JEMBIEE 4:20 - WƖA TENIŊ

²⁰ Kuoru-la La TƖƖNA sɩ lɩɩsa ŋaa la mɩɩsɩŋ nɛ, ka ba bɛrɛ kɛnʋ. La fa bɩɩna ʋ daanyʋɔsʋŋ lɛ, la jaŋ wuo hɔŋ tinteyee nɩaa tʋɔŋ.

JEMBIEE 4:20 ပူးပေါင်းရင်းမြစ်များ

WƖAA DƖ-SUOMUŊ 2:7

La TƖƖNA Wɩa lɔgɛ tɩɛrɩŋ nɛ a mɛ nuhuobiine aŋ wiese hɛ ʋ mɩɩ-boiŋ lɛ, ʋ kɛŋ mɩɩsɩŋ a wei.

WƖAA DƖ-SUOMUŊ 44:30

Mɩ nyɩmma mɩɩsɩŋ nɛ bile, dɩ mɩ nɛ mɩɩra mʋ mɩ nyɩmma teeŋ aŋ bɩ bile kaa mʋ,

2 SAMƲƐL 1:14

Devit bɩra pɩɛsʋ, “Bɛɛ nɛ saa tɩɩ ŋ bɩ fawʋllʋŋ fá, aŋ kpʋ nɩɩ-la La TƖƖNA sɩ lɩɩsa ʋ ŋaa kuoro?”

2 SAMƲƐL 1:21

A leŋ dɩ duonuŋ sɩ́ Gɩlɩbʋa peelee nyuŋ nɩɩ, dɩ nyalɩŋ ma sɩ́ nɩmɛ nyal, dɩ ba bagɩsɩŋ ma kʋŋ sɩ́ kʋduulii kala kɛŋ dɩ ba kaa ŋaa Wɩɩ-sʋla, bɛɛ wɩaa hɔɔtaala-la laalɩyuori duoruŋ sɩ kaa kɛrɛɛ laa bayuori hɛŋŋɛɛ jʋʋ disiniŋ nɛ. Hɔɔtaala-la Sɔɔl sɩ kaa kɛrɛ laa bayuori hɛŋŋɛɛ, ba bɩra bɩ nʋʋŋ ŋaa tɩsʋ.

2 SAMƲƐL 18:3

Ŋɩɩ nɛ laalɩyuoro-la bʋl, “Ʋ bɩ maga dɩ ŋ mʋ, dɩ la dʋndɔŋŋɔɔ nɛ kirila dɩ la fá, ba sɩpaaŋ jaŋ tuo la-na lɛ. Dɩ ba nɛ kpʋ la kpaa magɛ dɔŋɔ ma, ʋ bɩ jaŋ ŋaaba wɩɩkala. Ama ŋ kɩɩ la nɩaa bʋɩ fii nɛ. Ʋ jaŋ kpɩa dɩ ŋ nɛ hɛ dɩa lɛ, dɩ la nɛ kɛŋ wɩɩ, dɩ ŋ pɛ la lɛ.”

2 SAMƲƐL 19:21

Ŋɩɩ nɛ Zeruya nanʋala Abɩsaɩ bʋl, “Sɩmɛɩ maga dɩ la kpʋʋ nɛ a tɩŋ wɩɩŋ deeŋ wɩaa. Ʋ tʋʋsɛ nɩɩ-la La TƖƖNA sɩ lɩɩsa ʋ ŋaa kuoro nɛ.”

2 IZIRAL TƖŊŊAA NAABARƖŊ 35:25

Ŋɩɩ nɛ Jɛrɩmaaya ta jeŋ-biiŋ a pɩ Josaaya. Arɩ jɩnɩŋ kala gɔgʋ-baalaa arɩ haalaa ha yie ta jeŋ-bii-la nɛ a liliisi Josaaya wɩaa. Ba ŋmʋnsɛ jeŋ-biiŋ deeŋ hɛ ba jeŋ-biee tʋɔŋ nɛ.

AZAAYA 32:2

Ba kʋŋkala jaŋ nagɛ kʋŋ sɩɩ kɛrɛ peliŋ a bɩra ŋaa lee, dɩ peliŋ nɩɩ lu ŋ sɩ jaŋ wuo fá mʋ a faa. Ba jaŋ nagɛ fuoŋ sɩ pɩŋ tintee-hɩlɩŋ lɛ, a bɩra nagɛ bʋŋ sɩ keese tɔ nɩaa lɛ tintee-la lɛ lɩɩnyʋasʋŋ sɩ faasa hɛ.

JƐRƖMAAYA 39:5

Ama Babɩlɔŋ laalɩyuoro-la kire to ba harɩŋ a mʋ kɛŋ Zedikaaya Jeriko tintee-taalɩŋ lɛ. Ba kɛnʋ a kaa mʋ Babɩlɔŋ kuoro Nebukadineza teeŋ Rɩbɩla sɩ hɛ Hamaf tinteeŋ lɛ. Ʋ diiu sarɩya a joŋ cheeriŋ pʋ.

JƐRƖMAAYA 52:8

Ama Babɩlɔŋ laalɩyuoro-la kire to ba harɩŋ, a mʋ puuba Jeriko tintee-taalɩ-la lɛ, Zedikaaya laalɩyuoroo kala fá pɩsɛ aŋ kaʋ.

JƐRƖMAAYA 52:9

Ba kɛnʋ a kaa mʋ Babɩlɔŋ kuoro teeŋ, taŋ-la ba sɩɩ yɩrɛ Rɩbɩla sɩ hɛ Hamaf tinteeŋ lɛ, Nebukadineza diiu sarɩya, a joŋ cheeriŋ pʋ.

JEMBIEE 2:9

Zaayɔŋ boi-baalaa tele nɛ hagɩla tɔ, ba daadoloo bori a chei. Ba kɛŋ ʋ kuoro arɩ ʋ sɩpaalaaraa mʋ yoŋ-baga nɛ, ba guoli tinteyee nɩaa tʋɔŋ. Ba bɩra bɩ wɩalɩŋ ba sɩ ŋmʋnsa bil dɩ ba tuto ka dagɛ. Wɩa wʋlaabʋlla-la sɩ hɛ ʋ lɛ bɩra bɩ wɩaa ka na arɩ duosoo tʋɔŋ La TƖƖNA teeŋ.

ƐZƖKƖƐL 12:13

Mɩ jaŋ yuo mɩ jóŋ a kɛnʋ, mɩ jaŋ kɛnʋ mʋ Babɩlɔŋ, Chalɩdɩ tɩŋŋaa tinteeŋ. Ʋ bɩ jaŋ na lee-la, ama nɩmɛ nɛ ʋ jaŋ sʋʋ.

ƐZƖKƖƐL 17:18

Juda tinteeŋ kuoro bɩ ŋɩɩ ʋ sɩ ŋmɩɛsa kaa tɩŋ, aŋ chei nii-la sɩ hɛ ba pɛgɛ. A tɩŋ ʋ sɩ ŋaa wɩaa deemba kala, ʋ bɩ jaŋ fori.’

ƐZƖKƖƐL 31:17

Nɩalɩŋ ma fa sɩ hɔŋ ʋ fɩɛlɩŋ lɛ, tinteye-la kala fa sɩ pɛ ʋ lɛ, sʋba nɛ ʋ dɩ ba kala mʋ lɛlɛɛ-jaŋ a pɛ nɩalɩŋ ba sɩ kpʋa laalɩŋ lɛ.

DANƖƐL 4:12

Ʋ pɩpaarɩŋ fa zɔmɔ, ʋ nɛnɛɛ yʋga magɛ kʋŋkala diiniŋ. Baga kɩaa pɩpɩŋ ʋ fɩɛlɩŋ lɛ, diibiisiŋ sɩsagɛ ʋ naakelee lɛ a saa ba dɛllɩŋ, kʋŋkala na kɩaa didii ʋ lɛ.

HOSIA 13:10

Nɩɩ nɛ ma kuoro hɛ dɩ ʋ laama ta? Nɩɩ nɛ ma sɩpaalaara-la kala sɩ hɛ ma tasɩŋ lɛ hɛ, nɩalɩŋ ma sɩ sɩ mɩ lɩɩsa pɩma?

SƖPAALAARAA 9:15

Chɛɛ-la bʋla pɩ tɩɩsɩ-la, ‘Dɩ ma nɛ sɛnɛɛ chɛ dɩ ma leŋ dɩ mɩ ŋaa ma kuoro, má kʋ jʋʋ mɩ fɩɛlɩŋ dɩ mɩ tɔ hɛ ma lɛ, dɩ ŋɩɩ dee, nyiniŋ jaŋ lɩɩ mɩ lɛ a joŋ kuolu tɩɩsɩ-la kala sɩ hɛ Lɛbanɔŋ lɛ a dii.’

1 SAMƲƐL 12:3

Mɩ chɩŋ daha nɛ dɩ mɩ pɩɛsɛma: dɩ mɩ ŋaa wʋbɔŋ nʋʋ lɛ, tɩɩna kʋ lɩɩ bʋl La TƖƖNA arɩ kuoru-la ʋ sɩ lɩɩsa sɩpaaŋ. Ma kʋbɛɛ nɛŋ nɛ mɩ ha kaa laa? Ma kʋbɛɛ kakumo nɛ mɩ ha kaa laa? Mɩ ha gʋrɛ ma kʋŋ koo a dɔgɩsɛ ma kʋŋ? Ma kʋbɛɛ teeŋ nɛ mɩ ha laa kpalaa ŋɩɩ leŋ mɩ bɩ mɩ sɩaa wuo kaa suri? Dɩ mɩ nɛ ŋaa wɩaa deemba kʋŋ ma dɔŋɔ lɛ, mɩ jaŋ mɩɩra tiŋ tɩɩna.”

1 SAMƲƐL 12:5

Samʋɛl bɩra bʋl, “La TƖƖNA arɩ kuoru-la ʋ sɩ lɩɩsa nɛ pɛ na jɩnɩŋ, arɩ ma kʋŋkala kɩaa tuo mɩ teeŋ.” Ba bʋl, “La TƖƖNA pɛ na nɛ.”

1 SAMƲƐL 16:6

Ba sɩ mʋa, Samʋɛl na Jesi hambolibii-hɩaŋ ba sɩɩ yɩrɛ Ɛlɩab, a bɩɩnɛ ʋ tʋɔŋ lɛ, “Nɩa deeŋ sɩ chɩŋ La TƖƖNA sɩpaaŋ daha, ʋ nɛ nɩɩ-la ʋ sɩ lɩɩsa.”

1 SAMƲƐL 24:10

Jɩnɩŋ, ŋ tɩtɩa na ŋɩɩ La TƖƖNA sɩ joŋuŋ hɛ mɩ nɩsɩŋ lɛ nɛ bʋ-bʋa-la tʋɔŋ. Mɩ nɩaa dɔnsʋŋ fa sɩ dɩ mɩ kpʋŋ nɛ, ama mɩ-na nɛ ta leŋiŋ. Mɩ sɩ, ‘Mɩ bɩ jaŋ ŋaa mɩ nɩhɩaŋ wʋbɔŋ kala, bɛɛ wɩaa ʋ nɛ nɩɩ-la La TƖƖNA sɩ lɩɩsa ʋ ŋaa kuoro.’

1 SAMƲƐL 24:6

Ʋ mɩɩra mʋ ʋ nɩaa leriŋ, a bʋla pɩba, “La TƖƖNA bɩ chɛ dɩ mɩ joŋ wʋdoho deeŋ a ŋaa mɩ nɩhɩaŋ nɩɩ-la ʋ sɩ lɩɩsa lɛ, koo dɩ mɩ ŋaaʋ wʋbɔŋ kala, bɛɛ wɩaa La TƖƖNA nɛ lɩɩsʋ ʋ ŋaa kuoro.”

1 SAMƲƐL 26:16

Wɩɩ-la ma sɩ ŋaa, ʋ bɩ zɔŋ. La TƖƖNA sɩ weye wɩaa, ŋ dɩ ŋ nɩaa kala fa maga dɩ ma sʋʋ nɛ, bɛɛ wɩaa ma bɩ ma nɩhɩaŋ-la ma TƖƖNA sɩ lɩɩsa ʋ ŋaa kuoro pɔ. Má beŋ ma teeŋ a na, nɩɩ nɛ kuoro timiŋ arɩ ʋ lɩɩŋ loŋ-la sɩ chɩŋ ʋ nyuŋ hɛ?”

1 SAMƲƐL 26:9

Ama Devit ma fɩɛla bʋla pɩ Abɩsaɩ, “Pʋpɔ ŋ sɩ́ ʋ kpʋ. Nʋʋkala tuo sɩ jaŋ kpʋ nɩɩ-la La TƖƖNA sɩ lɩɩsa ʋ ŋaa kuoro, aŋ bɩ cheeriŋ jaŋ laa La TƖƖNA teeŋ.”