JEMBIEE 1:10 - WƖA TENIŊ

¹⁰ Jerusalɛm dʋndɔmɔ kɛŋ ʋ dʋa kala laa nɛ. Ʋ na dɩ tinteye-la nɩaa sɩɩ kpaarɛ vʋɩyaa jʋʋ Wɩa dɩɩ-bal-la sɩ hɛ ʋ lɛ tʋɔŋ, nɩalɩŋ fa sɩɩ kɩsɛ dɩ ba jʋʋ lee-la ŋ nɩaa sɩɩ hilimu.

JEMBIEE 1:10 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:18

Ʋ paa Wɩa dɩɩ-bal-la tʋɔŋ tɩntɩnnɩ kɩaa kala, kʋbalaa arɩ kʋbiisiŋ, a paa dʋa-la kala sɩ hɛ La TƖƖNA dɩɩ-bal-la tʋɔŋ, a paa kuoro arɩ ʋ tɩntɩnnɩ-hɩasɩŋ ma dʋa kala a kaa mʋ Babɩlɔŋ tinteeŋ.

NƐHƖMAAYA 13:1

Tapʋlɩɩ-la ba faasa karɩmɛ teŋ-la Mosis sɩ ŋmʋnsa ʋ lɩɩ nɛ nʋʋkala nɩɩ. Teŋ-la tʋɔŋ nɛ ba na arɩ ʋ bɩ maga dɩ ba leŋ dɩ Amɔrɩ tɩɩna koo Mʋab tɩɩna kala guoli Wɩa nɩaa tʋɔŋ,

AZAAYA 63:18

La-na ŋ nɩaa nɛ tɩɩ ŋ dɩɩ-zɔŋ-la, ama la bɩ diene ka la dʋndɔŋŋɔɔ kʋ ŋmoo ʋ kala lo.

JƐRƖMAAYA 15:13

Ma dʋa arɩ ma kɩaa kala, mɩ jaŋ leŋ dɩ nɩaa kʋ paaba viiri, ba bɩ jaŋ tiŋ kʋŋkala a tɩŋ wʋbɔmɔ-la ma sɩ ŋaa ma tinteeŋ kala lɛ wɩaa.

JƐRƖMAAYA 20:5

Mɩ jaŋ joŋ ba tabalɩŋ deeŋ dʋa kala a pɩ ba dʋndɔŋŋɔɔ, ba kʋŋaalaa, ba kʋyuŋŋoo arɩ Juda kuoroo dʋa kala. Ba jaŋ yuo laa ba kala a kaa mʋ Babɩlɔŋ.

JƐRƖMAAYA 27:19

Wɩɩ-la La TƖƖNA doluŋ kala Tɩɩna sɩ bʋla tɩgɛ jebie-la, taasɩ-gbaŋ gugulii-la, arɩ kɩalɩŋ ba sɩ ŋaa ba nagɛ torukoba a kɛŋ naasɩŋ a vɩvɛŋ arɩ kpɩɛra-la dɔnsʋŋ sɩ ka tabalɩŋ deeŋ lɛ,

JƐRƖMAAYA 27:21

Wʋtɩtɩɩ, wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla tɩgɛ kɩalɩŋ sɩ ka ʋ-na La TƖƖNA dɩa lɛ, arɩ Juda tinteeŋ kuoru dɩa sɩ hɛ Jerusalɛm lɛ nɛ ŋ-la:

JƐRƖMAAYA 50:28

Má jegile nɩɩ nɩalɩŋ sɩ foro lɩɩ Babɩlɔŋ kɔ sɩɩ bʋl wɩalɩŋ Zaayɔŋ lɛ, ŋɩɩ mɩ-na ma TƖƖNA Wɩa sɩ joŋ mɩ baanɩŋ tiŋ Babɩlɔŋ nɩaa lɛ a tɩŋ ʋ dɩɩ-bal-la wɩaa.

JƐRƖMAAYA 51:51

Ma sɩ, ‘Ba hɩɩsɛla nɛ, a tʋʋsɛla, a leŋ la dii hɩɩsɩŋ bɛɛ wɩaa nɩwogusuŋ jʋʋ La TƖƖNA dɩɩ-balɩŋ lee-la sɩ bɩ disiniŋ kɛnɛ.’

JƐRƖMAAYA 52:13

Ʋ sɩ kɔ, ʋ nyɩgɛ Wɩa dɩɩ-bal-la, kuoru dɩa arɩ Jerusalɛm dɩɩsɩŋ kala. Dɩɩ-nyuŋ kala sɩ hɛ nɩmɛ nɛ ʋ nyɩgɛ.

JEMBIEE 1:7

Tapʋlɩa-la wɩaa sɩ jʋʋba ba gɔllɔ bɩbaarɛ, Jerusalɛm nɩaa liise yi ba dʋa-la kala wɩaa nɛ, kɩalɩŋ ba sɩ kɛnɛ faafaa-la. Ʋ nɩaa sɩ jʋʋ ba dʋndɔŋŋɔɔ nɩsɩŋ, nʋʋ tuo dɩ ʋ pɛ ba lɛ. Ʋ dʋndɔŋŋɔɔ benu nɛ aŋ mɔŋ ʋ sɩ cheye lɛ.

ƐZƖKƖƐL 44:7

Ma kɛŋ nɩwogusuŋ sɩ bɩ mɩ ka to nɛ, a bɩ ba penee ma kere kʋ jʋʋ mɩ dɩɩ-bal-la a joŋ disiniŋ hɛ ʋ lɛ, bʋa-la lɛ ma sɩ yie joŋ pʋsʋŋ nʋʋŋ arɩ chalɩŋ sɩ ŋaa mɩ kʋdiilee a ŋaa Wɩɩsʋlʋŋ pɩmɛ. Ma chei nii-la sɩ hɛ mɩ dɩ ma pɛgɛ nɛ, a tɩŋ wʋkɩsɩa-la kala ma sɩ ŋaa wɩaa.

ƐZƖKƖƐL 7:22

Mɩ jaŋ joŋ harɩŋ yɩaba, dɩ nɩbɔŋŋɔɔ nɛ chei lee-la mɩ sɩ cho a leŋ dɩ ʋ kɛŋ disiniŋ, gaaraa jaŋ kʋ jʋʋ lee-la a ŋaa dɩ ʋ kɛŋ disiniŋ.

ƐZƖKƖƐL 9:7

Ŋɩɩ nɛ ʋ bʋla pɩba, “Má ŋaa disiniŋ hɛ Wɩa dɩɩ-balɩŋ lɛ, a paa sʋʋnʋŋ su ʋ kaalɩsɩ-la kala. Má mʋ a ŋaa ŋɩɩ.” Ŋɩɩ nɛ ba lɩɩ a suomo kpʋkpʋ nɩaa tabal-la kala lɛ.

Maak 13:14

Ma jaŋ na dɩ ba joŋ kʋ-la sɩ kɛŋ disiniŋ aa chei leriŋ a bil lee-la ʋ sɩ bɩ maga ʋ hɛ. Kʋa deeŋ jaŋ ŋaa wʋbɔŋŋɔɔ. Ʋ jaŋ chei Wɩa yɩrɩŋ. (Ma sɩ jaŋ karɩmɛ wɩaa deemba, ma jaŋ jɩŋ ba bʋbʋɔŋ.) Dɩ ma nɛ na ŋɩɩ, má leŋ dɩ nɩalɩŋ sɩ hɛ Judiya tinteeŋ lɛ, dɩ ba fá jɩl peelee nyuŋ a faa.

MOSIS BƖRA WULLI WƖA WOMBIIŊ 23:3

Amɔŋ tɩɩna kala koo Mʋab tɩɩna koo ba doho nʋʋkala bɩ maga dɩ ʋ guoli La TƖƖNA nɩaa tʋɔŋ, a chɩŋ ba lɛ a kaa mʋ ba doho doho fii sɩ jaŋ to ba harɩŋ kɔ,

MOSIS BƖRA WULLI WƖA WOMBIIŊ 23:4

bɛɛ wɩaa, bʋa-la lɛ ma fa sɩ lɩɩ Ijipiti lɛ a kʋkɔ, ba vɔmma lɩɩŋ arɩ kʋdiilee nɛ aŋ mʋ kpal Balam sɩ ŋaa Bioo nanʋala a lɩɩ taŋ-la ba sɩɩ yɩrɛ Pɛtɔ a hɛ Mesopotemia lɛ, dɩ ʋ kalɩbɛ hɛ ma lɛ.