JEMBIEE 3:40 - WƖA TENIŊ

⁴⁰ Má leŋ dɩ la beŋ la wʋŋaalaa aŋ kɛmba bɩɩna na, aŋ mɩɩra mʋ La TƖƖNA teeŋ.

JEMBIEE 3:40 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 30:6

Kuoro arɩ ʋ tɩntɩnnɩ-hɩasɩŋ hɛ nɩaa ba kɛŋ tenniŋ gɔllɛ Iziral arɩ Juda tinteeŋ kala. Ŋ-la nɛ ba ŋmʋnsa hɛ tenni-la tʋɔŋ: “Iziral tɩmma, má mɩɩra kɔ La TƖƖNA, Abɩraham, Aɩzɩk arɩ Jekɔb Wɩa teeŋ, ma nɩkaana-la sɩ fori Asiiria kuoroo nɩsɩŋ lɛ, ʋ jaŋ laama.

2 IZIRAL TƖŊŊAA NAABARƖŊ 30:9

Dɩ ma nɛ mɩɩra kɔ La TƖƖNA teeŋ, ʋ jaŋ leŋ dɩ ma dʋndɔmɔ-la fa sɩ yuo kɛsɛ ma naambiiriŋ arɩ ma biiriŋ fá ba nenige, a jomba ta dɩ ba mɩɩra kɔ dɩa. Ma TƖƖNA Wɩa kɛŋ zile a fɩfá nɩaa nenige. Dɩ ma nɛ mɩɩra kɔ ʋ teeŋ, ʋ jaŋ laama.”

WƖA YƖƖLAA 119:59

Mɩ beŋ ŋɩɩ mɩ mɛlɛ sɩ naga nɛ, aŋ bɩrɩmɛ aa to wɩalɩŋ ŋ sɩ daga.

WƖA YƖƖLAA 4:4

Dɩ ma nɛ na baanɩŋ, má sɩ́ leŋe dɩ baaŋ-la leŋ dɩ ma ŋaa wʋbɔŋ. Dɩ ma nɛ jʋʋ bɔsɔ, má pɩŋ sɔm a bɩbɩɩnɛ wɩalɩŋ.

AZAAYA 55:7

Nɩbɔŋŋɔɔ, má leŋ wʋbɔmɔ-la ma sɩɩ ŋaa, aŋ bɩrɩmɛ ma tʋɔbɩɩnaa. Má mɩɩra kɔ ma TƖƖNA Wɩa teeŋ, ʋ jaŋ fá ma nenige aŋ joŋ ma wʋbɔŋŋɔɔ chɛma lɩma.

ƐZƖKƖƐL 18:28

Dɩ ʋ nɛ bee na arɩ wɩalɩŋ ʋ sɩɩ ŋaa ba bʋa lɛ dee, a leŋ wʋbɔmɔ-la ŋaanɩŋ, ʋ bɩ jaŋ sʋʋ, ʋ jaŋ kɛŋ mɩɩsɩŋ.

HOSIA 12:6

Ŋɩɩ wɩaa mɩɩra mʋ ŋ Wɩa teeŋ, a chou aŋ pɛ kɛŋ wʋtɩtɩɩ, a gbɛrɛ ŋ Wɩa bʋa na-kala.

HOSIA 5:15

Ŋɩɩ lɛ nɛ mɩ jaŋ mɩɩra mʋ mɩ dɩjʋʋlʋŋ a kaa mʋ yi bʋa-la lɛ ba sɩ jaŋ sɛɩ dɩ ba cheye nɛ, a bee chɩchɛmɛ. Hɛɛŋ nɛ jʋʋba, ba jaŋ chaasa bee chɩchɛmɛ.”

HOSIA 6:1

Iziral tɩŋŋaa sɩ, “Má kɔ dɩ la mɩɩra mʋ La TƖƖNA teeŋ. Ʋ kɛnla pʋɔsɛ muno muno nɛ, ama ʋ jaŋ vaarɛla. Ʋ pɩrɛla nɛ, ama ʋ jaŋ vɔɔ tɔ la naawɩɩlaa.

Tɩntɩŋŋaa 26:20

Ŋɩɩ nɛ mɩ suomo bʋl Wɩa wɩaa Damasɩkʋs lɛ arɩ Jerusalɛm lɛ a kaa mʋ Judiya tinteeŋ kala, arɩ nɩalɩŋ sɩ bɩ Juu tɩmma ŋaa tʋɔŋ. Mɩ bʋla pɩba dɩ ba bɩrɩma lɩɩ ba wʋbɔŋŋɔɔ lɛ aŋ bɩrɩma to Wɩa, a ŋɩŋaa wɩalɩŋ sɩ jaŋ dagɛ arɩ ba bɩrɩma lɩɩ ba wʋbɔŋŋɔɔ lɛ nɛ.

1 Kɔrɩntɩ Nɩaa 11:28

Nʋʋkala maga dɩ ʋ laa sɩpaaŋ a beŋ ʋ tɩtɩa lɛ woruŋ aŋ-na dii boroboro-la, a nyʋa nyʋnyʋala-la tʋɔŋ ma.

1 Kɔrɩntɩ Nɩaa 11:31

Dɩ la nɛ laa sɩpaaŋ beŋ la tɩtɩa lɛ, la bɩ jaŋ kɛŋ la tɩtɩa baŋŋaa kaa hɛ ŋmɛnɩŋ lɛ Wɩa teeŋ.

2 Kɔrɩntɩ Nɩaa 13:5

Má beŋ ma tɩtɩa lɛ a pɛ mɩmagɩsɛ ma tɩtɩa, a na dɩ ma chɩŋ ma wɩalɩŋ ma sɩ laa dii naaŋ lɛ nɛ koo ma bɩ chɩna. Ma bɩ jɩŋ arɩ Yesu Kirisito hɛ ma lɛ nɛɛ? Dɩ ma nɛ bɩ jɩŋ dɩ ʋ hɛ ma lɛ, ŋɩɩ-na ma tele nɛ ŋɩɩ.

MOSIS BƖRA WULLI WƖA WOMBIIŊ 4:30

Dɩ wɩaa deemba kala nɛ ŋaa ma lɛ, dɩ hɛɛŋ jʋʋma, ʋ ŋɩɩ harɩŋ ma jaŋ mɩɩra kɔ ma TƖƖNA Wɩa teeŋ a sɛyʋ.