JEMBIEE 4:19 - WƖA TENIŊ

¹⁹ Nɩalɩŋ sɩ kiree to la harɩŋ naachɛɛŋ lɩma a kɩɩ kachuuŋ sɩɩ fil. Ba kirila baarɛ peelee nyuŋ nɛ, a faa gbɛrɛla tintee-hɩlɩŋ lɛ.

JEMBIEE 4:19 ပူးပေါင်းရင်းမြစ်များ

JƐRƖMAAYA 16:16

Ama lɛɛlɛ, mɩ-na ma TƖƖNA jaŋ tɩma yɩrɛ nɩ-daŋ dɩ ba kʋ kɛsɛ nɩaa deemba a nagɛ chenfil-kpʋʋra sɩɩ kɛsɛ chenfilee. Ʋ ŋɩɩ harɩŋ lɛ, mɩ jaŋ tɩma yɩrɛ nambagɩlaa ma a yʋgɛ, dɩ ba kʋ bagɩla kɛsɛba peelee arɩ dundolluŋ nyuŋ arɩ bʋ-pɛgɩsɩŋ lɛ.

JƐRƖMAAYA 4:13

Má bee na, dʋndɔmɔ ka kɔ nɛ a nagɛ duoŋ-bɩlɩmbaanaa, ʋ janɩŋ torukoba ka kɔ nɛ a nagɛ pel-vinvilimiŋ, ka ʋ janɩŋ naasɩŋ lɩma kɩɩ kachuunuŋ sɩɩ fil. Wɩɩŋ puula, la dɩdɛrɩŋ nɛ ŋɩɩ.

JEMBIEE 1:13

Ʋ leŋe nyiniŋ lɩɩ wɩa-nyuŋ dɩ-bolii nɛ, a kʋ tuu jʋʋ mɩ haŋgbelee. Ʋ hɛ bɛrɛ́ a kɛmmɛ nɛ a kɛmmɛ mʋ harɩŋ. Ʋ vɩamɛ ta nɛ, mɩ nɩna hɛɛŋ tapʋlɩɩ kala.

HOSIA 8:1

La TƖƖNA sɩ, “Má ŋmʋʋ banyile, dʋndɔŋŋɔɔ nagɛ kachuuŋ nɛ aa zaarɛ mɩ-na ma TƖƖNA dɩa nyuŋ, bɛɛ wɩaa mɩ nɩaa chei nii-la sɩ hɛ mɩ dɩ ba pɛgɛ nɛ, a vɩa wombii-la ma mɩ sɩ bile dɩ ba tuto.

HOSIA 8:3

Ama Iziral tɩŋŋaa vɩa wɩalɩŋ sɩ zɔmɔ nɛ, ba dʋndɔŋŋɔɔ jaŋ kire to ba harɩŋ.

LEVI DOHO NƖAA 26:36

Ma nɩalɩŋ kala sɩ ka a hɛ ma dʋndɔŋŋɔɔ tinteyee lɛ, mɩ jaŋ joŋ fawʋllʋŋ hɛ ma lɛ, dɩ wʋbie kala nɛ ŋaa, dɩ ma bɔɩsɩŋ joŋ. Ma jaŋ fá a foro titel a nagɛ laalɩŋ sɩɩ kiri nɩaa, ka nʋʋkala bɩ maa kiri.

AMƆS 2:14

Dɩ ma nɛ kɛŋ naaduoruŋ, ma bɩ jaŋ wuo fá lɛl. Dɩ ma kɛŋ doluŋ ma, ʋ jaŋ dɛrɛ, laalɩyuoru ma bɩ ʋ mɩɩsɩŋ wuo yuo laa.

HABAKU 1:8

Ba janɩŋ ma naaŋ lɩma a kɩɩ kpeyee, ba kɛŋ baanɩŋ a kɩɩ guŋguro losuŋ sɩ kɛnɛ dɩdaanɩŋ nɛ. Ba ja-laalɩŋ paa puu dɔŋɔ nɛ a kʋkɔ. Ba ja-jɩllaa lɩɩ dɩ-bolii nɛ a kʋkɔ. Ba file nɛ a kʋkɔ ba dʋndɔŋŋɔɔ lɛ a nagɛ kachuuŋ sɩɩ tuu dɩ ʋ joŋ kʋa.

MOSIS BƖRA WULLI WƖA WOMBIIŊ 28:49

La TƖƖNA jaŋ kɛŋ tinteeŋ nɩaa yikoro ma sɩ bɩ nɩɩ a lɩɩ dʋnɩa lee sɩ bolie a kʋ hɛ ma lɛ dɩ ba yuoma a nagɛ kachuuŋ sɩ yie kʋ tuu jiŋŋee lɛ ŋɩɩ.