JEMBIEE 2:20 - WƖA TENIŊ

²⁰ La TƖƖNA, beŋ mɩ wɩɩŋ a na: Kʋbɛɛ nɛ ŋ ha ŋaa ʋ na hɛɛŋ ŋ-la? Haalaa kɛsɛ ba biiriŋ didii, biiri-la ba sɩ dɩɛsa. Ba kpʋkpʋ ŋ Wɩɩsʋllɩ sɩpaalaaraa arɩ ŋ wʋlaabʋllaa ŋ dɩɩ-balɩŋ lɛ.

JEMBIEE 2:20 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:17

Ŋɩɩ nɛ ʋ lɛrɛ Babɩlɔŋ kuoro kʋ hɛ ba lɛ, ʋ kpʋ ba baalaa arɩ haalaa, hambiisiŋ arɩ nɩhɩasɩŋ kala, a kpʋ ba bapʋɔsaa ma sɩ paala hɛ Wɩa dɩɩ-bal-la lɛ. Wɩa fa joŋ ba kala hɛ Nebukadineza nɩsɩŋ lɛ nɛ.

WƖA YƖƖLAA 78:64

Ba kpʋ ba Wɩɩsʋllɩ sɩpaalaaraa kala, aŋ pɔ dɩ ba yo-haalaa sɩ́ yel.

MOSIS KƐŊ IZIRAL TƖŊŊAA LƖƖ 32:11

Ŋɩɩ nɛ Mosis sʋl ʋ Tɩɩna Wɩa a bʋl, “Ou, mɩ Tɩɩna, bɛɛ nɛ tɩɩ ŋ na baanɩŋ a chɩchɛ dɩ ŋ chei nɩalɩŋ ŋ sɩ kaa kʋ lɩɩ Ijipiti tinteeŋ lɛ arɩ ŋ doluŋ?

AZAAYA 22:2

Jaŋ kala hoso nɛ a zizigili, nɩaa dɔnsʋŋ ŋɩŋaa goŋ, ka dɔnsʋŋ ma tʋɔŋ tɔrɛ. Ma nɩalɩŋ sɩ sʋba ma jaŋ lɛ, laalɩŋ dee bɩ ba kpʋa.

JƐRƖMAAYA 19:9

Mɩ jaŋ leŋ dɩ ba gʋra chaŋ ba hambolibiisiŋ arɩ hantolibiisiŋ nammɩa. Bʋa-la lɛ ba dʋndɔŋŋɔɔ sɩ jaŋ faasa tɔba hɛ, ba jaŋ gʋra chɩchaŋ dɔŋɔ.

JƐRƖMAAYA 21:7

La TƖƖNA sɩ, “Ŋɩɩ harɩŋ, mɩ jaŋ joŋ Juda kuoro Zedikaaya, ʋ tɩntɩnnɩ-hɩasɩŋ arɩ nɩalɩŋ sɩ hɛ tabalɩŋ deeŋ lɛ, nɩalɩŋ nyanyal-bɔŋ-la, laalɩŋ arɩ losuŋ sɩ bɩ kpʋa a hɛ Babɩlɔŋ kuoro Nebukadineza nɩsɩŋ lɛ, arɩ ba dʋndɔmɔ-la sɩɩ chɛ dɩ ba lɩɩsɛ ba mɩɩsɩŋ. Ʋ jaŋ kpʋba. Ʋ bɩ jaŋ fá ba nisusuŋ koo ba nenige, ʋ tʋɔŋ bɩ jaŋ wɩɩ ba lɛ.

JƐRƖMAAYA 5:31

Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

JEMBIEE 1:19

Mɩ yɩrɛ mɩ sɩŋŋaa, ka ba vɩa dɩ ba pɛ mɩ lɛ. Mɩ Wɩɩsʋllɩ sɩpaalaaraa arɩ mɩ nɩhɩasɩŋ, sʋba nɛ tabal-la lɛ bʋa-la lɛ ba sɩ gɔllɔɔ chɛ kʋdiilee dɩ ba dii a kɛŋ mɩɩsɩŋ.

JEMBIEE 4:10

Haala-la sɩɩ fá nɩaa nenige kɛsɛ ba tɩtɩa biiriŋ chɔ a chɩchaŋ bʋa-la lɛ ba sɩ chei mɩ nɩaa.

JEMBIEE 4:13

Ama ŋɩɩ ŋaa nɛ, a tɩŋ Wɩa wʋlaabʋllaa arɩ Wɩɩsʋllɩ sɩpaalaaraa sɩ ŋaa wʋbɔŋŋɔɔ wɩaa, ba kpʋ tʋɔpʋl tɩmma-la sɩ hɛ Jerusalɛm lɛ nɛ.

JEMBIEE 4:16

La TƖƖNA tɩtɩa nɛ kɛmba pɩsɛ, ʋ bɩra bɩ ba nyuŋ ka beŋ. Ʋ bɩra bɩ nɩalɩŋ sɩ kpʋ pʋsʋŋ pʋpʋ ka zil, ʋ sɩpaa tuo nɩhɩasɩŋ lɛ.

ƐZƖKƖƐL 5:10

Jerusalɛm, ŋ lɛ nyɩmmaba jaŋ chaŋ ba biiriŋ, dɩ biiriŋ ma chɩchaŋ ba nyɩmmaba. Mɩ jaŋ dɔgʋsʋŋ, aŋ kɛŋ ŋ nɩalɩŋ sɩ ka kaa pɩsa hɛ lee-kala.

ƐZƖKƖƐL 9:7

Ŋɩɩ nɛ ʋ bʋla pɩba, “Má ŋaa disiniŋ hɛ Wɩa dɩɩ-balɩŋ lɛ, a paa sʋʋnʋŋ su ʋ kaalɩsɩ-la kala. Má mʋ a ŋaa ŋɩɩ.” Ŋɩɩ nɛ ba lɩɩ a suomo kpʋkpʋ nɩaa tabal-la kala lɛ.

LEVI DOHO NƖAA 26:29

Mɩ jaŋ leŋ dɩ losuŋ faasa jʋʋma, dɩ ma gʋra kɛsɛ ma biiriŋ chɩchaŋ.

MOSIS BƖRA WULLI WƖA WOMBIIŊ 9:26

Mɩ sʋllʋ a bʋl, “Mɩ Tɩɩna Wɩɩjarɩbakɔ, sɩ́ ŋ nɩaa ŋ tɩtɩa sɩ lɩɩsa chei. Ŋ nɛ laaba arɩ ŋ doluŋ Ijipiti tɩŋŋaa nɩsɩŋ lɛ a kɛmba kaa lɩɩ Ijipiti tinteeŋ lɛ.