JEMBIEE 2:18 - WƖA TENIŊ

¹⁸ Jerusalɛm, leŋ dɩ ŋ kɛrɩsɩŋ ŋmoo niiŋ a pɩ la TƖƖNA a nagɛ nɩaa sɩɩ yel. Leŋ dɩ ma sɩlɩɩrɩŋ pɛllɛ a nagɛ fuoŋ wɩɩhɛyɛ arɩ tɩtaŋɩŋ kala. Má sɩ́ wiesu, a sɩ́ leŋe dɩ ma sɩaa ma wiesi.

JEMBIEE 2:18 ပူးပေါင်းရင်းမြစ်များ

WƖA YƖƖLAA 119:136

Dɩ nɩaa nɛ vɩa dɩ ba to wombii-la ŋ sɩ bile dɩ la tuto, ŋɩɩ yie leŋ mɩ yel nɛ, mɩ sɩaa kala fo sɩlɩɩrɩŋ.

WƖA YƖƖLAA 119:145

La TƖƖNA, mɩɩ yɩrɩŋ nɛ arɩ mɩ tʋɔŋ kala dɩ ŋ pɛ mɩ lɛ, nɩɩ mɩ teeŋ. Mɩ jaŋ sɛɩ wɩalɩŋ ŋ sɩ daga.

JƐRƖMAAYA 13:17

Ama dɩ ma nɛ bɩ jegile nɩɩ, mɩ jaŋ lʋara yel a tɩŋ ma babii-ballɩŋ wɩaa. Mɩ jaŋ chaasa yel woruŋ, dɩ mɩ sɩaa pɩpɛllɛ sɩlɩɩrɩŋ, bɛɛ wɩaa ba jaŋ yuo kɛsɛ La TƖƖNA nɩaa kaa viiri.

JƐRƖMAAYA 14:17

Ʋ fa bɩra bʋla pɩmɛ nɛ dɩ mɩ bʋl wɩɩŋ deeŋ pɩba: “Mɩ sɩaa ka pɛllɛ sɩlɩɩrɩŋ tɩtaŋɩŋ arɩ wɩɩhɛyɛ kala nɛ a bɩ kɛrɛ, bɛɛ wɩaa mɩ nɩaa chaasa bolimi nɛ a nɩna hɛɛŋ woruŋ.

JƐRƖMAAYA 4:31

Mɩ nɩa dɩ baa ŋmoo niiŋ a nagɛ haala sɩɩ chɛ dɩ ʋ lʋl ʋ luoruŋ wʋwɩɩ nɛ, a huunoo nagɛ haala sɩɩ chɛ dɩ ʋ lʋl ʋ ha-toli bie. Zaayɔŋ nɩaa nɛ ŋmoo niiŋ ŋɩɩ a wiesee puri, a tɩɛnɛ nɩsaa a bʋl, “Ou, mɩ sʋba. Ba jommi hɛ nɩkpʋʋraa nɩsɩŋ lɛ nɛ.”

JƐRƖMAAYA 9:1

Mɩ fa cho dɩ mɩ nyuŋ nagɛ lɩɩ-bul-sɩɩŋ nɛ dɩ mɩ sɩaa ma fa bubul sɩlɩɩrɩŋ. Mɩ fa jaŋ yel tɩtaŋɩŋ arɩ wɩɩhɛyɛ kala a tɩŋ ba sɩ kpʋ mɩ nɩaa wɩaa.

JEMBIEE 1:16

Ŋɩɩ nɛ tɩɩ mɩ yel, mɩ sɩaa kala pɩpɛllɛ sɩlɩɩrɩŋ. Nʋʋkala bɩ kpaga dɩ ʋ nyagɛ mɩ bɔyɛ, nʋʋ ma tuo dɩ ʋ ŋaa dɩ mɩ tʋɔŋ pɩŋ dɩ-bala. Mɩ biiriŋ bɩra bɩ kʋŋ kɛnɛ, bɛɛ wɩaa mɩ dʋndɔŋŋɔɔ yuo diiba nɛ.”

JEMBIEE 1:2

Ʋ chaasa yel nɛ tɩtaŋɩŋ, ʋ chaŋkpaŋŋaa kala ŋaa sɩlɩɩrɩŋ. Ʋ hɩɩlaa kala tʋɔŋ nʋʋkala tuo dɩ ʋ nyagɛ ʋ bɔyɛ. Ʋ tanlɔsʋŋ kala joŋu yallɛ nɛ, ba mɩɩra ŋaa ʋ dʋndɔmɔ nɛ.

JEMBIEE 2:8

La TƖƖNA chaasa ŋaa siri dɩ ʋ yigi kɛrɛ-la sɩ golli Zaayɔŋ lo nɛ. Ʋ kɛŋ nɩsɩŋ tɩɛnɛ nɛ a nagɛ ŋmɛŋ-la ba sɩ kaa magɩsɛ leriŋ, ʋ bɩ ʋ nɩsɩŋ lɩɩsa leriŋ cheyiŋ lɛ. Ʋ leŋe vaŋkumba arɩ kɛrɩsɩŋ kala yel nɛ a yʋɔla dɛrɛ.

HOSIA 7:14

Ba tʋɔŋ kala dee ba kaa yele pɩpɩmɛ, ba mɩɩrɛ mɩ harɩŋ nɛ. Dɩ ba nɛ sʋla chɩchɛ kʋdiilee arɩ sɩnɩŋ ba yie pɩŋ ba bɔsʋnʋŋ lɛ nɛ a ŋmuŋmoo niiŋ a nagɛ nɩalɩŋ sɩ bɩ mɩ jɩŋ sɩɩ ŋaa ŋɩɩ.

HABAKU 2:11

Ma dɩɩsɩŋ jeyee tabɩaa jaŋ chɩɩrɛ ma nyusuŋ, dɩ doloo laa chɩɩmɛ.