JEMBIEE 2:19 - WƖA TENIŊ

¹⁹ Má sii, a ŋmoo niiŋ tɩtaŋɩŋ. Má joŋ ma tʋɔŋ wɩaa kala bil La TƖƖNA sɩpaaŋ. Má kɛŋ nɩsaa je ʋ teeŋ, a sʋlʋ a tɩŋ ma biiriŋ mɩɩsɩŋ wɩaa. Nɩalɩŋ losuŋ sɩ kpʋa ba yiege pɩŋ womporii kala loŋgoruŋ lɛ.

JEMBIEE 2:19 ပူးပေါင်းရင်းမြစ်များ

JOB 3:24

Hʋʋna vɔgɛmɛ nɛ a nagɛ kʋdiilee, aŋ pɩpɛllɛ a nagɛ lɩɩŋ.

WƖA YƖƖLAA 119:55

La Tɩɩna, tɩtaŋɩŋ mɩ yie liisi ŋ wɩaa nɛ, mɩ jaŋ to wombii-la ŋ sɩ bile dɩ la tuto.

WƖA YƖƖLAA 134:2

Má kɛŋ ma nɩsaa je a chʋɔlɛ Wɩa ʋ dɩɩ-balɩŋ lɛ aŋ dɛnnʋ.

WƖA YƖƖLAA 141:2

Leŋ dɩ mɩ Wɩɩsʋlʋŋ nagɛ kʋsʋɔrʋsʋŋ sʋara sɩ sɩma, leŋ dɩ mɩ nɩsaa mɩ sɩ kaa je ŋ teeŋ aa chʋɔlʋŋ ma nagɛ ba sɩ kpʋ pʋsʋŋ a sʋl Wɩɩsʋlʋŋ pɩpɩŋ dɩdaanɩŋ.

WƖA YƖƖLAA 142:2

Mɩ joŋ wɩalɩŋ sɩɩ walɩmɛmɛ bil ʋ sɩpaaŋ nɛ, ʋ sɩpaaŋ nɛ mɩ joŋ wɩalɩŋ sɩ jʋʋmɛ kala bil.

WƖA YƖƖLAA 142:3

Dɩ mɩ nandaasɩŋ nɛ yʋɔra, ŋ nɛ yie jɩŋ wɩɩ-la sɩ maga dɩ mɩ ŋaa. Mɩ dʋndɔŋŋɔɔ hɛ bɛrɛ nɛ a bil mɩ wombiiŋ lɛ.

WƖA YƖƖLAA 28:2

Mɩ kɛŋ mɩ nɩsaa je nɛ a chaasɛ ŋ dɩa-la sɩ zɔmɔ a bɩ disiniŋ kɛnɛ, a sʋsʋlʋŋ dɩ ŋ fá mɩ nenige. Jegile nɩɩ mɩ nii-ŋmobo.

WƖA YƖƖLAA 42:3

Mɩ yele nɛ wɩɩhɛyɛ arɩ tɩtaŋɩŋ kala. Sɩlɩɩrɩŋ ŋaa mɩ kʋdiilee, ka nɩaa pɩpɩɛsɛmɛ tapʋlɩɩ kala, “Nɩɩ nɛ ŋ Wɩa hɛ?”

WƖA YƖƖLAA 42:4

Mɩ tʋɔŋ yie faasa chei nɛ dɩ mɩ nɛ liise yi faafaa-la mɩ sɩ yie laa Wɩa nɩaa sɩpaaŋ a mʋmʋ Wɩa dɩɩ-balɩŋ la ŋaa goŋ a yɩɩ yɩɩlaa arɩ tʋɔtɔrʋŋ a lʋlɔllɛ Wɩa.

WƖA YƖƖLAA 42:8

Ŋ dagɛ ŋ chono-la sɩ bɩ dɛrɛ nɛ mɩ lɛ wɩɩhɛyɛ, tɩtaŋɩŋ ma ŋ pɩmɛ yɩɩlɩŋ mɩ sɩ jaŋ yɩɩ a chʋɔlʋŋ. Ŋ nɛ ŋaa mɩ Tɩɩna Wɩa sɩɩ pɩmɛ mɩɩsɩŋ.

WƖA YƖƖLAA 62:8

Nandɔmba, má laa Wɩa dii bʋa na-kala, a dagɛ ma wʋwalɩmaa kala pʋ. Ʋ nɛ la yie yuori.

WƖA YƖƖLAA 63:4

Mɩ mɩɩsɩŋ kala lɛ, mɩ jaŋ dɛnnɩŋ a kɛŋ mɩ nɩsaa je a lɔllʋŋ.

AZAAYA 26:9

Mɩ dɩma arɩ mɩ tʋɔŋ kala hɩɛna aa chɛŋ nɛ tɩtaŋɩŋ kala. Dɩ ŋ nɛ dii tinteeŋ nɩaa sarɩya, dʋnɩa nɩaa kala jaŋ chɩchɛ dɩ ba jɩŋ tʋɔpʋla wombiiŋ.

AZAAYA 51:20

La TƖƖNA Wɩa chaasa na baanɩŋ nɛ ma nyuŋ. Ma biiriŋ yiege nɛ a pɩŋ wombiiŋ niiŋ loŋgoru kala lɛ, a nagɛ bɛrɛ sɩ kɛŋ bagɩla.

JƐRƖMAAYA 14:18

Dɩ mɩ nɛ jɩl pɔkɔŋ nyuŋ, mɩ yie na nɩalɩŋ ba sɩ kpʋa laalɩŋ lɛ nɛ. Dɩ mɩ nɛ jʋʋ tabal-la tʋɔŋ ma, mɩ yie na nɩaa losuŋ sɩ kɛnɛ ba sʋʋ nɛ. Wɩa wʋlaabʋllaa arɩ Wɩɩsʋllɩ sɩpaalaaraa kala mʋ tintee-la ba sɩ bɩ jɩŋ nɛ.”

JƐRƖMAAYA 9:20

Ou, haalaa, lɛɛlɛ má jegile nɩɩ La TƖƖNA wɩaa. Má suri ma dɩgɩlaa a nɩɩ ʋ niiŋ wɩaa. Má dagɛ ma toloo ŋɩɩ ba sɩɩ yel, má dagɛ dɔŋɔ hagɔgʋŋ.

ƐZƖKƖƐL 5:10

Jerusalɛm, ŋ lɛ nyɩmmaba jaŋ chaŋ ba biiriŋ, dɩ biiriŋ ma chɩchaŋ ba nyɩmmaba. Mɩ jaŋ dɔgʋsʋŋ, aŋ kɛŋ ŋ nɩalɩŋ sɩ ka kaa pɩsa hɛ lee-kala.

ƐZƖKƖƐL 5:16

Mɩ jaŋ joŋ losuŋ bɔmʋŋ yagɛ Jerusalɛm a nagɛ to-hɛmɩŋ, dɩ ʋ cheima. Mɩ jaŋ keri ma kʋdiilee ta dɩ losuŋ jʋjʋʋma bʋa na-kala.

MƖKA 1:16

Juda tɩmma, má fʋŋ nyu-kpelliŋ aŋ yel ma bii-chooloo lɛ. Má kɛŋ nyu-kpelliŋ a nagɛ duuŋ, bɛɛ wɩaa ba jaŋ kɛsɛ ma biiriŋ mʋ yoŋ-baga.

NAHUM 3:10

Arɩ ŋɩɩ kala, ba fa yuo kɛnʋ nɛ a kaa mʋ yoŋ-baga. Ba paa ʋ bii-mulluŋ vɩɩra kpʋ nɛ ba womporunuŋ lɛ. Nɩalɩŋ sɩ yuo diiu tɔnsɔ lɩɩsɛ ʋ nɩyuŋŋoo nɛ, aŋ kɛŋ ʋ nɩbalaa kala hɛ chɔrʋmɔɔ.

Matiu 14:25

Sɩɩpʋʋraa, Yesu sii vɛŋ lɩɩŋ nyuŋ a mʋmʋ ʋ harɩ-tooro-la teeŋ.

Maak 1:35

Chʋchʋɔ-fɩɛla, Yesu sii lɩɩ dɩa-la lɛ a mʋ lee-la nɩaa sɩ tuo a chʋchʋɔlɛ Wɩa.

Maak 13:35

Má saa pɔ woruŋ, bɛɛ wɩaa ma bɩ jɩŋ bʋa-la lɛ dɩa-la tɩɩna sɩ jaŋ kɔ, dɩ dɩdaanɩŋ nɛɛ, dɩ tɩta-siesee nɛɛ, dɩ sɩɩpʋʋraa nɛɛ, koo chʋchʋɔŋ nɛɛ, ma bɩ jɩŋ.

Luuk 6:12

Tapʋlɩɩ kʋbala Yesu jɩl peeliŋ nyuŋ dɩ ʋ chʋɔlɛ Wɩa. Ʋ chʋɔlɛ Wɩa ŋɩɩ deeŋ deeŋ taŋ pʋl.

1 Timoti 2:8

Dɩ ma nɛ kʋ hilimi lee na-kala dɩ ma chʋɔlɛ Wɩa, mɩɩ chɛ dɩ baala-la sɩ joŋ ba tɩtɩa a pɩ Wɩa nɛ kɛŋ ba nɩsaa jee a chʋɔlɛ Wɩa. Dɩ ba nɩɩ chʋɔlɛ Wɩa, ʋ bɩ maga dɩ ba nɩna baanɩŋ koo a bɩbɩɩnɛ yuosuŋ wɩaa.

SƖPAALAARAA 7:19

Gɩdɩɔŋ arɩ nɩalɩŋ zɔlɔ sɩɩ to ʋ harɩŋ mʋ yi Midiaŋ tɩmma-la buguŋ niiŋ tɩta-siesee nɛ, dɩ nɩaa dɔnsʋŋ kʋ laa nɩalɩŋ sɩɩ pɔba lɛ, a pɔ. Ŋɩɩ nɛ ba ŋmʋʋ banyilliŋ aŋ joŋ ba tagɩsɩ-la ba sɩ koro a yaga yɛrɛ.

1 SAMƲƐL 1:15

Hana bʋl, “Mɩ nɩhɩaŋ, mɩ bɩ bugo. Mɩ bɩ tɩɩnɛnɛɛ sɩnɩŋ koo sɩ-duo dɔŋ kala nyʋa, mɩ tʋɔŋ nɛ faasa chei. Wɩalɩŋ sɩɩ walɩmɛmɛ nɛ mɩ bʋlaa pɩ La TƖƖNA.

1 SAMƲƐL 7:6

Ba sɩ kʋ hilimi Mɩzɩpa lɛ, ba ŋaa lɩɩŋ a ta La TƖƖNA sɩpaaŋ a sʋlʋ, aŋ vɔɔ niiŋ tapʋlɩɩ-la kala a bʋl, “La ŋaa wʋbɔŋ nɛ La TƖƖNA lɛ.” Samʋɛl nɛ fa ŋaa Iziral tɩŋŋaa sɩpaalaara Mɩzɩpa lɛ.