Jeems 4:6 - WƖA TENIŊ

⁶ Ama Wɩa fá la nenige nɛ woruŋ a pɩpɛ la lɛ dɩ la joŋ la tɩtɩa kala a pʋ. Ŋɩɩ nɛ tɩɩ ba ŋmʋnsɛ Wɩa teniŋ tʋɔŋ arɩ Wɩa vɩa nɩalɩŋ sɩɩ bigisi ba tɩtɩa lɛ nɛ aŋ pɩpɛ nɩalɩŋ sɩ kɛŋ ba tɩtɩa muuri lɛ.

Jeems 4:6 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 32:26

Ŋɩɩ nɛ Hezikaaya bɩrɩma lɩɩ ʋ babii-ballɩɩ-la lɛ, Jerusalɛm nɩaa ma kɛŋ ba tɩtɩa muuri. La TƖƖNA baanɩŋ fɩɛlɛ, ʋ bɩra bɩ ba dɔgʋsɔ Hezikaaya kuoruŋ bʋa lɛ.

2 IZIRAL TƖŊŊAA NAABARƖŊ 33:12

Ʋ sɩ hɛ nɩmɛ a nɩna hɛɛŋ, ʋ leŋ ʋ sɩaa tuu tinteeŋ ʋ nyɩmmaba Wɩa teeŋ, aŋ sʋl ʋ TƖƖNA Wɩa dɩ ʋ pɛ ʋ lɛ.

2 IZIRAL TƖŊŊAA NAABARƖŊ 33:19

Ʋ sɩ sʋl Wɩa arɩ ŋɩɩ Wɩa sɩ laa ʋ sʋla, ʋ sɩ vɩa Wɩa aŋ ŋaa wʋbɔmɔ-la kala aŋ bɩrɩma lɩɩ ba lɛ, ʋ sɩ ŋaa veŋ-kpaarɛ lere-la, a joŋ Asɩra daasɩŋ pɛ, tɔmɔ-la ʋ sɩ kpaara lɛ, ba kala nɛ ba ŋmʋnsa hɛ Wɩa wʋlaabʋllaa tenniŋ tʋɔŋ.

2 IZIRAL TƖŊŊAA NAABARƖŊ 33:23

Manasɛ fa ŋaa wʋbɔmɔ-la ŋɩɩ, aŋ bɩrɩma lɩɩ nɛ a joŋ ʋ tɩtɩa pɩ La TƖƖNA, ama Amɔŋ-na fa bɩ ŋɩɩ ŋaa. Ʋ fa chaasa ŋaa wʋbɔŋŋɔɔ nɛ woruŋ a kɩɩ ʋ nyɩmma.

2 IZIRAL TƖŊŊAA NAABARƖŊ 34:27

A tɩŋ ŋ tʋɔŋ sɩ cheye ŋ kɛŋ ŋ tɩtɩa muuri mɩ sɩpaaŋ, ŋ sɩ nɩɩ wɩalɩŋ mɩ sɩ bʋla arɩ mɩ jaŋ chei Jerusalɛm arɩ ʋ nɩaa, ŋ tɩŋ ŋɩɩ wɩaa a kɛŋ ŋ gɛnnɩŋ kɩɛsɛ a yel mɩ sɩpaaŋ, mɩ jegile nɩɩ ŋ sʋla nɛ. Mɩ-na ma TƖƖNA nɛ bʋla.

JOB 22:29

Dɩ Wɩa nɛ kɛŋ nɩaa muuri dɩ ŋ sʋlʋ a bʋl, ‘Kɛmba kaa je,’ ʋ jaŋ laa ŋ sʋla a laaba ta.

WƖA YƖƖLAA 138:6

La Tɩɩna hɛ wɩa-nyuŋ dɩ-bolii nɛ, aŋ bibeŋ nɩalɩŋ sɩ kɛŋ ba tɩtɩa muuri. Ama nɩalɩŋ sɩɩ dagɛ ba tɩtɩa bɩ jaŋ wuo faa dɩ ʋ sɩ́ ba na.

WƖA YƖƖLAA 9:12

Nɩalɩŋ sɩ ŋaa wɩaa chei, ŋ jaŋ dɔgɩsɛba. Ŋ bɩ jaŋ yʋ, koo a vɩa dɩ ŋ jegile nɩɩ nɩalɩŋ sɩɩ na hɛɛŋ yele.

MOSIS KƐŊ IZIRAL TƖŊŊAA LƖƖ 18:11

Lɛɛlɛ mɩ jɩma arɩ La TƖƖNA nɛ kɩɩ vesiŋ kala, bɛɛ wɩaa ʋ laa Iziral tɩŋŋaa ta nɛ Ijipiti tɩŋŋaa nɩsɩŋ lɛ, nɩalɩŋ fa sɩɩ ŋaa sɩɩ-jʋʋ wɩaa ba lɛ.”

NAMAGABA 15:33

Dɩ ŋ nɩɩ fá La Tɩɩna, ŋɩɩ nɛ jaŋ leŋ dɩ ŋ gʋnnɛ wʋjɩmɩŋ, dɩ ŋ nɛ kɛŋ ŋ tɩtɩa muuri, nɩaa jaŋ ziziliŋ.

NAMAGABA 18:12

Babii-ballɩŋ yie leŋ ʋ tɩɩna tel nɛ, ama dɩ nʋʋ nɛ kɛŋ ʋ tɩtɩa muuri, ba jaŋ zilu.

NAMAGABA 22:4

Dɩ ŋ nɛ muuri ŋ tɩtɩa, a fɩfá La Tɩɩna, ŋ jaŋ kɛŋ dʋa, nɩaa jaŋ ziziliŋ, ka dɩ ŋ mɩɩsɩŋ ma pɛ duomuŋ.

NAMAGABA 29:23

Nɩɩ-la sɩɩ bigisi ʋ tɩtɩa lɛ yie dii hɩɩsɩŋ nɛ, ama nɩɩ-la sɩ kɛŋ ʋ tɩtɩa muuri, nɩaa yie zizilu nɛ.

NAMAGABA 3:34

Nɩalɩŋ sɩɩ mɔŋ La Tɩɩna lɛ, ʋ ma yie mʋmɔŋ ba lɛ nɛ. Ama nɩalɩŋ-na sɩ kɛŋ ba tɩtɩa muuri, ʋ yie dagɛ ʋ zile a pɩba nɛ.

AZAAYA 2:17

Nuhuobiine dagɛ ŋ-tɩtɩɩ arɩ ʋ babii-ballɩŋ kala jaŋ dɛrɛ. La TƖƖNA yɩrɩŋ dʋndʋŋa nɛ jaŋ yɩyɩrɛ.

AZAAYA 54:7

“Mɩ fa vɩaŋ ta mʋa nɛ, ama lɛɛlɛ mɩ jaŋ fá ŋ nenige woruŋ a kɛnɩŋ mɩɩra kɔ.

AZAAYA 57:15

Mɩ nɛ kɩɩ kʋŋkala a ŋaa Wɩa sɩ bɩ disiniŋ kɛnɛ. Mɩ hɛ nɩmɛ nɛ a kaa mʋ wuu. Mɩ hɛ wɩa-nyuŋ dɩ-bolii sɩ bɩ disiniŋ kɛnɛ nɛ. Ama mɩ ha yie guoli nɩalɩŋ sɩ kɛŋ ba tɩtɩa muuri a bɩrɩma lɩɩ ba wʋbɔŋŋɔɔ lɛ tʋɔŋ nɛ, a leŋ ba kɛŋ yɩɛlaa.

DANƖƐL 4:37

Lɛɛlɛ mɩ-na Nebukadineza ka dɛnnɛ Wɩa sɩ ŋaa kuoro a hɛ ʋ jaŋ lɛ a yɩyɩrɛ ʋ yɩrɩŋ, bɛɛ wɩaa ʋ ŋaa wɩɩkala ʋ bʋa lɛ nɛ, ʋ wʋŋaalaa kɛŋ wʋtɩtɩɩ. Nɩalɩŋ sɩɩ bigisi ba tɩtɩa lɛ, ʋ yie kɛmba muuri nɛ.

Matiu 13:12

Nɩɩ-la kala sɩ to Wɩa niiŋ wɩaa, Wɩa jaŋ faasa pɛ ʋ lɛ woruŋ. Nɩɩ-la ma sɩ bɩ Wɩa niiŋ wɩaa ka to, Wɩa bɩ jaŋ pɛ ʋ lɛ. Ʋ sɩ pɛ ʋ lɛ mʋa-la ma, ʋ jaŋ laa ʋ kʋa.

Matiu 23:12

Nɩɩ-la kala sɩɩ bigisi ʋ tɩtɩa lɛ, Wɩa jaŋ kɛnʋ muuri, ka nɩɩ-la ma sɩ kɛŋ ʋ tɩtɩa muuri, Wɩa jaŋ ŋaa dɩ ʋ yʋgɛ.

Luuk 1:52

Ʋ kiri nɩbalaa ba kuoru kpasɩnɩŋ nyuŋ nɛ aŋ leŋ nɩalɩŋ sɩ kɛŋ ba tɩtɩa muuri hɔŋ.

Luuk 14:11

Nɩɩ-la kala sɩɩ bigisi ʋ tɩtɩa lɛ, Wɩa jaŋ kɛnʋ muuri. Ka nɩɩ-la ma sɩ kɛŋ ʋ tɩtɩa muuri, Wɩa jaŋ ŋaa dɩ ʋ yʋgɛ.”

Luuk 18:14

Ŋɩɩ nɛ Yesu bɩra bʋl, “Mɩ jaŋ bʋla pɩma arɩ Wɩa joŋ lampoo laarʋ-la wʋbɔŋŋɔɔ chɛʋ nɛ, ʋ mʋ dɩa. Ama ʋ bɩ ŋɩɩ ŋaa Farisii tɩɩna-la lɛ. Nɩɩ-la kala sɩɩ bigisi ʋ tɩtɩa lɛ, Wɩa jaŋ kɛnʋ muuri. Ama nɩɩ-la sɩ kɛŋ ʋ tɩtɩa muuri, Wɩa jaŋ ŋaa dɩ ʋ yʋgɛ.”

Jeems 4:10

Má kɛŋ ma tɩtɩa muuri Wɩa sɩpaaŋ. Dɩ ma nɛ ŋaa ŋɩɩ, ʋ jaŋ kɛmma je.

1 Pɩɩta 5:5

Ma bapʋɔsɩ-biisiŋ ma, má joŋ ma tɩtɩa hɛ ma nɩhɩasɩŋ nɩsɩŋ lɛ. Má kala kɛŋ ma tɩtɩa muuri dɔŋɔba teeŋ. Má liisi arɩ Wɩa teniŋ tʋɔŋ ba bʋla, “Wɩa lɩɩ nɩalɩŋ sɩɩ bigisi ba tɩtɩa lɛ harɩŋ nɛ, ama nɩalɩŋ sɩ kɛŋ ba tɩtɩa muuri, ʋʋ pɛ ba lɛ nɛ.”

1 SAMƲƐL 2:3

Má sɩ́ babiibal wɩaa bʋbʋl koo a bibigisi ma tɩtɩa lɛ, bɛɛ wɩaa La TƖƖNA Wɩa nɛ jɩŋ wɩɩkala, a jaŋ dii nʋʋkala sarɩya.