JEMBIEE 2:6 - WƖA TENIŊ

⁶ Wɩa chei ʋ dɩɩ-balɩŋ a nagɛ ba sɩ kɛŋ lɩga churi nɛ, ʋ chei lee-la ba sɩ yie hilimi ʋ yɩrɩŋ lɛ nɛ. La TƖƖNA leŋe Zaayɔŋ nɩaa yʋ ba gbielee tapʋlaa arɩ chɛ-wiesie-la wɩaa nɛ. Ʋ baanɩŋ sɩ faasa sii, ʋ vɩa kuoro arɩ ʋ Wɩɩsʋllɩ sɩpaalaaraa kala nɛ.

JEMBIEE 2:6 ပူးပေါင်းရင်းမြစ်များ

WƖA YƖƖLAA 74:7

Ba nyɩgɛ ŋ dɩɩ-bal-la nɛ, aŋ ŋaa lee-la ba sɩɩ chʋɔlʋŋ kɛŋ disiniŋ.

WƖA YƖƖLAA 76:2

Ʋ dɩa hɛ Jerusalɛm lɛ nɛ, ʋ dɩjʋʋlʋŋ hɛ peel-la ba sɩɩ yɩrɛ Zaayɔŋ lɛ.

WƖA YƖƖLAA 80:12

La Tɩɩna, bɛɛ nɛ tɩɩ ŋ ŋmoo jebii-la ba sɩ saa gollu a lo? Lɛɛlɛ, dɩ nʋʋkala nɛ kʋ to lee-la aa bal, ʋ jaŋ wuo tɔrɛ ʋ nɛnɛɛ.

WƖA YƖƖLAA 89:40

Ŋ ŋmoo jebie-la ba sɩ saa kɛrɛ ʋ tabalɩŋ a lo nɛ, a leŋ ʋ dɩɩ-duoruŋ kala pɩŋ jikpeeŋ.

AZAAYA 1:13

Má bɩra sɩ́ ma Wɩɩsʋlʋŋ kɩalɩŋ sɩ bɩ bʋbʋɔŋ kɛnɛ kaa kɔ mɩ sɩpaaŋ. Mɩ bɩra bɩ ma kʋsʋɔrʋsʋ-la ma sɩ yie nyɩgaa pɩmɛ maa chɛ. Ba nagɛ bɩnɩŋ nɛ mɩ teeŋ. Ma chɛŋ-falɩŋ gbiele arɩ ma chɛ-wiesiŋ gbielee arɩ ma sɩ yie hilimi aa zilmi, mɩ bɩra bɩ jaŋ wuo chɩna gbɛrɛma ba kʋŋkala lɛ.

AZAAYA 1:8

Jerusalɛm dʋndʋŋa nɛ ka a nagɛ lɛbɩŋ sɩ chɩŋ tɩɩnɛnɛɛ baga lɛ, a nagɛ lɛbɩŋ sɩ chɩŋ kaŋkɩɛsɩŋ baga lɛ, a nagɛ taŋ dʋndɔŋŋɔɔ sɩ gollo chu.

AZAAYA 43:28

Ŋɩɩ wɩaa, mɩ jaŋ leŋ dɩ ma Wɩɩchʋɔlɛ dɩa nɩhɩasɩŋ dii hɩɩsɩŋ. Mɩ jaŋ chei Iziral kala aŋ leŋ dɩ nɩaa tʋʋsɛ ʋ joŋŋoo.”

AZAAYA 5:5

Lɛɛlɛ, mɩ jaŋ bʋl wɩɩ-la mɩ sɩ jaŋ joŋo ŋaa mɩ girep tɩɩsɩŋ baga-la lɛ a pɩma. Mɩ jaŋ kɩɛsɛ lɩga-la aŋ ka dɩ ʋ kala chei, mɩ jaŋ ŋmoo ʋ jebii-la lo ka dɩ baga kɩaa jʋʋ didii tɩɩnɛnɛ-la.

AZAAYA 5:6

Mɩ jaŋ vɩa tintee-la ta dɩ ʋ bɩrɩmɛ kʋŋkʋlʋŋ. Mɩ bɩ jaŋ buori tɩɩsɩ-la koo a pɛrɛ nɩmɛ. Yaŋ arɩ sɔsʋŋ jaŋ tɔ ʋ kala. Mɩ bɩ jaŋ leŋ dɩ duonuŋ nɩɩ nɩmɛ.”

AZAAYA 63:18

La-na ŋ nɩaa nɛ tɩɩ ŋ dɩɩ-zɔŋ-la, ama la bɩ diene ka la dʋndɔŋŋɔɔ kʋ ŋmoo ʋ kala lo.

AZAAYA 64:11

La Wɩa dɩɩ-bal-la fa sɩ kɛŋ tʋla a bɩ disiniŋ kɛnɛ, lee-la la naabalɩmaba fa sɩɩ dɛnnɩŋ kala nɛ ba nyɩgɛ, la dɩ-zɔŋŋɔɔ kala nɛ ba chei.

JƐRƖMAAYA 17:27

Ama dɩ ma nɛ bɩ mɩ niiŋ to a joŋ chɛ-wiesii-la dɩ ʋ ŋaa tapʋl-zɔŋ, aŋ chʋŋ kɩaa to boi-baala-la kʋʋ jʋʋ Jerusalɛm chɛ-wiesii-la chɛɛŋ, ŋɩɩ-na mɩ jaŋ chol nyiniŋ nʋʋ sɩ bɩ jaŋ wuo dɩsɛ a hɛ Jerusalɛm boi-baala-la lɛ dɩ ʋ dii Jerusalɛm dɩɩ-duoruŋ kala.”

JƐRƖMAAYA 42:18

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘A nagɛ mɩ sɩ na baanɩŋ a dɔgɩsɛ nɩalɩŋ sɩ hɛ Jerusalɛm lɛ ŋɩɩ, ŋɩɩ tɩtɩa nɛ mɩ jaŋ na baanɩŋ a ŋaa ma lɛ, dɩ ma nɛ mʋ Ijipiti tinteeŋ. Mɩ jaŋ leŋ dɩ ma kɛŋ nyɛsɩŋ nɩaa sɩaa lɛ. Nɩaa jaŋ sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ, a joŋ cheeriŋ pɩpɩma. Ma bɩra bɩ jaŋ kɔ dɩ ma na leriŋ deeŋ.’

JƐRƖMAAYA 45:4

La TƖƖNA bʋla pɩmɛ, “Bʋl ŋ-la a pʋ: ‘Wɩɩ-la mɩ-na ma TƖƖNA sɩ bʋla nɛ ŋ-la: Mɩ jaŋ yigi kʋ-la mɩ sɩ saa a lo, a churi kʋ-la ma mɩ sɩ chɔnsɔ tintee-la kala lɛ.

JƐRƖMAAYA 50:28

Má jegile nɩɩ nɩalɩŋ sɩ foro lɩɩ Babɩlɔŋ kɔ sɩɩ bʋl wɩalɩŋ Zaayɔŋ lɛ, ŋɩɩ mɩ-na ma TƖƖNA Wɩa sɩ joŋ mɩ baanɩŋ tiŋ Babɩlɔŋ nɩaa lɛ a tɩŋ ʋ dɩɩ-bal-la wɩaa.

JEMBIEE 1:4

Zaayɔŋ wombiee ka yel nɛ, bɛɛ wɩaa nʋʋkala bɩ ba to kʋkɔ ʋ gbielee leriŋ. Ʋ boi-baalaa kala pɩŋ hoi nɛ. Wɩɩsʋllɩ sɩpaalaaraa huhuuni, hatolie-la sɩ hɛ ʋ lɛ tʋɔŋ faasa chei nɛ, Zaayɔŋ kala ŋaa hɛɩ.

JEMBIEE 4:16

La TƖƖNA tɩtɩa nɛ kɛmba pɩsɛ, ʋ bɩra bɩ ba nyuŋ ka beŋ. Ʋ bɩra bɩ nɩalɩŋ sɩ kpʋ pʋsʋŋ pʋpʋ ka zil, ʋ sɩpaa tuo nɩhɩasɩŋ lɛ.

JEMBIEE 4:20

Kuoru-la La TƖƖNA sɩ lɩɩsa ŋaa la mɩɩsɩŋ nɛ, ka ba bɛrɛ kɛnʋ. La fa bɩɩna ʋ daanyʋɔsʋŋ lɛ, la jaŋ wuo hɔŋ tinteyee nɩaa tʋɔŋ.

JEMBIEE 5:12

Ba kɛsɛ la sɩpaalaaraa a lieŋi nɛ, a bɩ la nɩhɩasɩŋ ma ka zil.

ƐZƖKƖƐL 17:18

Juda tinteeŋ kuoro bɩ ŋɩɩ ʋ sɩ ŋmɩɛsa kaa tɩŋ, aŋ chei nii-la sɩ hɛ ba pɛgɛ. A tɩŋ ʋ sɩ ŋaa wɩaa deemba kala, ʋ bɩ jaŋ fori.’

LEVI DOHO NƖAA 26:31

Mɩ jaŋ leŋ dɩ ma tasɩŋ pɩŋ jikpeeniŋ aŋ chei ma vʋɩyaa dɩ-kpaaraa, ma kʋnyɩgaa Wɩɩsʋlʋŋ sʋɔra bɩra bɩ jaŋ sɩma pɩmɛ.

ZEFANAAYA 3:18

La TƖƖNA bʋla, “Mɩ jaŋ lɩɩsɛ tʋɔ-chei-la ma sɩ kɛnɛ a tɩŋ ma bɩra sɩ́ bɩ gbiele-la ma sɩ yie vɛnɛɛ gbieli ka gbieli wɩaa. Ʋ ŋɩɩ fa ŋaa chʋga arɩ hɩɩsɛ nɛ ma lɛ.

MALAKAƖ 2:9

Ŋɩɩ nɛ tɩɩ mɩ leŋ nʋʋkala hɩhɛ ma hɩɩsɩŋ a bɩ ma kaa tɩtɩŋ, bɛɛ wɩaa ma vɩa dɩ ma to mɩ wombiee nɛ aŋ dii sarɩya a laa pɩpɛ ma nɩchooloo lɛ.”