JEMBIEE 3:37 - WƖA TENIŊ

³⁷ Kʋbɛɛ nɛ jaŋ wuo bʋl wɩɩ, aŋ leŋ dɩ wɩɩ-la ŋaa dɩ La TƖƖNA bɩ wombiiŋ pa?

JEMBIEE 3:37 ပူးပေါင်းရင်းမြစ်များ

2 SAMƲƐL 16:10

Ama kuoro Devit sɩ, “Ŋ wɩɩ tuo wɩɩŋ deeŋ lɛ, dɩ La TƖƖNA nɛ sɩ Sɩmɛɩ tʋʋsɛmɛ, kʋbɛɛ nɛ kaŋ dɩ ŋ bʋl ʋ sɩ́ ŋɩɩ ŋaa?”

1 KUOROO 22:34

Laal-la tʋɔŋ, laalɩyuoro-la dɔŋɔ yuo to-hɛmɩŋ bine, ʋ to Ahab laalɩyuori gɛrɩŋ pɛgɛ a jʋʋ kɛnʋ. Ʋ bʋla pɩ nɩɩ-la sɩ kɛŋ ʋ laalɩŋ janɩŋ toruko vɩvɛŋ, “Mɩɩrɛ harɩŋ a kɛmmɛ lɩɩ laal-la tʋɔŋ, ba bolimimi nɛ.”

2 KUOROO 6:33

Elaasa fa ha sɩ bʋl wɩaa pɩpɩba ŋɩɩ, dɩ tɩndaarʋ-la kɔ ʋ teeŋ. Kuoru-la ma kɔ a bʋl, “La TƖƖNA sɩ leŋe wʋlɔrʋnʋŋ deemba kala ŋaa la lɛ, bɛɛ nɛ saa tɩɩ la jaŋ bɩra gbɛrʋ dɩ ʋ pɛ la lɛ?”

JOB 10:13

Ama, wɩɩŋ deeŋ nɛ ŋ joŋo hɛ ŋ tʋɔŋ lɛ. Mɩ jɩma arɩ wɩɩŋ deeŋ fa hɛ ŋ nyuŋ lɛ nɛ:

JOB 2:10

Job bʋl, “Ŋ bʋl wɩaa arɩ ŋ ŋaa hayaarɩ nɛ. Ŋ bɩɩna wʋzɔŋŋɔɔ dʋndʋŋa nɛ maga dɩ la lɩlaa Wɩa teeŋ, aŋ sɩ́ wʋbɔŋŋɔɔ-na laa koo?” Job hɛɛŋ deeŋ ma kala lɛ, ʋ bɩ wʋbɔŋ kala bʋla.

MOSIS KƐŊ IZIRAL TƖŊŊAA LƖƖ 10:10

Ŋɩɩ nɛ Ijipiti tinteeŋ kuoro bʋla pɩ Mosis arɩ Arɔŋ, “La TƖƖNA jaŋ kɛmma mʋ, ama mɩ bɩ jaŋ leŋ dɩ ma to kɛŋ ma haalaa arɩ ma biiriŋ a mʋ, bɛɛ wɩaa ʋ naga wʋbɔŋ nɛ ma bɩɩnɛ.

NAMAGABA 16:9

Nuhuobiine yie kɛŋ ʋ tʋɔŋ dɩ ʋ ŋaa wɩɩ, ama La Tɩɩna nɛ jɩŋ wombii-la ʋ sɩ jaŋ kɛnʋ to.

NAMAGABA 19:21

Nuhuobiine yie bɩɩnɛ wʋdaŋ nɛ dɩ ʋ ŋaa, ama wɩɩ-la La Tɩɩna sɩɩ chɛ nɛ jaŋ chɩŋ.

NAMAGABA 21:30

Ŋ cho ŋ kɛŋ wʋjɩmɩŋ koo ŋ jɩŋ wɩaa sɩaa koo a bɩbɩɩnɛ wɩaa woruŋ ɛɛ kala, ŋɩɩ bɩ jaŋ wuo leŋ dɩ ŋ chɩŋ La Tɩɩna sɩpaaŋ.

AZAAYA 46:10

Dɩ-suomuŋ kala nɛ mɩ dagɛ wɩalɩŋ sɩ jaŋ kʋ ŋaa maachie. Wɩɩ-la mɩ sɩɩ chɛ nɛ jaŋ chɩŋ, mɩ jaŋ ŋaaʋ, ʋ bɩ jaŋ birigi.

JƐRƖMAAYA 23:32

Mɩ chaasa chɩŋ nɩalɩŋ sɩ nyɩɛ wɩaa arɩ baa na wɩaa duosoo tʋɔŋ lɛ nɛ. Ba yie nyɩɛ wɩalɩŋ a leŋ mɩ nɩaa yeŋŋi nɛ, ka mɩ dee bɩ ba lɩɩsa koo a tɩmba. Wɩalɩŋ bɩ mɩ nɩaa lɛ ka pɛ mʋa ma. Mɩ-na ma TƖƖNA nɛ bʋla.”

DANƖƐL 4:35

Dʋnɩa nɩaa kala bɩ kɩa ŋaa ʋ sɩpaaŋ. Ʋ nɛ kɛŋ doluŋ dɩ ʋ ŋaa wɩɩ-la kala ʋ sɩɩ chɛ Wɩa tɩndaaraa arɩ nuhuobiinee kala lɛ. Nʋʋkala bɩ jaŋ wuo pɔ dɩ ʋ sɩ́ wɩɩ ŋaa koo a pɩɛsʋ: Wʋbɛɛ nɛ ŋ ŋaa ŋ-la?

Rom Tɩŋŋaa 9:15

Wɩa fa bʋla pɩ Mosis, “Nɩalɩŋ mɩ sɩ lɩɩsa dɩ mɩ fá ba bunso, mɩ jaŋ fá ba bunso. Nɩalɩŋ ma mɩ sɩ lɩɩsa dɩ mɩ fá ba nenige, mɩ jaŋ fá ba nenige.”

Ɛfɛsɩs Nɩaa 1:11

Wɩa tʋɔtɔrʋŋ arɩ ʋ chɛnɩŋ lɛ nɛ ʋ yie ŋaa wɩɩkala. Ʋ to Kirisito lɛ nɛ a lɩɩsɛla a leŋ la ŋaa ʋ nɩaa, arɩ ŋɩɩ ʋ sɩ bɩɩna bil faafaa kala.