Jeems 4:11 - WƖA TENIŊ

¹¹ Mɩ naambiiri, má sɩ́ ma dɔnsʋŋ tɩŋŋaa yɩrɩŋ chei. Nɩɩ-la kala sɩ chei ʋ dɔŋɔ tɩɩna yɩrɩŋ koo a bʋl ʋ teeŋ ma arɩ ʋ cheye nɛ, ʋ naga tɩɩna ma bʋl wʋbɔŋ nɛ a tɩgɛ wɩalɩŋ Wɩa sɩ leŋe ba ŋmʋnsa bil dɩ nɩaa tuto lɛ. Dɩ nʋʋ nɛ bʋla arɩ wɩalɩŋ bɩ zɔŋ, ʋ ma bɩra bɩ wɩalɩŋ to. Ʋ mɩɩra joŋ ʋ tɩtɩa arɩ ʋ yʋga nɛ a kɩɩ wɩalɩŋ Wɩa sɩ leŋe ba ŋmʋnsa bil.

Jeems 4:11 ပူးပေါင်းရင်းမြစ်များ

WƖA YƖƖLAA 140:11

Sɩ́ leŋe dɩ nɩbɔmɔ-la sɩ nyɩɛ wɩaa aa chei nɩaa yɩrɩŋ na dɩchɩnɩŋ tinteeŋ lɛ. Leŋ dɩ wʋlɔrʋnʋŋ paa puu yuo-hɛɛrɛɛ.

Luuk 6:37

Má sɩ́ ma dɔnsʋŋ tɩŋŋaa wɩaa laa jɩŋ, a sɩ́ cheeriŋ joŋo pɩba. Dɩ ma nɛ ŋaa ŋɩɩ, Wɩa ma bɩ jaŋ joŋ cheeriŋ pɩma. Má joŋ wɩaa chɩchɛ ma dɔnsʋŋ tɩŋŋaa. Dɩ ma nɩɩ ŋaa ŋɩɩ, Wɩa ma jaŋ joŋ ma wɩaa chɛma.

Rom Tɩŋŋaa 2:1

Ma bɩ woruŋ ka ŋaa ma sɩ joŋ cheeriŋ pɩpɩ ma dɔnsʋŋ tɩŋŋaa, ma nɩalɩŋ sɩɩ bʋl nɩaa teeŋ a bʋl dɩ ba cheye nɛ, aŋ ŋɩŋaa wʋbɔmɔ-la tɩtɩa. Nɩɩ-la-na kala ma sɩ ŋaa, dɩ ma nɩɩ ŋaa wʋbɔmɔ-la, ma bɩra bɩ wɩɩkala kɛnɛ dɩ ma bʋl. Ma sɩɩ ŋaa ŋɩɩ, ma tɩtɩa laa cheeriŋ nɛ ŋɩɩ lɛ.

Rom Tɩŋŋaa 2:13

Nɩalɩŋ sɩ nɩɩ wɩalɩŋ Mosis sɩ ŋmʋnsa bil dɩ nɩaa tuto, ʋ ŋɩɩ bɩ jaŋ ŋaa dɩ ba kɛŋ tʋɔpʋla Wɩa teeŋ. Ama nɩalɩŋ sɩɩ to wɩalɩŋ Mosis sɩ ŋmʋnsa bil dɩ nɩaa tuto, ba nɛ jaŋ kɛŋ tʋɔpʋla Wɩa sɩpaaŋ.

Rom Tɩŋŋaa 7:7

Bɛɛ nɛ saa laa chɛ dɩ la bʋl? Wɩalɩŋ Mosis fa sɩ ŋmʋnsa bil dɩ nɩaa tuto ŋaa wʋbɔŋ wɩa nɛɛ? Aɩ, ŋɩɩ dee. Ama wɩalɩŋ Mosis fa sɩ bile nɛ leŋe mɩ jɩŋ wʋbɔmʋŋ sɩ nagɛ ŋɩɩ. Dɩ wɩalɩŋ Mosis sɩ bile nɛ fa bɩ daga arɩ la sɩ́ nɩaa kɩaa gɩrɩma laa, mɩ fa bɩ jaŋ jɩŋ arɩ ŋɩɩ ŋaa wʋbɔŋ nɛ.

1 Kɔrɩntɩ Nɩaa 4:5

Ŋɩɩ wɩaa, má sɩ́ cheeriŋ joŋo pɩ nʋʋkala, dɩ tapʋlɩɩ-la La Tɩɩna sɩ jaŋ kɔ a dii la sarɩya ha bɩ yie. Dɩ ʋ nɛ mɩɩra kɔ, wʋbɔmɔ-la kala nɩaa sɩ ŋaa birimiŋ tʋɔŋ, ba kala jaŋ kʋ lɩɩ pʋlʋmʋŋ. Nɩaa tʋɔbɩɩnaa kala ba sɩ kɛnɛ jaŋ kʋ lɩɩ pʋlʋmʋŋ. Bʋa-la lɛ Wɩa jaŋ bɛsɛ nʋʋkala lɛ a mʋ tɩgɛ wɩalɩŋ ʋ sɩ ŋaa.

2 Kɔrɩntɩ Nɩaa 12:20

Fawʋllʋŋ kɛmmɛ nɛ mɩ sɩ jaŋ kɔ ma teeŋ. Ŋ bɩ pɔ mɩ jaŋ kɔ dɩ ma bɩ ŋɩɩ mɩ sɩ cho naga, ma ma jaŋ na dɩ mɩ ma bɩ ŋɩɩ ma sɩ cho naga. Mɩ bɔyɛ ka joŋ arɩ mɩ nɛ kɔ, mɩ jaŋ nama dɩ maa yuo yuosuŋ, a kɛŋ yarɩ-bieriŋ, a nɩna baanɩŋ dɔŋɔ nyuŋ, a kɛŋ dɔŋɔ pʋpɔrɛ, a chichei dɔŋɔba yɩrɩŋ, a gɩgaa dɔŋɔ harɩŋ, a kɛŋ sɩɩ-duoŋ, a bɩ nii-bala kɛnɛ.

Ɛfɛsɩs Nɩaa 4:31

Dɩ nʋʋ nɛ ŋaa wɩɩ jʋʋ ma lɛ, má sɩ́ joŋo hɛ ma tʋɔŋ lɛ. Má sɩ́ tɛrʋ, má sɩ́ baanɩŋ na. Má sɩ́ goŋ ŋaa nɩaa nyuŋ. Má sɩ́ nɩaa yɩrɩŋ chichei. Má sɩ́ nʋʋkala bɛrʋ.

1 Timoti 3:11

Haalaa ma sɩɩ pɛ Wɩa nɩaa kʋhɩasɩŋ lɛ, ʋ maga dɩ ba kɛŋ mɛl-zɔŋ nɛ a sɩ́ nɩaa harɩŋ ma gɩgaa. Ʋ maga dɩ ba fɩɛlɛ ba sɩaa a pɛ kɛŋ wʋtɩtɩɩ wɩɩ na-kala ba sɩɩ ŋaa lɛ.

2 Timoti 3:3

Ba bɩ jaŋ cho nɩaa. Ba bɩ jaŋ joŋ wɩaa chɩchɛ nɩaa. Ba jaŋ chichei nɩaa yɩrɩŋ ma. Ba bɩ jaŋ jɩŋ ba tɩtɩa kɛnɩŋ. Ba jaŋ tɛrɛ. Ba jaŋ bɛrɛ wʋzɔŋ kala.

Taatɩs 2:3

Bʋla pɩ hanɩhɩasɩ-la ma dɩ ba ŋaa wɩalɩŋ sɩ daga arɩ baa to Wɩa wombiiŋ nɛ. Ʋ bɩ maga dɩ ba gɩgaa nɩaa harɩŋ koo dɩ ba ŋaa sɩ-nyʋaraa. Bʋla pɩba dɩ ba dɩdagɛ wɩalɩŋ sɩ zɔmɔ,

Jeems 1:16

Mɩ naambii-kpɩanaba, má sɩ́ ma tɩtɩa nyɩsʋ.

Jeems 1:19

Mɩ naambii-kpɩanaba, ma jɩŋ wɩɩŋ deeŋ: Nʋʋkala maga dɩ ʋ kɛŋ dɩgɩlɩŋ-jegilee, aŋ sɩ́ chele bʋbʋl wɩaa, a sɩ́ baanɩŋ ma lɩma lɩma nɩna,

Jeems 1:25

Ama nɩɩ-la sɩ joŋ ʋ sɩaa hɛ Wɩa wombii-la sɩ chaasa zɔŋ a laa nɩaa tɩta lɛ, a fɩɛsɛ sɩɩŋ tutou, a bɩ wɩalɩŋ ʋ sɩ nɩa yʋa aŋ kɛmba tɩtɩŋ, Wɩa jaŋ pɛ ʋ lɛ wɩalɩŋ kala ʋ sɩɩ ŋaa lɛ.

Jeems 2:8

Ba ŋmʋnsɛ Wɩa teniŋ tʋɔŋ a bʋl ŋ-la nɛ: “Cho ŋ dɔŋɔ tɩɩna arɩ ŋ sɩ cho ŋ tɩtɩa ŋɩɩ.” Dɩ ma nɛ sɛnɛɛ to niiŋ deeŋ, ma ŋaa woruŋ nɛ. La Kuoro Wɩa nɛ joŋ niiŋ deeŋ pɩla.

Jeems 5:10

Mɩ naambiiriŋ, má bee na Wɩa wʋlaabʋlla-la sɩ bʋl wɩaa La Tɩɩna yɩrɩŋ lɛ, ba na hɛɛŋ nɛ woruŋ aŋ ha kɛŋ kenyiri. Má ma hɛ doluŋ aŋ to ba naabʋɔsʋŋ.

Jeems 5:7

Mɩ naambiiriŋ, má kɛŋ kenyiri a gbɛrɛ chɛɛ-la La Tɩɩna Yesu sɩ jaŋ mɩɩra kɔ. Ma bee na ŋɩɩ paara sɩ kɛŋ kenyiri. Ʋ yie gbɛrɛ nɛ duoŋ-puso nɩɩ, ʋ duu kɩaa, a bɩra kɛŋ kenyiri a gbɛrɛ gbanchaaŋ-duonuŋ lɛ ʋ kɩaa ŋaa, ʋ kʋŋ.

Jeems 5:9

Mɩ naambiiriŋ, má sɩ́ wɩaa gʋrʋmʋ dɔŋɔ lɛ, dɩ Wɩa sɩ́ ma sarɩya dii a joŋ cheeriŋ pɩma. Na nɩɩ-la sɩ jaŋ dii la sarɩya nɛ chɩŋ boiŋ niiŋ a ŋaa siri dɩ ʋ jʋʋ ŋɩɩ.

1 Pɩɩta 2:1

Ma sɩ kɛŋ mɩɩ-falɩŋ ŋɩɩ, má lɩɩsɛ ma tɩtɩa wʋbɔŋ kala lɛ, a sɩ́ nɩaa nyɩnyɩsʋ, a sɩ́ kanfugi tɩmma ŋaa. Má sɩ́ yarɩ-bieriŋ kɛŋ, a sɩ́ nɩaa harɩŋ gɩgaa.