JEMBIEE 3:57 - WƖA TENIŊ

⁵⁷ Mɩ sɩ yɩrɩŋ, ŋ kʋ kpagɛmɛ nɛ, a bʋla pɩmɛ, “Sɩ́ fawʋllʋŋ fá.”

JEMBIEE 3:57 ပူးပေါင်းရင်းမြစ်များ

WƖAA DƖ-SUOMUŊ 26:24

Tɩtaŋ-la tɩtɩa nɛ Wɩa kɛŋ ʋ tɩtɩa kʋ dagʋ aŋ bʋl, “Mɩ nɛ ŋaa ŋ nyɩmma Abɩraham Wɩa. Sɩ́ leŋe dɩ fawʋllʋŋ kɛnɩŋ. Mɩ hɛ ŋ harɩŋ, mɩ jaŋ pɛ ŋ lɛ a leŋ dɩ ŋ doho nɩaa pʋŋ a tɩŋ mɩ tɩntɩnna Abɩraham wɩaa.”

2 KUOROO 19:6

ʋ ma bɩra tɩmba, “Má mʋ bʋla pɩ ma nɩhɩaŋ dɩ wɩɩ-la La TƖƖNA sɩ bʋla nɛ ŋ-la, ‘Sɩ́ leŋe dɩ fawʋllʋŋ kɛnɩŋ a mʋ tɩgɛ wɩalɩŋ Asiiria kuoro tɩndaara-la sɩ bʋla a tʋʋsɛ mɩ-na Wɩa joŋŋoo.

WƖA YƖƖLAA 138:3

Mɩ sɩ sʋlʋŋ dɩ ŋ pɛ mɩ lɛ, ŋ laa mɩ sʋla nɛ, a leŋ mɩ nyuŋ nyaasɛ, mɩ yaraa polli.

WƖA YƖƖLAA 145:18

La Tɩɩna kpagɛ nɩalɩŋ kala sɩɩ yɩrʋ nɛ, nɩalɩŋ kala sɩɩ yɩrʋ arɩ wʋtɩtɩɩ.

WƖA YƖƖLAA 69:18

Kʋ kpagɛ a laamɛ ta, laamɛ ta mɩ dʋndɔŋŋɔɔ nɩsɩŋ lɛ.

AZAAYA 41:10

Má sɩ́ fawʋllʋŋ fá, mɩ hɛ ma teeŋ nɛ. Má sɩ́ leŋe dɩ ma tʋɔŋ vʋgʋmɛ, mɩ nɛ ma Wɩa. Mɩ jaŋ pɛ ma lɛ a pɩma doluŋ, mɩ jaŋ pɔma a laama ta.

AZAAYA 41:14

La TƖƖNA, ma Laataara sɩ ŋaa Iziral tɩŋŋaa Wɩa a bɩ disiniŋ kɛnɛ sɩ, “Iziral tɩŋŋaa ma muuro nɛ a bɩ doluŋ ma kɛnɛ, ama má sɩ́ fawʋllʋŋ fá, mɩ jaŋ pɛ ma lɛ.

AZAAYA 58:9

Mɩ-na ma TƖƖNA jaŋ jegile nɩɩ ma Wɩɩsʋlʋŋ. Dɩ ma nɛ bunso pɩmɛ, mɩ jaŋ pɛ ma lɛ, dɩ ma nɛ bɩ nɩaa ka dɔgɩsɛ, a bɩ mɛl-bɔŋ kala doho kɛnɛ arɩ dɔŋɔ, a bɩ wʋbɔŋŋɔɔ ka bʋl dɔŋɔba teeŋ,

JƐRƖMAAYA 1:17

Kɛŋ ŋ tɩtɩa hɛ dɔŋɔ a mʋ bʋl wɩɩ-la kala mɩ sɩ jaŋ bʋla pɩŋ a pɩba. Sɩ́ ba fá, ŋɩɩ dee mɩ jaŋ leŋ dɩ fawʋllʋŋ kɛnɩŋ ba sɩpaaŋ.

Tɩntɩŋŋaa 18:9

Tɩtaŋ kʋbala Pɔɔl na arɩ duosoo tʋɔŋ dɩ Wɩa bʋla pʋ, “Sɩ́ fawʋllʋŋ fá. Ha bʋl wɩaa pɩpɩ nɩaa a sɩ́ leŋ.

Tɩntɩŋŋaa 27:24

a bʋla pɩmɛ, ‘Pɔɔl, sɩ́ fawʋllʋŋ fá. Ŋ jaŋ mʋ chɩŋ kuoru-balɩŋ Siiza sɩpaaŋ. Wɩa tɩŋ ŋ wɩaa nɛ a leŋ ŋ dɩ nɩalɩŋ kala sɩ hɛ lɩɩŋ daboro tʋɔŋ, kɛŋ mɩɩsɩŋ.’

Hiburu TƖŊŊAA 7:19

Wɩalɩŋ Mosis fa sɩ ŋmʋnsa bil dɩ nɩaa tuto bɩ jaŋ wuo leŋ dɩ nʋʋkala wuo chaasa ŋaa nɩzɔŋ. Wʋfalaa nɛ lɛɛlɛ Wɩa bil dɩ la tuto, wɩalɩŋ sɩ jaŋ leŋ dɩ la mʋ kpagʋ.

Jeems 4:8

Má sʋrɩsa mʋ kpagɛ Wɩa, ʋ ma jaŋ kʋ kpagɛma. Má sɔŋ ma nɩsaa lɩɩsɛ wʋbɔŋŋɔɔ ŋaanɩŋ lɛ, a pʋllɛ ma tʋɔŋ, a bɩra sɩ́ tʋɔbɩɩŋ lɔrʋnʋŋ bɩɩnʋ, bɛɛ wɩaa ma kɛŋ tʋɔbɩɩnaa balɩa balɩa nɛ.

Jɔɔŋ Wʋnaalaa 1:17

Mɩ sɩ naʋ ŋɩɩ, mɩ tuu tel ʋ sɩpaaŋ a pɩŋ nɩmɛ chɩm a nagɛ dɩ mɩ sʋba. Ŋɩɩ nɛ ʋ joŋ ʋ nadiiŋ nɩsɩŋ daŋ mɩ lɛ aŋ bʋla pɩmɛ, “Sɩ́ fawʋllʋŋ fá, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ.

Jɔɔŋ Wʋnaalaa 2:10

Má sɩ́ leŋe dɩ fawʋllʋŋ kɛmma a mʋ tɩgɛ hɛɛ kala ma sɩ jaŋ na lɛ. Mɩ bʋlaa pɩma, Sɩtaanɩ jaŋ magɩsɛ ma dɔnsʋŋ a leŋ dɩ ba kɛmma tɔ bɩnɩŋ dɩa. Ma jaŋ na hɛɛŋ a yi tapʋlaa fii. Dɩ ba nɩɩ chɛ dɩ ba kpʋma ma, ma-na ha chɩŋ wɩalɩŋ ma sɩ laa dii lɛ. Dɩ ma nɛ ŋaa ŋɩɩ, mɩ jaŋ joŋ mɩɩ-zɔmʋŋ pɩma Wɩa-jaŋ lɛ.