JEMBIEE 1:12 - WƖA TENIŊ

¹² Ʋ bɩ wɩɩ ŋaa ma nɩalɩŋ kala sɩ to lee-la bɩbal teeŋ? Má bee gollo na. Nʋʋ tuo ʋ hɛɛŋ nagɛ hɛɛ-la mɩ sɩɩ na, kʋ-la La TƖƖNA sɩ joŋo hɛ mɩ lɛ, tapʋlɩɩ-la ʋ baanɩŋ sɩ faasa sii.

JEMBIEE 1:12 ပူးပေါင်းရင်းမြစ်များ

WƖA YƖƖLAA 88:16

Ŋ baanɩŋ nagɛ lɩɩ-pel-duoŋ nɛ a tɔmɛ, fawʋlɩbɩ wɩalɩŋ ŋ sɩ ŋaa mɩ lɛ cheimi nɛ.

AZAAYA 13:13

Mɩ jaŋ leŋ dɩ wɩa-nyuŋ chel, dɩ tinteeŋ ma zigili, a sʋrɩsɛ ʋ dɩchɩnɩŋ tapʋlɩɩ-la mɩ-na ma TƖƖNA doluŋ kala Tɩɩna sɩ jaŋ dagɛma mɩ baaŋ-la mɩ sɩ faasa na.

JƐRƖMAAYA 10:19

Wɩaa puumi, mɩ sɩ bolimo wɩaa. Mɩ naawɩɩlɩŋ bɩ kʋfɩɛlɩɩ ŋaa, ka mɩ ha bʋl mɩ tɩtɩa lɛ, “Mɩ nyanyalɩŋ nɛ ŋ-la, ʋ maga dɩ mɩ nyalɩmɛ nɛ.”

JƐRƖMAAYA 18:16

Ba tinteeŋ jaŋ pɩŋ pɛɩ, dɩ nɩaa mʋmɔŋ ʋ lɛ a kaa mʋ wuu. Ʋ wɩaa jaŋ kperi nʋʋkala sɩ to nɩmɛ a bɩbal, dɩ ba vivigisi nyuŋ.

JƐRƖMAAYA 30:23

Ma bee na, La TƖƖNA baanɩŋ jaŋ sii a nagɛ duoŋ-peliŋ, ʋ jaŋ nagɛ pel-vinvilimiŋ a tuu nɩbɔŋŋɔɔ nyuŋ.

JƐRƖMAAYA 30:24

La TƖƖNA baaŋ-la sɩ jaŋ chaasa sii bɩ fɩɛlɛ, see dɩ ʋ ŋaa wɩɩ-la kala sɩ hɛ ʋ tʋɔŋ lɛ. Tapʋlaa baŋmɛnɛ harɩŋ, ma jaŋ jɩŋ wɩɩŋ deeŋ bʋbʋɔŋ.

JƐRƖMAAYA 30:7

Tapʋlɩɩ-la chaasa lɔrɛ nɛ. Tapʋlɩɩ dɔŋ jaŋ tuo a nagʋ. Bʋa-la lɛ wʋwalɩmaa jaŋ jʋʋ Jekɔb, ama ʋ jaŋ lɩɩ ba lɛ suoo.”

JƐRƖMAAYA 4:8

Ŋɩɩ wɩaa, má laalɛ tʋɔ-chei gɛnnɩŋ a ta jembiee yel woruŋ, bɛɛ wɩaa La TƖƖNA baaŋ-la sɩ faasa sii la nyuŋ ha bɩ fɩɛla.

JƐRƖMAAYA 48:27

Mʋab, ŋ fa sieri Iziral tɩŋŋaa lɛ nɛ. Ŋ kɛnʋ gaaraa tʋɔŋ nɛɛ a magɛ dɩ ŋ vigisi nyuŋ a sisieri ʋ lɛ dɩ ŋ nɩɩ bʋl ʋ wɩaa?

JEMBIEE 1:18

La TƖƖNA ŋaa tʋɔpʋl Tɩɩna nɛ, ka mɩ pɛ vɩa wɩalɩŋ ʋ sɩ daga. Nʋʋkala jegili mɩ teeŋ, má bee na hɛɛ-la mɩ sɩɩ na. Mɩ bapʋɔsaa arɩ mɩ hatoloo kala nɛ ba kɛsɛ mʋ yoŋ-baga.

JEMBIEE 2:1

La TƖƖNA sɩ na baanɩŋ, ʋ joŋ birimiŋ nɛ a tɔ Zaayɔŋ kala. Ʋ yigi Iziral tɩŋŋaa tʋla lo tinteeŋ nɛ ʋ birisi. Tapʋlɩɩ-la ʋ sɩ na baanɩŋ, ʋ bɩ liise yi ʋ tɩtɩa dɩɩ-balɩŋ lɛ.

JEMBIEE 2:13

Jerusalɛm nɩaa, wʋbɛɛ nɛ mɩ jaŋ wuo bʋla pɩma? Bɛɛ kʋŋ nɛ mɩ jaŋ kɛmma kaa magɩsɛ? Ɛɛ nɛ mɩ jaŋ ŋaa nyagɛ ma bɔyɛ dɩ ma tʋɔŋ pɩŋ dɩ-bala? Ma naawɩɩlɩŋ luŋie a nagɛ mʋga nɛ. Kʋbɛɛ nɛ jaŋ wuo vaarɛma?

DANƖƐL 9:12

Ŋ leŋe wɩalɩŋ ŋ sɩ bʋla tɩgɛ la dɩ la sɩpaalaaraa lɛ kʋ ŋaa wʋtɩtɩɩ nɛ. Ŋ sɩ joŋ wʋlɔrʋnʋŋ ŋaa la lɛ, dʋnɩa kala lɛ wʋdoho-la sɩ ŋaa Jerusalɛm lɛ ha bɩ ŋaa aŋ ka.

JOWƐL 2:2

Ʋ jaŋ ŋaa biriŋ lim tapʋlɩɩ, duoŋ-bɩlɩmbaanaa jaŋ tɔ dɩ leriŋ biri. A nagɛ wɩɩpɔsʋŋ sɩ yie guu tɔɔ lɩɩ ŋɩɩ peelee nyuŋ, ŋɩɩ nɛ laalɩyuoroo sɩ yʋga a kɛŋ doluŋ woruŋ jaŋ kɔ. Ba doho ha bɩ kɔ aŋ ka, maachie ma ba bɩra bɩ jaŋ kɔ.

Matiu 24:21

Wɩa sɩ ŋaa dʋnɩa a kuu lɩɩ jɩnɩŋ, nʋʋkala ha bɩ hɛɛ-doho deeŋ na a nagɛ ŋɩɩ, ba bɩra bɩ jaŋ na hɛɛŋ ŋɩɩ a kaa mʋ wuu.