JEMBIEE 1:2 - WƖA TENIŊ

² Ʋ chaasa yel nɛ tɩtaŋɩŋ, ʋ chaŋkpaŋŋaa kala ŋaa sɩlɩɩrɩŋ. Ʋ hɩɩlaa kala tʋɔŋ nʋʋkala tuo dɩ ʋ nyagɛ ʋ bɔyɛ. Ʋ tanlɔsʋŋ kala joŋu yallɛ nɛ, ba mɩɩra ŋaa ʋ dʋndɔmɔ nɛ.

JEMBIEE 1:2 ပူးပေါင်းရင်းမြစ်များ

JOB 6:15

Ama mɩ naambiiriŋ, ma paala ŋaa nɩa mɩ sɩ bɩ jaŋ wuo yelli nɛ. Ma nagɛ fuonuŋ sɩɩ pɛllʋ nɛ yibiiniŋ, dɩ duonuŋ nɛ kɛrɛ, ba hʋ.

JOB 7:3

Chɛnsɩŋ sɩɩ bal ŋɩɩ bɩ bʋbʋɔ kɛnɛ mɩ teeŋ, tɩtaŋ na-kala mɩ nɩna hɛɛŋ.

WƖA YƖƖLAA 126:5

Nɩalɩŋ sɩ duu kɩaa arɩ tʋɔ-cheeŋ, ba jaŋ ŋaa kɩalɩŋ arɩ tʋɔtɔrʋŋ.

WƖA YƖƖLAA 31:11

Mɩ dʋndɔŋŋɔɔ kala nɛ kɛmmɛ ŋmuŋmoo gbɛɛŋ, a wasa nyaŋ mɩ dɩ nɩalɩŋ sɩ jʋʋ kpɩkpagɛ dɔŋɔ. Nɩalɩŋ sɩ jɩmmɛ mɩɩra fɩfámɛ. Dɩ ba nɛ na mɩ wombiiŋ lɛ, ba gɛbɛ.

WƖA YƖƖLAA 6:6

Hʋʋna leŋe mɩ kala bɛsɩmɛ nɛ. Mɩ yie yel bɔsɔ lɛ nɛ tɩtaŋ kala, mɩ bɔsɔ arɩ mɩ nyuŋ-yelle kala su arɩ sɩlɩɩrɩŋ.

WƖA YƖƖLAA 69:21

Ba joŋ daalusuŋ hɛ mɩ kʋdiilee lɛ nɛ a pɩmɛ, a ŋaa sɩnɩŋ sɩ nyala a pɩmɛ dɩ mɩ nyʋa.

NAMAGABA 19:7

Summo naambiiriŋ ma tɩtɩa paala bɩ ʋ cho, a saa bibeŋ ʋ nandɔnsʋŋ, ba yie vɩaʋ nɛ. Ʋ yie kire to ba harɩŋ a sʋsʋl, ama ʋ bɩ baa na.

JƐRƖMAAYA 13:17

Ama dɩ ma nɛ bɩ jegile nɩɩ, mɩ jaŋ lʋara yel a tɩŋ ma babii-ballɩŋ wɩaa. Mɩ jaŋ chaasa yel woruŋ, dɩ mɩ sɩaa pɩpɛllɛ sɩlɩɩrɩŋ, bɛɛ wɩaa ba jaŋ yuo kɛsɛ La TƖƖNA nɩaa kaa viiri.

JƐRƖMAAYA 2:25

Má sɩ́ fá dɩ ma naasɩŋ dii dɛrɛ, dɩ ma yikorusuŋ ma hɩl. Ama, ma fa sɩ, ‘La bɩ jaŋ wuo mɩɩrɛ harɩŋ, la cho tintee-wogusuŋ vesiŋ nɛ. La jaŋ to ba harɩŋ.’

JƐRƖMAAYA 3:1

La TƖƖNA pɩɛsa, “Dɩ baal nɛ vɩa ʋ haala, dɩ haal-la lɩɩ mʋ jaa baal dɔŋ, baal-la sɩ laa sɩpaaŋ vɩaʋ maga dɩ ʋ bɩra mʋ chɩchɛ haal-la nɛɛ? Dɩ ʋ nɛ ŋaa ŋɩɩ, ba tinteeŋ bɩ jaŋ kɛŋ disiniŋ? Ama ma Iziral tɩŋŋaa ŋaa wɩaa a nagɛ hachɔrʋŋ nɛ, a kɛŋ hɩɩlaba yʋgɛ, aŋ lɛɛlɛ chɩchɛ dɩ ma mɩɩra kɔ mɩ teeŋ.

JƐRƖMAAYA 30:14

Ma sɩŋŋaa kala yʋ ma wɩaa nɛ, ba bɩ ma wɩaa chɩla. Mɩ ŋmooma a nagɛ ma dʋndɔmɔ sɩ jaŋ ŋmooma ŋɩɩ nɛ, a dɔgɩsɛma a nagɛ tʋɔhɛɛ tɩɩna sɩ jaŋ ŋaama ŋɩɩ, bɛɛ wɩaa ma cheeriŋ chaasa yʋgɛ nɛ, ma wʋbɔŋŋɔɔ ma faasa yʋgɛ.

JƐRƖMAAYA 4:30

Ŋ-na Jerusalɛm, ŋ nagɛ nʋʋ ba sɩ chei ʋ kala nɛ, bɛɛ kʋŋ nɛ ŋ ŋɩŋaa? Bɛɛ nɛ tɩɩ ŋ laalɛ gɛrɩ-fɩɛsɩŋ, a hɛ sɛlɩmɛ kpɩɛraa? Bɛɛ nɛ tɩɩ ŋ tuuri ŋ sɩaa ŋŋgbensi? Ŋ magɩla kpɩɛrɛ ŋ tɩtɩa pɛɩ nɛ. Ŋ hɩɩlaba mɩɩsɩŋ fɩɩŋ nɛ. Baa chɛ ba lɩɩsɛ ŋ mɩɩsɩŋ nɛ.

JƐRƖMAAYA 9:1

Mɩ fa cho dɩ mɩ nyuŋ nagɛ lɩɩ-bul-sɩɩŋ nɛ dɩ mɩ sɩaa ma fa bubul sɩlɩɩrɩŋ. Mɩ fa jaŋ yel tɩtaŋɩŋ arɩ wɩɩhɛyɛ kala a tɩŋ ba sɩ kpʋ mɩ nɩaa wɩaa.

JEMBIEE 1:19

Mɩ yɩrɛ mɩ sɩŋŋaa, ka ba vɩa dɩ ba pɛ mɩ lɛ. Mɩ Wɩɩsʋllɩ sɩpaalaaraa arɩ mɩ nɩhɩasɩŋ, sʋba nɛ tabal-la lɛ bʋa-la lɛ ba sɩ gɔllɔɔ chɛ kʋdiilee dɩ ba dii a kɛŋ mɩɩsɩŋ.

JEMBIEE 1:21

Nɩaa nɩɩ mɩ huuno nɛ, ama nʋʋ tuo dɩ ʋ nyagɛ mɩ bɔyɛ. Mɩ dʋndɔŋŋɔɔ kala nɩɩ mɩ tʋɔ-cheeŋ wɩaa nɛ, a jʋjʋɔsɛ wɩɩ-la ŋ sɩ ŋaa lɛ. Leŋ dɩ tapʋlɩɩ-la wɩaa ŋ sɩ heele bʋl yi, dɩ ba ma na hɛɛŋ arɩ mɩ sɩ na ŋɩɩ.

JEMBIEE 1:9

Ʋ disiŋ-la mɛrɛ ʋ lɛ kieli nɛ, ʋ fa bɩ ʋ chie wɩaa bɩɩna. Ʋ sɩ tele ŋɩɩ kperi, ka nʋʋkala tuo dɩ ʋ nyagɛ ʋ bɔyɛ. “Mɩ Tɩɩna, bee na mɩ sɩɩ na hɛɛŋ ŋɩɩ, bɛɛ wɩaa mɩ dʋndɔmɔ yuo diimi nɛ.”

JEMBIEE 2:11

Mɩ yele, mɩ sɩaa bɩra bɩ na, mɩ tʋɔŋ kala chei. Mɩ kala nɛ bɛsɩmɛ arɩ tʋɔ-cheeŋ a tɩŋ ba sɩ chei mɩ nɩaa wɩaa. Hambiisiŋ arɩ bii-mulluŋ yiege nɛ a pɩŋ tabal-la womporunuŋ lɛ.

ƐZƖKƖƐL 16:37

Ŋɩɩ wɩaa, mɩ jaŋ kɛŋ ŋ hɩɩlaba-la kala sɩma ŋ sɩ nɩa kʋ hɛ dɔŋɔ, nɩalɩŋ ŋ sɩ cho arɩ nɩalɩŋ ŋ sɩ bɛrɛ. Mɩ jaŋ kɛmba kʋ golluŋ aŋ wuri ŋ gɛnnɩŋ ba sɩpaaŋ aŋ leŋ dɩ ba na ŋ yarɩ-biree.

HOSIA 2:7

Ʋ jaŋ kire to ʋ hɩɩlaba harɩŋ, ama ʋ bɩ jaŋ puuba. Ʋ jaŋ bee chɛba, ama ʋ bɩ jaŋ naba. Ŋɩɩ nɛ ʋ jaŋ bʋl, ‘Mɩ jaŋ mɩɩra mʋ mɩ bala teeŋ, mɩ faafaa-la nɛ kpɩa mɩ lɛɛlɛ.’

MƖKA 7:5

Ŋ dɩ nɩɩ-la sɩ jʋʋ kpɩkpagɛ dɔŋɔ, sɩ́ ʋ laa dii, a sɩ́ ŋ yɩɛlaa joŋo hɛ ŋ nandɔŋɔ lɛ. Nɩɩ-la ma ŋ sɩ paala guoro pɩŋ, jɩŋ ŋ niiŋ kɛnɩŋ ʋ teeŋ,

Jɔɔŋ Wʋnaalaa 17:13

Kuoroo deemba kala tʋɔbɩɩnaa ŋaa kʋbala nɛ, ba jaŋ joŋ dol-la ba sɩ kaa bibeŋ nɩaa a pɩ baga kʋ-la.

Jɔɔŋ Wʋnaalaa 17:16

Nyilli-la fii ma ŋ sɩ na, ba dɩ baga kʋ-la jaŋ bɛrɛ hachɔrʋŋ-la. Ba jaŋ wuri ʋ kɩaa ta ka dɩ ʋ kɛŋ yarɩ-biree. Ba jaŋ chaŋ ʋ nammɩa aŋ nyɩgɛ ʋ haŋgbelee.