Jeems 3:9 - WƖA TENIŊ

⁹ La yie kɛŋ la nandelimee nɛ a dɩdɛnnɛ Wɩa sɩ ŋaa La Tɩɩna a ŋaa la Nyɩmma ma, aŋ bɩra kɛŋ nandelime-la tɩtɩa a kaa bʋl wʋbɔŋŋɔɔ hɩhɛ la dɔnsʋŋ tɩŋŋaa ma Wɩa sɩ ŋaa ba nagʋ lɛ.

Jeems 3:9 ပူးပေါင်းရင်းမြစ်များ

WƖAA DƖ-SUOMUŊ 5:1

Adam doho nɩaa naasɩŋ nɛ ŋ-la. Wɩa sɩ ŋaa nuhuobiine, ʋ ŋaaʋ ʋ nagɛ ʋ-na Wɩa tɩtɩa nɛ.

WƖAA DƖ-SUOMUŊ 9:6

Dɩ nʋʋkala nɛ kpʋ ʋ dɔŋɔ, ʋ maga ba kpʋʋ ma nɛ, bɛɛ wɩaa Wɩa ŋaa nuhuobiine ʋ nagɛ ʋ-na Wɩa nɛ.

2 SAMƲƐL 16:5

Kuoro Devit sɩ mʋ yi taŋ-la ba sɩɩ yɩrɛ Bahurim, baal kʋbala sɩ ŋaa Sɔɔl nyɩŋ-nɩaa dɔŋɔ kʋ lɩɩ a suomo bʋl wʋbɔŋŋɔɔ hɩhɛ ʋ lɛ. Baal-la yɩrɩŋ nɛ Sɩmɛɩ a ŋaa Gɛra nanʋala.

2 SAMƲƐL 19:21

Ŋɩɩ nɛ Zeruya nanʋala Abɩsaɩ bʋl, “Sɩmɛɩ maga dɩ la kpʋʋ nɛ a tɩŋ wɩɩŋ deeŋ wɩaa. Ʋ tʋʋsɛ nɩɩ-la La TƖƖNA sɩ lɩɩsa ʋ ŋaa kuoro nɛ.”

1 IZIRAL TƖŊŊAA NAABARƖŊ 29:10

Ŋɩɩ nɛ Devit chɩŋ nɩalɩŋ kala sɩpaaŋ a dɛnnɛ La TƖƖNA a bʋl, “Mɩɩ dɛnnɩŋ La TƖƖNA, la naabalɩma Jekɔb Wɩa, a leŋ dɩ ŋ yɩrɩŋ yɩrɛ a kaa mʋ wuu.

1 IZIRAL TƖŊŊAA NAABARƖŊ 29:20

Ŋɩɩ nɛ Devit bʋla pɩ nɩalɩŋ kala sɩ hilime, “Má dɛnnɛ ma TƖƖNA Wɩa.” Ŋɩɩ nɛ ba kala dɛnnɛ La TƖƖNA, ba naabalɩmaba Wɩa, aŋ tuu kpirimi a zil La TƖƖNA arɩ kuoro Devit.

WƖA YƖƖLAA 10:7

Ba yie ŋmɩɛsa hɩhɛ nɩaa lɛ aŋ pɛ nyɩnyɩɛ wɩaa, a fufugisi nɩaa ma. Ba wɩɩŋ kala nɛ dɩ ba hɩhɛ wɩaa aŋ bʋbʋl wʋbɔŋŋɔɔ.

WƖA YƖƖLAA 108:1

Wɩa, mɩ tʋɔbɩɩnaa chaasa chɩŋ nɛ, mɩ jaŋ du kɩaa a yɩɩ yɩɩlaa a dɛnnɩŋ arɩ mɩ tʋɔŋ kala.

WƖA YƖƖLAA 145:1

Mɩ Wɩa, ŋ sɩ ŋaa mɩ kuoro, mɩ jaŋ ziliŋ. Mɩ jaŋ dɛnnɩŋ bʋa na-kala a kaa mʋ wuu.

WƖA YƖƖLAA 145:21

Mɩ jaŋ dɛnnɛ La Tɩɩna bʋa-kala lɛ, a leŋ dɩ kɩalɩŋ ma kala ʋ sɩ ŋaa dɛnnɛ ʋ yɩrɩ-zɔŋ-la a kaa mʋ wuu.

WƖA YƖƖLAA 16:9

Ŋɩɩ wɩaa, mɩ tʋɔŋ tɔrɔ nɛ mɩ jʋjʋɔsɛ, wɩɩkala bɩ jaŋ ŋaa mɩ lɛ.

WƖA YƖƖLAA 30:12

dɩ mɩ yɩɩ yɩɩlaa a dɛnnɩŋ arɩ mɩ tʋɔŋ kala a sɩ́ leŋ. Mɩ Tɩɩna Wɩa, mɩ jaŋ lɔllʋŋ a kaa mʋ wuu.

WƖA YƖƖLAA 34:1

Mɩ jaŋ dɛnnɛ La Tɩɩna bʋa na-kala lɛ. Ʋ dɛnnɩŋ sɩma mɩ niiŋ lɛ.

WƖA YƖƖLAA 35:28

Ŋɩɩ jaŋ leŋ dɩ mɩ suri mɩ niiŋ a bʋl ŋ tʋɔpʋl wɩaa aŋ dɛnnɩŋ tapʋlɩɩ-la kala.

WƖA YƖƖLAA 51:14

Wɩa, lɩɩsɛmɛ nɩaa kpʋnʋŋ lɛ, ŋ nɛ ŋaa mɩ Laataara. Dɩ ŋ nɛ ŋaa ŋɩɩ, mɩ jaŋ yɩɩ yɩɩlaa a dagɛ ŋ tʋɔpʋla.

WƖA YƖƖLAA 57:8

Mɩ jaŋ sii doŋ lɛ. Mɩ jaŋ sii sɩɩpʋʋraa a joŋ cheŋ arɩ kɔnɛ a du.

WƖA YƖƖLAA 59:12

Ba niiŋ kɛŋ wʋbɔŋŋɔɔ nɛ, ba bʋbʋl wʋbɔŋŋɔɔ. Leŋ ba sɩɩ bigisi ba tɩtɩa lɛ ŋɩɩ gʋra nyʋa ba nyuŋ lɛ. Ba sɩ kalɩba hɛ nɩaa lɛ a nyɩnyɩɛ wɩaa ŋɩɩ,

WƖA YƖƖLAA 62:4

Maa chɛ dɩ ma lɩɩsɛmɛ lee-la sɩ kɛŋ yɩrɩŋ lɛ nɛ. Ma cho wʋnyɩɛrɩŋ nɛ woruŋ. Ma yie kɛŋ niiŋ bʋl wʋzɔŋŋɔɔ pɩ nɩaa, aŋ kɛŋ tʋɔŋ ŋmɩɛsa hɛ ba lɛ.

WƖA YƖƖLAA 63:4

Mɩ mɩɩsɩŋ kala lɛ, mɩ jaŋ dɛnnɩŋ a kɛŋ mɩ nɩsaa je a lɔllʋŋ.

WƖA YƖƖLAA 71:24

Tapʋlɩɩ-la kala mɩ jaŋ bʋl tʋɔpʋl wɩalɩŋ ŋ sɩ ŋaa a pɩ nɩaa. Ŋ leŋe nɩalɩŋ sɩɩ chɛ dɩ ba ŋaa wʋbɔŋŋɔɔ mɩ lɛ dii hɩɩsɩŋ nɛ, ba wɩaa vʋgʋmɛ.

TƖƖCHA 7:22

Ŋ tɩtɩa jɩma ŋ tʋɔŋ lɛ dɩ ŋ bʋl wʋbɔŋŋɔɔ yʋgɛ nɛ a tɩgɛ nɩaa lɛ.

AZAAYA 29:13

La TƖƖNA sɩ, “Nɩaa deemba yie kɔ mɩ teeŋ a kɛŋ niiŋ nɛ zizilmi, ka ba tʋɔbɩɩnaa bol arɩ mɩ. Ba yie to nuhuobiinee wombiee nɛ a chʋchʋɔlɛmɛ.

Matiu 26:74

Ŋɩɩ nɛ Pɩɩta ŋmɩɛsɛ, “Mɩ bɩ baala deeŋ jɩŋ.” Ʋ sɩ bʋl ŋɩɩ dɛrɛ, dɩ ji-bele yele.

Matiu 5:44

Ama lɛɛlɛ mɩ jaŋ bʋla pɩma, má cho ma dʋndɔŋŋɔɔ a chʋɔlɛ Wɩa pɩpɩ nɩalɩŋ sɩ to naasɩŋ dɔgɩsɛma.

Tɩntɩŋŋaa 2:26

Ŋɩɩ wɩaa mɩ tʋɔŋ tɔrɔ nɛ, mɩ bʋbʋl tʋɔ tɔrɛ wɩaa. Mɩ ŋaa nuhuobiiŋ nɛ a jaŋ sʋʋ. Mɩɩ yɩɛlɛ wɩalɩŋ Wɩa sɩ jaŋ ŋaa lɛ nɛ.

Rom Tɩŋŋaa 3:14

“Ba niiŋ hɛyɛ, ba ŋmɩɛsa hɩhɛ nɩaa lɛ.”

1 Kɔrɩntɩ Nɩaa 11:7

Baala-na bɩ maga dɩ ʋ joŋ kʋŋ a chu tɔ ʋ nyuŋ, bɛɛ wɩaa ŋɩɩ Wɩa sɩ naga, ŋɩɩ tɩtɩa nɛ ʋ ŋaa baala. Baala tʋla lɩɩ Wɩa teeŋ nɛ, ka haala ma tʋla lɩɩ baala teeŋ,

Ɛfɛsɩs Nɩaa 1:3

Má leŋ dɩ la dɛnnɛ Wɩa. Ʋ nɛ ŋaa La Tɩɩna Yesu Kirisito Nyɩmma. La dɩ Kirisito sɩ ŋaa kʋbala nɛ tɩɩ ʋ pɛ la lɛ a joŋ wʋzɔŋ na-kala sɩ lɩɩ ʋ teeŋ a pɩla.

Jeems 1:27

La Nyɩmma Wɩa wombiiŋ tonuŋ ʋ sɩ daga arɩ ʋ ŋaa wombii-tɩtɩɩ nɛ ŋ-la: Má pɩpɛ biisinsiŋ arɩ yo-haala-la sɩɩ na hɛɛŋ lɛ, aŋ lɩɩsɛ ma tɩtɩa dʋnɩa nɩaa wʋŋaalaa sɩ jaŋ leŋ dɩ ma kɛŋ disiniŋ lɛ.

Jeems 3:10

Nii-la tɩtɩa la sɩ kaa dɛnnɛ Wɩa, ʋ tɩtɩa nɛ la kaa bʋl wʋbɔŋŋɔɔ hɩhɛ nɩaa lɛ. Mɩ naambiiri, ʋ bɩ maga dɩ la ŋɩŋaa ŋɩɩ.

1 Pɩɩta 1:3

Má leŋ dɩ la dɛnnɛ Wɩa, ʋ nɛ ŋaa La Tɩɩna Yesu Kirisito Nyɩmma. Ʋ fá la nenige nɛ kɩŋkɛŋ a leŋ la kɛŋ mɩɩ-falɩŋ, a tɩŋ ʋ sɩ chɩsɛ Yesu Kirisito sʋʋŋ lɛ. La saa yɩɛlʋ arɩ la jaŋ kɛŋ mɩɩsɩŋ,

SƖPAALAARAA 9:27

Tɩɩ-nɛnɛ-la ba sɩɩ yɩrɛ girep tɔrʋŋ sɩ yie, Sɛkɛm tɩŋŋaa kala lɩɩ mʋ ba tɩɩnɛnɛɛ bagɩsɩŋ, a tɔrɔ paa hɛ bʋɔsʋŋ lɛ a chagɛ ba lɩɩŋ a kaa ŋaa sɩnɩŋ. Ŋɩɩ nɛ ba jʋʋ ba vene dɩa a gbigbieli, a dii kɩaa aŋ nyʋnyʋa kɩaa, aŋ tʋtʋʋsɛ Abɩmɛlɛk.