JEMBIEE 2:14 - WƖA TENIŊ

¹⁴ Wɩalɩŋ ma Wɩa wʋlaabʋllaa sɩ na arɩ duosoo tʋɔŋ, ŋaa wʋnyɩɛrɩŋ nɛ a bɩ bʋbʋɔ kala kɛnɛ. Ba bɩ leŋe ma jɩŋ dɩ ma ŋaa wʋbɔŋŋɔɔ, dɩ ŋɩɩ fa leŋ dɩ ma sɩ́ yoŋ-baga mʋ. Wɩalɩŋ ba sɩ bʋla pɩma ŋaa wʋnyɩɛrɩŋ nɛ a kɛmma yeŋŋi.

JEMBIEE 2:14 ပူးပေါင်းရင်းမြစ်များ

AZAAYA 58:1

La TƖƖNA sɩ, “Chaasa suri ŋ yikoro dɩ ʋ sii wɩa-nyuŋ a nagɛ banyile a bʋla pɩ mɩ nɩaa Iziral tɩŋŋaa arɩ ba ŋaa wʋbɔŋ nɛ, a leŋ ba jɩŋ arɩ ba vɩa mɩ niiŋ nɛ.

JƐRƖMAAYA 2:8

Wɩɩsʋllɩ sɩpaalaaraa bɩ pɩɛsaa chɛmɛ, a bʋl, ‘Nɩɩ nɛ La TƖƖNA hɛ?’ Nɩalɩŋ sɩ maga dɩ ba dagɛ nɩaa wombii-la mɩ sɩ bile dɩ ba tuto, bɩ mɩ jɩŋ. Sɩpaalaaraa ma vɩa mɩ niiŋ nɛ. Mɩ wʋlaabʋllaa ma mɩɩra bʋbʋl wɩaa vene-la ba sɩɩ yɩrɛ Baal yɩrɩŋ lɛ, aa to vʋɩyaa sɩ ŋaa kʋpɛɩba.

JƐRƖMAAYA 20:6

Ŋ-na Pasɩhɔ, arɩ nɩalɩŋ kala sɩ hɛ ŋ dɩa lɛ jaŋ mʋ yoŋ-baga Babɩlɔŋ lɛ. Ŋ jaŋ sʋʋ nɩmɛ dɩ ba huguŋ, ŋ dɩ ŋ nandɔnsʋ-la kala ŋ sɩ nyɩɛ wɩaa pa.’ ”

JƐRƖMAAYA 23:22

Ama dɩ ba nɛ fa jɩŋ mɩ tʋɔbɩɩnaa, ba fa jaŋ heele bʋl mɩ wɩaa a pɩ mɩ nɩaa, dɩ ba bɩrɩma lɩɩ ba wombii bɔmɔ-la arɩ wʋbɔmɔ-la ba sɩɩ ŋaa lɛ.

JƐRƖMAAYA 23:36

Ʋ bɩ maga dɩ ma bɩra bʋl, ‘Wɩɩ-la La TƖƖNA sɩ bʋla nɛ ŋ-la,’ bɛɛ wɩaa nʋʋkala niiŋ wʋbʋlaa nɛ mɩɩra bɩrɩmɛ mɩ-na Wɩa wʋbʋlaa. Ŋɩɩ nɛ ma ŋaa a kɛŋ mɩ-na ma TƖƖNA Wɩa doluŋ kala Tɩɩna sɩ weye niiŋ wɩaa a bɩrɩmɛ.

JƐRƖMAAYA 28:15

Ŋɩɩ nɛ Wɩa wʋlaabʋlla Jɛrɩmaaya bʋla pɩ wʋnyɩɛrɩ Wɩa wʋlaabʋlla Hananaaya, “Hananaaya, jegile nɩɩ, La TƖƖNA dee bɩŋ tɩma, ka ŋ nyɩɛ wɩaa a leŋ tinteeŋ deeŋ nɩaa laa ŋ wʋnyɩɛrɩ-la dii.

JƐRƖMAAYA 29:21

Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla tɩgɛ Kolaaya nanʋala Ahab arɩ Maasɛya nanʋala Zedikaaya lɛ nɛ ŋ-la. Ba nyɩɛ wɩaa nɛ pɩpɩma mɩ yɩrɩŋ lɛ: Mɩ jaŋ jomba hɛ Babɩlɔŋ kuoro Nebukadineza nɩsɩŋ lɛ dɩ ʋ kpʋba ma sɩɩŋ lɛ.

JƐRƖMAAYA 37:19

Nɩɩ nɛ ŋ Wɩa wʋlaabʋlla-la sɩ bʋl wɩaa pɩŋ hɛ, nɩalɩŋ sɩ sɩ, ‘Babɩlɔŋ kuoro bɩ jaŋ kʋ yuoŋ koo a yuo tinteeŋ deeŋ?’

JƐRƖMAAYA 5:31

Mɩ wʋlaabʋllaa sɩ nyɩɛ wɩaa arɩ baa bʋl wɩaa Wɩa doluŋ lɛ nɛ. Ka Wɩɩsʋllɩ sɩpaalaaraa ma mɩɩra ŋɩŋaa wɩaa ba tɩtɩaba doluŋ lɛ. Mɩ nɩaa ma cho ŋɩɩ ba sɩɩ ŋaa. Ama wʋbɛɛ nɛ ma jaŋ ŋaa wɩaa deemba dɩdɛrɩŋ?”

JEMBIEE 4:13

Ama ŋɩɩ ŋaa nɛ, a tɩŋ Wɩa wʋlaabʋllaa arɩ Wɩɩsʋllɩ sɩpaalaaraa sɩ ŋaa wʋbɔŋŋɔɔ wɩaa, ba kpʋ tʋɔpʋl tɩmma-la sɩ hɛ Jerusalɛm lɛ nɛ.

ƐZƖKƖƐL 13:22

Ma nyɩɛ wɩaa a ŋaa tʋɔpʋl tɩmma-la mɩ sɩ bɩ chɛ mɩ leŋ dɩ ba tʋɔŋ chei, nandaasɩŋ yʋɔrɛ nɛ, aŋ leŋ nɩbɔŋŋɔɔ nyuŋ nyaasɛ dɩ ba sɩ bɩrɩma lɩɩ ba wʋbɔŋŋɔɔ lɛ a laa ba mɩɩsɩŋ.

ƐZƖKƖƐL 22:25

Sɩpaalaara-la sɩ hɛ ŋ lɛ nagɛ naachigiŋ sɩ kpʋ kɩaa a didii nɛ. Ba yie kpʋ nɩaa, a lɩlaa ba dʋa aŋ pɩpaa ba kɩalɩŋ ma sɩ kɛŋ yuŋuŋ, a leŋ yo-haalaa yʋgɛ Jerusalɛm lɛ.

ƐZƖKƖƐL 22:28

Wɩa wʋlaabʋlla-la sɩ hɛ Iziral lɛ gbaa tʋtɔ wʋbɔŋŋɔɔ deemba kala nɛ, a nagɛ ba sɩ ŋaa tʋɔrʋŋ bʋgɛ kʋa. Ba yie nyɩɛ wɩaa bʋl dɩ ba na wɩaa a nagɛ duosoo tʋɔŋ nɛ, a vʋga dɩdagɛ wɩalɩŋ maachie sɩ jaŋ ŋaa. Ba sɩ, ‘Wɩɩ-la la TƖƖNA Wɩɩjarɩbakɔ sɩ bʋla nɛ ŋɩɩ,’ ka mɩ-na ma TƖƖNA bɩ wɩɩkala bʋla.

ƐZƖKƖƐL 23:36

La TƖƖNA fa pɩɛsɛmɛ: “Nuhuobiiŋ, ŋ jaŋ dii Ohola arɩ Oholiba sarɩyaa? Ŋɩɩ-na leŋ dɩ ba jɩŋ wɩalɩŋ sɩɩ kɩsʋ ka ba ŋaa.

HOSIA 9:7

Bʋa-la lɛ Wɩa sɩ jaŋ dɔgɩsɛ Iziral tɩŋŋaa ka kɔ nɛ, tapʋlɩɩ-la ba sɩ jaŋ na hɛɛŋ kpaga nɛ. Ma Iziral tɩŋŋaa jɩŋ wɩɩŋ deeŋ nɛ. Ma wʋbɔŋŋɔɔ yʋga nɛ kɩŋkɛŋ, ma chaasa tɛrɛ nɛ woruŋ, a joŋ Wɩa wʋlaabʋlla arɩ ʋ ŋaa nɩyaarɩ nɛ, nɩɩ-la Wɩa dɩma-la sɩ hɛ ʋ lɛ arɩ ʋ ŋaa nyɩnyɛ tɩɩna nɛ.

MƖKA 2:11

Dɩ wʋnyɩɛrʋ nɛ fa kʋ nyɩsɛma a bʋl, ‘Mɩ jaŋ bʋl wɩaa Wɩa doluŋ lɛ arɩ girep nɛnɛɛ sɩnɩŋ arɩ sɩ-duoruŋ jaŋ pʋrɩgɛ,’ wʋlaabʋlla deeŋ doho nɛ ma nɩaa deemba chɩchɛ.”

MƖKA 3:8

Ama mɩ-na Mɩka, La TƖƖNA joŋ ʋ Dɩma hɛ mɩ lɛ nɛ mɩ kɛŋ doluŋ, a jɩŋ wɩalɩŋ sɩ maga dɩ nɩaa ŋaa a kɛŋ bɔɩ-duoŋ dɩ mɩ dagɛ Iziral tɩŋŋaa wʋbɔŋŋɔɔ pɩba.

ZEFANAAYA 3:4

Wɩa wʋlaabʋlla-la sɩ hɛ ʋ lɛ kɛŋ babii-ballɩŋ, ba ŋaa zɛmbɛ tɩmma nɛ. Ʋ Wɩɩsʋllɩ sɩpaalaaraa ŋaa disiniŋ hɛ Wɩa dɩɩ-bal-la lɛ nɛ aŋ kɛŋ wombii-la ma ʋ sɩ bile dɩ la tuto kaa bɩrɩmɛ ŋɩɩ ba sɩ cho.