Jeems 5:16 - WƖA TENIŊ

¹⁶ Ŋɩɩ wɩaa, má dagɛ ma wʋbɔŋŋɔɔ a pɩ dɔŋɔ a sʋl Wɩa a pɩpɩ dɔŋɔ, dɩ Wɩa wuo ŋaa dɩ ma duori. Dɩ tʋɔpʋl tɩɩna nɛ sʋl Wɩa, ʋ Wɩɩsʋlʋŋ yie faasa kɛŋ doluŋ nɛ a ŋaa wɩɩ-la ʋ sɩɩ chɛ pʋ.

Jeems 5:16 ပူးပေါင်းရင်းမြစ်များ

WƖAA DƖ-SUOMUŊ 19:29

A tɩŋ Wɩa sɩ bil nii-la pɩ Abɩraham wɩaa, nyiniŋ dii tasɩ-la kala lɛ Lɔt fa sɩ hɔnɔ aŋ lɩɩsɛ Lɔt ta.

WƖAA DƖ-SUOMUŊ 20:17

Ŋɩɩ nɛ Abɩraham sʋl Wɩa pɩ Abɩmɛlɛk arɩ ʋ haala arɩ ba yoŋ toloo kala ba lʋla suri ba lʋlʋl biiriŋ.

WƖAA DƖ-SUOMUŊ 20:7

Ŋɩɩ wɩaa joŋ haal-la pɩ ʋ bala, ʋ ŋaa mɩ wʋlaabʋllʋ nɛ. Ʋ jaŋ sʋlmɛ pɩŋ dɩ ŋ sɩ́ sʋʋ. Ama dɩ ŋ nɛ vɩa, jɩŋ ma dɩ ŋ nɩaa kala jaŋ sʋʋ.”

WƖAA DƖ-SUOMUŊ 32:28

Ŋɩɩ nɛ baal-la bʋl, “Ŋ yɩrɩŋ bɩra bɩ jaŋ ŋaa Jekɔb. Ŋ yɩrɩŋ nɛ Iziral, bɛɛ wɩaa ŋ kɛŋ Wɩa arɩ nuhuobiinee loo nɛ a lobo dii.”

2 SAMƲƐL 19:19

aŋ bʋla pʋ, “Mɩɩ sʋlʋŋ mɩ nɩhɩaŋ, sɩ́ cheeriŋ joŋo pɩmɛ. Sɩ́ ŋɩɩ mɩ-na ŋ tɩntɩnna fa sɩ tʋʋsʋŋ bʋa-la lɛ ŋ sɩɩ lɩɩ Jerusalɛm lɛ liisu. Kuoro, paala sɩ́ wɩɩ-la joŋo hɛ ŋ tʋɔŋ lɛ,

1 KUOROO 13:6

Ŋɩɩ nɛ kuoro bʋla pɩ Wɩa wʋlaabʋllʋ-la, “Mɩɩ sʋlʋŋ, sʋl ŋ Tɩɩna Wɩa pɩmɛ dɩ ʋ leŋ dɩ mɩ nɩsɩ-la fɩɛlɛ.” Wɩa wʋlaabʋllʋ-la sʋl La TƖƖNA pʋ, ʋ leŋ kuoro nɩsɩŋ fɩɛlɛ a nagɛ ŋɩɩ ʋ fa sɩ naga.

2 IZIRAL TƖŊŊAA NAABARƖŊ 30:20

Ŋɩɩ nɛ La TƖƖNA laa Hezikaaya sʋla a joŋo chɛba a bɩ ba dɔgʋsɔ.

JOB 42:8

Ŋɩɩ wɩaa, má kɛsɛ nɛ-belliŋ balɩpɛ, pie-belliŋ ma balɩpɛ a kaa mʋ mɩ tɩntɩnna Job teeŋ a kpʋ a ŋaa kʋnyɩgaa Wɩɩsʋlʋŋ pɩ ma tɩtɩa. Mɩ tɩntɩnna Job jaŋ sʋlmɩ pɩma dɩ mɩ laa ʋ sʋla. Mɩ bɩ jaŋ dɔgɩsɛma a tɩŋ nɩyaarɛ wɩalɩŋ ma sɩ bʋla wɩaa. Wɩalɩŋ ma sɩ bʋla tɩgɛ mɩ lɛ, ma bɩ wʋtɩtɩɩ bʋla a nagɛ mɩ tɩntɩnna Job sɩ bʋl ŋɩɩ.”

WƖA YƖƖLAA 34:15

La Tɩɩna sɩaa pɛ tʋɔpʋl tɩŋŋaa lɛ nɛ, a jegilee nɩɩ ba nii-ŋmobo.

MOSIS KƐŊ IZIRAL TƖŊŊAA LƖƖ 17:11

Mosis kɛŋ ʋ nɩsaa je. Ʋ sɩ ŋaa ŋɩɩ, Iziral tɩŋŋaa yuo didii Amalɛk tɩŋŋaa, ama dɩ Mosis nɩsaa nɛ kʋ tuu, Amalɛk tɩŋŋaa ma yie yuo didiiba nɛ.

MOSIS KƐŊ IZIRAL TƖŊŊAA LƖƖ 9:33

Mosis sɩ sii Ijipiti tinteeŋ kuoro sɩpaaŋ a lɩɩ tabal-la lɛ ʋ sʋl La TƖƖNA, ŋɩɩ nɛ duoŋ-tabɩa-la arɩ duoŋ kpɩa-na-la arɩ duoŋ-la kala leŋ.

NAMAGABA 15:29

La Tɩɩna bɩ nɩbɔmʋŋ Wɩɩsʋlʋŋ ka nɩɩ, ama ʋʋ nɩɩ tʋɔpʋl tɩɩna-na Wɩɩsʋlʋŋ nɛ.

NAMAGABA 15:8

La Tɩɩna bɛrɛ nɩbɔmʋŋ sɩ kpʋ pʋna a ŋaa Wɩɩsʋlʋŋ nɛ, ama ʋ tʋɔŋ ka tɔrɛ tʋɔpʋl tɩɩna-na Wɩɩsʋlʋŋ nyuŋ nɛ.

NAMAGABA 28:9

Dɩ nʋʋ nɛ bɩ chɛ ʋ jegili Wɩa wombiiŋ wɩaa, ʋ Wɩɩsʋlʋŋ paala sʋɔrɛ nɛ.

JƐRƖMAAYA 15:1

Ŋɩɩ nɛ La TƖƖNA bʋla pɩmɛ, “Dɩ Mosis arɩ Samʋɛl nɛ fa paala kʋ chɩŋ mɩ sɩpaaŋ a sʋlmɛ ma, mɩ bɩ jaŋ fá nɩaa deemba nenige. Kiriba ta dɩ ba sʋrɩsɛ mɩ sɩpaaŋ! Leŋ dɩ ba mʋ!

JƐRƖMAAYA 33:3

“Yɩrɛmɛ, mɩ jaŋ sɛɩ, a dagɩŋ wʋduoruŋ arɩ wɩalɩŋ sɩ faa ŋ bɩ ba jɩŋ.

JƐRƖMAAYA 42:2

kala mʋ Wɩa wʋlaabʋlla Jɛrɩmaaya teeŋ a bʋla pʋ, “Laa sʋlʋŋ, jegile nɩɩ wɩɩ-la la sɩ kɛnɛ, a sʋl ŋ TƖƖNA Wɩa a pɩ la nɩkaanaa deemba. Ŋ tɩtɩa sɩɩŋ na la nɛ lɛɛlɛ, la fa yʋga nɛ woruŋ, ama lɛɛlɛ la baŋmɛnɛ nɛ ka.

NAMBABA 11:2

Ŋɩɩ nɛ nɩalɩŋ ŋmoo niiŋ pɩ Mosis, ʋ sʋl La TƖƖNA, ʋ leŋ nyiŋ-la dɩsɛ.

Matiu 21:22

Dɩ ma nɛ laa Wɩa dii, kʋŋ na-kala ma sɩ chʋɔlɛ Wɩa a sʋsʋl, ma jaŋ naʋ.”

Matiu 3:6

a dagɛ ba wʋbɔŋŋɔɔ aŋ tuu Jɔdaŋ fuo-la, ʋ foba Wɩɩchʋɔlɛ lɩɩŋ.

Maak 1:5

Ʋ sɩ bʋl ŋɩɩ, Judiya tɩŋŋaa arɩ Jerusalɛm tɩŋŋaa kala lɩɩ a mʋ ʋ teeŋ, a dagɛ ba wʋbɔŋŋɔɔ aŋ tuu Jɔdaŋ fuo-la, ʋ foba Wɩɩchʋɔlɛ lɩɩŋ.

Luuk 9:6

Ŋɩɩ nɛ Yesu harɩ-tooro-la sii a gɔllɔ to tasɩŋ aa bʋl Wɩa wʋzɔmɔ-la wɩaa aŋ pɛ vaarɛ nɩaa lee-na kala ba sɩ mʋa.

Jɔɔŋ 9:31

La jɩma arɩ Wɩa bɩ wʋbɔŋ ŋaaraa wʋbʋlʋŋ ka jegili. Ʋʋ jegili nɩalɩŋ sɩɩ zilu nɛ aŋ pɛ ŋɩŋaa wɩalɩŋ ʋ sɩ cho.

Tɩntɩŋŋaa 10:38

Ma nɩɩ Yesu wɩaa nɛ. Wɩa joŋ ʋ Dɩŋ-zɔmʋŋ hɛ ʋ lɛ nɛ a pʋ doluŋ. Ʋ sii mʋ lee-kala, a ŋɩŋaa wʋzɔŋŋɔɔ pɩpɩ nɩaa, aa vaarɛ nɩalɩŋ kala Sɩtaanɩ sɩ nyaga bil. Wɩa fa hɛ ʋ teeŋ, ŋɩɩ nɛ tɩɩ ʋ wuo ŋɩŋaa wɩaa deemba kala.

Tɩntɩŋŋaa 19:18

Nɩalɩŋ ma dɔnsʋŋ sɩ laa Yesu wɩaa dii yʋga kɔ, a dagɛ ba wʋbɔmɔ-la ba sɩ ŋaa a pɩ Pɔɔl, nɩaa tʋɔŋ.

Tɩntɩŋŋaa 8:24

Ŋɩɩ nɛ Saamɔŋ bʋl, “Má chʋɔlɛ Wɩa pɩmɛ dɩ wɩaa deemba kala ma sɩ bʋla sɩ́ mɩ lɛ ŋaa.”

Rom Tɩŋŋaa 3:10

Ba ŋmʋnsɛ ŋɩɩ nɛ Wɩa teniŋ tʋɔŋ a bʋl, “Nʋʋkala bɩ tʋɔpʋl tɩɩna ŋaa Wɩa sɩpaaŋ, nɩbala ma bɩ tʋɔpʋl tɩɩna ŋaa.

Rom Tɩŋŋaa 5:19

Nɩbala sɩ vɩa Wɩa niiŋ nɛ leŋe nɩ-daŋ ŋaa wʋbɔŋ ŋaaraa. Ŋɩɩ tɩtɩa nɛ nɩbala sɩ to Wɩa niiŋ nɛ wuo ŋaa nɩaa yʋgɛ a kɛŋ tʋɔpʋla Wɩa sɩpaaŋ.

Koloosi Nɩaa 1:9

A tɩŋ wɩɩŋ deeŋ wɩaa, a lɩɩ tapʋlɩɩ-la la sɩ nɩɩ ma wɩaa, la chʋɔlɛ Wɩa pɩpɩma nɛ a bɩ leŋ. Laa sʋl Wɩa aa pɩma dɩ ʋ leŋ dɩ ma sɛnɛ jɩŋ wɩɩ-la ʋ sɩɩ chɛ dɩ ma ŋaa, a kɛŋ wʋjɩmɩŋ arɩ dɩgɩlɩŋ jegilee Wɩa Dɩŋ-zɔŋ-la sɩ pɩma.

1 Tɛsalonaaka Nɩaa 5:17

a chʋchʋɔlɛ Wɩa bʋa na-kala lɛ.

1 Tɛsalonaaka Nɩaa 5:23

Mɩɩ sʋl Wɩa sɩɩ pɩ nɩaa fɩɛlɩŋ dɩ ʋ pɩɩsɛ ma disiniŋ kala. Ʋ jaŋ beŋ ma tʋɔbɩɩnaa arɩ ma yaraa kala a lɩɩsɛma wʋbɔŋ-na kala lɛ, dɩ ma wuo ŋaa nɩzɔmɔ a sɩ́ wʋcheeli kala kɛŋ, a mʋ yi tapʋlɩɩ-la La Tɩɩna Yesu Kirisito sɩ jaŋ mɩɩra kɔ.

1 Tɛsalonaaka Nɩaa 5:25

La naambiiri, má ma sʋl Wɩa pɩla.

Hiburu TƖŊŊAA 11:4

Ebil fa laa Wɩa wɩaa dii nɛ, ŋɩɩ nɛ tɩɩ ʋ kpʋ pʋna a ŋaa Wɩɩsʋlʋŋ sɩ zɔmɔ a pɩ Wɩa a kɩɩ ʋ naambie Keeŋ. Ŋɩɩ nɛ Wɩa joŋu arɩ ʋ ŋaa tʋɔpʋl tɩɩna ʋ tʋɔŋ tɔrɛ ʋ Wɩɩsʋlʋŋ kɩaa wɩaa. Ebil sʋba ma nɛ, ama a tɩŋ ʋ fa sɩ laa Wɩa wɩaa dii ŋɩɩ, ʋ ha bʋl wɩaa pɩpɩla nɛ.

Hiburu TƖŊŊAA 11:7

Nowa ma fa laa Wɩa wɩaa dii nɛ. Ŋɩɩ nɛ Wɩa kpʋrɩsɛ ʋ dɩgɩlaa a mʋ tɩgɛ wɩɩ-la sɩ jaŋ ŋaa dʋnɩa lɛ a pʋ, ʋ bɩ wɩɩ-la na aŋ sɛɩ Wɩa niiŋ a kpaasɛ lɩɩŋ daboro dɩ ʋ laa ʋ dɩ ʋ dɩa nɩaa ta. Nowa sɩ laa Wɩa wɩaa dii nɛ tɩɩ ʋ kʋ ŋaa tʋɔpʋl tɩɩna aŋ joŋ cheeriŋ a pɩ nɩkaana-la kala.

Hiburu TƖŊŊAA 12:13

Wʋtɩtɩɩ-la ma sɩ nɩa, má kɛnʋ kaa tɩtɩŋ a mʋmʋ sɩpaaŋ. Dɩ ma nɛ ŋaa ŋɩɩ, ma jaŋ wuo pɛ nɩalɩŋ sɩ hɛ ma tʋɔŋ a laa Wɩa wɩaa dii aŋ bɩ doluŋ kɛnɛ wɩalɩŋ lɛ. Ma jaŋ wuo pɛ ba lɛ dɩ ba chɩŋ a sɩ́ begilu.

Hiburu TƖŊŊAA 13:18

Má sʋl Wɩa pɩpɩla bʋa na-kala lɛ. La jɩma la tʋɔbɩɩnaa kala chese nɛ. Wɩɩ-na kala la sɩɩ ŋaa lɛ, la yie chɩchɛ dɩ la ŋaaʋ ʋ bʋa lɛ nɛ.

JOSUA 10:12

Tapʋlɩɩ-la La TƖƖNA fa sɩ leŋe Iziral tɩŋŋaa yuo dii Amɔrɩ tɩmma-la, Josua fa bʋl ŋ-la nɛ a pɩ La TƖƖNA Iziral tɩŋŋaa sɩpaaŋ, “Ou wɩɩpɔsʋŋ, ha chɩŋ dɩ-bala a chugili Gibioŋ lɛ. Ou chɛnɛ, chugili Aɩjalɔŋ fuonaa-la lɛ.”

1 Pɩɩta 2:24

Yesu Kirisito tɩtɩa nɛ laa la wʋbɔŋŋɔɔ a chʋŋ, ba kpaasʋ mɛrɛ daagɛsɛ nyuŋ dɩ la joŋ harɩŋ yɩa wʋbɔŋŋɔɔ aŋ ŋɩŋaa tʋɔpʋl wɩaa. Ba vɩɩrʋ ʋ yaraa ŋaa naawɩɩlaa, ŋɩɩ nɛ leŋe la nyanyalaa kala dɛrɛ.

1 Jɔɔŋ 3:22

Ŋɩɩ wɩaa, dɩ la nɛ sʋl kʋŋ na-kala ʋ teeŋ, ʋ jaŋ joŋo pɩla, bɛɛ wɩaa laa to wɩalɩŋ ʋ sɩ daga nɛ a ŋɩŋaa wɩalɩŋ sɩɩ tɔrɛ ʋ tʋɔŋ.

1 SAMƲƐL 1:12

Hana faa chʋɔlɛ La TƖƖNA deeŋ deeŋ nɛ, Eli ma bibeŋ ʋ niiŋ lɛ.

1 SAMƲƐL 12:17

Bʋa deeŋ lɛ ŋaa tafaaŋ nɛ. Ama mɩ jaŋ sʋl La TƖƖNA dɩ ʋ leŋ dɩ taŋ dɔŋ, dɩ duonuŋ nɩɩ lɛɛlɛ. Ŋɩɩ nɛ ma jaŋ jɩŋ arɩ ma chaasa ŋaa wʋbɔŋ nɛ La TƖƖNA sɩpaaŋ, ma sɩ bʋla pʋ arɩ maa chɛ kuoro nɛ.”

1 SAMƲƐL 12:18

Samʋɛl sɩ sʋl La TƖƖNA, tapʋlɩɩ-la tɩtɩa nɛ La TƖƖNA leŋ taŋ dɔŋ, duonuŋ nɩɩ. Ŋɩɩ nɛ nɩalɩŋ kala chaasa fɩfá La TƖƖNA arɩ Samʋɛl.