JEMBIEE 2:16 - WƖA TENIŊ

¹⁶ Ma dʋndɔŋŋɔɔ kala chaasa suri ba niiree nɛ a sii chɩŋ ma lɛ. Ba sieri ma lɛ nɛ a mɔmɔ chuchuri nyɩlaa a bʋl, “La chei Jerusalɛm nɛ. Tapʋlʋŋ deeŋ nɛ la faa gbɛrɛ ŋɩɩ, la saa naʋ nɛ.”

JEMBIEE 2:16 ပူးပေါင်းရင်းမြစ်များ

WƖA YƖƖLAA 109:2

Nɩbɔŋŋɔɔ arɩ nɩalɩŋ sɩɩ nyɩsɛ nɩaa suri ba niiŋ nɛ a chɩŋ mɩ lɛ, a nyɩɛ wɩaa bʋl wʋbɔŋŋɔɔ a chicheimi.

WƖA YƖƖLAA 112:10

Nɩbɔmʋŋ jaŋ na ŋɩɩ dɩ ʋ baanɩŋ sisii, ʋ dɩdɩŋ ʋ nyɩlaa a kala hɩl, ama wɩɩ-la ʋ sɩɩ chɛ, ʋ bɩ jaŋ naʋ.

WƖA YƖƖLAA 124:3

ba fa jaŋ paa la kala liŋ, a tɩŋ ba baanɩŋ sɩ faasa sii la nyuŋ wɩaa.

WƖA YƖƖLAA 22:13

Mɩ dʋndɔmɔ-la nagɛ naachigee nɛ a faasa suri ba niiree aa tʋɔrɛ dɩ ba kɛmmɛ pʋɔsɛ.

WƖA YƖƖLAA 35:16

Ba nagɛ nɩtɔɔnʋŋ nɛ a sieri mɩ lɛ, a mɔmmɛ a bɩ leŋ aŋ gɩgɩɛnɛmɛ.

WƖA YƖƖLAA 35:21

Ba joŋ cheeriŋ pɩmɛ a bʋl, “Ahaa, la sɩɩŋ na wɩɩ-la ŋ sɩ ŋaa nɛ.”

WƖA YƖƖLAA 35:25

Sɩ́ leŋe dɩ ba bʋl ba tʋɔŋ lɛ, “Ahaa, lɛɛlɛ la na wɩɩ-la la sɩɩ chɛ nɛ,” koo a bʋl, “La kɛnʋ liŋ nɛ.”

WƖA YƖƖLAA 37:12

Nɩbɔŋŋɔɔ sii chɩŋ tʋɔpʋl tɩŋŋaa lɛ nɛ a gɩgɩɛnɛba.

WƖA YƖƖLAA 41:8

“Nyanyal-bɔŋ nɛ kɛnʋ, ʋ bɩ jaŋ waa.”

WƖA YƖƖLAA 56:2

Nɩalɩŋ sɩɩ chei mɩ yɩrɩŋ kire to mɩ harɩŋ nɛ tapʋlɩɩ-la kala, nɩ-daŋ nɛ ŋmoo bɔyɛ a yuyuomi.

WƖA YƖƖLAA 57:3

Ʋ jaŋ tɩŋ dɩ ba lɩɩ Wɩa-jaŋ a kʋ laamɛ ta, aŋ leŋ dɩ nɩalɩŋ sɩɩ yuomi jʋʋ wɩaa lɛ. Wɩa jaŋ dagɛ ʋ chono-la sɩ bɩ dɛrɛ arɩ ʋ wʋtɩtɩɩ.

AZAAYA 49:19

Ŋ tinteeŋ fa wuolo nɛ a pɩŋ jikpeeŋ, ama lɛɛlɛ ʋ jaŋ ŋaa kʋbie ŋ teeŋ a tɩŋ nɩalɩŋ sɩɩ kɔ dɩ ba hɔŋ nɩmɛ wɩaa. Nɩalɩŋ sɩ yigiŋ lo jaŋ leŋiŋ aŋ mʋ dɩ-bolii.

JƐRƖMAAYA 26:6

ŋɩɩ-na mɩ jaŋ leŋ dɩ mɩ dɩɩ-balɩŋ deeŋ ma nagɛ taŋ-la ba sɩɩ yɩrɛ Sɩlɔ, dɩ dʋnɩa tinteyee nɩaa kala kɛŋ tabalɩŋ deeŋ yɩrɩŋ ŋmɩɛsa hɩhɛ nɩaa lɛ.’ ”

JƐRƖMAAYA 29:18

Mɩ jaŋ joŋ laalɩŋ, losuŋ arɩ nyanyal-bɔmʋŋ a kire to ba harɩŋ. Mɩ jaŋ leŋ dɩ ba kɛŋ nyɛsɩŋ dʋnɩa kuori-gentisiŋ nɩaa kala teeŋ, dɩ nɩaa kɛŋ ba yɩrɩŋ ŋmɩɛsa hɩhɛ dɔŋɔ lɛ. Nɩaa jaŋ naba dɩ fawʋllʋŋ kɛmba dɩ ba hihirigi. Tinteye-la kala lɛ mɩ sɩ kiriba hɛ, nɩaa jaŋ sisieri ba lɛ a mʋmɔmba.

JƐRƖMAAYA 50:17

Iziral tɩŋŋaa nagɛ naachigiŋ sɩ kiri piesee ba pɩsɛ nɛ. Nɩɩ-la sɩ laa sɩpaaŋ yuo diiba nɛ ŋaa Asiiria kuoro. Nɩɩ-la ma sɩ to harɩŋ yɛrɛ ʋ haŋgbelee nɛ Babɩlɔŋ kuoro Nebukadineza.”

JƐRƖMAAYA 50:7

Nʋʋ na-kala sɩ naba yie kpʋba nɛ. Ba dʋndɔŋŋɔɔ sɩ, ‘La bɩ cheeriŋ kɛnɛ, bɛɛ wɩaa ba ŋaa wʋbɔŋ nɛ ba TƖƖNA teeŋ, Nɩɩ-la sɩɩ pɩba kʋdiilee. La TƖƖNA lɛ nɛ ba nyɩmmaba fa joŋ ba yɩɛlaa hɛ.’

JƐRƖMAAYA 51:34

Babɩlɔŋ kuoro Nebukadineza paala liŋ nɛ. Ʋ leŋe la bɩ jɩŋ wɩɩ-la tʋɔŋ la sɩ hɛ. Ʋ leŋe la nagɛ pupo-wuoluŋ nɛ. Ʋ paala liŋ nɛ a nagɛ dɩmɩŋ, a vɔgɛ, aŋ nyɛ ta.

JEMBIEE 1:21

Nɩaa nɩɩ mɩ huuno nɛ, ama nʋʋ tuo dɩ ʋ nyagɛ mɩ bɔyɛ. Mɩ dʋndɔŋŋɔɔ kala nɩɩ mɩ tʋɔ-cheeŋ wɩaa nɛ, a jʋjʋɔsɛ wɩɩ-la ŋ sɩ ŋaa lɛ. Leŋ dɩ tapʋlɩɩ-la wɩaa ŋ sɩ heele bʋl yi, dɩ ba ma na hɛɛŋ arɩ mɩ sɩ na ŋɩɩ.

JEMBIEE 3:46

La dʋndɔŋŋɔɔ kala chaasa suri ba niiree nɛ a sii chɩŋ la lɛ.

ƐZƖKƖƐL 23:32

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Ŋ ma jaŋ nyʋa nyʋnyʋala-la tʋɔŋ ŋ malɩma sɩ nyʋa, nyʋnyʋala-la jalɩa nɛ aŋ luŋ ma. Ʋ jaŋ leŋ dɩ nɩaa sieri ŋ lɛ a mɔmʋŋ, bɛɛ wɩaa ʋ tʋɔŋ kɩaa yʋga nɛ woruŋ.

ƐZƖKƖƐL 25:15

“Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Fɩlɩsɩtɩa tɩŋŋaa sɩ kɛŋ tʋɔŋ arɩ Juda nɩaa faafaa kala ŋɩɩ, ba ŋaa wɩaa ba lɛ nɛ a tiŋ chɩmɩŋ a cheiba.

ƐZƖKƖƐL 25:3

Bʋla pɩba, dɩ ba jegile nɩɩ wɩɩ-la mɩ-na ma TƖƖNA Wɩɩjarɩbakɔ sɩ bʋla. Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: A tɩŋ ma tʋɔŋ sɩ tɔrɔ bʋa-la lɛ mɩ dɩɩ-bal-la sɩ cheye arɩ Iziral tinteeŋ sɩ pɩŋ jikpeeŋ, arɩ bʋa-la lɛ Juda nɩaa sɩ hɛ yoŋ-baga lɛ wɩaa,

ƐZƖKƖƐL 25:6

Wɩɩ-la mɩ-na ma TƖƖNA Wɩɩjarɩbakɔ bɩra sɩ bʋla nɛ ŋ-la: A tɩŋ ma tʋɔŋ sɩ tɔrɔ ma porisi nɩsaa a fɩla jʋɔsɛ Iziral tinteeŋ sɩ cheye wɩaa,

ƐZƖKƖƐL 36:3

Ŋɩɩ wɩaa bʋl wɩaa mɩ doluŋ lɛ a pɩba. Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: A tɩŋ ba sɩ chei ma tinteeŋ a kirima gɔllɔɔ baarɛ sɛmɛ na-kala a jomma hɛ tinteye-la sɩ gollima nɩaa nɩsɩŋ lɛ, ba bʋl wʋbɔŋŋɔɔ ma lɛ a chichei ma yɩrɩŋ,

ƐZƖKƖƐL 5:15

Ŋ jaŋ ŋaa mɔmɩɩ, dɩ nɩaa bʋl wɩaa sisii ŋ baanɩŋ. Dɩ mɩ nɛ faasa na baanɩŋ a dɔgʋsʋŋ, ŋɩɩ jaŋ ŋaa chagɩlɩna a pɩ tinteye-la sɩ golluŋ, dɩ fawʋllʋŋ kɛmba dɩ ba hirigi. Mɩ-na ŋ TƖƖNA nɛ bʋla.

HOSIA 8:8

Iziral kala cheye nɛ, ʋ hɛ tinteyee tʋɔŋ nɛ a nagɛ kʋtɔɔ nʋʋkala sɩ bɩ chɛ.

MƖKA 4:11

Bʋa deeŋ lɛ tinteyee yʋga nɛ, a kʋ hɛ dɔŋɔ lɛ dɩ ba yuoma. Ba sɩ, ‘Má leŋ dɩ la cheyu, má leŋ dɩ la na dɩ Zaayɔŋ pɩŋ jikpeeŋ.’

Tɩntɩŋŋaa 7:54

Sɩtɩɩvɩŋ sɩ bʋl wɩalɩŋ dɛrɛ, nɩalɩŋ fa sɩ hilime vʋvʋʋrɛ wɩaa nɩɩ, ba baanɩŋ faasa sii ʋ nyuŋ, ba dɩdɩŋ ba nyɩlaa.