Jeems 4:3 - WƖA TENIŊ

³ Bʋa dɔŋɔ ma lɛ ma yie sɛnɛ sʋlʋ a chɩchɛ kɩaa. Ama ma yie kɛŋ tʋɔbɩɩŋ bɔŋŋɔɔ nɛ a sʋl dɩ ma kaa ŋaa ma tɩtɩa tʋɔtɔrɛ wɩaa. Ŋɩɩ nɛ tɩɩ ma bɩ na.

Jeems 4:3 ပူးပေါင်းရင်းမြစ်များ

1 KUOROO 3:11

Ŋɩɩ nɛ Wɩa bʋla pʋ, “Ŋ sɩ folo chɩchɛ wɩɩŋ deeŋ nɛ, aŋ bɩ mɩɩ-duduoŋ koo dʋa nɛ pɩɛsa chɩchɛ dɩ ŋ kɛŋ, a bɩra bɩ sʋla chɩchɛ dɩ ŋ dʋndɔŋŋɔɔ ma nɛ sʋʋ, ama aŋ sʋla chɩchɛ wʋjɩmɩŋ dɩ ŋ kaa beŋ ŋ nɩaa,

JOB 35:12

Nɩaa yie yɩrʋ, ka ʋ tɔrɛ ʋ niiŋ, a tɩŋ nɩbɔŋŋɔɔ sɩɩ-duoŋ wɩaa.

WƖA YƖƖLAA 18:41

Ba ŋmoo niiŋ a chɩchɛ nʋʋ nɛ dɩ ʋ pɛ ba lɛ, ka nʋʋ tuo dɩ ʋ laaba ta. Ba yɩrɛ ŋ-na La TƖƖNA ma, ŋ fʋʋla yagɛba.

NAMAGABA 1:28

ŋɩɩ lɛ nɛ ma jaŋ yɩra chɩchɛmɛ dɩ mɩ pɛ ma lɛ, ama mɩ bɩ jaŋ sɛɩ. Ma jaŋ beŋ lee-kala a chɩchɛmɛ, ama ma bɩ jaŋ namɛ.

NAMAGABA 15:8

La Tɩɩna bɛrɛ nɩbɔmʋŋ sɩ kpʋ pʋna a ŋaa Wɩɩsʋlʋŋ nɛ, ama ʋ tʋɔŋ ka tɔrɛ tʋɔpʋl tɩɩna-na Wɩɩsʋlʋŋ nyuŋ nɛ.

NAMAGABA 21:13

Dɩ nʋʋ nɛ vɩa dɩ ʋ nɩɩ summo yele, ʋ ma jaŋ yel, ka nʋʋkala bɩ jaŋ jegili ʋ teeŋ.

NAMAGABA 21:27

La Tɩɩna bɛrɛ nɩbɔmʋŋ Wɩɩsʋlʋŋ kɩaa nɛ, a saa bibeŋ dɩ ʋ kɛŋ kɩalɩŋ kɔ arɩ tʋɔbɩɩŋ bɔmʋŋ.

JƐRƖMAAYA 11:11

Ŋɩɩ wɩaa, wɩɩ-la mɩ-na ma TƖƖNA sɩ bʋla nɛ ŋ-la: ‘Mɩ jaŋ kɛŋ wʋlɔrʋŋ ba sɩ́ bɩ jaŋ wuo fá kagɛ a kʋ hɛ ba lɛ. Ba jaŋ ŋmoo niiŋ mɩ teeŋ, ama mɩ bɩ jaŋ jegile nɩɩ ba teeŋ.

JƐRƖMAAYA 11:14

Jɛrɩmaaya, sɩ́ mɩ sʋla pɩ nɩaa deemba, sɩ́ ba naasɩŋ lɛ chɩna sʋlmɛ chɩchɛ dɩ mɩ ŋaa wɩɩkala a pɩba, bɛɛ wɩaa mɩ bɩ jaŋ jegile nɩɩ ba teeŋ bʋa-la lɛ hɛɛŋ sɩ jaŋ jʋʋba dɩ ba yɩrɛmɛ.

JƐRƖMAAYA 14:12

Arɩ ba sɩɩ vɔɔ niiŋ ma kala, mɩ bɩ jaŋ jegile nɩɩ ba yele. Ba ŋaa kʋnyɩgaa Wɩɩsʋlʋŋ arɩ mɩaa Wɩɩsʋlʋŋ pɩpɩmɛ ma nɛ, ama mɩ bɩ jaŋ laaba. Mɩ jaŋ mɩɩra joŋ laalɩŋ, losuŋ arɩ nyanyalɩŋ a hɛ ba lɛ dɩ ba sʋʋ.”

MƖKA 3:4

Bʋa kʋbala jaŋ yi dɩ ma ŋmoo niiŋ a pɩ ma TƖƖNA, ama ʋ jaŋ fʋʋla yagɛma. Bʋa-la lɛ ʋ jaŋ kɛŋ ʋ tɩtɩa faama, bɛɛ wɩaa wʋbɔŋ nɛ ma ŋaa.”

ZƐKARƖYA 7:13

Mɩ fa sɩ bʋl wɩaa pɩba, ba bɩ jegile nɩɩ, ŋɩɩ wɩaa ba ma sɩ yɩrɛmɛ, mɩ bɩ jegile nɩɩ. Mɩ-na ma TƖƖNA doluŋ kala Tɩɩna nɛ bʋla.

Matiu 20:22

Ŋɩɩ nɛ Yesu bʋla pɩ ʋ biiriŋ, “Ma bɩ jɩŋ kʋ-la ma sɩɩ chɛ. Ma jaŋ wuo nyalɩma na hɛɛ-la mɩ sɩ jaŋ naa? Ba sɩ: Oo, la jaŋ wuo.”

Maak 10:38

Ŋɩɩ nɛ Yesu bʋla pɩba, “Ma bɩ jɩŋ kʋ-la ma sɩɩ chɛ. Ma jaŋ wuo nyalɩma na hɛɛ-la mɩ sɩ jaŋ naa? Ma jaŋ wuo fo Wɩɩchʋɔlɛ lɩɩŋ arɩ ba sɩ jaŋ fomi ŋɩɩ koo?”

Luuk 11:10

Nɩɩ-la kala sɩ sʋl kɩaa Wɩa teeŋ, ʋ yie laa nɛ. Nɩɩ-la kala sɩɩ chɛ kɩaa, ʋ yie na nɛ. Nɩɩ-la ma kala sɩ du boro, ba yie kaa suro pʋ nɛ.

Luuk 15:13

Ʋ bɩ diene, ka ba tʋɔŋ kʋbie-la sii paa ʋ toruŋ kala ʋ sɩ laa a hɛ dɔŋɔ lɛ, a sii mʋ ta-bolii kʋbala. Nɩmɛ nɛ ʋ kɛŋ kɩalɩŋ kala kaa mʋ ŋaa wʋtɔɔnʋŋ, ba kala dɛrɛ.

Luuk 15:30

Ka ŋ bie deeŋ-na kɛŋ ŋ kɩaa kala chei hachɔrʋmʋŋ lɛ. Ka ʋ sɩ mɩɩra kɔ dɩa ŋɩɩ, ŋ kpʋ nɛ-fere a pʋ.’

Jeems 4:1

Bɛɛ nɛ tɩɩ ma yie gʋraa yuo dɔŋɔ? Ʋ lɩɩ ma wʋchɛɛlɛ-la sɩɩ walɩmɛma nɛ.

1 Jɔɔŋ 3:22

Ŋɩɩ wɩaa, dɩ la nɛ sʋl kʋŋ na-kala ʋ teeŋ, ʋ jaŋ joŋo pɩla, bɛɛ wɩaa laa to wɩalɩŋ ʋ sɩ daga nɛ a ŋɩŋaa wɩalɩŋ sɩɩ tɔrɛ ʋ tʋɔŋ.

1 Jɔɔŋ 5:14

La kɛŋ bɔɩ-duoŋ nɛ Wɩa sɩpaaŋ, bɛɛ wɩaa la laa dii arɩ la nɛ sʋlʋ a chɩchɛ kʋŋkala sɩɩ tɔrɛ ʋ tʋɔŋ, ʋ jaŋ jegile nɩɩ la teeŋ.