JEMBIEE 1:8 - WƖA TENIŊ

⁸ Jerusalɛm nɩaa ŋaa wʋbɔŋŋɔɔ kɩŋkɛŋ nɛ, ŋɩɩ leŋ ʋ kɛŋ disiniŋ. Nɩalɩŋ kala fa sɩɩ zilu mɩɩra kɛnʋ gbigbesi nɛ, bɛɛ wɩaa ba na ʋ bʋbʋɔŋ kala nɛ. Ʋ tɩtɩa hʋʋnɛ aŋ gʋrɛ nyuŋ.

JEMBIEE 1:8 ပူးပေါင်းရင်းမြစ်များ

WƖAA DƖ-SUOMUŊ 3:7

Ba dii tɩa-la nɛnɩŋ dɛrɛ, ba sɩaa polli, ba na arɩ ba kɛŋ yarɩ-biree. Ba kɛŋ kanchal-pɩpaarɩŋ pɛ dɔŋɔ a kaa tɔ ba yaraa.

1 KUOROO 9:6

Ama dɩ ŋ-na, koo dɩ ŋ doho nɩaa kʋŋ nɛ vɩamɛ a bɩ wɩalɩŋ mɩ sɩ daga arɩ mɩ niiriŋ ka to, aŋ mɩɩra mʋ tuto vesiŋ a kpʋkpaarɛba,

1 KUOROO 9:7

ŋɩɩ-na, mɩ jaŋ kiri ma Iziral tɩŋŋaa ta tintee-la mɩ sɩ joŋo pɩma lɛ, aŋ vɩa mɩ dɩɩ-balɩŋ deeŋ mɩ sɩ lɩɩsa ʋ ŋaa mɩ kʋŋ dɩ ba dɩdɛnnɛmɛ nɩmɛ ta. Dɩ ŋɩɩ nɛ ŋaa, ma Iziral tɩŋŋaa kala jaŋ mɩɩra ŋaa nɩtɔɔnɩ dɩ nɩaa kala mʋmɔmma.

1 KUOROO 9:9

Nɩaa jaŋ bʋla pɩba, ‘Ba vɩa dɩ ba to ba TƖƖNA, ba nyɩmmaba Wɩa sɩ kɛmba kaa kʋ lɩɩ Ijipiti tinteeŋ lɛ nɛ, aŋ mɩɩra tuto vesiŋ a kpʋkpaarɛba, ŋɩɩ nɛ tɩɩ ʋ joŋ wʋlɔrʋnʋŋ deemba kala ŋaa ba lɛ.’ ”

AZAAYA 47:3

Ma jaŋ kɛŋ yarɩ-biree a dii hɩɩsɩŋ. Mɩ jaŋ joŋ mɩ baanɩŋ fɩɩsɛ ma lɛ. Mɩ bɩ jaŋ leŋ ma kʋbala ma ta.”

JƐRƖMAAYA 13:22

Dɩ ma nɛ pɩɛsɛ ma tɩtɩa, “Bɛɛ nɛ tɩɩ wɩɩŋ deeŋ ŋaa la lɛ?” Ma wʋbɔŋŋɔɔ sɩ yʋga wɩaa nɛ tɩɩ ba kɩɛsɛ ma gɛnnɩŋ aŋ dɔgɩsɛma ŋɩɩ.

JƐRƖMAAYA 13:26

Mɩ jaŋ polli ma gɛnnɩŋ ta, ka dɩ nɩaa na ma hɩɩsɩŋ,

JƐRƖMAAYA 15:4

Mɩ jaŋ ŋaa dɩ ba nagɛ kʋŋ sɩɩ sʋɔrʋ dʋnɩa kuoroo kala teeŋ, a tɩŋ wɩalɩŋ Hezikaaya nanʋala Manasɛ sɩ dii Juda tinteeŋ kuoruŋ a ŋaa Jerusalɛm lɛ wɩaa.

JƐRƖMAAYA 24:9

Mɩ jaŋ lɛrɛ wʋlɔrʋŋ kʋ hɛ ba lɛ, dɩ ba nagɛ kʋŋ sɩɩ sʋɔrʋ dʋnɩa tinteyee nɩaa kala teeŋ. Hɩɩsɩŋ jaŋ diiba dɩ nɩaa sisieri ba lɛ. Nɩaa jaŋ kɛŋ ba yɩrɩŋ ŋmɩɛsa hɩhɛ nɩaa lɛ lee na-kala mɩ sɩ kɛmba pɩsa hɛ.

JƐRƖMAAYA 32:23

Ba kʋ jʋʋ tintee-la nɛ a tɩɩʋ, ama ba bɩ ŋ niiŋ sɛyɛ koo a to wombii-la ŋ sɩ bile dɩ ba tuto. Ba bɩ wɩalɩŋ ŋ sɩ daga dɩ ba ŋaa kʋŋkala ŋaa. Ŋɩɩ nɛ ŋ kɛŋ wʋlɔrʋŋ deeŋ kala kʋ hɛ ba lɛ.

JƐRƖMAAYA 34:17

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: Ma bɩ mɩ niiŋ to, ma bɩ ma dɔnsʋŋ tɩŋŋaa sɩ ŋaa ma yosuŋ joŋo ta. Ŋɩɩ wɩaa mɩ-na jaŋ jomma ta: Mɩ jaŋ leŋ dɩ laalɩŋ, losuŋ arɩ nyanyal-bɔmʋŋ kpʋma. Mɩ jaŋ leŋ dɩ ma nagɛ kʋŋ sɩɩ sʋɔrʋ kuori-gentisiŋ kala sɩ hɛ dʋnɩa lɛ teeŋ.

JƐRƖMAAYA 4:31

Mɩ nɩa dɩ baa ŋmoo niiŋ a nagɛ haala sɩɩ chɛ dɩ ʋ lʋl ʋ luoruŋ wʋwɩɩ nɛ, a huunoo nagɛ haala sɩɩ chɛ dɩ ʋ lʋl ʋ ha-toli bie. Zaayɔŋ nɩaa nɛ ŋmoo niiŋ ŋɩɩ a wiesee puri, a tɩɛnɛ nɩsaa a bʋl, “Ou, mɩ sʋba. Ba jommi hɛ nɩkpʋʋraa nɩsɩŋ lɛ nɛ.”

JƐRƖMAAYA 6:28

Ba kala ŋaa nyu-duo tɩmma nɛ a vɩa mɩ niiŋ, a gɔllɔ chichei nɩaa yɩrɩŋ. Ba wɩaa dolie nagɛ kɔlɩɩŋ arɩ hɔɔŋ nɛ, ba kala wʋŋaalaa lɔrɔ.

JEMBIEE 1:11

Ʋ nɩaa kala ka huunu nɛ a chɩchɛ kɩaa dɩ ba dii. Ba joŋ ba dʋa kala a lenni kʋdiilee nɛ, dɩ ŋɩɩ leŋ dɩ ba kɛŋ mɩɩsɩŋ. “La TƖƖNA, bee na mɩ wɩɩŋ a kaa bɩɩna na, bɛɛ wɩaa ba bee gʋʋnɛmɛ nɛ.

JEMBIEE 1:17

Zaayɔŋ kɛŋ ʋ nɩsaa tɩɛnɛ nɛ a chɩchɛ dɩ ba pɛ ʋ lɛ, ama nʋʋ tuo dɩ ʋ nyagɛ ʋ bɔyɛ. La TƖƖNA bʋla tɩgɛ Iziral lɛ, arɩ tinteye-la sɩ kpagʋ jaŋ kʋ ŋaa ʋ dʋndɔmɔ. Jerusalɛm mɩɩra ŋaa disiŋ kʋŋ nɛ ba tʋɔŋ.

JEMBIEE 2:10

Zaayɔŋ nɩhɩasɩŋ hɔŋ tinteeŋ nɛ a bɩ ba niiŋ wuo suri, a ŋaa kʋŋkɔlʋŋ bʋgɛ ba nyusuŋ a laalɛ tʋɔ-chei gɛnnɩŋ. Jerusalɛm hatoloo kɛŋ nyusuŋ gʋrɛ nɛ.

JEMBIEE 4:21

Ma nɩalɩŋ sɩ hɛ Ɛdɔm arɩ ma nɩalɩŋ sɩ hɔŋ Uzi tinteeŋ lɛ maa jʋɔsʋ nɛ arɩ tʋɔtɔrʋŋ. Ama hɛɛ-la jaŋ jʋʋ ma ma, dɩ ma bugi, ba jaŋ wuri ma kɩaa aŋ ka yarɩ-biree.

ƐZƖKƖƐL 23:29

Ba jaŋ joŋ nɩ-bɛrɛ wɩaa ŋaa ŋ lɛ a laa kʋŋ na-kala ŋ sɩ tɩma na. Ba jaŋ wuri ŋ gɛnnɩŋ ka dɩ ŋ kɛŋ yarɩ-biree dɩ hɩɩsɩŋ kɛnɩŋ a tɩŋ ŋ hachɔrʋŋ wɩalɩŋ wɩaa, dɩ nʋʋkala na. Ŋ wʋlɩɩlɩŋ arɩ hachɔrʋŋ wɩalɩŋ ŋ sɩ ŋaa nɛ

ƐZƖKƖƐL 23:46

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Kɛŋ nɩ-daŋ kʋ hɛ ba lɛ dɩ ba dii doluŋ ba lɛ aŋ paa ba kɩaa.

ƐZƖKƖƐL 39:23

Tinteyee nɩaa jaŋ jɩŋ arɩ Iziral tɩŋŋaa mʋ yoŋ-baga a tɩŋ ba wʋbɔŋŋɔɔ wɩaa nɛ, ba sɩ bɩ mɩ to arɩ wʋtɩtɩɩ. Mɩ joŋ harɩŋ yɩaba nɛ, aŋ jomba hɛ ba dʋndɔŋŋɔɔ nɩsɩŋ lɛ ba kpʋba laalɩŋ lɛ.

HOSIA 2:10

Mɩ jaŋ wuri ʋ gɛnnɩŋ kala ʋ hɩɩlaba-la kala sɩpaaŋ, ka nʋʋ tuo sɩ jaŋ laaʋ mɩ nɩsɩŋ lɛ.

HOSIA 2:3

Ŋɩɩ dee, mɩ jaŋ wuri ʋ kɩaa ka dɩ ʋ kɛŋ yarɩ-biree a nagɛ tapʋlɩɩ-la ba sɩ lʋlʋ. Mɩ jaŋ leŋ dɩ ʋ nagɛ tintee-hɩlɩŋ a nagɛ tinteeŋ sɩ hɩla kori-kori dɩ lɩɩnyʋasʋŋ kpʋʋ dɩ ʋ sʋʋ.

Jɔɔŋ Wʋnaalaa 3:18

Ŋɩɩ wɩaa mɩ bʋlaa pɩma dɩ ma yɔɔ sɛlɩmɛ-la ba sɩ chɛsɛ mɩ teeŋ, a ma wuo kɛŋ kɩaa, a yɔɔ gɛrɩ-pʋllʋŋ ma a laala tɔ ma yarɩ-biree, dɩ hɩɩsɩŋ sí ma kɛŋ. Má yɔɔ nʋʋŋ ma a hɛ ma sɩaa a wuo nɩna.

1 SAMƲƐL 2:30

Ŋɩɩ wɩaa, mɩ-na ma TƖƖNA, Iziral tɩŋŋaa Wɩa sɩ: Mɩ fa bʋla pɩ ŋ dɩa nɩaa arɩ ŋ nyɩŋ-nɩaa, dɩ ba nɛ ŋaa Wɩɩsʋllɩ sɩpaalaaraa bʋa na-kala, ama lɛɛlɛ mɩ bʋla arɩ ŋɩɩ bɩra bɩ jaŋ chɩŋ. Nɩalɩŋ sɩɩ zilmi, mɩ ma jaŋ zilba, aŋ bɛrɛ nɩalɩŋ sɩ bɩ mɩ kaa tɩtɩŋ.