JEMBIEE 4:22 - WƖA TENIŊ

²² Zaayɔŋ nɩaa, Wɩa dɔgɩsɛma dɛrɛ nɛ. Wɩa bɩra bɩ jaŋ leŋ dɩ ma hɛ yoŋ-baga lɛ a dieni. Ama ma nɩalɩŋ sɩ hɛ Ɛdɔm lɛ, ʋ jaŋ dɔgɩsɛma a tɩŋ ma wʋbɔŋŋɔɔ wɩaa, a leŋ dɩ nʋʋkala na ma bɔnsʋŋ.

JEMBIEE 4:22 ပူးပေါင်းရင်းမြစ်များ

WƖA YƖƖLAA 137:7

La Tɩɩna, liise yi wɩɩ-la Ɛdɔm tɩŋŋaa sɩ ŋaa tapʋlɩɩ-la la dʋndɔŋŋɔɔ sɩ yuo dii Jerusalɛm lɛ. Ba sɩ, “Má chei taŋ-la a ŋmoo ʋ gentine kala lo muno muno.”

AZAAYA 40:2

Má fɩɛla bʋl wɩaa pɩ Jerusalɛm nɩaa dɩ ba tʋɔŋ pɩŋ dɩ-bala, arɩ hɛɛ-la ba fa sɩɩ na dɛrɛ nɛ. La TƖƖNA leŋe ba tiŋ ba wʋbɔŋŋɔɔ chɩmɩŋ kala nɛ, ʋ dɔgɩsɛba naansɩɩŋ bʋlɩa nɛ a tɩŋ ba wʋbɔmɔ-la wɩaa.

AZAAYA 52:1

Jerusalɛm nɩaa, má sii, má sii chɩŋ, a kɛŋ doluŋ. Zaayɔŋ taŋ-la sɩ bɩ disiniŋ kɛnɛ nɩaa, má paa ma gɛrɩ-zɔŋŋɔɔ laalɛ. Nɩalɩŋ sɩ kɛŋ disiniŋ bɩra bɩ jaŋ kʋ jʋʋ ma taŋ-la.

AZAAYA 60:18

Yuosuŋ bɩra bɩ jaŋ hɛ ŋ tinteeŋ lɛ, ʋ bɩra bɩ jaŋ pɩŋ jikpeeŋ koo a chei. Mɩ jaŋ chu tɔ ŋ lɛ a pɔŋ woruŋ a nagɛ je-kɛrɛ. Ŋ jaŋ dɛnnɛmɛ a tɩŋ mɩ sɩ laaŋ ta wɩaa.

JƐRƖMAAYA 32:40

Mɩ jaŋ hɛ niiŋ sɩ bɩ dɩdɛrɩŋ kɛnɛ mɩ dɩ ba pɛgɛ. Mɩ bɩ jaŋ kɔ dɩ mɩ vɩa dɩ mɩ ŋaa wʋzɔŋŋɔɔ a pɩba. Mɩ jaŋ ŋaa dɩ ba fɩfámɛ, dɩ ŋɩɩ leŋ dɩ ba sɩ́ mɩ harɩŋ mɩɩrʋ.

JƐRƖMAAYA 33:7

Mɩ jaŋ kɛŋ Juda arɩ Iziral nɩaa mɩɩra lɩɩ yoŋ-baga-la ba sɩ yuo kɛsɛba mʋ a kɔ, a leŋ dɩ ba chɩŋ a nagɛ ŋɩɩ ba fa sɩ naga.

JƐRƖMAAYA 33:8

Mɩ jaŋ pɩɩsɛ wʋbɔŋ-la kala ba sɩ ŋaa mɩ lɛ a ta, a joŋ wʋbɔmɔ-la ma kala ba sɩ vɩamɛ aŋ ŋaa chɛba.

JƐRƖMAAYA 49:10

Ama mɩ-na jaŋ gbegisi Ɛsɔ, ka dɩ ʋ kɛŋ yarɩ-biree. Mɩ jaŋ suri lee-la ʋ sɩɩ faa, dɩ ʋ bɩra sɩ́ ʋ tɩtɩa wuo kaa faa. Ʋ biiriŋ, ʋ naambiiriŋ arɩ nɩalɩŋ sɩ jʋʋ kpɩkpagʋ kala jaŋ sʋʋ, dɩ ʋ doho kala dɛrɛ.

JƐRƖMAAYA 50:20

Bʋa-la lɛ ba jaŋ chɛ dɩ ba na Iziral tɩŋŋaa wʋcheeliŋ. Mɩ-na ma TƖƖNA nɛ bʋla, ama ba bɩ jaŋ na wʋcheeli kala. Ba jaŋ chɛ dɩ ba na Juda nɩaa ma wʋbɔŋŋɔɔ, ama ba bɩ jaŋ na wʋbɔŋ kala, bɛɛ wɩaa mɩ jaŋ joŋ nɩalɩŋ sɩ ka wʋbɔŋŋɔɔ chɛba.

JEMBIEE 4:21

Ma nɩalɩŋ sɩ hɛ Ɛdɔm arɩ ma nɩalɩŋ sɩ hɔŋ Uzi tinteeŋ lɛ maa jʋɔsʋ nɛ arɩ tʋɔtɔrʋŋ. Ama hɛɛ-la jaŋ jʋʋ ma ma, dɩ ma bugi, ba jaŋ wuri ma kɩaa aŋ ka yarɩ-biree.

JEMBIEE 4:6

Ŋɩɩ ba sɩ dɔgɩsɛ mɩ nɩaa nɛ yʋga a kɩɩ ŋɩɩ ba fa sɩ dɔgɩsɛ Sodom nɩaa. Wɩa fa guu cheiba nɛ, ka nʋʋ tuo dɩ ʋ pɛ ba lɛ.

ƐZƖKƖƐL 37:28

Dɩ mɩ nɛ leŋe dɩ mɩ dɩɩ-balɩŋ hɛ ba tʋɔŋ a kaa mʋ wuu, ŋɩɩ nɛ tinteyee nɩaa jaŋ jɩŋ arɩ mɩ-na ma TƖƖNA nɛ lɩɩsɛ Iziral tɩŋŋaa ba ŋaa nɩa sɩ bɩ disiniŋ kɛnɛ.”

ƐZƖKƖƐL 6:12

Nɩalɩŋ sɩ hɛ dɩ-bolii, nyanyal bɔŋŋɔɔ jaŋ kpʋba, nɩalɩŋ sɩ kpaga ma jaŋ sʋʋ laalɩŋ lɛ, nɩalɩŋ ma sɩ ka a bɩ sʋba, losuŋ jaŋ kpʋba. Ŋɩɩ nɛ mɩ jaŋ joŋ mɩ baanɩŋ a fɩɩsɛ ba lɛ.

OBADAAYA 1:10

A tɩŋ ŋ sɩ kɛŋ ŋ naambie Jekɔb yuo yuosuŋ wɩaa, hɩɩsɩŋ jaŋ diiŋ. Ba jaŋ cheyiŋ ta a kaa mʋ wuu.

MALAKAƖ 1:3

aŋ bɛrɛ Ɛsɔ wɩaa a leŋ ʋ tinteeŋ sɩ kɛŋ peelee pɩŋ jikpeeŋ a bɩrɩmɛ jolluŋ dɩ-gɔllʋŋ.

MALAKAƖ 1:4

Ɛsɔ doho nɩaa jaŋ wuo bʋl, ‘La tasɩŋ kala cheye nɛ, ama la jaŋ bɩra saaba.’ ” Ama wɩɩ-la mɩ-na ma TƖƖNA, Wɩɩjarɩbakɔ sɩ bʋla nɛ ŋ-la: “Ba jaŋ saa, ama mɩ jaŋ chei lere-la kala ba sɩ saa. Nɩaa jaŋ yɩyɩrɛ lee-la nɩbɔŋŋɔɔ tinteeŋ, nɩalɩŋ nyuŋ La TƖƖNA baanɩŋ sɩɩ sii bʋa na-kala.