Jeems 5:8 - WƖA TENIŊ

⁸ Má ma kɛŋ kenyiri ŋɩɩ, a chɩŋ kpaŋ kpaŋ, bɛɛ wɩaa tapʋlɩɩ-la La Tɩɩna Yesu sɩ jaŋ mɩɩra kɔ kpaga nɛ.

Jeems 5:8 ပူးပေါင်းရင်းမြစ်များ

WƖAA DƖ-SUOMUŊ 49:18

Mɩ TƖƖNA, mɩ gbɛrɩŋ nɛ dɩ ŋ laa mɩ ta.

WƖA YƖƖLAA 130:5

Mɩ kɛŋ mɩ tʋɔŋ kala nɛ a gbɛrɛ La Tɩɩna. Mɩ gbɛrɛ nɛ dɩ ʋ pɛ mɩ lɛ. Mɩ joŋ mɩ yɩɛlaa kala hɛ ʋ niiŋ wɩaa lɛ nɛ.

WƖA YƖƖLAA 27:14

Má kɛŋ yɩɛlaa a gbɛrɛ La Tɩɩna. Má nyɩrɛ bɔyɛ a kɛŋ tʋɔ-doluŋ a gbɛrɛ La Tɩɩna.

WƖA YƖƖLAA 37:7

Dii kenyiri a gbɛrɛ La Tɩɩna. Sɩ́ leŋe dɩ wɩaa walɩmɩŋ dɩ nɩaa wɩaa nɩɩ vɛŋ woruŋ, koo dɩ nɩaa nɛ wuo ŋɩŋaa wʋbɔmɔ-la ba sɩɩ bɩɩnʋ.

ƐZƖKƖƐL 7:12

Bʋa-la yie nɛ, tapʋlɩɩ-la kɔ nɛ. Nɩalɩŋ sɩ yɔɔ kɩaa, má sɩ́ leŋe dɩ ma tʋɔŋ tɔrɛ, nɩalɩŋ ma sɩɩ yallɛ kɩaa, má ma sɩ́ leŋe dɩ ma tʋɔŋ chei, bɛɛ wɩaa Wɩa baanɩŋ sii ma kala nyuŋ nɛ.

MƖKA 7:7

Ama mɩ-na, mɩɩ beŋ La TƖƖNA lɛ nɛ a yɩyɩɛlʋ. Mɩ gbɛrɛ Wɩa nɛ, mɩ Laataara, mɩ Wɩa jaŋ jegile nɩɩ mɩ teeŋ.

HABAKU 2:3

Wɩalɩŋ mɩ sɩ kaa dagɩŋ kɛŋ ba tapʋlɩɩ nɛ. Wɩalɩŋ mʋʋ tɩgɛ dʋnɩa dɩdɛrɩŋ lɛ nɛ, ba bɩ jaŋ ŋaa wʋnyɩɛrɩ. Dɩ ba nɛ naga baa dienu ma, ha gbɛrɛ, bɛɛ wɩaa ba jaŋ sɛnɛ kʋ ŋaa, ba bɩ jaŋ dieni.

Luuk 21:19

Dɩ ma nɛ nyalɩma, ma jaŋ laa ma mɩɩsɩŋ.”

Jɔɔŋ 21:22

Ŋɩɩ nɛ Yesu bʋla pʋ, “Dɩ mɩ nɩɩ chɛ dɩ ʋ hɛ nɩmɛ ka dɩ mɩ-na mɩɩra kɔ dʋnɩa, ŋ sɩpaa tuo nɩmɛ. To mɩ harɩŋ.”

Rom Tɩŋŋaa 8:25

Ama dɩ la nɩɩ yɩɛlɛ wɩalɩŋ la ha sɩ bɩ na, la dii kenyiri a gbɩgbɛrɛ. La sɩ yie kɛŋ yɩɛlaa ŋɩɩ a kɛŋ kenyiri,

Galiisia Nɩaa 5:22

Ama dɩ Wɩa Dɩŋ-zɔmʋŋ nɛ hɛ nʋʋ lɛ, ʋ yie ŋaa ʋ cho nɩaa nɛ, a kɛŋ tʋɔtɔrʋŋ, a fɩɛla hɔŋ sɔm, a kɛŋ kenyiri, a kɛŋ zile, a ŋɩŋaa wʋzɔŋŋɔɔ, a kɛŋ wʋtɩtɩɩ,

Fɩlɩpa Nɩaa 4:5

Má leŋ dɩ ma sɩaa fɩɛlɛ nʋʋkala teeŋ. Má ŋɩŋaa ŋɩɩ, bɛɛ wɩaa bʋa-la lɛ La Tɩɩna Yesu sɩ jaŋ mɩɩra kɔ kpaga nɛ.

1 Tɛsalonaaka Nɩaa 1:10

Ba yie bʋl arɩ maa gbɛrɛ ʋ Bie Yesu dɩ ʋ lɩɩ Wɩa jaŋ kɔ. Ʋ nɛ Wɩa chɩsɛ sʋʋŋ lɛ. Ʋ nɛ jaŋ laala ta tapʋlɩɩ-la Wɩa baanɩŋ sɩ jaŋ sii nuhuobiinee nyuŋ.

1 Tɛsalonaaka Nɩaa 2:19

La yɩɛlaa hɛ ma lɛ nɛ. La tʋɔŋ tɔrɛ ma nyuŋ. Dɩ La Tɩɩna Yesu nɛ mɩɩra kɔ, a tɩŋ ma wɩaa la jaŋ bigisi la tɩtɩa lɛ.

1 Tɛsalonaaka Nɩaa 3:13

aŋ bɩra sʋlʋ dɩ ʋ leŋ dɩ ma kɛŋ doluŋ ma tʋɔŋ lɛ, a kɛŋ tʋɔpʋla la Nyɩmma Wɩa sɩpaaŋ, a sɩ́ wʋcheeli kala kɛŋ tapʋlɩɩ-la La Tɩɩna Yesu arɩ ʋ nɩaa sɩ jaŋ mɩɩra kɔ.

2 Tɛsalonaaka Nɩaa 3:5

Mɩɩ sʋl La Tɩɩna Wɩa dɩ ʋ leŋ dɩ ma wuo jɩŋ ma tʋɔŋ lɛ arɩ ʋ choma nɛ woruŋ. Mɩɩ sʋlʋ dɩ ʋ leŋ dɩ ma wuo kɛŋ kenyiri Kirisito doluŋ lɛ.

Jeems 5:3

Ma sɛlɩmɛ arɩ ma hɔpʋla kala nɛ sʋa. Kɩalɩŋ sɩ sʋa ŋɩɩ daga arɩ ma bɩ woruŋ ŋaa. Ma kɩalɩŋ sɩ sʋa ŋɩɩ, ŋɩɩ tɩtɩa nɛ ma yaraa ma jaŋ pʋa a nagɛ nyiniŋ sɩ die. Lɛɛlɛ dʋnɩa kpagɛ dɩdɛrɩŋ nɛ, aŋ ka ma-na ha nyagɛ kɩaa bil.

Jeems 5:9

Mɩ naambiiriŋ, má sɩ́ wɩaa gʋrʋmʋ dɔŋɔ lɛ, dɩ Wɩa sɩ́ ma sarɩya dii a joŋ cheeriŋ pɩma. Na nɩɩ-la sɩ jaŋ dii la sarɩya nɛ chɩŋ boiŋ niiŋ a ŋaa siri dɩ ʋ jʋʋ ŋɩɩ.

1 Pɩɩta 4:7

Bʋa-la dʋnɩa sɩ jaŋ dɛrɛ kpaga nɛ. Ŋɩɩ wɩaa, má kɛŋ ma tɩtɩa woruŋ a leŋ dɩ ma sɩaa fɩɛlɛ, dɩ ma wuo chʋchʋɔlɛ Wɩa.

Jɔɔŋ Wʋnaalaa 22:20

Nɩɩ-la sɩɩ dagɛ wɩaa deemba sɩ, “Wʋtɩtɩɩ, mɩɩ kɔ nɛ lɛɛlɛ.” Amɩɩ, kɔ, La Tɩɩna Yesu.