Jeems 5:1 - WƖA TENIŊ

¹ Ma nɩalɩŋ sɩ kɛŋ kɩaa, má jegile nɩɩ mɩ teeŋ. Máa ŋmoo niiŋ a yiyel a tɩŋ hɛɛ-la sɩ jaŋ jʋʋ ma wɩaa.

Jeems 5:1 ပူးပေါင်းရင်းမြစ်များ

WƖA YƖƖLAA 17:14

Laamɛ ta nɩalɩŋ time kala sɩ hɛ dʋnɩa deeŋ nɩsɩŋ lɛ. Joŋ hɛɛ-la ŋ sɩ joŋo bil a gbɛrɛba a dɔgɩsɛba. Leŋ dɩ ʋ yi ba biiriŋ, aŋ ka dɩ mʋa ha ka a gbɛrɛ ba nihee ma.

NAMAGABA 11:28

Nɩɩ-la kala sɩ joŋ ʋ yɩɛlaa hɛ ʋ dʋa lɛ, ʋ jaŋ tel, ama tʋɔpʋl tɩŋŋaa wɩaa jaŋ vɩvɛŋ woruŋ a nagɛ tɩa sɩɩ waa ʋ bʋa lɛ.

NAMAGABA 11:4

Dʋa ŋaa pɛɩ nɛ tapʋlɩɩ-la La Tɩɩna sɩ jaŋ na baanɩŋ, ama tʋɔpʋla-na jaŋ laaŋ ta sʋʋŋ lɛ.

AZAAYA 13:6

Má yel, bɛɛ wɩaa tapʋlɩɩ-la mɩ-na ma TƖƖNA doluŋ kala Tɩɩna sɩ jaŋ kɔ kpaga nɛ, mɩ jaŋ dii nɩaa sarɩya a chei leriŋ.

AZAAYA 15:3

Ba laalɛ tʋɔ-chei gɛnnɩŋ nɛ a yiyel ba lusunuŋ nyuŋ arɩ wombiee, arɩ ba biliŋ lɛ. Ba kala yele nɛ, a pɔ ba bɩ tɔrɛ.

JƐRƖMAAYA 4:8

Ŋɩɩ wɩaa, má laalɛ tʋɔ-chei gɛnnɩŋ a ta jembiee yel woruŋ, bɛɛ wɩaa La TƖƖNA baaŋ-la sɩ faasa sii la nyuŋ ha bɩ fɩɛla.

JƐRƖMAAYA 9:23

Wɩɩ-la La TƖƖNA bɩra sɩ bʋla nɛ ŋ-la: “Wʋjɩnna bɩ maga dɩ ʋ kɛŋ ʋ wʋjɩmɩŋ ŋmoo bɔyɛ. Nɩduoŋ ma bɩ maga ʋ kɛŋ ʋ doluŋ ŋmoo bɔyɛ. Kɩaa tɩɩna ma bɩ maga dɩ ʋ kɛŋ ʋ kɩaa ŋmoo bɔyɛ.

ƐZƖKƖƐL 19:2

a bʋl: “Ma naaŋ fa ŋaa naachigi-duo nɛ a guoli naachigi-belliŋ tʋɔŋ. Ʋ yie hɛ ba tʋɔŋ nɛ a dɩdɩɛsɛ ʋ biiriŋ.

ƐZƖKƖƐL 30:2

ʋ sɩ, “Nuhuobiiŋ, bʋl wɩaa mɩ doluŋ lɛ a bʋl, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: ‘Heele bʋl, tapʋl-bɔmʋŋ ka kɔ nɛ.’

JOWƐL 1:11

Paaraa, má leŋ dɩ ma tʋɔŋ chei, má ŋmoo niiŋ, ma girep tɩɩ-paaraa. Má leŋ dɩ ma tʋɔŋ chei mɩaa arɩ nyonso wɩaa, bɛɛ wɩaa ba chei bagɩsɩŋ kɩalɩŋ ma sɩ jaŋ kʋŋ nɛ.

JOWƐL 1:13

Wɩɩsʋllɩ sɩpaalaaraa, má laalɛ tʋɔ-chei gɛnnɩŋ a yel, má ŋmoo niiŋ, ma nɩalɩŋ sɩɩ tɩŋ Wɩɩsʋlʋŋ koru-la lɛ. Má kɔ, a laalɛ tʋɔ-chei gɛnnɩŋ tɩtaŋɩŋ kala, ma nɩalɩŋ sɩɩ tɩŋ La TƖƖNA sɩpaaŋ, bɛɛ wɩaa, mɩaa Wɩɩsʋlʋŋ arɩ kʋnyʋalaa Wɩɩsʋlʋŋ kɩaa bɩra tuo Wɩa dɩɩ-balɩŋ lɛ.

JOWƐL 1:5

Má sii doŋ lɛ sɩ-nyʋara, a yel. Má ŋmoo niiŋ, ma nɩalɩŋ kala sɩɩ nyʋa girep nɛnɛɛ sɩnɩŋ. Má ŋmoo niiŋ a tɩŋ girep nɛnɛɛ sɩ-falɩɩ-la wɩaa, bɛɛ wɩaa ba kɛnʋ vaara laa nɛ ma niiŋ lɛ.

MƖKA 6:12

Ma kɩaa tɩŋŋaa ŋaa yuo-hɛɛrɛ nɛ, a ŋaa wʋnyɩɛra ma. Ma wɩɩŋ nɛ dɩ ma nyɩnyɩsɛ nɩaa.

ZEFANAAYA 1:18

Tapʋlɩɩ-la mɩ-na ba TƖƖNA sɩ jaŋ na baanɩŋ, ba warɩpʋla koo ba sɛlɩmɛ bɩ jaŋ wuo laaba ta. Mɩ yarɩ-bieri baanɩŋ jaŋ nagɛ nyiniŋ a joŋ dʋnɩa kala dii, bɛɛ wɩaa mɩ jaŋ leŋ dɩ nʋʋkala sɩ hɛ dʋnɩa lɛ guu sʋʋ.”

MOSIS BƖRA WULLI WƖA WOMBIIŊ 32:15

Ma Iziral tɩŋŋaa dii kɩaa deemba nɛ a nɛrɛ woruŋ aŋ joŋ harɩŋ yɩa Wɩa sɩ dolie a nagɛ bʋŋ a ŋaama, aŋ vɩa ma Laataara.

Jeems 1:11

bɛɛ wɩaa, wɩa yie pɔsɛ, leriŋ faasa lɩŋ, wulumuŋ ŋaa yaŋ-la hɩl ʋ fɩɩlaa yuori. Ʋ zɔmʋŋ lɛl. Nɩɩ-la sɩ kɛŋ kɩaa ma nagɛ ŋɩɩ nɛ. Ʋ ha jaŋ tɩtɩŋ ʋ tɩntɩŋŋaa aŋ sʋʋ kagɛ.

Jeems 2:6

Ama ma bɩ woruŋ ka ŋaa, ma sɩ yie ŋaa wɩaa jʋjʋʋ summoo lɛ ŋɩɩ. Kɩaa tɩŋŋaa nɛ yie didii doluŋ ma lɛ, a fʋga kɛmma mʋmʋ sarɩya dɩ-diiliŋ.

Jeems 4:13

Bee na, ma nɩalɩŋ sɩ yie bʋl arɩ maachie ma jaŋ mʋ taŋ deeŋ a yallɛ bayalɩŋ a yi jɩna a na nyʋʋrʋŋ, ma paala bɩ chiemiŋ wɩaa jɩŋ.

Jeems 4:9

Má leŋ dɩ ma tʋɔŋ chei. Máa yel, aa ŋmoo niiŋ. Má leŋ dɩ ma tʋɔtɔrʋŋ bɩrɩmɛ tʋɔ-cheeŋ.