JEMBIEE 3:22 - WƖA TENIŊ

²² La TƖƖNA chono-la sɩ bɩ dɛrɛ wɩaa nɛ tɩɩ la bɩ sʋba, bɛɛ wɩaa ʋ sɩɩ fá nɩaa nenige ŋɩɩ bɩ birigi.

JEMBIEE 3:22 ပူးပေါင်းရင်းမြစ်များ

2 SAMƲƐL 24:14

Ŋɩɩ nɛ Devit bʋla pɩ Gad, “Mɩ tʋɔŋ chaasa chei nɛ. Leŋ dɩ la jʋʋ La TƖƖNA nɩsɩŋ, bɛɛ wɩaa ʋʋ fá nɩaa nenige nɛ woruŋ, ama sɩ́ leŋe dɩ la jʋʋ nuhuobiine nɩsɩŋ.”

NƐHƖMAAYA 9:31

Ama a tɩŋ ŋ sɩɩ fá nɩaa nenige kɩŋkɛŋ wɩaa, ŋ bɩ ba cheye koo a vɩaba ta, bɛɛ wɩaa ŋ ŋaa Wɩa sɩ kɛŋ zile nɛ a fɩfá nɩaa nisusuŋ.

WƖA YƖƖLAA 103:10

Ʋ bɩ la dɔgɩsɔɔ magɛ la wʋbɔŋŋɔɔ maŋŋaa, ʋ bɩ la wʋbɔŋŋɔɔ sɩ magɛ ŋɩɩ chɩmɩŋ ma nɛ joŋo titiŋ la lɛ.

WƖA YƖƖLAA 106:45

Ʋ tɩŋ ba wɩaa a liise yi nii-la sɩ hɛ ʋ dɩ ba pɛgɛ lɛ nɛ arɩ ʋ chono-la sɩ bɩ dɛrɛ lɛ, aŋ bɩrɩmɛ ʋ tʋɔbɩɩnaa.

WƖA YƖƖLAA 69:17

Mɩ ŋaa ŋ tɩntɩnnʋ nɛ, sɩ́ harɩŋ joŋo yɩamɛ. Wɩaa jʋʋmɛ nɛ, mɩɩ sʋlʋŋ, kʋ pɛ mɩ lɛ lɩma.

WƖA YƖƖLAA 77:8

Ʋ bɩra bɩ la cho koo? Nii-la sɩ hɛ la dɩ ʋ pɛgɛ bɩra tuo koo?

WƖA YƖƖLAA 78:38

Ama Wɩa fa ha fá ʋ nɩaa nenige nɛ, a joŋ ba wʋbɔŋŋɔɔ chɛba, a bɩ ba cheye. Naansɩɩŋ yʋga nɛ ʋ sɩ nyalɩma a bɩ baanɩŋ ka na ba nyuŋ.

WƖA YƖƖLAA 86:15

Ama ŋ-na La Tɩɩna, ŋ nɛ Wɩa sɩ kɛŋ zile a fɩfá nɩaa nenige. Ŋ baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ.

JƐRƖMAAYA 3:12

Mʋ heele bʋl wɩɩŋ deeŋ mɩ sɩɩ bʋl, wɩɩpɔsʋŋ nagʋa dɩɩrɩŋ, ‘Ma Iziral tɩŋŋaa sɩ bɩ wʋtɩtɩɩ kɛnɛ, La TƖƖNA sɩ má mɩɩra kɔ. Mɩ bɩra bɩ jaŋ kɛŋ mɩ sɩaa chei ma nyuŋ, mɩɩ fá nɩaa nenige nɛ. Mɩ-na ma TƖƖNA nɛ bʋla. Mɩ bɩ jaŋ na baanɩŋ ma nyuŋ a kaa mʋ wuu.

JƐRƖMAAYA 30:11

Mɩ hɛ ma teeŋ nɛ, mɩ jaŋ laama ta. Mɩ-na ma TƖƖNA nɛ bʋla. Mɩ jaŋ chei tinteye-la kala lɛ mɩ sɩ kɛmma pɩsa hɛ, ama mɩ bɩ jaŋ chei ma-na gbelem gbelem. Mɩ jaŋ kɛmma tʋra kɩɩ arɩ wʋtɩtɩɩ. Mɩ bɩ jaŋ leŋ dɩ ma mʋ pɛɩ, mɩ jaŋ dɔgɩsɛma mʋa.”

JƐRƖMAAYA 31:20

Efirem nɛ mɩ hambolibii-chooluŋ, mɩ tʋɔŋ tɔrɛ ʋ nyuŋ. Mɩ yie bʋl wɩaa a jʋʋ ʋ lɛ ma nɛ, ama mɩ haa liisi ʋ wɩaa nɛ. Mɩ tʋɔŋ kɛnʋ woruŋ, mɩ chaasaa fá ʋ nenige. Mɩ-na ma TƖƖNA nɛ bʋla.

DANƖƐL 9:9

La TƖƖNA Wɩa, ŋŋ fá nɩaa nenige nɛ a joŋ wɩaa chɩchɛba, arɩ la sɩ lɩɩ ŋ harɩŋ ma kala,

MALAKAƖ 3:6

Jekɔb doho nɩaa, mɩ-na nɛ ŋaa ma TƖƖNA doluŋ kala Tɩɩna, mɩ bɩ bɩrɩmɛ, ŋɩɩ nɛ tɩɩ mɩ bɩ ma cheye ŋɩɩ.

Luuk 1:50

Ʋʋ fá nɩalɩŋ kala sɩɩ fáʋ nenige nɛ, doho-na kala lɛ.