Jeems 5:6 - WƖA TENIŊ

⁶ Ma joŋ cheeriŋ pɩ nɩalɩŋ sɩ bɩ wɩɩ cheye nɛ, a kpʋba. Ka ba bɩ lobo dɩ ba laa ba tɩtɩa.

Jeems 5:6 ပူးပေါင်းရင်းမြစ်များ

AZAAYA 5:23

nɩalɩŋ sɩ yie laa kpalaa nɩalɩŋ sɩ chei wɩaa teeŋ aŋ jomba ta, aŋ vɩa dɩ ba bʋl wʋtɩtɩɩ a laa pɛ nɩɩ-la sɩ bɩ wɩɩ cheye lɛ.

AZAAYA 53:7

Ba fa dɔgɩsʋ nɛ, ʋ na hɛɛŋ kɩŋkɛŋ, ama ʋ bɩ ʋ niiŋ suro. Ba fa kɛnʋ a nagɛ pie-bie nɛ a kaa mʋ dɩ ba kpʋ koo a nagɛ piese ba sɩɩ chɛ dɩ ba kɛ ʋ pʋna, ka ʋ tɔrɛ ʋ niiŋ, ʋ bɩ ʋ niiŋ suro.

Matiu 21:38

Tɩntɩnna-la sɩ na bile, ba bʋla pɩ dɔŋɔ, ‘Dɩ baga-la tɩɩna nɛ sʋba, bie deeŋ nɛ jaŋ dii ʋ kɩaa. Má kɔ dɩ la kpʋʋ. Dɩ la nɛ kpʋʋ, la nɛ jaŋ mɩɩra tɩɩ ʋ kɩalɩŋ.’

Matiu 27:20

Ŋɩɩ nɛ Wɩɩsʋllɩ sɩpaalaaraa kʋhɩasɩŋ arɩ Juu tɩŋŋaa kʋhɩasɩ-la nyɩsɛ nɩ-daŋ-la hɛ dɩ ba bʋl dɩ Paalɩt lɩɩsɛ Barabas ta aŋ ka dɩ ba kpʋ Yesu.

Matiu 5:39

Ama lɛɛlɛ mɩ jaŋ bʋla pɩma, dɩ nʋʋ nɛ ŋaa wʋbɔŋ ŋ lɛ, sɩ́ wʋbɔŋ-la joŋo timu. Dɩ nʋʋ nɛ fallɛ ŋ nadiiŋ chaŋkpaŋɩŋ lɛ, kɛŋ ŋ nagʋa chaŋkpaŋɩŋ ma kaa bɩrɩma pʋ.

Tɩntɩŋŋaa 22:14

Ŋɩɩ nɛ Ananɩas bʋla pɩmɛ, ‘Wɩa-la la dɩ la naabalɩmaba sɩɩ to nɛ lɩɩsɩŋ dɩ ŋ jɩŋ wɩɩ-la ʋ sɩɩ chɛ dɩ ŋ ŋaa. Ʋ leŋ ŋ na Wɩa tʋɔpʋl Tɩɩna a nɩɩ ʋ yikoro ma ʋ sɩ bʋl wɩaa pɩŋ.

Tɩntɩŋŋaa 7:52

Wɩa wʋlaabʋllaa kʋŋkala tuo ma naabalɩmaba sɩ bɩ naasɩŋ to dɔgɩsɛ. Ba fa paala kpʋ nɩalɩŋ sɩ laa sɩpaaŋ bʋl dɩ Wɩa tʋɔpʋl Tɩɩna jaŋ kɔ nɛ. Ʋ nɛ lɛɛlɛ ma joŋo yallɛ ba kpʋ ŋɩɩ.

Tɩntɩŋŋaa 8:32

Wɩa niiŋ wɩalɩŋ bafere-la fa sɩɩ karɩmʋ nɛ ŋ-la: “Ʋ tɔrɛ ʋ niiŋ a nagɛ piese ba sɩ kaa mʋ dɩ ba kpʋ, a bɩra nagɛ pie-bie ma sɩ tɔrɛ ʋ niiŋ, ka ba kɩkɛ ʋ pʋnaa nɛ. Ʋ bɩ ʋ niiŋ suro.

Hiburu TƖŊŊAA 10:38

Ama tʋɔpʋl tɩŋŋaa-na jaŋ hɛ nɩmɛ a tɩŋ ba sɩ laamɛ dii wɩaa. Ama dɩ ba nɛ vɩa Wɩa, ʋ tʋɔŋ bɩ jaŋ tɔrɛ ba nyuŋ.”

Jeems 2:6

Ama ma bɩ woruŋ ka ŋaa, ma sɩ yie ŋaa wɩaa jʋjʋʋ summoo lɛ ŋɩɩ. Kɩaa tɩŋŋaa nɛ yie didii doluŋ ma lɛ, a fʋga kɛmma mʋmʋ sarɩya dɩ-diiliŋ.

Jeems 4:2

Ma cho dɩ ma kɛŋ kɩaa aŋ bɩ baa na, ŋɩɩ nɛ tɩɩ maa chɛ dɩ ma kpʋ dɔŋɔ aŋ laa. Ma yie hɩhɩɛnɛ kɩalɩŋ aŋ bɩ wuo na. Ŋɩɩ nɛ tɩɩ ma gʋraa yuo dɔŋɔ ŋɩɩ. Wɩɩ-la sɩ tɩɩ ma bɩ kɩalɩŋ ma sɩɩ chɛ kɛnɛ nɛ ŋ-la: Ma bɩ Wɩa sʋl dɩ ʋ joŋo pɩma.

1 Pɩɩta 4:18

Ba ŋmʋnsɛ Wɩa teniŋ tʋɔŋ a bʋl, “Ʋ ŋaa wʋhaa nɛ arɩ ŋ ŋaa tʋɔpʋl tɩɩna Wɩa sɩpaaŋ, dɩ ʋ laaŋ ta. Ɛɛ nɛ saa ʋ jaŋ nagɛ nɩalɩŋ sɩ bɩ Wɩa jɩŋ aŋ ŋɩŋaa wʋbɔŋŋɔɔ lɛ?”