JEMBIEE 4:16 - WƖA TENIŊ

¹⁶ La TƖƖNA tɩtɩa nɛ kɛmba pɩsɛ, ʋ bɩra bɩ ba nyuŋ ka beŋ. Ʋ bɩra bɩ nɩalɩŋ sɩ kpʋ pʋsʋŋ pʋpʋ ka zil, ʋ sɩpaa tuo nɩhɩasɩŋ lɛ.

JEMBIEE 4:16 ပူးပေါင်းရင်းမြစ်များ

WƖAA DƖ-SUOMUŊ 49:7

Mɩ ŋmɩɛsa hɛ ma lɛ a tɩŋ ma baanɩŋ arɩ ma tʋɔhɛɛŋ sɩ faasa yʋgɛ wɩaa nɛ. Mɩ jaŋ kɛmma pɔrɛ mɩ-na Jekɔb biiriŋ tʋɔŋ, aŋ kɛmba pɩsɛ Iziral tinteeŋ lɛ.

2 IZIRAL TƖŊŊAA NAABARƖŊ 36:17

Ŋɩɩ nɛ ʋ lɛrɛ Babɩlɔŋ kuoro kʋ hɛ ba lɛ, ʋ kpʋ ba baalaa arɩ haalaa, hambiisiŋ arɩ nɩhɩasɩŋ kala, a kpʋ ba bapʋɔsaa ma sɩ paala hɛ Wɩa dɩɩ-bal-la lɛ. Wɩa fa joŋ ba kala hɛ Nebukadineza nɩsɩŋ lɛ nɛ.

WƖA YƖƖLAA 106:27

aŋ kɛŋ ba doho nɩaa pɩsa hɛ tinteyee lɛ a leŋ ba guoli tintee-wogusuŋ nɩaa tʋɔŋ.

WƖA YƖƖLAA 106:44

Ama ʋ ha laa ba sʋla nɛ, hɛɛŋ sɩ jʋʋba, ba ŋmoo niiŋ ʋ nɩɩ.

AZAAYA 24:2

Wɩɩsʋllɩ sɩpaalaaraa, arɩ nʋʋkala, yosuŋ arɩ nɩalɩŋ sɩ tɩɩ ba tɩtɩa, haalaa arɩ ba ketiee, nɩalɩŋ sɩɩ yallɛ kɩaa arɩ nɩalɩŋ sɩɩ yɔɔ, nɩalɩŋ sɩ joŋ kɩaa chɩchɩŋ nɩaa arɩ chɩŋ-diiree, kɩaa tɩŋŋaa arɩ summoo, ba kala lɛ nɛ wɩɩŋ deeŋ jaŋ ŋaa.

AZAAYA 47:6

Mɩ fa na baanɩŋ nɛ mɩ nɩaa nyuŋ a joŋ wɩaa ŋaa ba lɛ arɩ mɩ dee bɩra bɩ ba tɩɩ. Mɩ sɩ jomba a hɛ ŋ nɩsɩŋ lɛ, ŋ bɩ ba nenige fá. Nɩalɩŋ ma sɩ paala hɩɛsɛ, ŋ dɔgɩsɛba nɛ woruŋ.

JƐRƖMAAYA 15:4

Mɩ jaŋ ŋaa dɩ ba nagɛ kʋŋ sɩɩ sʋɔrʋ dʋnɩa kuoroo kala teeŋ, a tɩŋ wɩalɩŋ Hezikaaya nanʋala Manasɛ sɩ dii Juda tinteeŋ kuoruŋ a ŋaa Jerusalɛm lɛ wɩaa.

JƐRƖMAAYA 24:9

Mɩ jaŋ lɛrɛ wʋlɔrʋŋ kʋ hɛ ba lɛ, dɩ ba nagɛ kʋŋ sɩɩ sʋɔrʋ dʋnɩa tinteyee nɩaa kala teeŋ. Hɩɩsɩŋ jaŋ diiba dɩ nɩaa sisieri ba lɛ. Nɩaa jaŋ kɛŋ ba yɩrɩŋ ŋmɩɛsa hɩhɛ nɩaa lɛ lee na-kala mɩ sɩ kɛmba pɩsa hɛ.

JƐRƖMAAYA 52:24

Nebuzaradaŋ fa pɛ kɛsɛ Sɛraaya sɩ ŋaa Wɩɩsʋllɩ sɩpaalaaraa kʋhɩaŋ nɛ arɩ Zefanaaya ma sɩɩ tɩgɛ ʋ lɛ, arɩ nɩalɩŋ batori sɩɩ pɔ Wɩa dɩɩ-bal-la boyee.

JEMBIEE 2:20

La TƖƖNA, beŋ mɩ wɩɩŋ a na: Kʋbɛɛ nɛ ŋ ha ŋaa ʋ na hɛɛŋ ŋ-la? Haalaa kɛsɛ ba biiriŋ didii, biiri-la ba sɩ dɩɛsa. Ba kpʋkpʋ ŋ Wɩɩsʋllɩ sɩpaalaaraa arɩ ŋ wʋlaabʋllaa ŋ dɩɩ-balɩŋ lɛ.

JEMBIEE 2:6

Wɩa chei ʋ dɩɩ-balɩŋ a nagɛ ba sɩ kɛŋ lɩga churi nɛ, ʋ chei lee-la ba sɩ yie hilimi ʋ yɩrɩŋ lɛ nɛ. La TƖƖNA leŋe Zaayɔŋ nɩaa yʋ ba gbielee tapʋlaa arɩ chɛ-wiesie-la wɩaa nɛ. Ʋ baanɩŋ sɩ faasa sii, ʋ vɩa kuoro arɩ ʋ Wɩɩsʋllɩ sɩpaalaaraa kala nɛ.

JEMBIEE 5:12

Ba kɛsɛ la sɩpaalaaraa a lieŋi nɛ, a bɩ la nɩhɩasɩŋ ma ka zil.

ƐZƖKƖƐL 5:10

Jerusalɛm, ŋ lɛ nyɩmmaba jaŋ chaŋ ba biiriŋ, dɩ biiriŋ ma chɩchaŋ ba nyɩmmaba. Mɩ jaŋ dɔgʋsʋŋ, aŋ kɛŋ ŋ nɩalɩŋ sɩ ka kaa pɩsa hɛ lee-kala.

MOSIS BƖRA WULLI WƖA WOMBIIŊ 28:25

La TƖƖNA jaŋ leŋ dɩ ma dʋndɔŋŋɔɔ yuo diima. Ma jaŋ to dɩ-bala a mʋ dɩ ma yuoba, ama ba jaŋ kirima dɩ ma fá pɩsɛ a chɩchɛ dɩ ma laa ma tɩtɩa. Dʋnɩa nɩaa kala jaŋ na wɩɩ-la sɩ ŋaa ma lɛ dɩ fawʋllʋŋ faasa kɛmba.

MOSIS BƖRA WULLI WƖA WOMBIIŊ 32:26

Mɩ fa sɩ mɩ jaŋ kɛmba pɩsɛ aŋ leŋ dɩ ba yɩrɩŋ lɛl dʋnɩa lɛ.

Hiburu TƖŊŊAA 8:9

Ʋ bɩ jaŋ nagɛ nii-la mɩ fa sɩ bile mɩ dɩ ba naabalɩmaba pɛgɛ, bʋa-la lɛ mɩ sɩ kɛmba kaa kʋʋ lɩɩ Ijipiti tinteeŋ lɛ. Ba fa bɩ mɩ nii-la lɛ to, ŋɩɩ nɛ tɩɩ mɩ joŋ harɩŋ yɩaba.”