54 Lɩɩŋ tɔ mɩ nyuŋ, mɩ bɩɩnɛ dɩ mɩ sʋba nɛ.
Ŋɩɩ nɛ tɩɩ ŋ leriŋ faasa biri ŋɩɩ, ŋ bɩ wuo nɩna, wɩaa tɔŋ a nagɛ lɩɩŋ sɩ tɔ leriŋ.
Sʋʋŋ vɔɔmɛ nɛ arɩ ʋ ŋmɛsɩŋ, a nagɛ fuo sɩ suo, ʋ fa ka mʋa dɩ ʋ pɛllɛ jommi a liŋ.
Fawʋllʋŋ fa kɛmmɛ nɛ mɩ bɩɩnɛ arɩ ŋ kirimi ta nɛ ŋ sɩpaaŋ. Ama ŋ nɩɩ mɩ nii-ŋmobo nɛ mɩ sɩ yɩrɩŋ dɩ ŋ pɛ mɩ lɛ.
Sɩ́ leŋe dɩ lɩɩŋ pɛllɛ tɔmɛ. Sɩ́ leŋe dɩ mɩ tuu lɩɩŋ bʋbʋɔŋ, dɩ sʋʋŋ kɛmmɛ.
Ŋ baanɩŋ nagɛ lɩɩ-pel-duoŋ nɛ a tɔmɛ, fawʋlɩbɩ wɩalɩŋ ŋ sɩ ŋaa mɩ lɛ cheimi nɛ.
Ba kɛnʋ nɛ a dɔgɩsʋ, a dii ʋ sarɩya, aŋ kɛnʋ mʋ kpʋ. Ʋ nɩaa tɩtɩa bɩ jɩŋ bʋa-la lɛ arɩ ba wʋbɔŋŋɔɔ wɩaa nɛ ʋ sʋʋ.
Ŋɩɩ nɛ mɩ bʋl, “Mɩ wɩɩkala dɛrɛ nɛ, wɩalɩŋ kala mɩ fa sɩɩ yɩɛlɛ La TƖƖNA teeŋ lɛlɛ nɛ.”
Ŋɩɩ nɛ ʋ bʋla pɩmɛ, “Nuhuobiiŋ, haŋgbelee deemba nɛ ŋaa Iziral tɩŋŋaa kala. Ba sɩ, ‘La haŋgbelee kala hɩla nɛ, la bɩra bɩ yɩɛlaa kɛnɛ, la lɛlɛ nɛ.’
Nɩɩ-la kala sɩ sʋl kɩaa Wɩa teeŋ, ʋ yie laa nɛ. Nɩɩ-la kala sɩɩ chɛ kɩaa, ʋ yie na nɛ. Nɩɩ-la ma kala sɩ du boro, ba yie kaa suro pʋ nɛ.
