JEMBIEE 2:17 - WƖA TENIŊ

¹⁷ La TƖƖNA ŋaa wɩɩ-la ʋ sɩ bɩɩna dɩ ʋ ŋaa nɛ. Ʋ leŋe wɩɩ-la ʋ sɩ bʋla kʋ ŋaa nɛ, wɩɩ-la ʋ sɩ bʋla faafaa kala. Ʋ cheyiŋ nɛ Jerusalɛm a bɩ ŋ nɩaa nenige fá. Ʋ leŋe ŋ nɩaa dʋndɔŋŋɔɔ jʋɔsɛ ma nyuŋ nɛ. Ʋ leŋe ba laa doluŋ nɛ.

JEMBIEE 2:17 ပူးပေါင်းရင်းမြစ်များ

1 KUOROO 9:7

ŋɩɩ-na, mɩ jaŋ kiri ma Iziral tɩŋŋaa ta tintee-la mɩ sɩ joŋo pɩma lɛ, aŋ vɩa mɩ dɩɩ-balɩŋ deeŋ mɩ sɩ lɩɩsa ʋ ŋaa mɩ kʋŋ dɩ ba dɩdɛnnɛmɛ nɩmɛ ta. Dɩ ŋɩɩ nɛ ŋaa, ma Iziral tɩŋŋaa kala jaŋ mɩɩra ŋaa nɩtɔɔnɩ dɩ nɩaa kala mʋmɔmma.

WƖA YƖƖLAA 35:24

La Tɩɩna mɩ Wɩa, ŋ ŋaa tʋɔpʋl Tɩɩna nɛ, ŋɩɩ wɩaa laa wɩɩ-la a jɩma pɩmɛ a dagɛ arɩ mɩ bɩ wɩɩ cheye. Sɩ́ leŋe dɩ ba jʋɔsɛ mɩ nyuŋ.

WƖA YƖƖLAA 35:26

Leŋ dɩ nɩalɩŋ kala sɩɩ jʋɔsɛ ŋɩɩ wɩaa sɩ jʋʋ mɩ lɛ dii hɩɩsɩŋ, dɩ ba tʋɔbɩɩnaa vʋgʋmɛ. Jolimi nɩalɩŋ ma kala sɩ bene arɩ ba kpɩamɛ nɛ, leŋ dɩ ba dii hɩɩsɩŋ.

WƖA YƖƖLAA 38:16

Mɩ sɩ, “Sɩ́ leŋe dɩ mɩ dʋndɔŋŋɔɔ jʋɔsɛ mɩ nyuŋ, koo a bigisi ba tɩtɩa lɛ dɩ mɩ nɛ sɩara.”

WƖA YƖƖLAA 89:42

Ŋ leŋe ʋ dʋndɔŋŋɔɔ yuo diiu nɛ, ŋ leŋe ʋ dʋndɔŋŋɔɔ kala jʋɔsɛ ʋ nyuŋ nɛ.

WƖA YƖƖLAA 89:43

Ŋ kɛŋ kuoro tokobiiŋ niiŋ bɩrɩmɛ nɛ, aŋ leŋ ba yuo diiu laalɩŋ lɛ.

AZAAYA 14:29

“Fɩlɩsɩtɩa tɩŋŋaa kala, ma pɔ má sɩ́ jʋɔsʋ a tɩŋ daa-la fa sɩɩ dɔgɩsɛma sɩ boro wɩaa. Dɩ dɩmɩŋ nɛ sʋba, dɩŋ-la sɩ kɛŋ huoŋ a kɩɩʋ yie lɩɩ chɩŋ ʋ nyuŋ lɛ nɛ. Ʋ halaa jaŋ tiesi dɩ-bɔmɔ-la doho sɩ kɛŋ huoŋ-la tɩtɩa.

JƐRƖMAAYA 18:11

Lɛɛlɛ bʋla pɩ Juda nɩaa arɩ ba nɩalɩŋ dɔnsʋŋ sɩ hɛ Jerusalɛm lɛ, ‘Wɩɩ-la mɩ-na ma TƖƖNA sɩ bʋla nɛ ŋ-la: Má bee na, mɩɩ bɩɩnɛ wɩɩ nɛ dɩ mɩ ŋaa ma lɛ. Wʋlɔrʋ nɛ mɩɩ bɩɩnɛ dɩ mɩ joŋo dɔgɩsɛma. Ŋɩɩ wɩaa má kʋŋkala bɩrɩma lɩɩ ma wʋbɔŋŋɔɔ lɛ. Ma bɩrɩmɛ ma mɛlɛ arɩ ma wʋŋaalaa.’

JƐRƖMAAYA 4:28

Dʋnɩa nɩaa jaŋ yel, dɩ wɩa-nyuŋ ma biri lim, bɛɛ wɩaa, wɩɩ-la mɩ sɩ bʋla, mɩ bɩ jaŋ kɛŋ mɩ tʋɔbɩɩnaa bɩrɩmɛ. Mɩ kɛŋ tʋɔŋ dɩ mɩ ŋaa nɛ, mɩ bɩ jaŋ mɩɩrɛ harɩŋ.”

JƐRƖMAAYA 40:3

Lɛɛlɛ La TƖƖNA leŋe wɩɩ-la ŋaa nɛ. Ʋ ŋaa ŋɩɩ tɩtɩa ʋ sɩ bʋla nɛ. Wɩaa deemba kala ŋaa a tɩŋ ma sɩ ŋaa wʋbɔŋŋɔɔ La TƖƖNA teeŋ a bɩ ʋ niiŋ to nɛ.

JEMBIEE 1:5

Ʋ dʋndɔŋŋɔɔ nɛ mɩɩra kɛŋ doluŋ ʋ nyuŋ, ʋ dʋndɔŋŋɔɔ wiese nɛ. La TƖƖNA nɛ ŋaa ʋ tʋɔŋ faasa chei a tɩŋ ʋ wʋbɔŋŋɔɔ sɩ yʋga wɩaa. Ba yuo dii Zaayɔŋ nɛ a kɛsɛ ʋ biiriŋ mʋ yoŋ-baga, ba dʋndɔŋŋɔɔ diiba nɛ.

JEMBIEE 2:8

La TƖƖNA chaasa ŋaa siri dɩ ʋ yigi kɛrɛ-la sɩ golli Zaayɔŋ lo nɛ. Ʋ kɛŋ nɩsɩŋ tɩɛnɛ nɛ a nagɛ ŋmɛŋ-la ba sɩ kaa magɩsɛ leriŋ, ʋ bɩ ʋ nɩsɩŋ lɩɩsa leriŋ cheyiŋ lɛ. Ʋ leŋe vaŋkumba arɩ kɛrɩsɩŋ kala yel nɛ a yʋɔla dɛrɛ.

JEMBIEE 3:43

Ŋ joŋ baanɩŋ tɔ ŋ tɩtɩa nɛ a kire to la harɩŋ. Ŋ kpʋla nɛ a bɩ la nenige fá.

JEMBIEE 4:11

La TƖƖNA chaasa na baanɩŋ nɛ, ʋ baanɩŋ chaasa sii nɛ ʋ pɔsɛ. Ʋ fuuni nyiniŋ hɛ Zaayɔŋ lɛ nɛ, ʋ joŋ ʋ kala kɔlɩmɛ a tuu yi gentine.

ƐZƖKƖƐL 5:11

Ŋɩɩ wɩaa, mɩ-na ŋ TƖƖNA Wɩɩjarɩbakɔ ŋmɩɛsa nɛ, a tɩŋ ŋ sɩ ŋaa wʋkɩsɩa-la a kɛŋ tɔŋŋɔɔ sɩ ŋaa disiŋ kɩa kʋ jʋʋ mɩ dɩa a leŋ ʋ kɛŋ disiniŋ, mɩ jaŋ lɩɩsɛ mɩ nɩsɩŋ ŋ lɛ, mɩ bɩ jaŋ fá ŋ nenige, mɩ jaŋ dɔgʋsʋŋ.

ƐZƖKƖƐL 8:18

Ŋɩɩ wɩaa, mɩ jaŋ dagɛba arɩ baanɩŋ, mɩ bɩ jaŋ fá ba nenige koo a lemba. Ba jaŋ faasa suri ba yikoro a sʋsʋlmɛ, ama mɩ bɩ jaŋ jegili ba teeŋ.”

ƐZƖKƖƐL 9:10

Ŋɩɩ wɩaa, mɩ bɩ jaŋ kɔ dɩ mɩ fá ba nisusuŋ koo a lemba, ama mɩ jaŋ joŋ wɩalɩŋ ba sɩ ŋaa a tiŋ ba lɛ.”

DANƖƐL 9:12

Ŋ leŋe wɩalɩŋ ŋ sɩ bʋla tɩgɛ la dɩ la sɩpaalaaraa lɛ kʋ ŋaa wʋtɩtɩɩ nɛ. Ŋ sɩ joŋ wʋlɔrʋnʋŋ ŋaa la lɛ, dʋnɩa kala lɛ wʋdoho-la sɩ ŋaa Jerusalɛm lɛ ha bɩ ŋaa aŋ ka.

MƖKA 2:3

Ŋɩɩ wɩaa, La TƖƖNA sɩ, “Mɩɩ bɩɩnɛ mɩ ŋaa wʋlɔrʋŋ nɛ ma nɩaa deemba lɛ, ma bɩ jaŋ wuo laa ma tɩtɩa. Ma bɩra bɩ jaŋ wuo ŋaa wɩaa a dagɛ ma tɩtɩa, bɛɛ wɩaa bʋa-la lɛ wɩaa jaŋ jʋʋma.

ZEFANAAYA 1:2

La TƖƖNA sɩ, “Mɩ jaŋ tii paa kʋŋkala sɩ hɛ dʋnɩa lɛ.

ZƐKARƖYA 1:6

Ama mɩ niiŋ wɩaa arɩ mɩ niiri-la mɩ sɩ joŋo dagɛ mɩ tɩntɩnnaa sɩ ŋaa mɩ wʋlaabʋllaa dii ma naabalɩmaba nɛ. Ŋɩɩ nɛ ba bɩrɩma lɩɩ ba wʋbɔŋŋɔɔ lɛ aŋ bʋl, ‘La TƖƖNA doluŋ kala Tɩɩna joŋ la wombiee arɩ la wʋŋaalaa sɩ nagɛ ŋɩɩ chɩmɩŋ nɛ a tiŋ la lɛ, arɩ ŋɩɩ ʋ sɩ bɩɩna dɩ ʋ ŋaa.’ ”