JEMBIEE 2:11 - WƖA TENIŊ

¹¹ Mɩ yele, mɩ sɩaa bɩra bɩ na, mɩ tʋɔŋ kala chei. Mɩ kala nɛ bɛsɩmɛ arɩ tʋɔ-cheeŋ a tɩŋ ba sɩ chei mɩ nɩaa wɩaa. Hambiisiŋ arɩ bii-mulluŋ yiege nɛ a pɩŋ tabal-la womporunuŋ lɛ.

JEMBIEE 2:11 ပူးပေါင်းရင်းမြစ်များ

JOB 16:13

Ʋ to-yuoroo gollimi hɛ nɛ. Ʋ bɩ mɩ nenige fá, aŋ tɔɔ mɩ chʋchɔ-biee bʋrɩgɛ, a yagɛ mɩ lɩɩmɩŋ ma yɛrɛ ta tinteeŋ.

JOB 30:27

Mɩ chʋɩŋ kpʋkpɛrɛ a bɩ leŋ, hɛɛŋ puumi tapʋlɩɩ kala.

WƖA YƖƖLAA 119:82

Mɩ gbɛrɛ dɩ mɩ na wɩɩ-la ŋ sɩ sɩ ŋ jaŋ ŋaa a lɔl nɛ, aŋ pɩɛsɛ, “Chɛ bɛɛ nɛ ŋ jaŋ leŋ dɩ mɩ tʋɔŋ pɩŋ dɩ-bala?”

WƖA YƖƖLAA 22:14

Mɩ doluŋ kala nɛ dɛrɛ aŋ ka mʋa a nagɛ lɩɩ-suosoo. Mɩ haŋgbel-susugusuŋ kala lɩɩ, mɩ tʋɔbɩɩnaa kala lɛl a nagɛ keliŋ sɩ ŋmɩɛra.

WƖA YƖƖLAA 31:9

La Tɩɩna, fá mɩ nenige, hɛɛŋ jʋʋmɛ nɛ. Mɩ yele nɛ, mɩ sɩaa kala gʋɔlɛ, a bɩra bɩ na woruŋ. Mɩ kala nɛ bɛsɩmɛ.

WƖA YƖƖLAA 38:8

Mɩ yaraa kala nɛ yʋɔra a bɩra bɩ doluŋ kɛnɛ, mɩ tʋɔŋ faasa chei mɩ huhuuni.

WƖA YƖƖLAA 6:7

Mɩ dʋndɔŋŋɔɔ wʋŋaalaa leŋe mɩ tʋɔŋ chei nɛ mɩ yel, mɩ sɩaa kala gʋɔlɛ a bɩra bɩ na woruŋ.

WƖA YƖƖLAA 69:3

Mɩ ŋmoo niiŋ pɩŋ a kala lɔl nɛ, mɩ yikoro kala hɩl. Mɩ sɩaa ma kala nɛ yʋɔra, mɩ sɩ bee chɩchɛ mɩ Wɩa.

AZAAYA 22:4

Ŋɩɩ nɛ mɩ bʋl, “Má mʋ aŋ lemmi, dɩ mɩ chaasa yel. Má sɩ́ mɩ bɔyɛ nyagʋ a mʋ tɩgɛ mɩ nɩalɩŋ ba sɩ kpʋa wɩaa.”

AZAAYA 38:14

Mɩ fa faasa yel nɛ, mɩ yikoro kala tɔ, mɩ mɩɩraa yel a nagɛ kokomo. Mɩ fa beŋ wɩa-nyuŋ nɛ, mɩ sɩaa kala yʋɔrɛ, hɛɛŋ jʋʋ mɩ nɛ. La TƖƖNA, jegile nɩɩ mɩ bunso.

AZAAYA 51:20

La TƖƖNA Wɩa chaasa na baanɩŋ nɛ ma nyuŋ. Ma biiriŋ yiege nɛ a pɩŋ wombiiŋ niiŋ loŋgoru kala lɛ, a nagɛ bɛrɛ sɩ kɛŋ bagɩla.

JƐRƖMAAYA 14:17

Ʋ fa bɩra bʋla pɩmɛ nɛ dɩ mɩ bʋl wɩɩŋ deeŋ pɩba: “Mɩ sɩaa ka pɛllɛ sɩlɩɩrɩŋ tɩtaŋɩŋ arɩ wɩɩhɛyɛ kala nɛ a bɩ kɛrɛ, bɛɛ wɩaa mɩ nɩaa chaasa bolimi nɛ a nɩna hɛɛŋ woruŋ.

JƐRƖMAAYA 4:19

Mɩɩ na hɛɛŋ nɛ, hɛɛŋ kɛmmɛ nɛ mɩ mɩmɩlɩmɛ. Mɩ tʋɔŋ kala nɛ cheye. Mɩ bɔyɛ ka joŋ nɛ, mɩ bɩ mɩ niiŋ wuo tɔrɛ. Mɩ nɩɩ banyile ba sɩ ŋmʋa nɛ. Mɩ nɩɩ laalɩyuori goŋ-la ma ba sɩ ŋaa nɛ.

JƐRƖMAAYA 44:7

Lɛɛlɛ, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Bɛɛ nɛ tɩɩ ma lɛrɛ wʋlɔrʋŋ deeŋ sɩ bɩ bana kɛnɛ hɛ ma tɩtɩa lɛ? Maa chɛ dɩ ma chei baalaa arɩ haalaa, hambiisiŋ arɩ bii-mulluŋ dɩ ma doho nʋʋ bɩra sɩ́ ka nɛɛ?

JƐRƖMAAYA 8:19

Jegile nɩɩ mɩ nɩaa nii-ŋmobo tintee-bolii-la lɛ. La TƖƖNA tuo Zaayɔŋ lɛɛ? Ʋ kuoru-balɩŋ bɩra tuoo?” La TƖƖNA pɩɛsɛ “Bɛɛ nɛ tɩɩ ba kɛŋ kɩalɩŋ ba sɩ mɛ ŋaa mɩ baanɩŋ sii, ba vʋɩ-pɛɩba-la ba sɩ kaa lɩɩ tawogusuŋ?”

JEMBIEE 1:11

Ʋ nɩaa kala ka huunu nɛ a chɩchɛ kɩaa dɩ ba dii. Ba joŋ ba dʋa kala a lenni kʋdiilee nɛ, dɩ ŋɩɩ leŋ dɩ ba kɛŋ mɩɩsɩŋ. “La TƖƖNA, bee na mɩ wɩɩŋ a kaa bɩɩna na, bɛɛ wɩaa ba bee gʋʋnɛmɛ nɛ.

JEMBIEE 1:16

Ŋɩɩ nɛ tɩɩ mɩ yel, mɩ sɩaa kala pɩpɛllɛ sɩlɩɩrɩŋ. Nʋʋkala bɩ kpaga dɩ ʋ nyagɛ mɩ bɔyɛ, nʋʋ ma tuo dɩ ʋ ŋaa dɩ mɩ tʋɔŋ pɩŋ dɩ-bala. Mɩ biiriŋ bɩra bɩ kʋŋ kɛnɛ, bɛɛ wɩaa mɩ dʋndɔŋŋɔɔ yuo diiba nɛ.”

JEMBIEE 1:20

“La TƖƖNA, na ŋɩɩ mɩ tʋɔŋ sɩ faasa chei, hɛɛŋ chaasa jʋʋmɛ nɛ. Mɩ tʋɔbɩɩnaa wʋwalɩmɛmɛ, bɛɛ wɩaa mɩ vɩa ŋ niiŋ a mʋ kieli nɛ. Ba kpʋ mɩ nɩaa jeeŋ harɩŋ nɛ, dɩa tʋɔŋ-na paala nagɛ lɛlɛɛ-jaŋ nɛ.

JEMBIEE 5:17

Wɩɩŋ deeŋ wɩaa la daagaa viisi. Wɩaa deemba nɛ leŋe sɩlɩɩrɩŋ tɔ la sɩaa, la bɩra bɩ wuo na.

Luuk 23:29

Tapʋlaa ka kɔ nɛ, nɩaa jaŋ bʋl, ‘Hapɩraa tʋɔŋ jaŋ tɔrɛ, haala-la sɩ bɩ biiriŋ lʋla a dɩɛsɛ.’

1 SAMƲƐL 30:4

Ŋɩɩ nɛ Devit arɩ ʋ nɩaa yel woruŋ a kala pʋgʋmɛ.