JEMBIEE 1:5 - WƖA TENIŊ

⁵ Ʋ dʋndɔŋŋɔɔ nɛ mɩɩra kɛŋ doluŋ ʋ nyuŋ, ʋ dʋndɔŋŋɔɔ wiese nɛ. La TƖƖNA nɛ ŋaa ʋ tʋɔŋ faasa chei a tɩŋ ʋ wʋbɔŋŋɔɔ sɩ yʋga wɩaa. Ba yuo dii Zaayɔŋ nɛ a kɛsɛ ʋ biiriŋ mʋ yoŋ-baga, ba dʋndɔŋŋɔɔ diiba nɛ.

JEMBIEE 1:5 ပူးပေါင်းရင်းမြစ်များ

2 KUOROO 21:15

bɛɛ wɩaa ba ŋaa wʋbɔŋŋɔɔ nɛ mɩ sɩɩŋ lɛ, a leŋ mɩ baanɩŋ sii a chɩŋ bʋa-la lɛ ba naabalɩmaba sɩ lɩɩ Ijipiti tinteeŋ lɛ a kaa kɔ arɩ jɩnɩŋ.”

WƖA YƖƖLAA 80:6

Ŋ leŋe la ŋaa mɔmɩa nɛ tinteye-la nɩaa sɩ gollila teeŋ, la dʋndɔŋŋɔɔ sisieri la lɛ.

WƖA YƖƖLAA 89:42

Ŋ leŋe ʋ dʋndɔŋŋɔɔ yuo diiu nɛ, ŋ leŋe ʋ dʋndɔŋŋɔɔ kala jʋɔsɛ ʋ nyuŋ nɛ.

AZAAYA 22:5

La TƖƖNA doluŋ kala Tɩɩna lɩɩsɛ tapʋlɩɩ nɛ nɩaa sɩ jaŋ ŋaa goŋ, dɩ fuonaa-la lɛ ba sɩ mʋ nɩna wɩaa Wɩa teeŋ kala vʋgʋmɛ a kɛŋ fawʋllʋŋ woruŋ. Tapʋlɩɩ-la, jeye-la sɩ golli la taŋ, ba jaŋ ŋmooba lo ka nɩaa yiyel peelee tʋɔŋ aa chɛ dɩ nɩaa pɛ ba lɛ.

AZAAYA 63:18

La-na ŋ nɩaa nɛ tɩɩ ŋ dɩɩ-zɔŋ-la, ama la bɩ diene ka la dʋndɔŋŋɔɔ kʋ ŋmoo ʋ kala lo.

JƐRƖMAAYA 10:20

Ba chei mɩ lɛbɩŋ nɛ, a keri ʋ ŋmɛsɩŋ kala. Mɩ biiriŋ kala viire nɛ aŋ ka mɩ, ba bɩra tuo. Nʋʋkala bɩra tuo dɩ ʋ hɛ mɩ lɛbɩŋ, koo dɩ ʋ kɛŋ lɛbɩ-la patɩɩsamba kɛrɛ.

JƐRƖMAAYA 12:7

Mɩ jaŋ vɩa mɩ nɩaa Iziral tɩŋŋaa ta, Mɩ jaŋ vɩa mɩ nɩtɩɩlaa ta. Mɩ jaŋ joŋ mɩ nɩchooloo hɛ ba dʋndɔŋŋɔɔ nɩsɩŋ lɛ.

JƐRƖMAAYA 23:14

Jerusalɛm tɩmma-la sɩ ŋaa mɩ wʋlaabʋllaa ma tʋɔŋ, mɩ na wɩɩ sɩ bɩ ba na kɛnɛ nɛ: Baa ŋaa wʋchɔrʋmɔɔ nɛ aŋ pɛ nyɩnyɩɛ wɩaa ma. Ba pɛ wʋbɔŋ ŋaaraa lɛ nɛ ba ŋɩŋaa wʋbɔŋŋɔɔ, ŋɩɩ leŋ nʋʋkala bɩ chɛ ʋ leŋ wʋbɔŋŋɔɔ ŋaanɩŋ. Ba kala nagɛ Sodom nɩaa nɛ mɩ teeŋ, Jerusalɛm nɩaa ma nagɛ Gomora nɩaa.”

JƐRƖMAAYA 39:9

Ŋɩɩ nɛ Nebuzaradaŋ sɩ ŋaa laalɩyuoro-la sɩɩ pɔ Babɩlɔŋ kuoro nɩhɩaŋ kɛsɛ nɩalɩŋ sɩ ka tabal-la lɛ a kaa mʋ yoŋ-baga Babɩlɔŋ lɛ, a pɛ nɩalɩŋ sɩ kɛŋ ba tɩtɩa mʋ pʋ, arɩ nɩalɩŋ dɔnsʋŋ sɩ ka.

JƐRƖMAAYA 5:29

La TƖƖNA pɩɛsa, “Bɛɛ nɛ tɩɩ mɩ bɩ jaŋ dɔgɩsɛba a tɩŋ wɩɩŋ deeŋ wɩaa? Bɛɛ nɛ jaŋ tɩɩ mɩ bɩ jaŋ joŋ mɩ baanɩŋ fɩɩsɛ tintee doho deeŋ nɩaa lɛ?

JEMBIEE 1:16

Ŋɩɩ nɛ tɩɩ mɩ yel, mɩ sɩaa kala pɩpɛllɛ sɩlɩɩrɩŋ. Nʋʋkala bɩ kpaga dɩ ʋ nyagɛ mɩ bɔyɛ, nʋʋ ma tuo dɩ ʋ ŋaa dɩ mɩ tʋɔŋ pɩŋ dɩ-bala. Mɩ biiriŋ bɩra bɩ kʋŋ kɛnɛ, bɛɛ wɩaa mɩ dʋndɔŋŋɔɔ yuo diiba nɛ.”

JEMBIEE 1:18

La TƖƖNA ŋaa tʋɔpʋl Tɩɩna nɛ, ka mɩ pɛ vɩa wɩalɩŋ ʋ sɩ daga. Nʋʋkala jegili mɩ teeŋ, má bee na hɛɛ-la mɩ sɩɩ na. Mɩ bapʋɔsaa arɩ mɩ hatoloo kala nɛ ba kɛsɛ mʋ yoŋ-baga.

JEMBIEE 1:8

Jerusalɛm nɩaa ŋaa wʋbɔŋŋɔɔ kɩŋkɛŋ nɛ, ŋɩɩ leŋ ʋ kɛŋ disiniŋ. Nɩalɩŋ kala fa sɩɩ zilu mɩɩra kɛnʋ gbigbesi nɛ, bɛɛ wɩaa ba na ʋ bʋbʋɔŋ kala nɛ. Ʋ tɩtɩa hʋʋnɛ aŋ gʋrɛ nyuŋ.

JEMBIEE 2:17

La TƖƖNA ŋaa wɩɩ-la ʋ sɩ bɩɩna dɩ ʋ ŋaa nɛ. Ʋ leŋe wɩɩ-la ʋ sɩ bʋla kʋ ŋaa nɛ, wɩɩ-la ʋ sɩ bʋla faafaa kala. Ʋ cheyiŋ nɛ Jerusalɛm a bɩ ŋ nɩaa nenige fá. Ʋ leŋe ŋ nɩaa dʋndɔŋŋɔɔ jʋɔsɛ ma nyuŋ nɛ. Ʋ leŋe ba laa doluŋ nɛ.

JEMBIEE 3:46

La dʋndɔŋŋɔɔ kala chaasa suri ba niiree nɛ a sii chɩŋ la lɛ.

ƐZƖKƖƐL 9:10

Ŋɩɩ wɩaa, mɩ bɩ jaŋ kɔ dɩ mɩ fá ba nisusuŋ koo a lemba, ama mɩ jaŋ joŋ wɩalɩŋ ba sɩ ŋaa a tiŋ ba lɛ.”

ƐZƖKƖƐL 9:9

Ŋɩɩ nɛ Wɩa bʋl, “Iziral arɩ Juda nɩaa chaasa ŋaa wʋbɔŋ bal nɛ, ba kpʋ nɩaa yʋgɛ nɛ tintee-la lɛ, ka Jerusalɛm kala su arɩ wʋbɔŋŋɔɔ ŋaanɩŋ. Ba yie bʋl, ‘La TƖƖNA vɩa la tinteeŋ ta nɛ, ʋ bɩ laa na.’

MOSIS BƖRA WULLI WƖA WOMBIIŊ 31:29

Mɩ jɩma mɩ sʋʋŋ harɩŋ lɛ, ma jaŋ ŋaa wʋbɔŋŋɔɔ aŋ vɩa wombii-la mɩ sɩ dagɛma. Bʋa dɔŋ jaŋ kɔ, wʋlɔrʋnʋŋ jaŋ ŋaa ma lɛ a tɩŋ wʋbɔmɔ-la ma sɩ jaŋ ŋaa La TƖƖNA sɩɩŋ lɛ, dɩ ʋ na baanɩŋ ma nyuŋ.”