JEMBIEE 4:17 - WƖA TENIŊ

¹⁷ La bee chɩchɛ nʋʋ nɛ dɩ ʋ kʋ pɛ la lɛ a lɔl, La sɩ sagɛ dɩɩ-leŋee nyuŋ a bee chɩchɛ tintee-la nɩaa dɩ ba pɛ la lɛ, ba bɩ jaŋ wuo laala ta.

JEMBIEE 4:17 ပူးပေါင်းရင်းမြစ်များ

2 KUOROO 24:7

Ŋɩɩ nɛ Ijipiti tinteeŋ kuoro Neko arɩ ʋ laalɩyuoroo bɩra bɩ ba tinteeŋ lɛ lɩa dɩ ʋ yuo Juda tinteeŋ nɩaa, bɛɛ wɩaa Babɩlɔŋ kuoro fa laa Ijipiti tinteeŋ kala nɛ, a chɩŋ fuo-la ba sɩɩ yɩrɛ Yufireti a kaa mʋ yi Ijipiti tinteeŋ wɩɩpɔsʋŋ nagʋa bʋa.

AZAAYA 20:5

Nɩalɩŋ kala sɩ joŋ ba yɩɛlaa Kus lɛ, aŋ bibigisi Ijipiti lɛ, fawʋllʋŋ jaŋ kɛmba, dɩ hɩɩsɩŋ diiba.

AZAAYA 28:18

Ma dɩ sʋʋŋ sɩ bil nii-la pɩ dɔŋɔ bɩra bɩ jaŋ chɩŋ, ma dɩ lɛlɛɛ-jaŋ bʋla nɩɩ-la ma jaŋ birigi. Dɩ wʋlɔrʋnʋŋ nɛ kɔ, ʋ jaŋ cheima.

JƐRƖMAAYA 2:18

Lɛɛlɛ, wʋbɛɛ nɛ ma bɩɩnɛ ma jaŋ na dɩ ma nɛ mʋ Ijipiti tinteeŋ a nyʋa fuo-la ba sɩɩ yɩrɛ Naayɩl lɩɩŋ? Koo dɩ ma nɛ mʋ Asiiria tinteeŋ a nyʋa fuo-la ba sɩɩ yɩrɛ Yufireti lɩɩŋ?

JƐRƖMAAYA 2:36

Bɛɛ nɛ tɩɩ ma bɩ dɩ-bala chɩna aŋ kɛŋ ma wʋŋaalaa bɩbɩrɩmɛ ŋɩɩ? Asiiria tɩŋŋaa fa sɩ leŋe ma dii hɩɩsɩŋ ŋɩɩ, ŋɩɩ tɩtɩa nɛ Ijipiti tɩŋŋaa ma jaŋ leŋ dɩ ma dii hɩɩsɩŋ.

JƐRƖMAAYA 2:37

Ma jaŋ paa ma nɩsaa chʋŋ ma nyuŋ lɛ a lɩɩ tinteeŋ lɛ, bɛɛ wɩaa mɩ-na ma TƖƖNA vɩa nɩalɩŋ lɛ ma sɩ joŋ ma yɩɛlaa hɛ nɛ. Ba bɩ jaŋ pɛ ma lɛ.”

JƐRƖMAAYA 8:20

Jɛrɩmaaya bɩra bʋl, “Baga kɩaa ŋaanɩŋ bala nɛ, lɩmbaŋa dɛrɛ nɛ, ka nʋʋkala bɩ la laata.

JEMBIEE 1:19

Mɩ yɩrɛ mɩ sɩŋŋaa, ka ba vɩa dɩ ba pɛ mɩ lɛ. Mɩ Wɩɩsʋllɩ sɩpaalaaraa arɩ mɩ nɩhɩasɩŋ, sʋba nɛ tabal-la lɛ bʋa-la lɛ ba sɩ gɔllɔɔ chɛ kʋdiilee dɩ ba dii a kɛŋ mɩɩsɩŋ.

JEMBIEE 1:7

Tapʋlɩa-la wɩaa sɩ jʋʋba ba gɔllɔ bɩbaarɛ, Jerusalɛm nɩaa liise yi ba dʋa-la kala wɩaa nɛ, kɩalɩŋ ba sɩ kɛnɛ faafaa-la. Ʋ nɩaa sɩ jʋʋ ba dʋndɔŋŋɔɔ nɩsɩŋ, nʋʋ tuo dɩ ʋ pɛ ba lɛ. Ʋ dʋndɔŋŋɔɔ benu nɛ aŋ mɔŋ ʋ sɩ cheye lɛ.

JEMBIEE 5:6

La joŋ la tɩtɩa pɩ Ijipiti arɩ Asiiria tɩŋŋaa nɛ, dɩ la wuo na kʋdiilee dii.

ƐZƖKƖƐL 29:16

Ijipiti tinteeŋ bɩra bɩ jaŋ ŋaa lee Iziral tɩŋŋaa sɩ jaŋ joŋ ba yɩɛlaa hɛ. Ama ba jaŋ liliisi wʋbɔmɔ-la ba sɩ ŋaa, ba sɩ kɛŋ ba tɩtɩa mʋ mɛrɛ Ijipiti tɩŋŋaa lɛ dɩ ba pɛ ba lɛ. Ŋɩɩ nɛ Iziral tɩŋŋaa jaŋ jɩŋ arɩ mɩ nɛ ba TƖƖNA Wɩɩjarɩbakɔ.”