Jeems 5:11 - WƖA TENIŊ

¹¹ Wɩa pɛ nɩalɩŋ sɩ wuo nyalɩmɛ ŋɩɩ a mʋ dɛrɛ lɛ nɛ woruŋ. Ma nɩɩ ŋɩɩ baal kʋbala ba sɩɩ yɩrɛ Job sɩ na hɛɛŋ aŋ nyalɩmɛ nɛ, a bɩra nɩɩ ŋɩɩ Wɩa sɩ pɛ ʋ lɛ ʋ hɛɛ-la harɩŋ lɛ. Wʋtɩtɩɩ, La Tɩɩna ka fá la nenige arɩ la nisusuŋ nɛ kɩŋkɛŋ kɩŋkɛŋ.

Jeems 5:11 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 21:13

Ŋɩɩ nɛ Devit bʋla pɩ Gad, “Mɩ tʋɔŋ chaasa chei nɛ. Leŋ dɩ mɩ jʋʋ La TƖƖNA nɩsɩŋ, bɛɛ wɩaa ʋʋ fá nɩaa nenige nɛ woruŋ, ama sɩ́ leŋe dɩ la jʋʋ nuhuobiine nɩsɩŋ.”

2 IZIRAL TƖŊŊAA NAABARƖŊ 30:9

Dɩ ma nɛ mɩɩra kɔ La TƖƖNA teeŋ, ʋ jaŋ leŋ dɩ ma dʋndɔmɔ-la fa sɩ yuo kɛsɛ ma naambiiriŋ arɩ ma biiriŋ fá ba nenige, a jomba ta dɩ ba mɩɩra kɔ dɩa. Ma TƖƖNA Wɩa kɛŋ zile a fɩfá nɩaa nenige. Dɩ ma nɛ mɩɩra kɔ ʋ teeŋ, ʋ jaŋ laama.”

NƐHƖMAAYA 9:17

Ba vɩa dɩ ba jegile nɩɩ nɛ a bɩ wʋmagɩla-la ŋ sɩ ŋaa ma liise. Ba vɩa aŋ kɛŋ nyu-duo nɛ a lɩɩsɛ ba sɩpaalaara dɩ ʋ mɩɩra kɛmba mʋ Ijipiti tinteeŋ, lee-la ba fa sɩ ŋaa yosi. Ama ŋ ŋaa Wɩa sɩ joŋ wɩaa chɩchɛ nɩaa nɛ, a fɩfá nɩaa nisusuŋ, a kɛŋ zile. Ŋ baanɩŋ bɩ lɩma lɩma ka sii, ŋ chonuŋ ma bɩ dɛrɛ. Ŋɩɩ wɩaa, ŋ bɩ ba vɩa ta,

NƐHƖMAAYA 9:31

Ama a tɩŋ ŋ sɩɩ fá nɩaa nenige kɩŋkɛŋ wɩaa, ŋ bɩ ba cheye koo a vɩaba ta, bɛɛ wɩaa ŋ ŋaa Wɩa sɩ kɛŋ zile nɛ a fɩfá nɩaa nisusuŋ.

JOB 1:1

Baal kʋbala nɛ fa hɛ Us tinteeŋ lɛ, baa yɩrɛ Job. Baala deeŋ wɩaa tʋʋla nɛ woruŋ, ʋ bɩ wʋcheeli kala kɛnɛ. Ʋ faa fá Wɩa nɛ woruŋ a bɛrɛ wʋbɔŋŋɔɔ.

JOB 1:2

Ʋ fa kɛŋ hambolibiisiŋ balɩpɛ nɛ, hantolibiisiŋ ma batori.

JOB 2:10

Job bʋl, “Ŋ bʋl wɩaa arɩ ŋ ŋaa hayaarɩ nɛ. Ŋ bɩɩna wʋzɔŋŋɔɔ dʋndʋŋa nɛ maga dɩ la lɩlaa Wɩa teeŋ, aŋ sɩ́ wʋbɔŋŋɔɔ-na laa koo?” Job hɛɛŋ deeŋ ma kala lɛ, ʋ bɩ wʋbɔŋ kala bʋla.

JOB 23:10

Ama ʋ-na jɩŋ wombii-la mɩ sɩɩ to nɛ. Dɩ ʋ nɛ joŋ wɩaa magɩsɛmɛ dɩ ʋ na, mɩ jaŋ lɩɩ fɩrr a nagɛ sɛlɩmɛ.

WƖA YƖƖLAA 103:13

A nagɛ nyɩmma sɩɩ fá ʋ biiriŋ nisusuŋ ŋɩɩ, ŋɩɩ tɩtɩa nɛ La Tɩɩna ma fɩfá nɩalɩŋ sɩɩ zilu nenige.

WƖA YƖƖLAA 103:8

La Tɩɩna kɛŋ zile a fɩfá nɩaa nenige, ʋ baanɩŋ bɩ lɩma lɩma ka sii, ʋ nɩaa chonuŋ ma bɩ dɩdɛrɩ kɛnɛ.

WƖA YƖƖLAA 116:5

La Tɩɩna ka fá nɩaa nisusuŋ nɛ, ʋ tʋɔŋ pʋlla. La Wɩa ka fá nɩaa nenige.

WƖA YƖƖLAA 119:132

Beŋ mɩ sɩaa lɛ aŋ fá mɩ nenige, arɩ ŋ sɩɩ ŋaa ŋɩɩ nɩalɩŋ sɩ choŋ lɛ.

WƖA YƖƖLAA 145:8

La Tɩɩna ka fá nɩaa nenige nɛ, a kɛŋ zile. Ʋ baanɩŋ bɩ lɩma lɩma ka sii, ʋ cho nɩaa bʋa na-kala lɛ.

WƖA YƖƖLAA 37:37

Bɩɩna yi nɩalɩŋ sɩ bɩ wʋcheeli kala kɛnɛ lɛ, aŋ bee na nɩalɩŋ ma wʋŋaalaa sɩ tʋʋla. Nɩalɩŋ sɩ cho dɩ nɩaa kɛŋ nii-maga, ba chie yie zɔŋ nɛ.

WƖA YƖƖLAA 51:1

Wɩa, ŋ chonuŋ sɩ bɩ dɛrɛ wɩaa, mɩɩ sʋlʋŋ, fá mɩ nenige. Ŋŋ fá nɩaa nenige kɩŋkɛŋ nɛ. Mɩɩ sʋlʋŋ, joŋ mɩ wʋbɔmɔ-la chɛmɛ.

WƖA YƖƖLAA 78:38

Ama Wɩa fa ha fá ʋ nɩaa nenige nɛ, a joŋ ba wʋbɔŋŋɔɔ chɛba, a bɩ ba cheye. Naansɩɩŋ yʋga nɛ ʋ sɩ nyalɩma a bɩ baanɩŋ ka na ba nyuŋ.

WƖA YƖƖLAA 86:15

Ama ŋ-na La Tɩɩna, ŋ nɛ Wɩa sɩ kɛŋ zile a fɩfá nɩaa nenige. Ŋ baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ.

WƖA YƖƖLAA 86:5

Ŋ wɩaa zɔmɔ, ŋ joŋ wɩaa ma a chɩchɛ nɩaa. La Tɩɩna, ŋ chonuŋ bɩ magɩa kɛnɛ, nɩalɩŋ kala sɩɩ chʋɔlʋŋ teeŋ.

WƖA YƖƖLAA 94:12

La Tɩɩna, nɩalɩŋ kala ŋ sɩ daga a kɛmba tʋraa kɩɩ ŋ wombie-la ŋ sɩ bile dɩ la tuto lɛ, jaŋ kɛŋ tʋɔtɔrʋŋ.

MOSIS KƐŊ IZIRAL TƖŊŊAA LƖƖ 34:6

Ŋɩɩ nɛ ʋ to Mosis sɩpaaŋ bal aŋ bʋl, “Mɩ nɛ ma TƖƖNA, mɩ nɛ ma TƖƖNA, mɩ nɛ ŋaa Wɩa-la sɩɩ fá nɩaa nenige. Mɩ nɛ ŋaa Wɩa-la nɩaa sɩ jaŋ wuo jʋʋ mɩ lahɔrɩmɔ, mɩ baanɩŋ bɩ lɩma lɩma ka sii, a cho nɩaa kɩŋkɛŋ a kɛŋ wʋtɩtɩɩ,

TƖƖCHA 7:8

Wɩɩŋ dɩdɛrɩŋ nɛ kpɩa ʋ dɩ-suomuŋ, kenyiri ma nɛ kpɩa babii-ballɩŋ.

AZAAYA 63:7

Mɩ jaŋ leŋ dɩ nɩaa jɩŋ ŋɩɩ La TƖƖNA sɩ faasa cho nɩaa. Mɩ jaŋ dɛnnʋ a tɩŋ wɩalɩŋ kala ʋ sɩ ŋaa pɩ la Iziral tɩŋŋaa wɩaa. Ʋ chaasa ŋaa wʋzɔŋŋɔɔ yʋgɛ nɛ pɩla. La TƖƖNA fá la nenige nɛ a dagɛla ʋ chono-la sɩ bɩ dɛrɛ.

AZAAYA 63:9

Dɩ ba tʋɔŋ nɛ cheye, ʋ ma tʋɔŋ yie chei nɛ. La TƖƖNA tɩtɩa nɛ chɩŋ ba harɩŋ a laaba ta. Ʋ choba nɛ, a fá ba nenige a laaba ta. Bumbuŋ kala, ʋ chaasa beŋ ba nyuŋ nɛ woruŋ.

JEMBIEE 3:22

La TƖƖNA chono-la sɩ bɩ dɛrɛ wɩaa nɛ tɩɩ la bɩ sʋba, bɛɛ wɩaa ʋ sɩɩ fá nɩaa nenige ŋɩɩ bɩ birigi.

DANƖƐL 9:9

La TƖƖNA Wɩa, ŋŋ fá nɩaa nenige nɛ a joŋ wɩaa chɩchɛba, arɩ la sɩ lɩɩ ŋ harɩŋ ma kala,

JOWƐL 2:13

Má leŋ dɩ ma tʋɔŋ nɛ chei aŋ sɩ́ ma gɛnnɩŋ nɛ kɩɛsʋ. Má mɩɩra kɔ ma TƖƖNA Wɩa teeŋ, ʋ nɛ kɛŋ zile, a fɩfá nɩaa nenige. Ʋ baanɩŋ bɩ lɩma lɩma ka sii, aŋ cho nɩaa ma woruŋ. Ʋ yie kɛŋ ʋ tɩtɩa hɛ dɔŋɔ dɩ ʋ joŋ wɩaa chɛla nɛ bʋa na-kala a bɩ chɛ ʋ dɔgɩsɛla.

JONA 4:2

Ʋ sʋl La TƖƖNA, “Ou, mɩ TƖƖNA, ŋ-la dee mɩ bʋl mɩ fa ha sɩ hɛ mɩ jaŋ lɛɛ? Ŋ-la wɩaa nɛ tɩɩ mɩ fa fá lɩma lɩma a mʋmʋ Taasɩs ŋɩɩ. Mɩ jɩma ŋ ŋaa Wɩa sɩ kɛŋ zile a fɩfá nɩaa nenige nɛ. Ŋ baanɩŋ bɩ lɩma lɩma ka sii. Ŋ cho nɩaa ma woruŋ aŋ ŋaa Wɩa sɩ bɩ cho ʋ joŋ wʋbɔŋ kala ŋaa nʋʋ lɛ.

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

NAMBABA 14:18

Ŋ-na La TƖƖNA baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ, a joŋ nɩaa wʋbɔŋŋɔɔ arɩ ba wʋcheelee aa chɛba, a bɩ nɩalɩŋ sɩ ŋaa wɩaa chei ka leŋ pɛɩ. Ŋ yie dɔgɩsɛ nyɩmmaba biiriŋ arɩ ba nihee arɩ ba nihi-lɩɛrɛba a tɩŋ ba nyɩmmaba wʋbɔŋŋɔɔ wɩaa.

Matiu 10:22

Nʋʋkala jaŋ bɛrɛma a tɩŋ mɩ wɩaa. Ama nɩɩ-la kala sɩ nyalɩma a mʋ dɛrɛ, Wɩa jaŋ laaʋ ta.

Luuk 1:50

Ʋʋ fá nɩalɩŋ kala sɩɩ fáʋ nenige nɛ, doho-na kala lɛ.

Luuk 11:10

Nɩɩ-la kala sɩ sʋl kɩaa Wɩa teeŋ, ʋ yie laa nɛ. Nɩɩ-la kala sɩɩ chɛ kɩaa, ʋ yie na nɛ. Nɩɩ-la ma kala sɩ du boro, ba yie kaa suro pʋ nɛ.

Luuk 6:36

Má fɩfá nɩaa nenige arɩ ma Nyɩmma Wɩa sɩɩ fá nɩaa nenige ŋɩɩ.

Rom Tɩŋŋaa 2:4

Wɩa sɩ kɛŋ zile kɩŋkɛŋ a kɛŋ kenyiri ŋɩɩ, a nyalɩma pɩma maa ŋaa wɩaa, ma bene arɩ ʋ bɩ kʋŋ ŋaa? Ma bɩ jɩŋ arɩ Wɩa sɩ kɛŋ zile ŋɩɩ, ʋʋ chɛ dɩ ma bɩrɩma lɩɩ ma wʋbɔŋŋɔɔ lɛ nɛɛ?

Ɛfɛsɩs Nɩaa 1:6

Ʋ ŋaa ŋɩɩ dɩ la wuo dɛnnʋ, a leŋ dɩ ʋ yɩrɩŋ yɩrɛ, a tɩŋ ʋ sɩ fá la nenige. Ʋ Bii-choolii-la ʋ sɩ joŋo pɩla lɛ nɛ ʋ to a pɛ la lɛ.

Ɛfɛsɩs Nɩaa 2:4

Ama Wɩa chola nɛ kɩŋkɛŋ, a faasa fɩfá la nenige,

Hiburu TƖŊŊAA 10:39

Ama la-na tuo nɩalɩŋ sɩ vɩa Wɩa ʋ cheiba. La ŋaa nɩa sɩ laa Wɩa dii nɛ ʋ laala ta.

Hiburu TƖŊŊAA 3:14

Wɩalɩŋ la sɩ laa dii bumbuŋ, dɩ la nɛ kɛmba ŋɩɩ a kaa mʋ dɩdɛrɩŋ, la dɩ Kirisito kala jaŋ ŋaa kʋbala.

Hiburu TƖŊŊAA 3:6

Ama Kirisito-na fa ŋaa Wɩa Bii nɛ, a kɛŋ wʋtɩtɩɩ a bibeŋ Wɩa nɩaa. Dɩ la ma nɛ kɛŋ bɔɩ-duoŋ a tɩŋ kɩalɩŋ la sɩɩ yɩɛlʋ wɩaa, la jaŋ wuo ŋaa ʋ nɩaa.

Jeems 1:12

Wɩa jaŋ pɛ nɩɩ-la wɩɩŋ sɩ jʋa lɛ, aŋ ka ʋ wuo nyalɩmɛ a chɩŋ. Ʋ sɩ wuo nyalɩmɛ ŋɩɩ, Wɩa jaŋ joŋ mɩɩsɩ-la sɩ bɩ dɛrɛ a timu, mɩɩsɩ-la ʋ sɩ sɩ ʋ jaŋ joŋo pɩ nɩalɩŋ kala sɩ chou.

Jeems 1:2

Mɩ naambiiriŋ, dɩ wʋdoho-na kala nɛ jʋʋma, má leŋ dɩ ʋ ŋaa ma tʋɔtɔrʋ,

1 Pɩɩta 1:13

Ŋɩɩ wɩaa, má kɛŋ ma tʋɔbɩɩnaa hɛ dɔŋɔ lɛ a ŋaa siri dɩ ma tɩŋ. Má kɛŋ ma tɩtɩa woruŋ, a joŋ ma yɩɛlaa kala hɛ kʋ-la Wɩa sɩ jaŋ joŋo pɩma lɛ bʋa-la Yesu Kirisito sɩ jaŋ mɩɩra kɔ.

1 Pɩɩta 3:14

Ama dɩ ba nɩɩ dɔgɩsɛma a tɩŋ ma tʋɔpʋl wʋŋaalaa wɩaa, Wɩa jaŋ pɛ ma lɛ. Ŋɩɩ wɩaa, má sɩ́ nɩalɩŋ sɩ dɔgɩsɛma fá, a sɩ́ leŋe dɩ wɩɩkala wʋwalɩmɛ ma.

2 Pɩɩta 2:9

Wɩaa deemba kala dagɛla arɩ Wɩa jɩŋ wombii-la ʋ sɩ jaŋ to a laa tʋɔpʋl tɩŋŋaa ta nɛ, dɩ Sɩtaanɩ sɩ́ wuo magɩsɛba dɩ ba ŋaa wʋbɔŋ. Ba bɩra dagɛla ŋɩɩ Wɩa sɩ jaŋ ŋaa a dɔgɩsɛ nɩbɔŋŋɔɔ ma a kaa mʋ yi tapʋlɩɩ-la ʋ sɩ jaŋ dii dʋnɩa nɩaa sarɩya.