Jeems 5:10 - WƖA TENIŊ

¹⁰ Mɩ naambiiriŋ, má bee na Wɩa wʋlaabʋlla-la sɩ bʋl wɩaa La Tɩɩna yɩrɩŋ lɛ, ba na hɛɛŋ nɛ woruŋ aŋ ha kɛŋ kenyiri. Má ma hɛ doluŋ aŋ to ba naabʋɔsʋŋ.

Jeems 5:10 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:16

Ama ba bɩ ʋ wʋlaabʋlla-la teeŋ jegile nɩɩ, aŋ mɔmba a sieri ba lɛ. Ba ŋaa ŋɩɩ nɛ La TƖƖNA baanɩŋ chaasa sii ba nyuŋ, wɩɩkala tuo sɩ jaŋ pɔ dɩ ʋ sɩ́ ba dɔgʋsʋ.

AZAAYA 39:8

Ŋɩɩ nɛ Hezikaaya bʋla pɩ Azaaya, “Wɩɩ-la La TƖƖNA sɩ bʋla ŋaa wʋzɔŋ nɛ.” Ʋ bʋl ŋɩɩ, bɛɛ wɩaa ʋ-na fa bɩɩna La TƖƖNA sɩ, ʋ mɩɩsɩŋ kala lɛ fɩɛlɩŋ jaŋ hɛ nɩmɛ, wʋwalɩmɩɩ kala bɩ jaŋ jʋʋ-ʋ.

JƐRƖMAAYA 2:30

Mɩ fa dɔgɩsɛ ma nɩaa nɛ a chɩchɛ dɩ mɩ kɛmba tʋra kɩɩ nɛ, ama ŋɩɩ ŋaa pɛɩ nɛ. Ba fa bɩ mɩ teeŋ jegile nɩɩ, aŋ kpʋ ma Wɩa wʋlaabʋllaa a nagɛ naachigiŋ sɩ hoso a kpʋ nɩaa.

JƐRƖMAAYA 23:22

Ama dɩ ba nɛ fa jɩŋ mɩ tʋɔbɩɩnaa, ba fa jaŋ heele bʋl mɩ wɩaa a pɩ mɩ nɩaa, dɩ ba bɩrɩma lɩɩ ba wombii bɔmɔ-la arɩ wʋbɔmɔ-la ba sɩɩ ŋaa lɛ.

JƐRƖMAAYA 26:16

Ŋɩɩ nɛ tɩntɩnnɩ-hɩasɩ-la arɩ nɩalɩŋ kala bʋla pɩ Wɩɩsʋllɩ sɩpaalaaraa arɩ Wɩa wʋlaabʋlla-la, “Ma bɩ maga dɩ ma kpʋ baala deeŋ. Ʋ bʋl wɩaa La TƖƖNA Wɩa yɩrɩŋ lɛ nɛ a pɩla.”

Luuk 13:34

Ma Jerusalɛm nɩaa, ma yie kpʋ Wɩa wʋlaabʋllaa, a joŋ tabɩaa a yagɛ tɩndaara-la Wɩa sɩ tɩma dɩ ba kɔ ma teeŋ. Naansɩɩŋ yʋga nɛ mɩ fa cho dɩ mɩ chu tɔ ma nɩaa kala, arɩ jimiŋ sɩ yie chu tɔ ʋ biiriŋ ŋɩɩ, ka ma bɩ sɛyɛ.

Luuk 6:23

Dɩ ŋɩɩ nɛ kʋ chɩŋ ma lɛ, ma gʋgʋa arɩ tʋɔtɔrʋŋ, bɛɛ wɩaa ma time jaŋ yʋgɛ Wɩa-jaŋ lɛ. La naabalɩmaba ma dɔgɩsɛ Wɩa wʋlaabʋllaa nɛ.

Tɩntɩŋŋaa 3:21

Ʋ maga dɩ ʋ hɛ Wɩa-jaŋ lɛ, see bʋa-la yie, dɩ Wɩa leŋ dɩ wɩɩkala sɩ hɛ dʋnɩa lɛ bɩrɩmɛ wʋfalɩɩ. Wɩa leŋe ʋ wʋlaabʋllaa bʋl wɩɩŋ deeŋ faafaa kala nɛ.

Tɩntɩŋŋaa 7:52

Wɩa wʋlaabʋllaa kʋŋkala tuo ma naabalɩmaba sɩ bɩ naasɩŋ to dɔgɩsɛ. Ba fa paala kpʋ nɩalɩŋ sɩ laa sɩpaaŋ bʋl dɩ Wɩa tʋɔpʋl Tɩɩna jaŋ kɔ nɛ. Ʋ nɛ lɛɛlɛ ma joŋo yallɛ ba kpʋ ŋɩɩ.

Hiburu TƖŊŊAA 13:7

Má liisi ma sɩpaalaaraa wɩaa, nɩalɩŋ sɩ bʋl Wɩa wɩaa pɩma. Má bɩɩna mʋ yi ŋɩɩ ba sɩ laa Wɩa wɩaa dii a chɩŋ ŋɩɩ lɛ a mʋ sʋʋ, aŋ to ba naabʋɔsʋŋ.

Jeems 4:11

Mɩ naambiiri, má sɩ́ ma dɔnsʋŋ tɩŋŋaa yɩrɩŋ chei. Nɩɩ-la kala sɩ chei ʋ dɔŋɔ tɩɩna yɩrɩŋ koo a bʋl ʋ teeŋ ma arɩ ʋ cheye nɛ, ʋ naga tɩɩna ma bʋl wʋbɔŋ nɛ a tɩgɛ wɩalɩŋ Wɩa sɩ leŋe ba ŋmʋnsa bil dɩ nɩaa tuto lɛ. Dɩ nʋʋ nɛ bʋla arɩ wɩalɩŋ bɩ zɔŋ, ʋ ma bɩra bɩ wɩalɩŋ to. Ʋ mɩɩra joŋ ʋ tɩtɩa arɩ ʋ yʋga nɛ a kɩɩ wɩalɩŋ Wɩa sɩ leŋe ba ŋmʋnsa bil.

Jeems 5:13

Dɩ nʋʋ nɛ hɛ ma tʋɔŋ dɩ wɩaa wʋwalɩmʋ, má leŋ dɩ ʋ chʋɔlɛ Wɩa a sʋlʋ dɩ ʋ pɛ ʋ lɛ. Dɩ nʋʋ ma nɛ hɛ ma tʋɔŋ, dɩ ʋ tʋɔŋ tɔrɛ, má leŋ dɩ ʋ yɩɩ yɩɩlaa a dɛnnɛ Wɩa.

Jeems 5:7

Mɩ naambiiriŋ, má kɛŋ kenyiri a gbɛrɛ chɛɛ-la La Tɩɩna Yesu sɩ jaŋ mɩɩra kɔ. Ma bee na ŋɩɩ paara sɩ kɛŋ kenyiri. Ʋ yie gbɛrɛ nɛ duoŋ-puso nɩɩ, ʋ duu kɩaa, a bɩra kɛŋ kenyiri a gbɛrɛ gbanchaaŋ-duonuŋ lɛ ʋ kɩaa ŋaa, ʋ kʋŋ.

Jeems 5:9

Mɩ naambiiriŋ, má sɩ́ wɩaa gʋrʋmʋ dɔŋɔ lɛ, dɩ Wɩa sɩ́ ma sarɩya dii a joŋ cheeriŋ pɩma. Na nɩɩ-la sɩ jaŋ dii la sarɩya nɛ chɩŋ boiŋ niiŋ a ŋaa siri dɩ ʋ jʋʋ ŋɩɩ.