JEMBIEE 2:8 - WƖA TENIŊ

⁸ La TƖƖNA chaasa ŋaa siri dɩ ʋ yigi kɛrɛ-la sɩ golli Zaayɔŋ lo nɛ. Ʋ kɛŋ nɩsɩŋ tɩɛnɛ nɛ a nagɛ ŋmɛŋ-la ba sɩ kaa magɩsɛ leriŋ, ʋ bɩ ʋ nɩsɩŋ lɩɩsa leriŋ cheyiŋ lɛ. Ʋ leŋe vaŋkumba arɩ kɛrɩsɩŋ kala yel nɛ a yʋɔla dɛrɛ.

JEMBIEE 2:8 ပူးပေါင်းရင်းမြစ်များ

2 SAMƲƐL 8:2

Devit fa bɩra yuo dii Mʋab tɩŋŋaa ma, a leŋ ba laalɩyuoroo pɩŋ tinteeŋ a kɩɛlɛ. Ʋ kɛŋ ŋmɛnɩŋ a magɩsɛba. Dɩ ʋ nɛ magɩsɛ ŋmɛŋ-la naansɩɩŋ butori, ʋ yie kpʋ leree balɩa nɛ aŋ ka kʋbala. Mʋab tɩmma-la sɛɩ Devit bibemba ba tiŋ lampoo a pʋpʋ.

2 KUOROO 21:13

Mɩ jaŋ dɔgɩsɛ Jerusalɛm nɩaa arɩ mɩ fa sɩ dɔgɩsɛ Samarɩa tɩŋŋaa arɩ Iziral kuoro Ahab arɩ ʋ doho nɩaa ŋɩɩ. Mɩ jaŋ kpʋ Jerusalɛm nɩaa kala gbelem gbelem, a nagɛ nɩa sɩ tiisi gbaŋa a tɩɩgɛ lɩɩ-suosoo kala ta aŋ kaa bɩrɩma chu.

JOB 13:21

Leŋ mɩ dɔgʋsʋŋ, a sɩ́ fawʋllʋŋ ma joŋo hɛ mɩ lɛ.

AZAAYA 22:5

La TƖƖNA doluŋ kala Tɩɩna lɩɩsɛ tapʋlɩɩ nɛ nɩaa sɩ jaŋ ŋaa goŋ, dɩ fuonaa-la lɛ ba sɩ mʋ nɩna wɩaa Wɩa teeŋ kala vʋgʋmɛ a kɛŋ fawʋllʋŋ woruŋ. Tapʋlɩɩ-la, jeye-la sɩ golli la taŋ, ba jaŋ ŋmooba lo ka nɩaa yiyel peelee tʋɔŋ aa chɛ dɩ nɩaa pɛ ba lɛ.

AZAAYA 28:17

Mɩ jaŋ leŋ dɩ wʋtɩtɩɩ nɛ ŋaa naaderi-la ba sɩ kaa bil ʋ gentine, aŋ ka dɩ tʋɔpʋla ma nɛ ŋaa kʋ-la sɩ jaŋ kɛnʋ tʋraa kɩɩ.” Duoŋ-tabɩaa nɛ jaŋ yɛrɛ wʋnyɩɛrʋ-la ma sɩ joŋ ma yɩɛlaa hɛ lɛ, ka dɩ lɩɩŋ ma pɛllɛ paa lee-la ma sɩ faa ʋ pʋpɔma.

AZAAYA 3:26

Jerusalɛm kala jaŋ ŋaa yele dɩ ba tɩta jembiee. Ʋ jaŋ wuoli a nagɛ summo sɩ hɔnɔ a bɩ kʋŋkala kɛnɛ.

AZAAYA 34:11

Hajaaŋkuŋkumba arɩ gɩlɩŋgaamba dʋndʋŋa nɛ jaŋ hɛ tintee-la lɛ. Wɩa jaŋ leŋ dɩ tintee-la kala bɩra pɩŋ hoi arɩ ʋ fa sɩ nagɛ ŋɩɩ ka Wɩa-na ŋaaʋ.

AZAAYA 5:5

Lɛɛlɛ, mɩ jaŋ bʋl wɩɩ-la mɩ sɩ jaŋ joŋo ŋaa mɩ girep tɩɩsɩŋ baga-la lɛ a pɩma. Mɩ jaŋ kɩɛsɛ lɩga-la aŋ ka dɩ ʋ kala chei, mɩ jaŋ ŋmoo ʋ jebii-la lo ka dɩ baga kɩaa jʋʋ didii tɩɩnɛnɛ-la.

JƐRƖMAAYA 14:2

“Juda tinteeŋ nɩaa ka yel nɛ, ʋ tabalaa nɩaa ma bɩbal nɩsɩŋ. Baa yel tintee-la wɩaa nɛ, a yele lɩlɩɩ Jerusalɛm lɛ.

JƐRƖMAAYA 5:10

Má gɔllɛ ʋ girep tɩɩsɩŋ bagɩsɩŋ a cheiba, ama má sɩ́ ba kala chei gbelem gbelem. Má keri ba naakelee ta, bɛɛ wɩaa nɩaa deemba bɩ mɩ-na ma TƖƖNA nɩaa ŋaa.

JƐRƖMAAYA 52:13

Ʋ sɩ kɔ, ʋ nyɩgɛ Wɩa dɩɩ-bal-la, kuoru dɩa arɩ Jerusalɛm dɩɩsɩŋ kala. Dɩɩ-nyuŋ kala sɩ hɛ nɩmɛ nɛ ʋ nyɩgɛ.

JEMBIEE 2:17

La TƖƖNA ŋaa wɩɩ-la ʋ sɩ bɩɩna dɩ ʋ ŋaa nɛ. Ʋ leŋe wɩɩ-la ʋ sɩ bʋla kʋ ŋaa nɛ, wɩɩ-la ʋ sɩ bʋla faafaa kala. Ʋ cheyiŋ nɛ Jerusalɛm a bɩ ŋ nɩaa nenige fá. Ʋ leŋe ŋ nɩaa dʋndɔŋŋɔɔ jʋɔsɛ ma nyuŋ nɛ. Ʋ leŋe ba laa doluŋ nɛ.

JEMBIEE 2:18

Jerusalɛm, leŋ dɩ ŋ kɛrɩsɩŋ ŋmoo niiŋ a pɩ la TƖƖNA a nagɛ nɩaa sɩɩ yel. Leŋ dɩ ma sɩlɩɩrɩŋ pɛllɛ a nagɛ fuoŋ wɩɩhɛyɛ arɩ tɩtaŋɩŋ kala. Má sɩ́ wiesu, a sɩ́ leŋe dɩ ma sɩaa ma wiesi.

JEMBIEE 2:2

La TƖƖNA bɩ ba nenige fá aŋ chei lere-la kala Iziral tɩŋŋaa sɩɩ jʋʋ. Ʋ sɩ na baanɩŋ, ʋ yigi ʋ yigi Juda nɩaa dɩ-duoruŋ lo nɛ. Ʋ kɛŋ ba tinteeŋ arɩ ba sɩpaalaaraa muuri nɛ, a leŋ ba dii hɩɩsɩŋ.

JEMBIEE 2:5

La Tɩɩna nagɛ dʋndɔŋ nɛ a chei Iziral. Ʋ chei ba kuoru dɩɩsɩŋ kala nɛ arɩ ba dɩ-duoruŋ. Ʋ leŋe Juda nɩaa yele arɩ nii-ŋmobo yʋgɛ nɛ.

ƐZƖKƖƐL 20:22

Ama a tɩŋ mɩ yɩrɩŋ wɩaa, mɩ fa kɛŋ mɩ tɩtɩa nɛ dɩ mɩ sɩ́ wɩɩ ŋaa sɩ jaŋ leŋ dɩ mɩ yɩrɩŋ chei tinteye-la nɩaa sɩpaaŋ, nɩalɩŋ fa sɩɩ beŋ ka mɩ kɛŋ Iziral tɩŋŋaa kaa lɩɩ Ijipiti tinteeŋ lɛ.