JEMBIEE 3:26 - WƖA TENIŊ

²⁶ Ʋ ŋaa wʋzɔŋ nɛ dɩ ŋ nyalɩmɛ a gbɛrɛ La TƖƖNA dɩ ʋ laaŋ ta.

JEMBIEE 3:26 ပူးပေါင်းရင်းမြစ်များ

WƖAA DƖ-SUOMUŊ 49:18

Mɩ TƖƖNA, mɩ gbɛrɩŋ nɛ dɩ ŋ laa mɩ ta.

2 IZIRAL TƖŊŊAA NAABARƖŊ 20:17

Ma dee bɩ jaŋ yuo laal-la, ma-na chɩŋ ma dɩchɩnaa, a gbɛrɛ na ŋɩɩ La TƖƖNA sɩ jaŋ laama ta. Juda arɩ Jerusalɛm tɩmma, má sɩ́ fawʋllʋŋ fá, a sɩ́ leŋe dɩ ma nandaasɩŋ yʋɔrɛ. Má chie lɩɩ cheme yuoba, La TƖƖNA jaŋ chɩŋ ma harɩŋ.’ ”

WƖA YƖƖLAA 119:166

La Tɩɩna, mɩɩ gbɛrɩŋ nɛ dɩ ŋ laamɛ ta, mɩɩ to wɩalɩŋ ŋ sɩ daga nɛ.

WƖA YƖƖLAA 119:174

La Tɩɩna, mɩɩ gbɛrɩŋ nɛ dɩ ŋ laamɛ ta, mɩ tʋɔŋ tɔrɛ wombii-la ŋ sɩ bile dɩ la tuto lɛ nɛ.

WƖA YƖƖLAA 130:5

Mɩ kɛŋ mɩ tʋɔŋ kala nɛ a gbɛrɛ La Tɩɩna. Mɩ gbɛrɛ nɛ dɩ ʋ pɛ mɩ lɛ. Mɩ joŋ mɩ yɩɛlaa kala hɛ ʋ niiŋ wɩaa lɛ nɛ.

WƖA YƖƖLAA 37:34

Gbɛrɛ La Tɩɩna a tuto ʋ wombiiŋ. Ʋ jaŋ ziliŋ a joŋ tinteeŋ pɩŋ, aŋ keri nɩbɔŋŋɔɔ ta ŋ sɩɩŋ lɛ.

WƖA YƖƖLAA 37:7

Dii kenyiri a gbɛrɛ La Tɩɩna. Sɩ́ leŋe dɩ wɩaa walɩmɩŋ dɩ nɩaa wɩaa nɩɩ vɛŋ woruŋ, koo dɩ nɩaa nɛ wuo ŋɩŋaa wʋbɔmɔ-la ba sɩɩ bɩɩnʋ.

WƖA YƖƖLAA 52:9

Mɩ jaŋ lɔllɛ ŋ-na Wɩa bʋa na-kala a tɩŋ wɩalɩŋ ŋ sɩ ŋaa wɩaa. Mɩ joŋ mɩ yɩɛlaa hɛ ŋ yɩrɩ-la lɛ nɛ, bɛɛ wɩaa ʋ zɔmɔ. Mɩ jaŋ dɛnnɩŋ dɩ ŋ nɩaa nɛ hilime.

WƖA YƖƖLAA 54:6

Mɩ tʋɔŋ jaŋ tɔrɛ dɩ mɩ kɛŋ Wɩɩsʋlʋŋ kɩaa kʋ pɩŋ. Mɩ Tɩɩna, mɩ jaŋ dɛnnɛ ŋ yɩrɩ-zɔŋ-la.

WƖA YƖƖLAA 62:2

Ʋ dʋndʋŋa nɛ mɩ dɩ-duoŋ sɩ nagɛ bʋŋ arɩ mɩ Laataara. Wɩɩkala bɩ jaŋ wuo jigisimi.

WƖA YƖƖLAA 73:28

Ama mɩ-na teeŋ ʋ ŋaa wʋzɔŋ nɛ dɩ mɩ kpagɛ Wɩa. La Tɩɩna Wɩɩjarɩbakɔ nɛ mɩ yuori. Mɩ jaŋ bʋl tɩntɩŋ-duoru-la ŋ sɩ tɩma wɩaa.

WƖA YƖƖLAA 92:1

Ʋ ŋaa wʋzɔŋ nɛ dɩ la dɛnnɛ La TƖƖNA, a yɩɩ yɩɩlaa a zil Wɩa sɩ kɩɩ kʋŋkala,

MOSIS KƐŊ IZIRAL TƖŊŊAA LƖƖ 14:13

Ŋɩɩ nɛ Mosis bʋla pɩ nɩalɩŋ, “Má sɩ́ leŋe dɩ fawʋllʋŋ kɛmma. Má nyɩrɛ bɔyɛ. Ma jaŋ na ŋɩɩ La TƖƖNA sɩ jaŋ laama ta jɩnɩŋ. Ijipiti tɩmma-la ma sɩɩ na jɩnɩŋ, ma maachie bɩra bɩ jaŋ naba.

MOSIS KƐŊ IZIRAL TƖŊŊAA LƖƖ 14:14

La TƖƖNA jaŋ yuo laama, má-na bibeŋ Wɩa lɛ.”

AZAAYA 30:15

Wɩɩ-la Wɩɩjarɩbakɔ, Iziral tɩŋŋaa Wɩa sɩ bɩ disiniŋ kɛnɛ sɩ bʋla nɛ ŋ-la: “Má bɩrɩma lɩɩ ma wʋbɔŋŋɔɔ lɛ aŋ laamɛ dii, ŋɩɩ nɛ mɩ jaŋ laama ta dɩ ma na wiese a kɛŋ doluŋ. Ama, ma vɩa nɛ.

AZAAYA 30:7

Ijipiti tintee-la sɩ bɩ nyʋʋrɩɩ kala kɛnɛ a bɩ ma lɛ wuo pɛ. Mɩ-na kɛnʋ yɩyɩrɛ Rahab lɩɩŋ tʋɔŋ kʋbɔŋ-la sɩ bɩ wɩɩ wuo ŋaa nɛ.”

AZAAYA 7:4

Bʋla pʋ, dɩ ʋ fɩɛlɛ ʋ sɩaa a leŋ dɩ ʋ yaraa pɛ dɔŋɔ lɛ a sɩ́ leŋe dɩ fawʋllʋŋ kɛnʋ dɩ ʋ nandaasɩŋ yʋɔrɛ. Bɛɛ wɩaa, baaŋ-la Reziŋ arɩ Siiria tɩŋŋaa arɩ Remalia nanʋala Pɛka sɩ faasa na bɩ kʋŋkala ŋaa, ʋ nagɛ nyiniŋ sɩ hɛ daa-kuuŋ lɛ a chɩchɛ ʋ dɩsɛ nɛ.

JƐRƖMAAYA 14:22

Tinteyee nɩaa vʋɩ pɛɩba-la kʋŋ jaŋ wuo leŋ dɩ duonuŋ nɩɩ? Wɩa-nyuŋ ma tɩtɩa bɩ jaŋ wuo ŋaa dɩ duonuŋ nɩɩ. Ŋ-na La TƖƖNA Wɩa nɩɩ ŋaa wɩaa deemba kala. Ŋɩɩ wɩaa, la joŋ la yɩɛlaa hɛ ŋ lɛ nɛ, bɛɛ wɩaa ŋ nɩɩ ŋaa wɩaa deemba kala.

JEMBIEE 3:27

Ʋ ŋaa wʋzɔŋ nɛ dɩ nʋʋkala gʋnnɛ hɛɛŋ, ʋ hambiriŋ lɛ.

HABAKU 2:3

Wɩalɩŋ mɩ sɩ kaa dagɩŋ kɛŋ ba tapʋlɩɩ nɛ. Wɩalɩŋ mʋʋ tɩgɛ dʋnɩa dɩdɛrɩŋ lɛ nɛ, ba bɩ jaŋ ŋaa wʋnyɩɛrɩ. Dɩ ba nɛ naga baa dienu ma, ha gbɛrɛ, bɛɛ wɩaa ba jaŋ sɛnɛ kʋ ŋaa, ba bɩ jaŋ dieni.

Galiisia Nɩaa 4:18

Ʋ ŋaa wʋzɔŋ nɛ dɩ la tʋɔŋ nɩɩ wɩɩ dɔŋɔ lɛ dɩ mɩ nɛ hɛ ma teeŋ koo lee na-kala, ama ʋ maga dɩ ba ŋaa tʋɔ-wɩɩ-zɔmɔ nɛ.

Hiburu TƖŊŊAA 10:35

Ŋɩɩ wɩaa má sɩ́ leŋe dɩ ma nandaasɩŋ yʋɔrɛ. Dɩ ma nɛ chɩŋ wɩalɩŋ ma sɩ laa dii lɛ, ma time jaŋ yʋgɛ Wɩa teeŋ.

Hiburu TƖŊŊAA 3:14

Wɩalɩŋ la sɩ laa dii bumbuŋ, dɩ la nɛ kɛmba ŋɩɩ a kaa mʋ dɩdɛrɩŋ, la dɩ Kirisito kala jaŋ ŋaa kʋbala.

1 Pɩɩta 1:13

Ŋɩɩ wɩaa, má kɛŋ ma tʋɔbɩɩnaa hɛ dɔŋɔ lɛ a ŋaa siri dɩ ma tɩŋ. Má kɛŋ ma tɩtɩa woruŋ, a joŋ ma yɩɛlaa kala hɛ kʋ-la Wɩa sɩ jaŋ joŋo pɩma lɛ bʋa-la Yesu Kirisito sɩ jaŋ mɩɩra kɔ.