Jeems 4:9 - WƖA TENIŊ

⁹ Má leŋ dɩ ma tʋɔŋ chei. Máa yel, aa ŋmoo niiŋ. Má leŋ dɩ ma tʋɔtɔrʋŋ bɩrɩmɛ tʋɔ-cheeŋ.

Jeems 4:9 ပူးပေါင်းရင်းမြစ်များ

NƐHƖMAAYA 8:9

Nɩalɩŋ sɩ nɩɩ Wɩa wombii-la, ba yaraa vɛŋ ba suomo yiyel. Ŋɩɩ nɛ Nɛhɩmaaya sɩ ŋaa ba tinteeŋ nɩhɩaŋ, Ɛzɩra, Wɩɩsʋllɩ sɩpaalaara, aŋ pɛ ŋaa Wɩa teniŋ kerichi arɩ Levi doho nɩalɩŋ sɩ dagɛ wɩalɩŋ bʋbʋɔŋ pɩpɩ nɩalɩŋ bʋla pɩba, “Jɩnɩŋ ŋaa tapʋl-zɔŋ nɛ a pɩ ma TƖƖNA Wɩa, ŋɩɩ wɩaa ma bɩ maga dɩ ma yel koo dɩ ma tʋɔŋ chei.”

JOB 30:31

Ba kɛŋ mɩ cheŋ bɩrɩmɛ yo-yelli kʋŋ nɛ lɛɛlɛ, mɩ ŋmʋlʋŋ ma dɔmɔ nagɛ nɩaa sɩɩ ŋmoo niiŋ.

WƖA YƖƖLAA 119:136

Dɩ nɩaa nɛ vɩa dɩ ba to wombii-la ŋ sɩ bile dɩ la tuto, ŋɩɩ yie leŋ mɩ yel nɛ, mɩ sɩaa kala fo sɩlɩɩrɩŋ.

WƖA YƖƖLAA 119:67

Mɩ fa yeŋŋi ŋ wombiiŋ lɛ nɛ, ŋ dɔgɩsɛmɛ, ama lɛɛlɛ mɩ sɛɩ ŋ niiŋ nɛ.

WƖA YƖƖLAA 119:71

Ʋ ŋaa wʋzɔŋ nɛ mɩ teeŋ ŋ sɩ dɔgɩsɛmɛ, bɛɛ wɩaa ŋɩɩ nɛ jaŋ leŋ mɩ gʋnnɛ wɩalɩŋ ŋ sɩ daga.

NAMAGABA 14:13

Ŋ tʋɔŋ jaŋ wuo chei ka dɩ ŋ ha mʋmɔŋ, ama dɩ ŋ nɛ mɔmɔ dɛrɛ tʋɔ-chei-la ha jaŋ bɩra kɔ.

TƖƖCHA 2:2

Mɩ sɩ, “Mɔmʋŋ ŋaa nɩyaarɛ wɩɩ nɛ.” Bɛɛ kʋŋ nɛ tʋɔtɔrʋŋ kaa kʋkɔ?

JƐRƖMAAYA 31:13

Hatoloo jaŋ gʋa dɩ ba tʋɔŋ tɔrɛ, a pɛ bapʋɔsaa arɩ banɩhɩasɩŋ lɛ. Mɩ jaŋ leŋ dɩ ba yele bɩrɩmɛ tʋɔtɔrʋŋ. Mɩ jaŋ nyagɛ ba bɔyɛ, a leŋ dɩ ba tʋɔ-chei-la bɩrɩmɛ tʋɔtɔrʋŋ.

JƐRƖMAAYA 31:9

Ba jaŋ kɔ aŋ yiyel, mɩ nɛ kɛmba mɩɩraa kɔ, ba jaŋ chʋchʋɔlɛmɛ. Mɩ jaŋ kɛmba to lere-la sɩ kɛŋ lɩɩŋ yʋgɛ, dɩ ba vɛŋ tinteeŋ sɩ magɛ dɔŋɔ nyuŋ a sɩ́ gɛrʋ, bɛɛ wɩaa mɩ nɛ Iziral tɩŋŋaa nyɩmma. Efirem nɛ ŋaa mɩ hambolibii bumbuŋ.

JEMBIEE 5:15

Tʋɔtɔrʋŋ bɩra tuo la lɛ, la gʋala mɩɩra bɩrɩmɛ yele nɛ.

ƐZƖKƖƐL 16:63

Dɩ mɩ nɛ joŋ wɩalɩŋ kala ŋ sɩ ŋaa a chɛŋ, ŋ jaŋ liise yi wʋbɔmɔ-la ŋ sɩ ŋaa lɛ, dɩ hɩɩsɩŋ kɛnɩŋ kɩŋkɛŋ dɩ ŋ bɩra bɩ ŋ niiŋ wuo suri. Mɩ-na ma TƖƖNA Wɩɩjarɩbakɔ nɛ bʋla.”

ƐZƖKƖƐL 7:16

Nɩalɩŋ kala sɩ ka a bɩ sʋba jaŋ fá jɩla hɛ peelee nyuŋ a yiyel a nagɛ kokosuŋ sɩ hɛ fuonaaŋ lɛ, a tɩŋ ba wʋbɔŋŋɔɔ wɩaa.

Matiu 21:41

Ŋɩɩ nɛ ba bʋla pʋ, “Ʋ jaŋ kɔ a kpʋ nɩbɔmɔ-la aŋ joŋ baga-la a pɩ nɩtanɩa. Dɩ girep nɛnɛ-la bɩɩnɩŋ nɛ yie, ba jaŋ kɛŋ ʋ nɛnɛ-la kaa mʋ pʋ.”

Matiu 5:4

Wɩa jaŋ pɛ nɩalɩŋ sɩɩ yel lɛ. Ʋ jaŋ leŋ dɩ ba tʋɔŋ pɩŋ dɩ-bala.

Luuk 16:25

Ŋɩɩ nɛ Abɩraham bʋla pʋ, ‘Mɩ bii, liise mʋ yi ŋ fa sɩ hɛ ŋ mɩɩsɩŋ lɛ, ŋ faa nɩɩ sɩma nɛ woruŋ, aŋ ka Lazarɔs fa nɩna hɛɛŋ. Ama lɛɛlɛ Lazarɔs maa nɩɩ sɩma daha, aŋ ka ŋ ma hɛ hɛɛŋ tʋɔŋ.

Luuk 6:21

Ma ma nɩalɩŋ losuŋ sɩ kɛnɛ lɛɛlɛ, Wɩa jaŋ pɛ ma lɛ. Ʋ jaŋ pɩma kʋdiilee dɩ ma dii a vɔgɛ. Ma nɩalɩŋ sɩɩ yel lɛɛlɛ, Wɩa ma jaŋ pɛ ma lɛ, bɛɛ wɩaa Wɩa jaŋ ŋaa ma mɔŋ.

Luuk 6:25

Ma nɩalɩŋ sɩ vɔgɔ lɛɛlɛ, ma ma jaŋ na hɛɛŋ. Losuŋ jaŋ kɛmma. Ma nɩalɩŋ sɩɩ mɔŋ lɛɛlɛ, ma jaŋ na hɛɛŋ. Ma tʋɔŋ jaŋ chei, dɩ ma yel.