JEMBIEE 2:21 - WƖA TENIŊ

²¹ Hambiisiŋ arɩ nɩhɩasɩŋ pɩna hɛ dɔŋɔ kʋŋkɔlʋŋ lɛ womporunuŋ nyuŋ. Dʋndɔŋŋɔɔ kpʋ mɩ bapʋɔsaa arɩ mɩ hatoloo bil nɛ. Tapʋlɩɩ-la ŋ sɩ na baanɩŋ nɛ ŋ kpʋba a bɩ ba nenige fá.

JEMBIEE 2:21 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:17

Ŋɩɩ nɛ ʋ lɛrɛ Babɩlɔŋ kuoro kʋ hɛ ba lɛ, ʋ kpʋ ba baalaa arɩ haalaa, hambiisiŋ arɩ nɩhɩasɩŋ kala, a kpʋ ba bapʋɔsaa ma sɩ paala hɛ Wɩa dɩɩ-bal-la lɛ. Wɩa fa joŋ ba kala hɛ Nebukadineza nɩsɩŋ lɛ nɛ.

ƐSƖTA 3:13

Ba joŋ tenni-la pɩ tɩndaaraa ba kaa gɔllɔ kpaa ba tinteeŋ tasɩŋ kala. Ŋ la nɛ ba bʋl a hɛ tenni-la lɛ: Chɛnɛ-la ba sɩɩ yɩrɛ Adaa tapʋlaa fii arɩ batori chɛɛŋ, má kpʋ Juu tɩmma-la kala sɩ hɛ tintee-la lɛ baalaa arɩ haalaa, nɩhɩasɩŋ arɩ hambiisiŋ aŋ paa ba kɩaa kala.

AZAAYA 27:11

Dɩ tɩɩsɩ-la naakelee nɛ hɩla a boro tel, haalaa yie paa mʋ hɛ nyiniŋ nɛ. Nɩaa deemba bɩ wɩɩkala jɩŋ, ŋɩɩ nɛ tɩɩ Wɩa sɩ ŋaaba bɩ ba nenige fá ŋɩɩ a bɩ ba lɛ pɛ.

JƐRƖMAAYA 11:22

Ŋɩɩ wɩaa, wɩɩ-la mɩ-na ma TƖƖNA, doluŋ kala Tɩɩna bɩra sɩ bʋla nɛ ŋ-la: Mɩ jaŋ dɔgɩsɛba. Ba bapʋɔsaa jaŋ sʋʋ laalɩŋ lɛ, dɩ losuŋ kpʋ ba hambolibiisiŋ arɩ ba toloo ma dɩ ba sʋʋ.

JƐRƖMAAYA 13:14

Mɩ jaŋ paaba yagɛ a daŋ dɔŋɔ lɛ, nyɩmmaba arɩ biiriŋ kala. Mɩ-na ma TƖƖNA nɛ bʋla. Mɩ bɩ jaŋ lemba, mɩ bɩ jaŋ fá ba nenige koo ba nisusuŋ, mɩ jaŋ kpʋba.’ ”

JƐRƖMAAYA 18:21

Ŋɩɩ wɩaa, La Tɩɩna, leŋ dɩ losuŋ kpʋ ba biiriŋ dɩ ba sʋʋ. Leŋ dɩ ba sʋʋ laalɩŋ lɛ, dɩ ba haalaa sɩ́ biiriŋ kɛŋ aŋ ŋaa yo-haalaa. Leŋ dɩ ba kpʋ ba baalaa arɩ bapʋɔsaa kala laalɩŋ lɛ.

JƐRƖMAAYA 21:7

La TƖƖNA sɩ, “Ŋɩɩ harɩŋ, mɩ jaŋ joŋ Juda kuoro Zedikaaya, ʋ tɩntɩnnɩ-hɩasɩŋ arɩ nɩalɩŋ sɩ hɛ tabalɩŋ deeŋ lɛ, nɩalɩŋ nyanyal-bɔŋ-la, laalɩŋ arɩ losuŋ sɩ bɩ kpʋa a hɛ Babɩlɔŋ kuoro Nebukadineza nɩsɩŋ lɛ, arɩ ba dʋndɔmɔ-la sɩɩ chɛ dɩ ba lɩɩsɛ ba mɩɩsɩŋ. Ʋ jaŋ kpʋba. Ʋ bɩ jaŋ fá ba nisusuŋ koo ba nenige, ʋ tʋɔŋ bɩ jaŋ wɩɩ ba lɛ.

JƐRƖMAAYA 4:31

Mɩ nɩa dɩ baa ŋmoo niiŋ a nagɛ haala sɩɩ chɛ dɩ ʋ lʋl ʋ luoruŋ wʋwɩɩ nɛ, a huunoo nagɛ haala sɩɩ chɛ dɩ ʋ lʋl ʋ ha-toli bie. Zaayɔŋ nɩaa nɛ ŋmoo niiŋ ŋɩɩ a wiesee puri, a tɩɛnɛ nɩsaa a bʋl, “Ou, mɩ sʋba. Ba jommi hɛ nɩkpʋʋraa nɩsɩŋ lɛ nɛ.”

JƐRƖMAAYA 51:22

Ŋ nɛ mɩ kaa ŋmoo baalaa arɩ haalaa pɩsɛ, ŋ nɛ mɩ kaa ŋmoo banɩhɩasɩŋ arɩ bapʋɔsaa a pɩsɛ, ŋ nɛ mɩ kaa ŋmoo hambolibiisiŋ arɩ hantolibiisiŋ pɩsɛ.

JƐRƖMAAYA 6:11

La TƖƖNA, baaŋ-la ŋ sɩ na ba nyuŋ chaasa tʋgʋmɛ nɛ. Mɩ bɩ jaŋ wuo nyagʋ bil. Ŋɩɩ nɛ La TƖƖNA bʋla pɩmɛ, “Joŋ ŋ baaŋ-la fɩɩsɛ ba biiriŋ sɩ hɛ womporuŋ lɛ, arɩ bapʋɔsɩa-la sɩ hilime. Sɩ́ baalaa arɩ ba haalaa ma lɩɩsa ta. Sɩ́ nɩalɩŋ sɩ faasa hɩɛsɛ ma lɩɩsa ta.

JƐRƖMAAYA 9:20

Ou, haalaa, lɛɛlɛ má jegile nɩɩ La TƖƖNA wɩaa. Má suri ma dɩgɩlaa a nɩɩ ʋ niiŋ wɩaa. Má dagɛ ma toloo ŋɩɩ ba sɩɩ yel, má dagɛ dɔŋɔ hagɔgʋŋ.

JƐRƖMAAYA 9:21

Sʋʋŋ to tokoroba nɛ a jʋʋ la dɩɩsɩŋ a jʋʋ la dɩɩ-duoruŋ. Ʋ kpʋ hambiisiŋ nɛ womporunuŋ lɛ, aŋ kpʋ bapʋɔsaa ma biliiŋ lɛ.

JEMBIEE 1:15

La TƖƖNA vɩa mɩ laalɩyuori duori-la kala nɛ. Ʋ yɩrɛ laalɩyuoroo a hɛ mɩ lɛ nɛ, dɩ ba kpʋ mɩ bapʋɔsaa kala. La TƖƖNA nʋɔsɛ Juda nɩaa a nagɛ ŋɩɩ ba sɩɩ chagɛ girep nɛnɛɛ sɩnɩŋ nɛ.

JEMBIEE 1:18

La TƖƖNA ŋaa tʋɔpʋl Tɩɩna nɛ, ka mɩ pɛ vɩa wɩalɩŋ ʋ sɩ daga. Nʋʋkala jegili mɩ teeŋ, má bee na hɛɛ-la mɩ sɩɩ na. Mɩ bapʋɔsaa arɩ mɩ hatoloo kala nɛ ba kɛsɛ mʋ yoŋ-baga.

JEMBIEE 1:4

Zaayɔŋ wombiee ka yel nɛ, bɛɛ wɩaa nʋʋkala bɩ ba to kʋkɔ ʋ gbielee leriŋ. Ʋ boi-baalaa kala pɩŋ hoi nɛ. Wɩɩsʋllɩ sɩpaalaaraa huhuuni, hatolie-la sɩ hɛ ʋ lɛ tʋɔŋ faasa chei nɛ, Zaayɔŋ kala ŋaa hɛɩ.

JEMBIEE 2:17

La TƖƖNA ŋaa wɩɩ-la ʋ sɩ bɩɩna dɩ ʋ ŋaa nɛ. Ʋ leŋe wɩɩ-la ʋ sɩ bʋla kʋ ŋaa nɛ, wɩɩ-la ʋ sɩ bʋla faafaa kala. Ʋ cheyiŋ nɛ Jerusalɛm a bɩ ŋ nɩaa nenige fá. Ʋ leŋe ŋ nɩaa dʋndɔŋŋɔɔ jʋɔsɛ ma nyuŋ nɛ. Ʋ leŋe ba laa doluŋ nɛ.

JEMBIEE 2:2

La TƖƖNA bɩ ba nenige fá aŋ chei lere-la kala Iziral tɩŋŋaa sɩɩ jʋʋ. Ʋ sɩ na baanɩŋ, ʋ yigi ʋ yigi Juda nɩaa dɩ-duoruŋ lo nɛ. Ʋ kɛŋ ba tinteeŋ arɩ ba sɩpaalaaraa muuri nɛ, a leŋ ba dii hɩɩsɩŋ.

JEMBIEE 3:43

Ŋ joŋ baanɩŋ tɔ ŋ tɩtɩa nɛ a kire to la harɩŋ. Ŋ kpʋla nɛ a bɩ la nenige fá.

ƐZƖKƖƐL 24:21

Bʋla pɩ Iziral tɩŋŋaa, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩɩ chɛ dɩ mɩ chei mɩ dɩɩ-bal-la nɛ, dɩ-duo-la ma sɩ kɛnɛ a kɛŋ babii-ballɩŋ ma tʋɔŋ tɔrɛ ʋ nyuŋ ma chou woruŋ. Ma hambolibiisiŋ arɩ ma hantolibiisi-la ma sɩ leŋe ta Jerusalɛm lɛ, ba jaŋ kpʋba laalɩŋ lɛ.

ƐZƖKƖƐL 5:11

Ŋɩɩ wɩaa, mɩ-na ŋ TƖƖNA Wɩɩjarɩbakɔ ŋmɩɛsa nɛ, a tɩŋ ŋ sɩ ŋaa wʋkɩsɩa-la a kɛŋ tɔŋŋɔɔ sɩ ŋaa disiŋ kɩa kʋ jʋʋ mɩ dɩa a leŋ ʋ kɛŋ disiniŋ, mɩ jaŋ lɩɩsɛ mɩ nɩsɩŋ ŋ lɛ, mɩ bɩ jaŋ fá ŋ nenige, mɩ jaŋ dɔgʋsʋŋ.

ƐZƖKƖƐL 7:4

Mɩ bɩ jaŋ fá ma nenige koo a lemma. Mɩ jaŋ dɔgɩsɛma a tiŋ ma wʋŋaalaa arɩ wʋkɩsɩa-la ma sɩ ŋaa chɩmɩŋ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.”

ƐZƖKƖƐL 7:9

Mɩ bɩ jaŋ fá ma nenige koo a lemma. Mɩ jaŋ dɔgɩsɛma a tiŋ ma wʋŋaalaa arɩ wʋkɩsɩa-la ma sɩ ŋaa chɩmɩŋ. Ŋɩɩ nɛ ma jaŋ jɩŋ arɩ mɩ-na ma TƖƖNA nɛ dɔgɩsɛma.

ƐZƖKƖƐL 8:18

Ŋɩɩ wɩaa, mɩ jaŋ dagɛba arɩ baanɩŋ, mɩ bɩ jaŋ fá ba nenige koo a lemba. Ba jaŋ faasa suri ba yikoro a sʋsʋlmɛ, ama mɩ bɩ jaŋ jegili ba teeŋ.”

ƐZƖKƖƐL 9:10

Ŋɩɩ wɩaa, mɩ bɩ jaŋ kɔ dɩ mɩ fá ba nisusuŋ koo a lemba, ama mɩ jaŋ joŋ wɩalɩŋ ba sɩ ŋaa a tiŋ ba lɛ.”

AMƆS 4:10

La Tɩɩna bɩra sɩ, “Mɩ joŋ nyanyal bɔŋŋɔɔ hɛ ma lɛ nɛ arɩ mɩ fa sɩ ŋaa ŋɩɩ Ijipiti tɩŋŋaa lɛ. Mɩ kpʋ ma bapʋɔsaa nɛ laalɩŋ lɛ aŋ leŋ ba kɛsɛ ma janɩŋ, mɩ leŋ sʋʋnʋŋ sʋɔra su ma bugoo kala, ka ma ha vɩa dɩ ma mɩɩra kɔ mɩ teeŋ.

AMƆS 8:13

Bʋa-la lɛ lɩɩnyʋasʋŋ jaŋ kɛŋ ma hatol-zɔmɔ-la arɩ ma bapʋɔsɩ duoruŋ dɩ ba yiegi.

ZƐKARƖYA 11:6

Mɩ ma bɩra bɩ jaŋ fá tintee-la nɩaa nenige, mɩ-na ma TƖƖNA nɛ bʋla. Mɩ jaŋ joŋ nʋʋkala hɛ ʋ dɔŋɔ tɩɩna arɩ ʋ kuoro nɩsɩŋ lɛ. Nɩaa deemba jaŋ chei tintee-la, ka mɩ bɩ jaŋ laa nɩalɩŋ ta ba nɩsɩŋ lɛ.”

MOSIS BƖRA WULLI WƖA WOMBIIŊ 28:50

Ba ŋaa tintee nɩaa sɩ bɔmɔ nɛ a kɛŋ fawʋllʋŋ, ba bɩ nɩhɩasɩŋ ka zil a bɩ hambiisiŋ ma nenige ka fá.

MOSIS BƖRA WULLI WƖA WOMBIIŊ 32:25

Laalɩŋ jaŋ diiba womporuŋ lɛ. Ba dɩɩsɩŋ ma lɛ fawʋllʋŋ jaŋ kɛmba. Ba bapʋɔsaa arɩ ba hatoloo, bii-mulluŋ arɩ banɩhɩasɩŋ kala jaŋ sʋʋ.

JOSUA 6:21

Ba chei taŋ-la kala nɛ, a kpʋ kʋŋ na-kala sɩ weye: baalaa, haalaa, hambiisiŋ arɩ nɩhɩasɩŋ, nɛsɩŋ, piesee arɩ kakusuŋ kala.

1 SAMƲƐL 15:3

Mʋ a yuo Amalɛk tɩmma-la a chei kʋŋ na-kala ba sɩ kɛnɛ. Sɩ́ leŋe dɩ kʋŋ ka. Kpʋ baalaa, haalaa, hambiisiŋ arɩ bii-mulluŋ, nɛsɩŋ arɩ piesee, bʋntaŋŋaba arɩ kakusuŋ kala.’ ”