnɩa kala lɛ wʋdoho-la sɩ ŋaa Jerusalɛm lɛ ha bɩ ŋaa aŋ ka.

Matiu 24:21

Wɩa sɩ ŋaa dʋnɩa a kuu lɩɩ jɩnɩŋ, nʋʋkala ha bɩ hɛɛ-doho deeŋ na a nagɛ ŋɩɩ, ba bɩra bɩ jaŋ na hɛɛŋ ŋɩɩ a kaa mʋ wuu.

Luuk 10:12

Mɩ bʋlaa pɩma arɩ sarɩya chɛ-diiliŋ, Wɩa jaŋ dɔgɩsɛ taŋ-la nɩaa a kɩɩ bʋa-la lɛ ʋ sɩ dɔgɩsɛ Sodom nɩaa ŋɩɩ.”

Luuk 12:47

Tɩntɩnnʋ-la sɩ jɩŋ tɩntɩmɩɩ-la ʋ kʋhɩaŋ sɩɩ chɛ dɩ ʋ tɩŋ aŋ bɩ siri ŋaa dɩ ʋ tɩŋ tɩntɩmɩɩ-la, ʋ kʋhɩaŋ jaŋ chaasa vɩɩrʋ kɩŋkɛŋ.