Jeems 5:4 - WƖA TENIŊ

⁴ Ma vɩa dɩ ma tiŋ nɩalɩŋ ma, ma sɩ ŋaa ba tɩŋ ma bagɩsɩŋ lɛ nɛ. Ba nɛ yele hɩhɛ ma lɛ. Ba yele-la jʋʋ La Tɩɩna Wɩa dɩgɩlaa nɛ, Nɩɩ-la sɩɩ beŋ dʋnɩa kʋŋkala.

Jeems 5:4 ပူးပေါင်းရင်းမြစ်များ

WƖAA DƖ-SUOMUŊ 4:10

Ŋɩɩ nɛ La TƖƖNA pɩɛsɛ, “Bɛɛ nɛ ŋ ŋaa ŋ-la? Jegili, ŋ ŋaana chalɩŋ nɛ pɩŋ tinteeŋ a bunsoo pɩmɛ.

JOB 34:28

Ba wʋŋaalaa leŋe summoo ŋmoo niiŋ Wɩa sɩpaaŋ nɛ, ʋ nɩɩ nɩalɩŋ sɩ bɩ ba tɩtɩa lɛ wuo pɛ nii-ŋmobo.

JOB 7:2

Ʋ nagɛ yomo sɩ yie cho dɩ wɩa jʋʋ lɩma nɛ, koo pa-chɩŋ-diire sɩ gbɛrɛ a chichel dɩ ʋ laa ʋ time.

WƖA YƖƖLAA 9:12

Nɩalɩŋ sɩ ŋaa wɩaa chei, ŋ jaŋ dɔgɩsɛba. Ŋ bɩ jaŋ yʋ, koo a vɩa dɩ ŋ jegile nɩɩ nɩalɩŋ sɩɩ na hɛɛŋ yele.

MOSIS KƐŊ IZIRAL TƖŊŊAA LƖƖ 22:27

bɛɛ wɩaa ʋ gɛrɩ-bɔsɔ kala nɛ ŋɩɩ. Bɛɛ nɛ ʋ jaŋ piliŋ tɩtaŋɩŋ? Dɩ tɩɩna nɛ yele pɩmɛ, mɩ jaŋ nɩɩ ʋ yele, mɩ ŋaa Wɩa sɩɩ fá nɩaa nenige nɛ.

MOSIS KƐŊ IZIRAL TƖŊŊAA LƖƖ 3:9

Mɩ nɩɩ Iziral tɩŋŋaa bunso nɛ a na dɔgɩsɩna-la ma, Ijipiti tɩŋŋaa sɩɩ dɔgɩsɛba.

AZAAYA 1:9

Dɩ La TƖƖNA doluŋ kala Tɩɩna dee fa bɩ la dɔnsʋŋ yuo laa ta, la kʋbala ma fa bɩ jaŋ ka, Jerusalɛm fa jaŋ nagɛ Sodom dɩ la nagɛ Gomora nɩaa fa sɩ sʋʋ dɛrɛ ŋɩɩ.

AZAAYA 5:7

La TƖƖNA doluŋ kala Tɩɩna tɩɩnɛnɛɛ baga-la nɛ ŋaa Iziral tɩŋŋaa, Juda doho ma nɛ ŋaa tɩɩsɩ-la ʋ sɩ chɔnsɔ, ʋ tʋɔŋ tɔrɛ ba nyuŋ. Ʋ yie cho dɩ baa to wʋtɩtɩɩ ka ba kpʋkpʋ nɩaa. Ʋ yie cho dɩ baa ŋaa tʋɔpʋl wɩaa, ka nɩaa yiyel kɩŋkɛŋ arɩ tʋɔ-cheeŋ.

AZAAYA 5:9

La TƖƖNA doluŋ kala Tɩɩna nɛ bʋla pɩmɛ, “Wʋtɩtɩɩ, ma dɩɩ-balaa deemba jaŋ pɩŋ hoi, ma dɩɩ-zɔmɔ-la jaŋ pɩŋ jikpeeŋ.

JƐRƖMAAYA 22:13

Wɩɩŋ puu nɩɩ-la kala sɩ bɩ tʋɔpʋla lɛ to a saa ʋ kuoru dɩa, a bɩ wʋtɩtɩɩ lɛ to saa dɩɩsɩŋ sugili ʋ nyuŋ, a leŋ ʋ taŋ nɩaa tɩŋ pɛɩ, ka ʋ bɩ ba lɔlʋŋ chɩmɩŋ time.

LEVI DOHO NƖAA 19:13

Ma pʋpɔ má sɩ́ dɔŋɔba gɩrɩmʋ koo a kɛŋ dɔŋɔba kɩaa lɩlaa. Dɩ nʋʋ nɛ tɩma pɩŋ ka ŋ timu, sɩ́ leŋe dɩ ʋ moribiiŋ chʋa ŋ teeŋ.

HABAKU 2:11

Ma dɩɩsɩŋ jeyee tabɩaa jaŋ chɩɩrɛ ma nyusuŋ, dɩ doloo laa chɩɩmɛ.

MALAKAƖ 3:5

La TƖƖNA doluŋ kala Tɩɩna sɩ, “Mɩ jaŋ kɔ a guu dii ma sarɩya. Mɩ jaŋ guu dagɛ nɩaa deemba wʋcheelee. Nɩalɩŋ sɩɩ ŋaa chichiribi wɩaa, nɩalɩŋ sɩɩ ŋaa wʋlɩɩlɩŋ, nɩalɩŋ sɩɩ nyɩɛ wɩaa sarɩya dɩ-diiliŋ arɩ nɩalɩŋ sɩɩ gʋrɛ ba tɩntɩnnaa, nɩalɩŋ sɩɩ dɔgɩsɛ yo-haalaa arɩ biisinsiŋ koo a gʋgʋrɛ nɩwogusuŋ. Nɩaa deemba kala bɩ mɩ ka fá.

Matiu 9:37

Ŋɩɩ nɛ ʋ bʋla pɩ ʋ harɩ-tooroo, “Baga kɩaa yʋga nɛ a magɛ dɩ ba ŋaa, ama tɩntɩnnaa bɩ yʋgɛ.

Luuk 18:7

Ma saa bɩɩna Wɩa bɩ jaŋ pɛ nɩalɩŋ ʋ sɩ lɩɩsa lɛ dɩ ba laa kʋsɩŋŋaa, dɩ ba nɩɩ yel ʋ teeŋ wɩɩhɛyɛ arɩ tɩtaŋɩŋ kala? Ma bɩɩna ʋ jaŋ kɛmba kaa didieni aŋ vɩa dɩ ʋ pɛ ba lɛɛ.

Rom Tɩŋŋaa 9:29

Ŋ-la nɛ Azaaya ma fa bɩra bʋl dɩ Wɩa jaŋ ŋaa maachie. Ʋ fa sɩ, “Dɩ La Tɩɩna doluŋ kala Tɩɩna nɛ fa bɩ la naabalɩma doho nɩaa baŋmɛnɛ leŋe, la kala fa jaŋ sʋʋ, a nagɛ Sodom arɩ Gomora nɩaa kala sɩ sʋʋ ŋɩɩ.”

MOSIS BƖRA WULLI WƖA WOMBIIŊ 15:9

Dɩ jɩ-pɛɩ-la lɛ ma sɩ jaŋ giri chɩŋŋaa ta nɛ kpaga ma, ka dɩ ma naambiiri-la kʋŋ nɩsɩŋ buo, dɩ ʋ chɩchɛ ʋ chɩŋ kʋŋ ma teeŋ, má sɩ́ tʋɔhɛɛŋ kɛŋ a vɔmʋ. Dɩ ma nɛ vɔmʋ dɩ ʋ yele pɩ La TƖƖNA, ma jaŋ laa cheeriŋ La TƖƖNA teeŋ.

Koloosi Nɩaa 4:1

Yosuŋ tɩŋŋaa, má to wʋtɩtɩɩ a joŋ magɛ ŋɩɩ sɩ maga a pɩ ma yosuŋ, aŋ sɩ́ yʋ arɩ ma ma kɛŋ Tɩɩna nɛ Wɩa-jaŋ lɛ.