Jeems 4:8 - WƖA TENIŊ

⁸ Má sʋrɩsa mʋ kpagɛ Wɩa, ʋ ma jaŋ kʋ kpagɛma. Má sɔŋ ma nɩsaa lɩɩsɛ wʋbɔŋŋɔɔ ŋaanɩŋ lɛ, a pʋllɛ ma tʋɔŋ, a bɩra sɩ́ tʋɔbɩɩŋ lɔrʋnʋŋ bɩɩnʋ, bɛɛ wɩaa ma kɛŋ tʋɔbɩɩnaa balɩa balɩa nɛ.

Jeems 4:8 ပူးပေါင်းရင်းမြစ်များ

WƖAA DƖ-SUOMUŊ 18:23

Abɩraham sʋʋsa yi La TƖƖNA a pɩɛsʋ, “Ŋ jaŋ kpʋ tʋɔpʋl tɩŋŋaa arɩ nɩbɔŋŋɔɔ kala hɛ dɔŋɔɔ?

1 IZIRAL TƖŊŊAA NAABARƖŊ 28:9

Ŋɩɩ nɛ Devit bʋla pɩ ʋ nanʋala Solomoŋ ma, “Mɩ bii, to ŋ nyɩmma Wɩa a tɩma pʋ arɩ ŋ tʋɔŋ arɩ ŋ wɩɩwɩɩ kala. La TƖƖNA jɩŋ la tʋɔbɩɩnaa arɩ la wʋchɛɛlɛɛ kala nɛ. Dɩ ŋ nɛ chɛʋ, ŋ jaŋ naʋ, ama dɩ ŋ nɛ vɩaʋ, ʋ ma jaŋ vɩaŋ a kaa mʋ wuu.

2 IZIRAL TƖŊŊAA NAABARƖŊ 15:2

Ʋ lɩɩ Asa teeŋ a bʋla pʋ, “Kuoro Asa, ŋ dɩ Juda doho nɩaa arɩ Bɛnjamɩŋ doho nɩaa kala, má jegile nɩɩ mɩ teeŋ. La TƖƖNA jaŋ chɩna gbɛrɛma dɩ ma nɛ chɩna gbɛrʋ. Dɩ ma nɛ chɛʋ, ma jaŋ naʋ ma, ama dɩ ma nɛ vɩaʋ, ʋ ma jaŋ vɩama ta.

JOB 16:17

Arɩ ŋɩɩ kala mɩ bɩ yuosu hɛ, mɩ Wɩɩ-chʋɔlʋŋ kala nɛ pʋlla.

JOB 17:9

Ama tʋɔpʋl tɩŋŋaa ha jaŋ chɩŋ ba tʋɔpʋl wʋŋaalaa naaŋ lɛ. Nɩalɩŋ sɩ bɩ wʋbɔŋŋɔɔ ka ŋaa doluŋ jaŋ pʋŋa pɩpɛ.

JOB 9:30

Dɩ mɩ nɛ paala fo chɛnfɛnnɩŋ ma, a kɛŋ sɛhɩyɛ sɔŋ mɩ nɩsaa,

WƖA YƖƖLAA 119:113

Mɩ bɛrɛ nɩalɩŋ sɩ kɛŋ tʋɔsaa balɩa nɛ, ama mɩ cho wombii-la ŋ sɩ bile dɩ la tuto nɛ.

WƖA YƖƖLAA 145:18

La Tɩɩna kpagɛ nɩalɩŋ kala sɩɩ yɩrʋ nɛ, nɩalɩŋ kala sɩɩ yɩrʋ arɩ wʋtɩtɩɩ.

WƖA YƖƖLAA 18:20

La Tɩɩna ŋaa wɩalɩŋ mɩ lɛ a tɩŋ mɩ sɩ ŋaa tʋɔpʋl tɩɩna wɩaa nɛ. Mɩ sɩ bɩ disiŋ kala kɛnɛ nɛ tɩɩ ŋ siilimi.

WƖA YƖƖLAA 24:4

Nɩɩ-la sɩɩ ŋaa wʋzɔŋŋɔɔ a kɛŋ tʋɔpʋla, a bɩ vʋɩyaa ka kpaarɛ koo a nyɩɛ wɩaa aŋ ŋmɩŋmɩɛsɛ.

WƖA YƖƖLAA 26:6

La Tɩɩna, mɩ sɔmɔ lɩɩsɛ mɩ nɩsɩŋ nɛ, a dagɛ arɩ mɩ bɩ wɩɩ cheye, aŋ dɛnnɩŋ gugolli ŋ koruŋ,

WƖA YƖƖLAA 51:10

Mɩ Wɩa, leŋ dɩ mɩ kɛŋ tʋɔpʋla, a wasa chɩŋ mɩ wʋtɩtɩɩ naaŋ lɛ.

WƖA YƖƖLAA 73:13

Dɩ mɩ tʋɔŋ nɛ pʋlla, ŋɩɩ ŋaa pɛɩ nɛ, dɩ mɩ vɩa wʋbɔŋŋɔɔ ŋaanɩŋ ma, ʋ ŋaa pɛɩ nɛ.

WƖA YƖƖLAA 73:28

Ama mɩ-na teeŋ ʋ ŋaa wʋzɔŋ nɛ dɩ mɩ kpagɛ Wɩa. La Tɩɩna Wɩɩjarɩbakɔ nɛ mɩ yuori. Mɩ jaŋ bʋl tɩntɩŋ-duoru-la ŋ sɩ tɩma wɩaa.

AZAAYA 13:15

Nɩɩ-la kala ba sɩ kɛnɛ, ba jaŋ joŋ tokobiiŋ tɔbʋ lɩɩ gɩrɩgɛ, ba jaŋ kpʋ nɩalɩŋ ba sɩ kɛsɛ arɩ tokobiiŋ.

AZAAYA 29:13

La TƖƖNA sɩ, “Nɩaa deemba yie kɔ mɩ teeŋ a kɛŋ niiŋ nɛ zizilmi, ka ba tʋɔbɩɩnaa bol arɩ mɩ. Ba yie to nuhuobiinee wombiee nɛ a chʋchʋɔlɛmɛ.

AZAAYA 58:2

Tapʋlɩɩ-kala ba yie chʋɔlɛmɛ nɛ, a nagɛ ba ŋaa nɩaa sɩɩ chel dɩ ba jɩŋ mɩ wombiee nɛ, a bɩra nagɛ ba ŋaa tinteeŋ nɩaa sɩɩ ŋaa wɩaa ba bʋa lɛ nɛ, a bɩ wɩalɩŋ ba Wɩa sɩ daga ka vɩa. Ba yie pɩɛsɛmɛ dɩ mɩ dagɛba wombie-la sɩ zɔmɔ dɩ ba tuto, a nagɛ baa chel nɛ dɩ ba kpagɛ Wɩa.

JƐRƖMAAYA 4:11

Bʋa-la lɛ La TƖƖNA jaŋ bʋla pɩ nɩaa deemba arɩ Jerusalɛm nɩaa, “Pel-lɩmɩŋ lɩɩ dundollu-la sɩ hɛ tintee-hɩlɩŋ lɛ nyuŋ a du hɩhɛ mɩ nɩaa lɛ nɛ. Ama nʋʋ bɩ pel-la wuo kaa chaara lɩlɩɩsɛ mɩɩ-jɔrʋŋ koo kʋŋkɔlʋŋ tɩta.

JƐRƖMAAYA 4:14

Jerusalɛm nɩaa, má chɛsɛ wʋbɔmɔ-la sɩ hɛ ma tʋɔŋ lɛ ta, ka dɩ La TƖƖNA laama ta. Ɛɛ nɛ maa chɛ dɩ ma laa wʋbɔŋŋɔɔ hɛ ma tʋɔŋ lɛ a diene magɛ?

JEMBIEE 3:57

Mɩ sɩ yɩrɩŋ, ŋ kʋ kpagɛmɛ nɛ, a bʋla pɩmɛ, “Sɩ́ fawʋllʋŋ fá.”

ƐZƖKƖƐL 18:31

Má lɩɩsɛ ma tɩtɩa wʋbɔmɔ-la ma sɩɩ ŋaa lɛ, aŋ ka dɩ mɩ pɩma tʋɔ-falɩŋ arɩ dɩŋ-falɩŋ. Bɛɛ nɛ tɩɩ ma Iziral tɩŋŋaa cho dɩ ma sʋba?

ZƐKARƖYA 1:3

Ŋɩɩ wɩaa bʋla pɩ nɩalɩŋ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: Má mɩɩra kɔ mɩ teeŋ, mɩ ma jaŋ mɩɩra kɔ ma teeŋ. Mɩ-na ma TƖƖNA doluŋ kala Tɩɩna nɛ bʋla.

MALAKAƖ 3:7

Ma naabalɩmaba bʋa lɛ nɛ ma suomo vɩa mɩ niiŋ wɩaa a bɩ wombie-la mɩ sɩ dagɛma ka to. Dɩ ma nɛ mɩɩra kɔ mɩ teeŋ, mɩ ma jaŋ kɔ ma teeŋ. Ama ma yie pɩɛsɛ, ‘Ɛɛ nɛ la jaŋ ŋaa a mɩɩra kɔ ŋ teeŋ?’

Matiu 12:33

Ŋɩɩ nɛ Yesu bɩra bʋl, “Dɩ ŋ nɩɩ chɛ tɩa nɛŋ nɛŋ-zɔŋŋɔɔ, see dɩ ŋ kɛŋ tɩa-la sɩ kɛŋ yarɩfɩɛlaa. Dɩ ŋ nɛ kɛŋ tɩa-la sɩ bɩ yarɩfɩɛlaa kɛnɛ, see dɩ ʋ nɩnɛŋ nɛŋ-lɔrʋnʋŋ. Tɩa nɛnɛɛ nɛ yie dagɛ tɩa-la doho ʋ sɩ ŋaa.

Matiu 15:2

“Bɛɛ nɛ tɩɩ ŋ harɩ-tooroo chichei la naabalɩmaba kɩsɩnɩŋ lɛ? Bɛɛ nɛ tɩɩ ba bɩ ba nɩsaa ka sɔŋ ŋɩɩ la naabalɩmaba sɩ dagɛla aŋ didii kʋdiilee?”

Matiu 27:24

Ŋɩɩ nɛ Paalɩt na arɩ goŋ-la yʋga kɩŋkɛŋ, arɩ yuosuŋ jaŋ jʋʋ. Ŋɩɩ wɩaa ʋ bɩ wɩɩkala wuo ŋaa. Dɩ lɩɩŋ chɩŋ ʋ sɛmɛ, ʋ ŋaa a sɔŋ ʋ nɩsaa nɩalɩŋ sɩpaaŋ aŋ bʋl, “Mɩ nɩsɩŋ tuo baala deeŋ sʋʋŋ lɛ. Ʋ hɛ ma teeŋ.”

Tɩntɩŋŋaa 15:9

Ʋ bɩ nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kaa pɔrɛ. Nɩalɩŋ sɩ bɩ Juu tɩŋŋaa ŋaa ma laa Yesu wɩaa dii nɛ, ŋɩɩ nɛ tɩɩ ʋ joŋ ba ma wʋbɔŋŋɔɔ chɛba.

2 Kɔrɩntɩ Nɩaa 7:1

Mɩ naambii-kpɩanaba, Wɩa sɩ folo bʋl dɩ ʋ jaŋ ŋaa wɩaa deemba kala pɩla, má leŋ dɩ la lɩɩsɛ la tɩtɩa disiŋ-na kala lɛ. Dɩ la nɛ bɩ disiŋ kala ŋaa, ŋɩɩ jaŋ dagɛ arɩ wʋtɩtɩɩ, la sɛnɛ ka fá Wɩa nɛ.

1 Timoti 2:8

Dɩ ma nɛ kʋ hilimi lee na-kala dɩ ma chʋɔlɛ Wɩa, mɩɩ chɛ dɩ baala-la sɩ joŋ ba tɩtɩa a pɩ Wɩa nɛ kɛŋ ba nɩsaa jee a chʋɔlɛ Wɩa. Dɩ ba nɩɩ chʋɔlɛ Wɩa, ʋ bɩ maga dɩ ba nɩna baanɩŋ koo a bɩbɩɩnɛ yuosuŋ wɩaa.

Hiburu TƖŊŊAA 10:22

Ŋɩɩ wɩaa, má leŋ la kɛŋ nyuduoŋ a laa wɩaa deemba dii arɩ tʋɔ-bala, a mʋ Wɩa teeŋ. Wɩa chɛsɛ la tʋɔŋ nɛ, a chɛsɛ la tʋɔbɩɩŋ bɔmɔ-la kala ta. Ba bɩra bɩ jaŋ wʋwalɩmɛla. Ʋ kɛŋ lɩɩzɔmʋŋ nɛ fola.

Hiburu TƖŊŊAA 7:19

Wɩalɩŋ Mosis fa sɩ ŋmʋnsa bil dɩ nɩaa tuto bɩ jaŋ wuo leŋ dɩ nʋʋkala wuo chaasa ŋaa nɩzɔŋ. Wʋfalaa nɛ lɛɛlɛ Wɩa bil dɩ la tuto, wɩalɩŋ sɩ jaŋ leŋ dɩ la mʋ kpagʋ.

Jeems 3:17

Ama wʋjɩmɩɩ-la sɩ lɩɩ Wɩa teeŋ zɔmɔ kɩŋkɛŋ. Wʋbɔŋ kala tuo ʋ lɛ. Nɩɩ-la kala sɩ kɛŋ wʋjɩmɩŋ deeŋ, yie hɔŋ nɛ sɔm a kɩkɛrɛ yuosuŋ, a kɛŋ zile. Ʋ yie jegilee nɩɩ nɩaa niiŋ wɩaa. Ʋ yie fɩfá nɩaa nenige ma nɛ woruŋ, a ŋɩŋaa wʋzɔŋŋɔɔ. Ʋ bɩ tʋɔbɩɩnaa balɩa ma kɛnɛ a bɩ nii-sɩma ma kɛnɛ.

1 Pɩɩta 1:22

A tɩŋ ma sɩɩ to wʋtɩtɩɩ wombiiŋ lɛ ŋɩɩ, ma pɩɩsɛ ma disiniŋ kala ta nɛ. Ma sɛnɛ cho ma naambiiri-la sɩ laa Wɩa wɩaa dii nɛ. Ŋɩɩ wɩaa, má kɛŋ ma tʋɔŋ arɩ ma doluŋ kala a wasa cho dɔŋɔ.

1 Pɩɩta 3:21

Lɩɩ-la tʋɔŋ ba sɩ duoro lɩɩ naga ba sɩ fo nɩaa Wɩɩchʋɔlɛ lɩɩŋ nɛ. Dɩ ba nɛ foŋ Wɩɩchʋɔlɛ lɩɩŋ, ʋ bɩ naga arɩ ŋ yaraa disiniŋ nɛ ba fo ta. Ama la yie ŋaa ŋɩɩ a dɩdagɛ arɩ la tʋɔbɩɩnaa chesi nɛ Wɩa sɩpaaŋ. Ʋ ŋɩɩ yie laala ta nɛ a tɩŋ Yesu Kirisito sɩ sii sʋʋŋ lɛ wɩaa.

1 Jɔɔŋ 3:3

Nɩɩ-la kala sɩɩ yɩɛlɛ wɩɩŋ deeŋ, ʋ jaŋ lɩɩsɛ ʋ tɩtɩa wʋbɔŋŋɔɔ lɛ aŋ kɛŋ tʋɔpʋla, arɩ Kirisito sɩ kɛŋ tʋɔpʋla ŋɩɩ.

1 SAMƲƐL 14:35

Ŋɩɩ nɛ Sɔɔl saa Wɩɩsʋllɩ koruŋ pɩ La TƖƖNA. Ʋ Wɩɩsʋllɩ koru-bumbuŋ nɛ ŋɩɩ ʋ sɩ saa.