JEMBIEE 2:15 - WƖA TENIŊ

¹⁵ Nɩalɩŋ kala sɩ kielima bɩbal mɔŋ a bʋl, vaha. Ba yie sieri ma lɛ aŋ kɛŋ ba nyusuŋ chugisi ma Jerusalɛm nɩaa wɩaa aŋ pɩɛsɛ, “Tabalɩŋ deeŋ dee ba fa kaa yɩrɛ taŋ-la sɩ chaasa zɔŋ kɩŋkɛŋ a ŋaa dʋnɩa nɩaa kala tʋɔtɔrʋ lee ŋɩɩ?”

JEMBIEE 2:15 ပူးပေါင်းရင်းမြစ်များ

2 KUOROO 19:21

Wɩɩ-la mɩ-na ma TƖƖNA sɩ bʋla a tɩgɛ ʋ lɛ nɛ ŋ-la: Zaayɔŋ nɩaa ka mɔŋ Sɛnakɛrɩb nɛ a sisieri ʋ lɛ. Jerusalɛm nɩaa kɛŋ nyuŋ kpukpegisi nɛ, ka ʋ fɩfá dɩ ʋ laa ʋ mɩɩsɩŋ.

2 IZIRAL TƖŊŊAA NAABARƖŊ 7:21

Lɛɛlɛ-na mɩ dɩɩ-balɩŋ deeŋ kɛŋ yɩrɩŋ nɛ woruŋ, ama dɩ ŋɩɩ nɛ ŋaa, nʋʋkala sɩ jaŋ to dɩa deeŋ bʋbʋɔŋ bɩbal jaŋ naʋ dɩ ʋ ŋaaʋ wʋkpuŋkpere dɩ ʋ pɩɛsɛ, ‘Bɛɛ nɛ tɩɩ La TƖƖNA ŋaa tinteeŋ deeŋ arɩ Wɩa dɩɩ-balɩŋ deeŋ ŋ-la?’

WƖA YƖƖLAA 109:25

Mɩ ŋaa mɩ dʋndɔŋŋɔɔ nɩmɔmɩɩ nɛ, dɩ ba nɛ namɛ, ba chugisi nyuŋ.

WƖA YƖƖLAA 22:7

Nʋʋkala yie namɛ a sieri mɩ lɛ a tʋʋsɛmɛ, aŋ vivigisi nyuŋ,

WƖA YƖƖLAA 48:2

Wɩa peel-la ŋaa dɩ-zɔŋ nɛ a pɩpɩ dʋnɩa nɩaa kala tʋɔtɔrʋŋ. Peel-la ba sɩɩ yɩrɛ Zaayɔŋ nɛ ŋɩɩ, kuoru-balɩŋ jaŋ.

WƖA YƖƖLAA 48:3

Wɩa hɛ ʋ tabalɩŋ lɛ nɛ, ʋ daga arɩ ʋ nɛ lee-la dɩ-duoŋ.

WƖA YƖƖLAA 50:2

Wɩa pʋlʋmʋŋ chaana nɛ, a lɩɩ Zaayɔŋ taŋ-la sɩ zɔmɔ woruŋ lɛ.

WƖA YƖƖLAA 64:8

Ba niiŋ wʋbʋlɩa-la tɩtɩa nɛ ʋ jaŋ kaa gʋra cheiba. Dɩ nʋʋkala nɛ naba, ʋ jaŋ vigisi nyuŋ.

AZAAYA 28:21

La TƖƖNA jaŋ sii yuoma arɩ ʋ fa sɩ ŋaa ŋɩɩ peel-la ba sɩɩ yɩrɛ Parazɩm lɛ. Ʋ jaŋ sii ma lɛ arɩ ʋ fa sɩ ŋaa ŋɩɩ Gibioŋ fuonaaŋ lɛ, dɩ ŋɩɩ leŋ dɩ ʋ wuo ŋaa wɩalɩŋ ʋ sɩɩ chɛ ʋ ŋaa, wɩalɩŋ ma ha sɩ bɩ na aŋ ka.

AZAAYA 37:22

Wɩɩ-la mɩ-na ma TƖƖNA sɩ bʋla a tɩgɛ ʋ lɛ nɛ ŋ-la: Zaayɔŋ nɩaa ka mɔŋ Sɛnakɛrɩb nɛ a sisieri ʋ lɛ. Jerusalɛm nɩaa kɛŋ nyuŋ kpukpegisi nɛ, ka ʋ fɩfá dɩ ʋ laa ʋ mɩɩsɩŋ.

AZAAYA 64:11

La Wɩa dɩɩ-bal-la fa sɩ kɛŋ tʋla a bɩ disiniŋ kɛnɛ, lee-la la naabalɩmaba fa sɩɩ dɛnnɩŋ kala nɛ ba nyɩgɛ, la dɩ-zɔŋŋɔɔ kala nɛ ba chei.

JƐRƖMAAYA 18:16

Ba tinteeŋ jaŋ pɩŋ pɛɩ, dɩ nɩaa mʋmɔŋ ʋ lɛ a kaa mʋ wuu. Ʋ wɩaa jaŋ kperi nʋʋkala sɩ to nɩmɛ a bɩbal, dɩ ba vivigisi nyuŋ.

JƐRƖMAAYA 19:8

Mɩ jaŋ chei tabalɩŋ deeŋ dɩ ʋ ŋaa kʋŋ nɩaa sɩ jaŋ mʋmɔŋ. Ʋ wɩaa jaŋ kperi nɩalɩŋ kala sɩ to nɩmɛ bɩbal, dɩ ba sisieri ʋ lɛ a tɩŋ ŋɩɩ ba sɩ cheyu.

JƐRƖMAAYA 25:18

Ba nɛ: Jerusalɛm arɩ Juda tasɩŋ dɔnsʋŋ kala, ba kuoroo arɩ ba tɩntɩnnɩ-hɩasɩŋ, dɩ ʋ jaŋ cheiba dɩ ba ŋaa mɔmɩa dɩ nɩaa sisieri ba lɛ, dɩ nɩaa naba dɩ fawʋllʋŋ kɛmba dɩ ba hihirigi, aŋ kɛŋ ba yɩrɩŋ ŋmɩɛsa hɩhɛ nɩaa lɛ, arɩ ba sɩ nagɛ ŋɩɩ jɩnɩmba,

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 26:6

ŋɩɩ-na mɩ jaŋ leŋ dɩ mɩ dɩɩ-balɩŋ deeŋ ma nagɛ taŋ-la ba sɩɩ yɩrɛ Sɩlɔ, dɩ dʋnɩa tinteyee nɩaa kala kɛŋ tabalɩŋ deeŋ yɩrɩŋ ŋmɩɛsa hɩhɛ nɩaa lɛ.’ ”

JƐRƖMAAYA 29:18

Mɩ jaŋ joŋ laalɩŋ, losuŋ arɩ nyanyal-bɔmʋŋ a kire to ba harɩŋ. Mɩ jaŋ leŋ dɩ ba kɛŋ nyɛsɩŋ dʋnɩa kuori-gentisiŋ nɩaa kala teeŋ, dɩ nɩaa kɛŋ ba yɩrɩŋ ŋmɩɛsa hɩhɛ dɔŋɔ lɛ. Nɩaa jaŋ naba dɩ fawʋllʋŋ kɛmba dɩ ba hihirigi. Tinteye-la kala lɛ mɩ sɩ kiriba hɛ, nɩaa jaŋ sisieri ba lɛ a mʋmɔmba.

JƐRƖMAAYA 48:27

Mʋab, ŋ fa sieri Iziral tɩŋŋaa lɛ nɛ. Ŋ kɛnʋ gaaraa tʋɔŋ nɛɛ a magɛ dɩ ŋ vigisi nyuŋ a sisieri ʋ lɛ dɩ ŋ nɩɩ bʋl ʋ wɩaa?

JƐRƖMAAYA 51:37

Babɩlɔŋ jaŋ pɩŋ jikpeeŋ a nagɛ pupuluŋ, a bɩrɩmɛ jolluŋ dɩjʋʋlʋŋ, a kɛŋ fawʋllʋŋ dɩ nɩaa sisieri ʋ lɛ. Nʋʋkala bɩ jaŋ hɛ nɩmɛ.

JEMBIEE 1:21

Nɩaa nɩɩ mɩ huuno nɛ, ama nʋʋ tuo dɩ ʋ nyagɛ mɩ bɔyɛ. Mɩ dʋndɔŋŋɔɔ kala nɩɩ mɩ tʋɔ-cheeŋ wɩaa nɛ, a jʋjʋɔsɛ wɩɩ-la ŋ sɩ ŋaa lɛ. Leŋ dɩ tapʋlɩɩ-la wɩaa ŋ sɩ heele bʋl yi, dɩ ba ma na hɛɛŋ arɩ mɩ sɩ na ŋɩɩ.

JEMBIEE 1:8

Jerusalɛm nɩaa ŋaa wʋbɔŋŋɔɔ kɩŋkɛŋ nɛ, ŋɩɩ leŋ ʋ kɛŋ disiniŋ. Nɩalɩŋ kala fa sɩɩ zilu mɩɩra kɛnʋ gbigbesi nɛ, bɛɛ wɩaa ba na ʋ bʋbʋɔŋ kala nɛ. Ʋ tɩtɩa hʋʋnɛ aŋ gʋrɛ nyuŋ.

JEMBIEE 2:16

Ma dʋndɔŋŋɔɔ kala chaasa suri ba niiree nɛ a sii chɩŋ ma lɛ. Ba sieri ma lɛ nɛ a mɔmɔ chuchuri nyɩlaa a bʋl, “La chei Jerusalɛm nɛ. Tapʋlʋŋ deeŋ nɛ la faa gbɛrɛ ŋɩɩ, la saa naʋ nɛ.”

JEMBIEE 2:6

Wɩa chei ʋ dɩɩ-balɩŋ a nagɛ ba sɩ kɛŋ lɩga churi nɛ, ʋ chei lee-la ba sɩ yie hilimi ʋ yɩrɩŋ lɛ nɛ. La TƖƖNA leŋe Zaayɔŋ nɩaa yʋ ba gbielee tapʋlaa arɩ chɛ-wiesie-la wɩaa nɛ. Ʋ baanɩŋ sɩ faasa sii, ʋ vɩa kuoro arɩ ʋ Wɩɩsʋllɩ sɩpaalaaraa kala nɛ.

ƐZƖKƖƐL 16:13

Sɛlɩmɛ arɩ hɔpʋla nɛ mɩ kaa kpɩɛrɩŋ, ŋ gɛnnɩŋ ma nɛ fa gɛrɩpɛ fʋfʋlaa arɩ gɛrɩ-la yalɩŋ sɩ hɛyɛ arɩ gɛrɩ-la ba sɩ sʋa ʋ zɔŋ. Ŋ kʋdiilee ma nɛ fa ŋaa munuŋ sɩ bɩɩ nʋgʋgʋ, tʋʋŋ arɩ olif nʋʋŋ. Ŋ ŋaa hazɔŋ nɛ woruŋ a ŋaa ha-kuoru.

ƐZƖKƖƐL 16:14

Ŋ yɩrɩŋ teeli tinteyee a tɩŋ ŋ sɩ zɔmɔ wɩaa, bɛɛ wɩaa tʋla-la mɩ sɩ joŋo pɩŋ nɛ leŋe ŋ chaasa zɔŋ. Mɩ-na ma TƖƖNA Wɩɩjarɩbakɔ nɛ bʋla.

ƐZƖKƖƐL 23:32

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Ŋ ma jaŋ nyʋa nyʋnyʋala-la tʋɔŋ ŋ malɩma sɩ nyʋa, nyʋnyʋala-la jalɩa nɛ aŋ luŋ ma. Ʋ jaŋ leŋ dɩ nɩaa sieri ŋ lɛ a mɔmʋŋ, bɛɛ wɩaa ʋ tʋɔŋ kɩaa yʋga nɛ woruŋ.

ƐZƖKƖƐL 25:6

Wɩɩ-la mɩ-na ma TƖƖNA Wɩɩjarɩbakɔ bɩra sɩ bʋla nɛ ŋ-la: A tɩŋ ma tʋɔŋ sɩ tɔrɔ ma porisi nɩsaa a fɩla jʋɔsɛ Iziral tinteeŋ sɩ cheye wɩaa,

ƐZƖKƖƐL 5:15

Ŋ jaŋ ŋaa mɔmɩɩ, dɩ nɩaa bʋl wɩaa sisii ŋ baanɩŋ. Dɩ mɩ nɛ faasa na baanɩŋ a dɔgʋsʋŋ, ŋɩɩ jaŋ ŋaa chagɩlɩna a pɩ tinteye-la sɩ golluŋ, dɩ fawʋllʋŋ kɛmba dɩ ba hirigi. Mɩ-na ŋ TƖƖNA nɛ bʋla.

DANƖƐL 9:16

La TƖƖNA, a tɩŋ tʋɔpʋl wɩalɩŋ kala ŋ sɩ ŋaa wɩaa, sɩ́ baanɩŋ na. Leŋ dɩ ŋ baanɩŋ fɩɛlɛ Jerusalɛm nyuŋ sɩ ŋaa ŋ tabalɩŋ, a ŋaa ŋ dundolo sɩ bɩ disiniŋ kɛnɛ. La wʋbɔŋŋɔɔ arɩ la nyɩmmaba wʋbɔŋŋɔɔ leŋe Jerusalɛm arɩ ŋ nɩaa ŋaa nɩmɔmɩa nɛ nɩalɩŋ kala sɩ gollila teeŋ.

MƖKA 6:16

bɛɛ wɩaa ma to kuoro Omiri naabʋɔsʋŋ nɛ, a ŋaa wɩalɩŋ kala kuoro Ahab dɩa nɩaa sɩ ŋaa. Ma to ba naabarɩŋ wʋŋaalaa nɛ. Ŋɩɩ wɩaa mɩ jaŋ cheima, a leŋ dɩ nɩaa kɛmma ŋmoo gbɛɛŋ. Tinteyee nɩaa jaŋ mɔmma.”

NAHUM 3:19

Kʋŋkala tuo sɩ jaŋ wuo vaarɩŋ, bɛɛ wɩaa ŋ sɩ bolimi ŋɩɩ yʋga kieli nɛ. Nʋʋkala sɩ nɩa dɩ ŋ tele, ʋ yie porisi nɩsaa nɛ, bɛɛ wɩaa nʋʋkala na hɛɛŋ nɛ a tɩŋ ŋ wʋbɔmɔ-la sɩ bɩ dɛrɛ wɩaa.

ZEFANAAYA 2:15

Wɩɩ-la sɩ jaŋ ŋaa tabal-la nɩaa fa sɩ hɔnɔ ta jɩa, wɩɩ bɩ baa walɩmɛ lɛ nɛ ŋɩɩ. Tabal-la fa bʋl ʋ tɩtɩa lɛ, “Mɩ-na nɛ hɛ nɩmɛ, kʋŋkala tuo a magɛmɛ.” Ʋ nɛ mɩɩra pɩŋ jikpeeŋ ŋɩɩ a ŋaa baga kɩaa dɩjʋʋlʋŋ. Nɩalɩŋ kala sɩ tou bɩbal yie sieri ʋ lɛ aŋ kɛŋ nɩsɩŋ liese dɩdagɛ.

Matiu 27:39

Ba sɩ kpaasʋ mɛrɛ daagɛsɛ-la nyuŋ ŋɩɩ, nɩalɩŋ sɩ to nɩmɛ bɩbal, ba tʋtʋʋsʋ aŋ kɛŋ ba nyuŋ chuchugisi

Maak 15:29

Ba sɩ kpaasʋ mɛrɛ daagɛsɛ nyuŋ ŋɩɩ, nɩalɩŋ sɩ to nɩmɛ bɩbal, ba tʋtʋʋsʋ aŋ kɛŋ ba nyuŋ chuchugisi a bʋl, “Oi, ŋ nɛ nɩɩ-la sɩ sɩ ŋ jaŋ ŋmoo la Wɩa dɩɩ-balɩŋ lo aŋ bɩra wuo saaʋ tapʋlaa batori pɛgɛ.