9 Ʋ paa tabɩaa nɛ a kɛrɛ mɩ wɛnɩŋ, a leŋ mɩ wombiee golibi.
Wɩa tɔ mɩ wombiiŋ nɛ dɩ mɩ sɩ́ wuo bal. Ʋ joŋ birimiŋ tɔ mɩ wombiiŋ nɛ.
Ʋ wiese peliŋ nagɛ fuoŋ lɩɩŋ sɩ suo a jɩla sɩɩrɛ nɛ, dɩ ʋ chei tinteyee kala a paa chesi. Ʋ joŋ niiŋ koŋ nɛ a hɛ nɩaa niiree lɛ dɩ ʋ lɛrɛ ba mʋ hɛ sʋʋŋ lɛ.
La TƖƖNA, bɛɛ nɛ tɩɩ ŋ leŋ la yeŋŋi ŋ wombiee lɛ? Bɛɛ nɛ tɩɩ ŋ ŋaa la kɛŋ nyuduoŋ a bɩra bɩŋ ka fá? Laala, a tɩŋ la sɩ ŋaa ŋ tɩntɩnnaa arɩ ŋ nɩaa wɩaa.
Ʋ pɩna gbɛrɛmɛ a nagɛ lʋgʋmʋŋ nɛ, a nagɛ naachigiŋ sɩ faa.
Ʋ lɛrɛ lɩɩsɛmɛ mɩ wombiiŋ lɛ a kɛmmɛ pʋɔsɛ nɛ aŋ lemmi ta.
Ŋɩɩ wɩaa, mɩ jaŋ ta sɔsʋŋ a tɔ ʋ wombiiŋ, mɩ jaŋ saa jeeŋ a kɛrʋ dɩ ʋ sɩ́ wuo na wombiiŋ a lɩɩ.