JEMBIEE 1:16 - WƖA TENIŊ

¹⁶ Ŋɩɩ nɛ tɩɩ mɩ yel, mɩ sɩaa kala pɩpɛllɛ sɩlɩɩrɩŋ. Nʋʋkala bɩ kpaga dɩ ʋ nyagɛ mɩ bɔyɛ, nʋʋ ma tuo dɩ ʋ ŋaa dɩ mɩ tʋɔŋ pɩŋ dɩ-bala. Mɩ biiriŋ bɩra bɩ kʋŋ kɛnɛ, bɛɛ wɩaa mɩ dʋndɔŋŋɔɔ yuo diiba nɛ.”

JEMBIEE 1:16 ပူးပေါင်းရင်းမြစ်များ

WƖA YƖƖLAA 106:42

Ba dʋndɔmɔ-la chaasa dɔgɩsɛba nɛ woruŋ, aŋ leŋ ba tuto ba niiŋ.

WƖA YƖƖLAA 119:136

Dɩ nɩaa nɛ vɩa dɩ ba to wombii-la ŋ sɩ bile dɩ la tuto, ŋɩɩ yie leŋ mɩ yel nɛ, mɩ sɩaa kala fo sɩlɩɩrɩŋ.

WƖA YƖƖLAA 69:20

Ba sɩ tʋʋsɛmɛ ŋɩɩ leŋe mɩ tʋɔŋ faasa chei nɛ, mɩ nagɛ mɩɩ wɩɩlʋ. Mɩ faa yɩɛlɛ arɩ nʋʋ jaŋ fá mɩ nenige a nyagɛ mɩ bɔyɛ, ama mɩ bɩ nʋʋkala na.

TƖƖCHA 4:1

Mɩ bɩra beŋ, a na nɩalɩŋ kala ba sɩ nyaga bil dʋnɩa lɛ: Mɩ na ŋɩɩ nɩalɩŋ ba sɩ nyaga bil sɩɩ yel sɩlɩɩrɩŋ, ka nʋʋkala tuo dɩ ʋ nyagɛ ba bɔyɛ. Nɩalɩŋ sɩ nyagɛba bil kɛŋ doluŋ nɛ, ka nɩalɩŋ ba sɩ nyaga bil bɩ nʋʋ kɛnɛ dɩ ʋ nyagɛ ba bɔyɛ.

AZAAYA 54:11

Jerusalɛm, ŋ ŋaa taŋ-la sɩ chaasa na hɛɛŋ nɛ kɩŋkɛŋ, ka nʋʋ tuo dɩ ʋ nyagɛ ŋ bɔyɛ. Mɩ jaŋ wasa saaŋ, mɩ jaŋ kɛŋ tabɩɩ-tʋlɩa-la ba sɩɩ yɩrɛ takʋa arɩ safɩya a bil ŋ gentine.

JƐRƖMAAYA 13:17

Ama dɩ ma nɛ bɩ jegile nɩɩ, mɩ jaŋ lʋara yel a tɩŋ ma babii-ballɩŋ wɩaa. Mɩ jaŋ chaasa yel woruŋ, dɩ mɩ sɩaa pɩpɛllɛ sɩlɩɩrɩŋ, bɛɛ wɩaa ba jaŋ yuo kɛsɛ La TƖƖNA nɩaa kaa viiri.

JƐRƖMAAYA 14:17

Ʋ fa bɩra bʋla pɩmɛ nɛ dɩ mɩ bʋl wɩɩŋ deeŋ pɩba: “Mɩ sɩaa ka pɛllɛ sɩlɩɩrɩŋ tɩtaŋɩŋ arɩ wɩɩhɛyɛ kala nɛ a bɩ kɛrɛ, bɛɛ wɩaa mɩ nɩaa chaasa bolimi nɛ a nɩna hɛɛŋ woruŋ.

JƐRƖMAAYA 15:5

Jerusalɛm nɩaa, kʋbɛɛ nɛ jaŋ fá ma nenige? Kʋbɛɛ nɛ jaŋ bunsi ma wɩaa? Kʋbɛɛ nɛ jaŋ chɩna pɩɛsa na ma yarɩfɩɛlaa wɩaa?

JƐRƖMAAYA 8:18

Jɛrɩmaaya bʋl, “Mɩ tʋɔŋ cheye yʋgɛ nɛ, nʋʋ bɩ mɩ bɔyɛ wuo nyagɛ, mɩ daagaa chaasa viisi nɛ.

JƐRƖMAAYA 9:1

Mɩ fa cho dɩ mɩ nyuŋ nagɛ lɩɩ-bul-sɩɩŋ nɛ dɩ mɩ sɩaa ma fa bubul sɩlɩɩrɩŋ. Mɩ fa jaŋ yel tɩtaŋɩŋ arɩ wɩɩhɛyɛ kala a tɩŋ ba sɩ kpʋ mɩ nɩaa wɩaa.

JƐRƖMAAYA 9:10

Ŋɩɩ nɛ mɩ bʋl, “Mɩ jaŋ yele pɩ peelee aŋ ta jembiiŋ tɩgɛ ba pʋsʋŋ dɩ-diilee lɛ. Ba pɩna nɛ hoi, nʋʋkala bɩ nɩmɛ ka vɛŋ, ŋ bɩra bɩ nɛsɩŋ yele ka nɩɩ nɩmɛ. Diibiisiŋ kala file lɛl nɛ, bagɩlaa ma fá viiri.”

JƐRƖMAAYA 9:21

Sʋʋŋ to tokoroba nɛ a jʋʋ la dɩɩsɩŋ a jʋʋ la dɩɩ-duoruŋ. Ʋ kpʋ hambiisiŋ nɛ womporunuŋ lɛ, aŋ kpʋ bapʋɔsaa ma biliiŋ lɛ.

JEMBIEE 1:2

Ʋ chaasa yel nɛ tɩtaŋɩŋ, ʋ chaŋkpaŋŋaa kala ŋaa sɩlɩɩrɩŋ. Ʋ hɩɩlaa kala tʋɔŋ nʋʋkala tuo dɩ ʋ nyagɛ ʋ bɔyɛ. Ʋ tanlɔsʋŋ kala joŋu yallɛ nɛ, ba mɩɩra ŋaa ʋ dʋndɔmɔ nɛ.

JEMBIEE 1:9

Ʋ disiŋ-la mɛrɛ ʋ lɛ kieli nɛ, ʋ fa bɩ ʋ chie wɩaa bɩɩna. Ʋ sɩ tele ŋɩɩ kperi, ka nʋʋkala tuo dɩ ʋ nyagɛ ʋ bɔyɛ. “Mɩ Tɩɩna, bee na mɩ sɩɩ na hɛɛŋ ŋɩɩ, bɛɛ wɩaa mɩ dʋndɔmɔ yuo diimi nɛ.”

JEMBIEE 2:11

Mɩ yele, mɩ sɩaa bɩra bɩ na, mɩ tʋɔŋ kala chei. Mɩ kala nɛ bɛsɩmɛ arɩ tʋɔ-cheeŋ a tɩŋ ba sɩ chei mɩ nɩaa wɩaa. Hambiisiŋ arɩ bii-mulluŋ yiege nɛ a pɩŋ tabal-la womporunuŋ lɛ.

JEMBIEE 2:18

Jerusalɛm, leŋ dɩ ŋ kɛrɩsɩŋ ŋmoo niiŋ a pɩ la TƖƖNA a nagɛ nɩaa sɩɩ yel. Leŋ dɩ ma sɩlɩɩrɩŋ pɛllɛ a nagɛ fuoŋ wɩɩhɛyɛ arɩ tɩtaŋɩŋ kala. Má sɩ́ wiesu, a sɩ́ leŋe dɩ ma sɩaa ma wiesi.

HOSIA 9:12

Dɩ ba nɛ paala dɩɛsɛ ba biiriŋ ma, mɩ jaŋ leŋ dɩ ba sʋʋ, ba kʋŋ bɩ jaŋ ka. Hɛɛŋ jaŋ jʋʋba dɩ mɩ nɛ mɩɩrɛ ba harɩŋ.