Jeems 4:1 - WƖA TENIŊ

¹ Bɛɛ nɛ tɩɩ ma yie gʋraa yuo dɔŋɔ? Ʋ lɩɩ ma wʋchɛɛlɛ-la sɩɩ walɩmɛma nɛ.

Jeems 4:1 ပူးပေါင်းရင်းမြစ်များ

JƐRƖMAAYA 17:9

Nuhuobiine tʋɔŋ nɛ jaŋ wuo nyɩsɛ nɩa a kɩɩ kʋŋkala. Ʋ ŋaa kʋŋ nʋʋ sɩ bɩ wuo tɩɩbɛ nɛ. Kʋbɛɛ nɛ jaŋ wuo jɩŋ nuhuobiine tʋɔŋ wɩaa sɩaa?

Matiu 15:19

Ŋ tʋɔŋ lɛ nɛ ŋ yie bɩɩnɛ wʋbɔŋŋɔɔ ŋaanɩŋ a mʋ kpʋ nɩaa, a mʋ chɛ nɩaa haalaa, a ŋaa bachɔrʋŋ arɩ hachɔrʋŋ wʋŋaalaa, aa gaa, a nyɩɛ wɩaa aa tɩgɛ nɩaa lɛ, a chichei nɩaa yɩrɩŋ.

Jɔɔŋ 8:44

Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.

Rom Tɩŋŋaa 7:23

Ama mɩ na arɩ wʋtanɩɩ nɛ mɩɩra hɛ mɩ lɛ aa tɩŋ, a kɛŋ mɩ tʋɔbɩɩŋ zɔmɔ-la baa yuo dɔŋɔ. Wɩɩŋ deeŋ leŋe mɩ ŋaa wʋbɔŋ-la sɩ hɛ mɩ lɛ yoŋ nɛ a tuto ʋ niiŋ wɩaa lɛ.

Rom Tɩŋŋaa 7:5

Bʋa-la la sɩɩ to la tʋɔtɔrɛ wʋŋaalaa harɩŋ, wɩalɩŋ Mosis fa sɩ ŋmʋnsa bil dɩ nɩaa tuto nɛ fa ŋaa sɩma kɛnla la kɛŋ la yaraa ŋɩŋaa wʋbɔŋŋɔɔ, wɩalɩŋ sɩ jaŋ kɛnla mʋ hɛ sʋʋŋ bʋa lɛ.

Rom Tɩŋŋaa 8:7

bɛɛ wɩaa dɩ nʋʋ nɛ joŋ ʋ nyuŋ kala a hɛ ʋ yaraa doluŋ lɛ, ʋ ŋaa Wɩa dʋndɔŋ nɛ. Ʋ bɩ chɛ dɩ ʋ to wɩalɩŋ Wɩa sɩ daga, ʋ paala bɩ wuo to.

Galiisia Nɩaa 5:17

bɛɛ wɩaa la tʋɔtɔrɛ wʋŋaalaa arɩ Wɩa Dɩŋ-zɔŋ-la wʋŋaalaa bɩ dɔŋɔɔ to. La tʋɔtɔrɛ wʋŋaalaa arɩ Wɩa Dɩŋ-zɔŋ-la saa ŋaa dʋndɔmɔ nɛ, ŋɩɩ wɩaa, wɩɩ-la la sɩɩ chɛ la ŋaa, la bɩ ʋ wuo ŋaa.

Koloosi Nɩaa 3:5

Ʋ maga dɩ ma kpʋ dʋnɩa wɩalɩŋ kala sɩ hɛ ma lɛ a ta nɛ. Ba nɛ ŋ-la: Wʋlɩɩlɩŋ ŋaanɩŋ, disiniŋ ŋaanɩŋ, yaraa wʋchooloo, wʋbɔŋŋɔɔ bɩɩnɩŋ, tʋɔ-luŋuŋ. Tʋɔ-luŋuŋ-na paala nagɛ vʋɩ-kpaarɩŋ nɛ.

2 Timoti 2:23

Ama lɩɩsɛ ŋ tɩtɩa nɩalɩŋ sɩ kɛŋ nɩyaarɛ wɩaa lɩlɛrɛ lɛ. Ŋ jɩma arɩ wɩaa deemba yie leŋ nɩaa yuyuo dɔŋɔ nɛ.

Taatɩs 3:3

La ma tɩtɩa fa ŋaa nɩyaara nɛ, a fa bɩ Wɩa niiŋ to, wʋbɔŋŋɔɔ fa leŋ la yeŋŋi. La fa to la tʋɔtɔrɛ wʋŋaalaa harɩŋ nɛ a bɩrɩmɛ ba yosi. La fa cho dɩ nɩaa jʋʋ wʋbɔŋŋɔɔ a fa kɛŋ yarɩ-bieriŋ dɔŋɔ lɛ. Nɩaa fa bɛrɛla, la ma fa bɛrɛba.

Taatɩs 3:9

Má leŋ nɩyaarɩ wʋkaalɛrɛ, a sɩ́ ma naabalɩmaba gentine sɩ duomo dɩɩsʋ. Má sɩ́ yuosuŋ hɛ a sɩ́ dɔŋɔ yuo a tɩŋ wɩalɩŋ Mosis fa sɩ ŋmʋnsa bil dɩ nɩaa tuto wɩaa. Ŋɩɩ bɩ bʋbʋɔ kɛnɛ, ŋɩɩ bɩ nʋʋ lɛ ka pɛ.

Jeems 1:14

Ama tʋɔbɩɩŋ bɔmɔ-la sɩ hɛ nʋʋ tʋɔŋ nɛ yie nyɩsʋ ʋ ŋɩŋaa wʋbɔŋŋɔɔ. Tʋɔbɩɩŋ-bɔmɔ-la nɛ yie kɛnʋ yeŋŋi.

Jeems 4:3

Bʋa dɔŋɔ ma lɛ ma yie sɛnɛ sʋlʋ a chɩchɛ kɩaa. Ama ma yie kɛŋ tʋɔbɩɩŋ bɔŋŋɔɔ nɛ a sʋl dɩ ma kaa ŋaa ma tɩtɩa tʋɔtɔrɛ wɩaa. Ŋɩɩ nɛ tɩɩ ma bɩ na.

1 Pɩɩta 1:14

Má tuto Wɩa niiŋ. Bʋa-la lɛ ma fa sɩ bɩ Wɩa jɩŋ, ma faa to ma tʋɔtɔrɛ wʋŋaalaa sɩ bɩ zɔŋ lɛ nɛ. Má bɩra sɩ́ ba to.

1 Pɩɩta 2:11

Mɩ naambii-kpɩanaba, ma jɩma ma ŋaa nʋhʋɔraa nɛ dʋnɩa deeŋ lɛ. Ŋɩɩ wɩaa, mɩɩ sʋlma, má lɩɩsɛ ma tɩtɩa ma tʋɔtɔrɛ wʋŋaala-la sɩ bɩ zɔŋ lɛ, bɛɛ wɩaa ma tʋɔtɔrɛ wʋŋaalaa bɩ jaŋ sɛɩ dɩ ma ŋaa wɩalɩŋ sɩɩ tɔrɛ Wɩa tʋɔŋ.

2 Pɩɩta 2:18

Ba yie bʋbʋl babiibal wɩaa sɩ bɩ bʋbʋɔŋ kɛnɛ. Ba yie kɛŋ nii-sɩma a nyɩnyɩsɛ nɩalɩŋ sɩ bumo lɩɩsɛ ba tɩtɩa nɩalɩŋ sɩ bɩ wʋtɩtɩɩ jɩŋ lɛ.

2 Pɩɩta 3:3

Mɩɩ chɛ dɩ ma laa sɩpaaŋ jɩŋ arɩ bʋa-la lɛ dʋnɩa sɩ jaŋ kʋ kpagɛ dɩdɛrɩŋ, nɩsieree jaŋ to ba tʋɔtɔrɛ wʋŋaalaa lɛ a sisierima lɛ.