Jeems 5:3 - WƖA TENIŊ

³ Ma sɛlɩmɛ arɩ ma hɔpʋla kala nɛ sʋa. Kɩalɩŋ sɩ sʋa ŋɩɩ daga arɩ ma bɩ woruŋ ŋaa. Ma kɩalɩŋ sɩ sʋa ŋɩɩ, ŋɩɩ tɩtɩa nɛ ma yaraa ma jaŋ pʋa a nagɛ nyiniŋ sɩ die. Lɛɛlɛ dʋnɩa kpagɛ dɩdɛrɩŋ nɛ, aŋ ka ma-na ha nyagɛ kɩaa bil.

Jeems 5:3 ပူးပေါင်းရင်းမြစ်များ

WƖAA DƖ-SUOMUŊ 31:48

Ŋɩɩ nɛ Labaŋ bʋl, “Tabɩa-la sɩ chʋɔrɛ leriŋ deeŋ ma bɩra jaŋ ŋaa la dɩŋ pɛgɛ magɩl. Ŋɩɩ nɛ tɩɩ mɩ kɛŋ lee-la yɩrɛ Galeed.”

WƖAA DƖ-SUOMUŊ 31:52

Tabɩaa deemba sɩ chʋɔra arɩ tabɩɩ-la sɩ pɛ nɛ ŋaa la magɩlɩŋ arɩ mɩ bɩ jaŋ kieli tabɩaa deemba arɩ jebiiŋ deeŋ a kʋ ŋaaŋ wʋbɔŋ, ŋ ma bɩ jaŋ kieli jebii-la a kɔ mɩ teeŋ a ŋaamɛ wʋbɔŋ.

WƖAA DƖ-SUOMUŊ 49:1

Ŋɩɩ nɛ Jekɔb yɩrɛ ʋ hambolibiisiŋ a bʋl, “Má hilimi dɩ mɩ dagɛma ŋɩɩ ma chie sɩ jaŋ nagɛ.

JOB 16:8

Ŋ leŋe mɩ kala kɔŋ nɛ, aŋ ka haŋgbelee dʋndʋŋa. Nɩaa joŋ ŋɩɩ ʋ ŋaa magɩl arɩ mɩ ŋaa wʋcheeru nɛ.

AZAAYA 2:2

Tapʋlaa dɩdɛrɩŋ, La TƖƖNA peel-la nyuŋ Wɩa dɩɩ-balɩŋ sɩ chɩna jaŋ kɩɩ peelee kala. Ʋ nɛ jaŋ sii je kɩɩ dundolo kala, dɩ dʋnɩa tinteyee kala gire mʋ lee-la.

JƐRƖMAAYA 19:9

Mɩ jaŋ leŋ dɩ ba gʋra chaŋ ba hambolibiisiŋ arɩ hantolibiisiŋ nammɩa. Bʋa-la lɛ ba dʋndɔŋŋɔɔ sɩ jaŋ faasa tɔba hɛ, ba jaŋ gʋra chɩchaŋ dɔŋɔ.

MƖKA 3:3

Ma chaŋ mɩ nɩaa nɛ, a fɩsɛ ba puruŋ a yɛrɛ ba haŋgbelee muno muno. Ma keriba a nagɛ ba sɩ yie keri nammɩa ŋɩɩ nɛ a chɔ.

MƖKA 4:1

Tapʋlaa dɩdɛrɩŋ, La TƖƖNA peel-la nyuŋ Wɩa dɩɩ-balɩŋ sɩ chɩna nɛ jaŋ kɩɩ peelee kala. Ʋ nɛ jaŋ sii je kɩɩ dundolo kala, dɩ tinteyee gire mʋ ʋ leriŋ.

Tɩntɩŋŋaa 2:17

‘Wɩa bʋla, ŋ-la nɛ mɩ jaŋ ŋaa tapʋlaa dɩdɛrɩŋ: Mɩ jaŋ joŋ mɩ Dɩŋ-zɔmʋŋ hɛ nʋʋkala lɛ. Ma hambolibiisiŋ arɩ ma toloo jaŋ bʋl wɩaa mɩ Dɩŋ-zɔmʋŋ doluŋ lɛ. Ma bapʋɔsɩ-biisiŋ ma jaŋ nɩna wɩaa a nagɛ duosoo tʋɔŋ. Ma banɩhɩasɩŋ ma jaŋ duduosi duosoo.

Rom Tɩŋŋaa 2:5

Ma tʋɔŋ dolie. Ma vɩa dɩ ma bɩrɩma lɩɩ ma wʋbɔŋŋɔɔ lɛ nɛ. Ma wasa ŋaa Wɩa baanɩŋ faasa sisii nɛ. Tapʋlɩɩ-la ʋ sɩ jaŋ dii dʋnɩa nɩaa sarɩya, ʋ jaŋ dii sarɩya arɩ wʋtɩtɩɩ dɩ nɩaa na.

2 Timoti 2:17

Wɩalɩŋ ba sɩɩ dagʋ jaŋ teeli leriŋ a nagɛ naawɩɩlɩŋ sɩ yie keeri ŋɩɩ a dii nampɩlɩŋ kala. Nɩaa balɩa nɛ hɛ nɩaa deemba tʋɔŋ aa dagɛ wɩaa deemba. Ba yɩraa nɛ Haminiiyas arɩ Fɩlɛtɩs.

JOSUA 24:27

Josua bɩra bʋla pɩ nɩalɩŋ kala, “Má bee na, tabɩɩŋ deeŋ nɛ ŋaa la magɩlɩŋ. Ʋ nɩɩ wɩalɩŋ kala La TƖƖNA sɩ bʋla pɩla nɛ. Ʋ nɛ jaŋ ŋaa ma magɩlɩŋ dɩ ma nɛ bɩ wʋtɩtɩɩ kɛnɛ ma Wɩa teeŋ.”

2 Pɩɩta 3:3

Mɩɩ chɛ dɩ ma laa sɩpaaŋ jɩŋ arɩ bʋa-la lɛ dʋnɩa sɩ jaŋ kʋ kpagɛ dɩdɛrɩŋ, nɩsieree jaŋ to ba tʋɔtɔrɛ wʋŋaalaa lɛ a sisierima lɛ.

Jɔɔŋ Wʋnaalaa 17:16

Nyilli-la fii ma ŋ sɩ na, ba dɩ baga kʋ-la jaŋ bɛrɛ hachɔrʋŋ-la. Ba jaŋ wuri ʋ kɩaa ta ka dɩ ʋ kɛŋ yarɩ-biree. Ba jaŋ chaŋ ʋ nammɩa aŋ nyɩgɛ ʋ haŋgbelee.

Jɔɔŋ Wʋnaalaa 20:15

Dɩ nʋʋkala yɩrɩŋ nɛ tuo mɩɩsɩŋ teŋ-la tʋɔŋ, ba yie joŋu yuo hɛ nyiŋ-bal-la tʋɔŋ nɛ.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”