Jeems 5:14 - WƖA TENIŊ

¹⁴ Dɩ nʋʋ ma nɛ hɛ ma tʋɔŋ a wʋwɩɩlɛ, má leŋ dɩ ʋ yɩrɛ nɩalɩŋ sɩ laa Yesu wɩaa dii aa hilimi tʋɔŋ kʋhɩasɩŋ dɩ ba kɔ ʋ teeŋ a chʋɔlɛ Wɩa pʋ. Ba jaŋ lɔgɛ nʋʋŋ a tɩsʋ, aŋ sʋl Wɩa pʋ La Tɩɩna Yesu yɩrɩŋ lɛ.

Jeems 5:14 ပူးပေါင်းရင်းမြစ်များ

1 KUOROO 17:21

Ŋɩɩ nɛ aŋ chu tɔ bile lɛ naansɩɩŋ butori aŋ bɩra sʋl La TƖƖNA, “Mɩ TƖƖNA Wɩa, leŋ dɩ bie deeŋ bɩra sii a kɛŋ mɩɩsɩŋ.”

2 KUOROO 4:33

Ʋ kɛŋ boro tɔ hɛ ʋ dɩ bile lɛ aŋ sʋl La TƖƖNA.

2 KUOROO 5:11

Ŋɩɩ nɛ baanɩŋ kɛŋ Naamaŋ ʋ viviiri aŋ bʋl, “Mɩ fa bɩɩna ʋ jaŋ kʋ lɩɩ mɩ teeŋ a yɩrɛ ʋ Tɩɩna Wɩa, aŋ kɛŋ ʋ nɩsɩŋ zaarɛ mɩ yaraa lere-la sɩ pʋlla a vaarɛmɛ.

Maak 16:18

Ba jaŋ wuo kukori dɩŋŋaa, a nyʋa daalusuŋ sɩɩ kpʋ nɩaa, ka ʋ bɩ jaŋ ŋaaba wɩɩkala. Ba jaŋ wuo joŋ ba nɩsaa a daŋ nyanyal tɩŋŋaa lɛ dɩ ba duori.”

Maak 6:13

Ba kiri jɩŋ-bɔŋŋɔɔ ma a yʋgɛ nɩaa lɛ, aŋ joŋ nʋʋŋ ma a tɩsɛ nyanyal tɩŋŋaa yʋgɛ ba duori.

Tɩntɩŋŋaa 11:30

Ba kɩɛsɛ moribie-la, a joŋo tɩŋ Banabas arɩ Sɔɔl, ba kaa mʋ pɩ nɩalɩŋ sɩ laa Yesu wɩaa dii kʋhɩasɩŋ Judiya lɛ.

Tɩntɩŋŋaa 14:23

Lee-na kala nɩalɩŋ sɩ laa Yesu wɩalɩŋ dii aa hilimi, Pɔɔl arɩ Banabas yie lɩɩsɛ nɩaa ba tʋɔŋ dɩ ba ŋaa ba kʋhɩasɩŋ. Ba nɛ ŋaa ŋɩɩ, ba yie chʋɔlɛ Wɩa pɩba a vɔɔ niiŋ, aŋ jomba hɛ La Tɩɩna Yesu nɩsɩŋ lɛ, nɩɩ-la wɩaa ba sɩ laa dii.

Tɩntɩŋŋaa 15:4

Ba sɩ mʋ yi Jerusalɛm, Yesu nanzɔɔba-la arɩ nɩalɩŋ kala sɩ laa Yesu wɩaa dii aa hilimi arɩ ba kʋhɩasɩŋ, ba kɛmba woruŋ. Ba bʋl wɩalɩŋ kala Wɩa sɩ to ba lɛ ŋaa a pɩba.

Tɩntɩŋŋaa 28:8

Kuoru-la nyɩmma faa wɩɩlɛ nɛ a pɩŋ dɩa lɛ. Ʋ yaraa fa lɩma nɛ, aŋ ka ʋ nɩnɩgɩlɛ. Ŋɩɩ nɛ Pɔɔl jʋʋ naʋ ʋ dɩa lɛ a joŋ ʋ nɩsɩŋ daŋ ʋ lɛ a chʋɔlɛ Wɩa pʋ, ʋ duori.

Tɩntɩŋŋaa 9:40

Pɩɩta ŋaa ba kala lɩɩ dɩa-la tʋɔŋ. Ba sɩ lɩa, ʋ tuu kpirimi a chʋɔlɛ Wɩa. Ŋɩɩ nɛ aŋ bɩrɩmɛ sʋʋ-la teeŋ a bʋl, “Tabɩta, sii.” Ʋ suri ʋ sɩaa. Ʋ sɩ na Pɩɩta, ʋ sii hɔŋ.

Taatɩs 1:5

Mɩ leŋiŋ Kiriiti lɛ dɩ ŋ wuo wasɛ wɩalɩŋ fa sɩ maga ba ŋaa nɛ. Mɩ bʋla pɩŋ dɩ ŋ lɩɩsɛ Wɩa nɩaa tʋɔŋ nɩhɩasɩŋ taŋ na-kala lɛ.