JEMBIEE 3:39 - WƖA TENIŊ

³⁹ Bɛɛ nɛ tɩɩ nuhuobiiŋ kala jaŋ gʋrɩmɛ wɩaa dɩ ba nɛ dɔgʋsʋ a tɩŋ ʋ wʋbɔŋŋɔɔ wɩaa?

JEMBIEE 3:39 ပူးပေါင်းရင်းမြစ်များ

2 KUOROO 3:13

Elaasa pɩɛsɛ kuoro Joram, “Bɛɛ kʋŋ wɩɩ nɛ ŋ chɛ mɩ teeŋ? Mʋ pɩɛsɛ ŋ nyɩmma arɩ ŋ naaŋ veŋ-vʋgʋra-la.” Joram bʋl, “Aɩ, La TƖƖNA nɛ yɩrɛ la kuoroo deemba batori kʋ lɩɩ dɩ ʋ joŋ la hɛ Mʋab tɩŋŋaa nɩsɩŋ lɛ.”

2 KUOROO 6:32

Ŋɩɩ nɛ kuoro tɩŋ nʋʋ dɩ ʋ mʋ Elaasa teeŋ. Ʋ mʋa dɩ ʋ dɩ Iziral tɩŋŋaa nɩhɩasɩŋ hɔŋ ʋ dɩa lɛ. Elaasa bʋla pɩ nɩhɩasɩ-la, “Má bee na, nɩkpʋʋra tɩŋ nʋʋ nɛ ʋ kʋkɔ dɩ ʋ keri mɩ nyuŋ. Dɩ tɩndaarʋ-la nɛ kɔ, má kɛŋ boiŋ yagɛ dɩ ʋ sɩ́ jʋʋ. Kuoro ma tɩtɩa jaŋ kiri tɩɩna harɩŋ kɔ.”

2 KUOROO 6:33

Elaasa fa ha sɩ bʋl wɩaa pɩpɩba ŋɩɩ, dɩ tɩndaarʋ-la kɔ ʋ teeŋ. Kuoru-la ma kɔ a bʋl, “La TƖƖNA sɩ leŋe wʋlɔrʋnʋŋ deemba kala ŋaa la lɛ, bɛɛ nɛ saa tɩɩ la jaŋ bɩra gbɛrʋ dɩ ʋ pɛ la lɛ?”

ƐZƖRA 9:13

Wɩalɩŋ kala sɩ ŋaa la lɛ, la wʋbɔŋŋɔɔ arɩ la wʋcheelee sɩ faasa yʋgɛ wɩaa nɛ tɩɩ. Ama ŋ-na la Wɩa, ŋ bɩ la dɔgɩsɔ a magɛ ŋɩɩ la wʋbɔŋŋɔɔ sɩ maga, aŋ leŋ la dɔnsʋŋ ka a bɩ sʋba.

JOB 11:6

a leŋ dɩ ŋ jɩŋ wʋjɩmɩŋ sɩ faa ʋ lɛ, nuhuobiine sɩ bɩ jaŋ wuo jɩŋ. Jɩŋ arɩ Wɩa paala bɩŋ dɔgɩsɔ a magɛ ŋɩɩ ʋ fa sɩ maga dɩ ʋ dɔgʋsʋŋ.

JOB 15:13

ŋ na baanɩŋ Wɩa teeŋ, a bʋbʋl wʋdosunuŋ deemba?

WƖA YƖƖLAA 107:17

Ba dɔnsʋŋ mɩɩra bɩrɩmɛ nɩyaara a vɩa Wɩa niiŋ, ŋɩɩ leŋ nyanyalaa jʋʋba a tɩŋ ba wʋbɔŋŋɔɔ wɩaa.

NAMAGABA 19:3

Nuhuobiine yaarɩŋ nɛ yie cheyu, aŋ ka ʋ mɩɩra joŋ cheeriŋ pɩ La Tɩɩna.

AZAAYA 51:20

La TƖƖNA Wɩa chaasa na baanɩŋ nɛ ma nyuŋ. Ma biiriŋ yiege nɛ a pɩŋ wombiiŋ niiŋ loŋgoru kala lɛ, a nagɛ bɛrɛ sɩ kɛŋ bagɩla.

JƐRƖMAAYA 10:19

Wɩaa puumi, mɩ sɩ bolimo wɩaa. Mɩ naawɩɩlɩŋ bɩ kʋfɩɛlɩɩ ŋaa, ka mɩ ha bʋl mɩ tɩtɩa lɛ, “Mɩ nyanyalɩŋ nɛ ŋ-la, ʋ maga dɩ mɩ nyalɩmɛ nɛ.”

JƐRƖMAAYA 30:15

Bɛɛ nɛ tɩɩ ma yiyel ma naawɩɩlaa wɩaa, ma hɛɛ-la sɩ bɩ daaluno kɛnɛ wɩaa? A tɩŋ ma cheeriŋ arɩ ma wʋbɔŋŋɔɔ sɩ yʋga wɩaa ŋɩɩ nɛ tɩɩ mɩ joŋ wɩaa deemba ŋaa ma lɛ.

JEMBIEE 3:22

La TƖƖNA chono-la sɩ bɩ dɛrɛ wɩaa nɛ tɩɩ la bɩ sʋba, bɛɛ wɩaa ʋ sɩɩ fá nɩaa nenige ŋɩɩ bɩ birigi.

LEVI DOHO NƖAA 26:41

ŋɩɩ leŋ mɩ yaraa hosi ba lɛ, mɩ kiriba hɛ ba dʋndɔŋŋɔɔ tinteyee lɛ, dɩ ba nɛ leŋ ba babii-ballɩŋ aŋ kɛŋ ba tɩtɩa muuri a na hɛɛ-la sɩ maga dɩ ba na, a tɩŋ ba wʋbɔmɔ-la wɩaa,

LEVI DOHO NƖAA 26:43

Tintee-la jaŋ pɩŋ jikpeeŋ a wiesi, nʋʋkala jaŋ tuo ʋ lɛ. Ʋ maga ba na hɛɛ-la sɩ maga dɩ ba na nɛ, a tɩŋ ba wʋbɔŋŋɔɔ wɩaa, bɛɛ wɩaa ba vɩa mɩ wombiee arɩ wɩalɩŋ mɩ sɩ daga nɛ.

MƖKA 7:9

Mɩ ŋaa wʋbɔŋŋɔɔ nɛ La TƖƖNA lɛ, ŋɩɩ wɩaa mɩ jaŋ nyalɩmɛ baaŋ-la ʋ sɩ na mɩ nyuŋ, a kaa mʋ yi bʋa-la lɛ ʋ sɩ jaŋ laa mɩ wɩɩŋ jɩma pɩmɛ a leŋ dɩ mɩ laa kʋsɩŋŋaa. Ʋ jaŋ kɛmmɛ kʋ lɩɩ pʋlʋmʋŋ, dɩ mɩ na ŋɩɩ ʋ sɩ laamɛ ta.

NAMBABA 11:11

Ŋɩɩ nɛ ʋ pɩɛsɛ La TƖƖNA, “Bɛɛ nɛ tɩɩ ŋ ŋaa mɩ-na ŋ tɩntɩnna ŋ-la? Wʋbɛɛ nɛ mɩ ŋaa cheyiŋ ŋ joŋ nɩaa deemba kala a nyagɛmɛ?

NAMBABA 16:41

Taŋ sɩ pʋla, Iziral tɩŋŋaa kala gʋgʋrɩmɛ wɩaa Mosis arɩ Arɔŋ teeŋ a bʋl, “Ma kpʋ La TƖƖNA nɩaa nɛ.”

NAMBABA 17:12

Ŋɩɩ nɛ Iziral tɩŋŋaa bʋla pɩ Mosis, “Ŋɩɩ-na la lɛlɛ nɛ, la kala jaŋ sʋʋ.

Jɔɔŋ Wʋnaalaa 16:9

Wɩɩ-pɔsʋ-la faasa nyɩgɛ nɩaa woruŋ, ba tʋtʋʋsɛ Wɩa joŋŋoo, bɛɛ wɩaa ba jɩma ʋ nɛ kɛŋ doluŋ nyanyal-dosunuŋ deemba kala lɛ. Ama ba bɩ bɩrɩma lɩɩ ba wʋbɔŋŋɔɔ lɛ dɩ ba chʋɔlɛ Wɩa.