Jeems 3:6 - WƖA TENIŊ

⁶ Nuhuobiine nandelimiŋ ma nagɛ nyiniŋ nɛ. Ʋ jaŋ wuo bʋl wʋbɔŋ kala sɩ hɛ dʋnɩa lɛ. Ʋ ŋaa la yaraa sɛmɛ dɔŋɔ nɛ. Ama ʋ wʋbɔŋŋɔɔ ʋ sɩ yie ŋaa yie cheŋ la yaraa kala nɛ ʋ chei. Ʋ yie nagɛ nyiniŋ nɛ a dii ŋɩɩ halɩɩ nuhuobiine mɩɩsɩŋ kala lɛ. Wɩalɩŋ sɩ nagɛ nyiniŋ yie lɩɩ Sɩtaanɩ teeŋ nɛ a kɔ.

Jeems 3:6 ပူးပေါင်းရင်းမြစ်များ

2 SAMƲƐL 16:20

Abɩsalɔm mɩɩra pɩɛsɛ Ahitofɛl, “Dagɛla wɩɩ-la sɩ maga dɩ la ŋaa. Wʋbɛɛ nɛ maga dɩ la ŋaa?”

2 SAMƲƐL 19:43

Iziral laalɩyuoro-la ma bʋla pɩ Juda laalɩyuoroo, “La tɩɩ Devit a kɩɩma naansɩɩŋ fii, dɩ ʋ nɛ ŋaa ma kʋŋ ma, bɛɛ nɛ tɩɩ ma bee gʋʋnɛla? La dee bɩ sɩpaaŋ laa bʋl arɩ ma leŋ la kɛŋ la kuoro mɩɩra kɔɔ?” Ama Juda tɩmma-la ha faasa hosi a kɩɩ Iziral tɩmma-la.

2 IZIRAL TƖŊŊAA NAABARƖŊ 13:17

Abija arɩ ʋ laalɩyuoroo fa bolimi Iziral tɩŋŋaa laalɩyuoroo yʋgɛ nɛ woruŋ a kpʋ ba laalɩyuori duoruŋ bʋɩ zɔɔ-banɔŋ.

WƖA YƖƖLAA 140:3

Ba niiŋ ka dii a nagɛ dɩmɩŋ nɛ, ba wʋbʋlaa ma kɛŋ huoŋ a nagɛ dɩ-kuuro.

WƖA YƖƖLAA 64:3

Ba niiŋ ka dii a nagɛ tokobiee nɛ, ba wʋbʋlaa ma lɔrɛ a tʋtɔɔ nɩaa a nagɛ to-hɛŋŋɛɛ ba sɩ sʋa.

NAMAGABA 15:1

Dɩ ŋ nɛ fɩɛla jɩma bʋl wɩɩŋ, nɩaa baanɩŋ yie fɩɛlɛ nɛ, ama dɩ ŋ nɛ bʋl chaŋkpaŋ duoŋ, ŋɩɩ jaŋ leŋ dɩ nɩaa baanɩŋ sii.

NAMAGABA 16:27

Nɩtɔɔŋ yie chɩchɛ wombiiŋ nɛ dɩ ʋ hɛ nɩaa wɩaa lɛ, ʋ wʋbʋlaa ka wɩɩ a nagɛ nyiniŋ nɛ.

NAMAGABA 6:19

wʋnyɩɛrɩ wʋpɛ-naara, arɩ nɩalɩŋ sɩ cho dɩa nɩaa nyuŋ kaa yagɛ dɔŋɔ lɛ.

NAMAGABA 7:5

Ba jaŋ pɔŋ hachɔrʋmʋŋ lɛ, dɩ ʋ sɩ́ wuo nyɩsa kɛnɩŋ.

AZAAYA 30:27

Má bee na, La TƖƖNA doluŋ arɩ ʋ tʋla nɛ lɩɩ dɩ-bolii a kʋkɔ. Ʋ baanɩŋ chaasa sii nɛ a nagɛ duoŋ-bɩlɩmbaanɩŋ sɩ tɔ nyʋɔsʋŋ. Ʋ niiŋ wʋbʋlaa kɛŋ baanɩŋ, ʋ nɛ suri ʋ niiŋ ʋ nagɛ nyiniŋ sɩ joŋ kɩaa didii nɛ.

AZAAYA 50:11

Ama, ma nɩalɩŋ kala sɩ lɔgɛ wɩaa a wuwurisi ma dɔnsʋŋ, wɩalɩŋ tɩtɩa nɛ jaŋ gʋra jomma dii. La TƖƖNA tɩtɩa nɛ jaŋ leŋ dɩ ŋɩɩ ŋaa ma lɛ. Ma jaŋ faasa na hɛɛŋ kɩŋkɛŋ.

JƐRƖMAAYA 20:10

Mɩ nɩa dɩ nɩaa yʋga a munso bʋbʋl, “Fawʋllʋŋ hɛ lee-kala nɛ. Má wuoli ʋ bʋbʋɔŋ. Má leŋ la wuoli ʋ bʋbʋɔŋ.” Mɩ nandɔnsʋŋ kala nɩɩ gbɛrɛ dɩ mɩ tel a bʋbʋl, “Kapo la jaŋ wuo nyɩsʋ a yuo diiu a joŋ la baanɩŋ fɩɩsɛ ʋ lɛ.”

JƐRƖMAAYA 28:16

Ŋɩɩ wɩaa, wɩɩ-la La TƖƖNA sɩ bʋla nɛ ŋ-la: ‘Mɩ ŋaa siri nɛ dɩ mɩ lɩɩsɩŋ dʋnɩa deeŋ lɛ. Jɩna deeŋ tʋɔŋ ŋ jaŋ sʋʋ, bɛɛ wɩaa ŋ dagɛ nɩaa a leŋ ba lɩɩ mɩ-na ŋ TƖƖNA harɩŋ nɛ.’ ”

LEVI DOHO NƖAA 24:11

Baal-la naaŋ sɩ ŋaa Iziral tɩɩna bʋl wɩaa chei La TƖƖNA yɩrɩŋ, ŋɩɩ nɛ ba kɛnʋ mʋ Mosis teeŋ. Ʋ naaŋ yɩrɩŋ nɛ fa Sɛlɔmɩf, Dibiri sɩ ŋaa Daŋ doho nʋʋ tolo.

NAMBABA 25:2

Tolie-la yie kɛmba mʋ ba vʋɩyaa dɩ-kpaarɩŋ, ba pɛ didii ba vʋɩyaa kʋdiilee aŋ kpʋkpaarɛ ba vesi-la.

NAMBABA 31:16

Haala-la nɛ paala to Balam niiŋ wɩaa lɛ, a leŋ Iziral tɩŋŋaa mɩɩrɛ La TƖƖNA harɩŋ a kpaarɛ vʋɩyaa Pio lɛ, ŋɩɩ lɛrɛ nyanyal bɔŋŋɔɔ kʋ hɛ Iziral tɩŋŋaa lɛ.

Matiu 12:24

Ama Farisii tɩŋŋaa fa sɩ nɩɩ wɩɩ-la, ba bʋl, “Jɩnsɩŋ kuoro Bɛlizibul nɛ pʋ doluŋ, ŋɩɩ nɛ tɩɩ ʋ wuo kikiri jɩŋ-bɔŋŋɔɔ ŋɩɩ.”

Matiu 5:22

Ama lɛɛlɛ mɩ jaŋ bʋla pɩma, nɩɩ-la kala sɩ na baanɩŋ ʋ naambie nyuŋ, ba jaŋ kɛnʋ kaa kʋ dii ʋ sarɩya. Nɩɩ-la ma kala sɩ yɩrɛ ʋ naambie nɩpɛɩpɛɩ, ba jaŋ kɛnʋ kaa mʋ nɩalɩŋ sɩ hilime vʋvʋʋrɛ wɩaa teeŋ. Nɩɩ-la ma kala sɩ yɩrɛ ʋ naambie a bʋl dɩ ʋ ŋaa nɩtɔɔ nɛ, ʋ tɩɩna jaŋ mʋ jʋʋ Wɩa nyiniŋ.

Maak 7:15

Kʋŋkala sɩɩ tuu nɩa tʋɔŋ bɩ jaŋ wuo leŋ dɩ ʋ kɛŋ disiniŋ. Ama kɩalɩŋ sɩ hɛ ʋ tʋɔŋ a kʋʋ lɩɩ nɛ yie leŋ ʋ kɛŋ disiniŋ. [

Luuk 16:24

Ŋɩɩ nɛ ʋ yɩrʋ a bʋl, ‘Mɩ nyɩmma Abɩraham, fá mɩ nenige aŋ tɩŋ Lazarɔs dɩ ʋ kɛŋ ʋ neniiŋ yuu lɩɩŋ a kaa kɔ a fɩɛlɛ mɩ nandelimiŋ. Mɩɩ na hɛɛŋ nɛ woruŋ nyiniŋ deeŋ tʋɔŋ.’

Tɩntɩŋŋaa 20:30

Nɩaa jaŋ paala lɩɩ ma tʋɔŋ ma a kɛŋ wɩalɩŋ kaa bɩrɩmɛ, a nyɩsɛ nɩalɩŋ sɩ laa Yesu wɩaa dii dɩ ba mɩɩrɛ harɩŋ a toba.

Tɩntɩŋŋaa 5:3

Pɩɩta pɩɛsʋ, “Ananɩas, bɛɛ nɛ tɩɩ ŋ leŋ Sɩtaanɩ nyɩsɩŋ, ŋ joŋ tintee-la ŋ sɩ yalla moribie-la dɔnsʋŋ faa, aŋ nyɩɛ wɩaa pɩ Wɩa Dɩŋ-zɔmʋŋ?

Tɩntɩŋŋaa 6:13

Ba kɛŋ nɩaa kaa kɔ dɩ ba kʋ nyɩɛ wɩaa pʋ a bʋl, “Baala deeŋ yie vɛnɛɛ bʋl wɩaa aa chei Wɩa dɩɩ-bal-la ba sɩ joŋo hɛ Wɩa nɩsɩŋ lɛ, arɩ wɩalɩŋ Mosis sɩ ŋmʋnsa bil dɩ la tuto nɛ.

MOSIS BƖRA WULLI WƖA WOMBIIŊ 13:6

Dɩ ŋ naambie tɩtɩa koo ŋ bie koo ŋ tolo koo ŋ hachooluŋ koo ŋ nandɔŋ-fɩɛmɩŋ nɛ lʋara nyɩsɩŋ a bʋl, “Leŋ dɩ la mʋ a to vesiŋ a pɛ La Tɩɩna lɛ,” vesi-la ma dɩ ma nyɩmmaba kʋŋkala ha sɩ bɩ to aŋ ka,

Taatɩs 1:11

Ʋ maga dɩ ma bʋla pɩba dɩ ba leŋ wɩalɩŋ ba sɩɩ dagʋ, bɛɛ wɩaa ba sɩɩ dagɛ wɩalɩŋ sɩ bɩ maga dɩ baa dagɛ ŋɩɩ, ba ŋaa nɩaa joŋ wɩalɩŋ ba sɩ laa dii a tɩta nɛ. Moribiee wɩaa nɛ tɩɩ baa dagɛ wɩalɩŋ.

Jeems 2:7

Ba yie chichei Kirisito yɩrɩ-zɔŋ-la Wɩa sɩ joŋo hɛ pɩma.

Jeems 3:7

Nuhuobiine kɛŋ pʋsʋŋ kala doluŋ nɛ: Baga kɩaa arɩ diibiisiŋ, arɩ kɩalɩŋ kala sɩɩ tuuri tinteeŋ, arɩ lɩɩŋ tʋɔŋ kɩaa. Ʋ kɛŋ ba kala doluŋ nɛ.

2 Pɩɩta 3:3

Mɩɩ chɛ dɩ ma laa sɩpaaŋ jɩŋ arɩ bʋa-la lɛ dʋnɩa sɩ jaŋ kʋ kpagɛ dɩdɛrɩŋ, nɩsieree jaŋ to ba tʋɔtɔrɛ wʋŋaalaa lɛ a sisierima lɛ.

3 Jɔɔŋ 1:10

Dɩ mɩ nɛ kɔ, mɩ jaŋ bʋl wɩalɩŋ kala ʋ sɩɩ ŋaa a tɩgɛ la lɛ a pɩma. Ʋ yie gɩgaa la harɩŋ a chichei la yɩrɩŋ. Ŋɩɩ ma dʋndʋŋa dee, la naambiiri-la sɩ ŋaa nʋhʋɔraa, dɩ ba nɛ kɔ, ʋ bɩ ba woruŋ ka kɛŋ, aŋ bɩra pɔ nɩalɩŋ ma sɩɩ chɛ dɩ ba kɛmba woruŋ, dɩ ba sɩ́ ŋɩɩ ŋaa. Dɩ ba nɛ vɩa aŋ ŋaa ŋɩɩ, ʋ yie kiriba ta nɛ nɩalɩŋ sɩ laa Yesu wɩaa dii aa hilimi tʋɔŋ.

Jɔɔŋ Wʋnaalaa 12:9

Ŋɩɩ nɛ ba joŋ dɩŋ-la arɩ ʋ harɩ-tooroo a yuo ta ba lɩɩ Wɩa-jaŋ a kʋ tuu tinteeŋ. Dɩŋ-la fa hɛ nɩmɛ faafaa kala nɛ a lɩɩ dʋnɩa dɩ-suomuŋ. Ʋ nɛ baa yɩrɛ Sɩtaanɩ, nɩɩ-la sɩɩ nyɩsɛ dʋnɩa nɩaa ba yeŋŋi.

Jɔɔŋ Wʋnaalaa 13:14

A tɩŋ wʋmagɩla-la ba sɩ pʋ doluŋ ʋ ŋaa bumbuŋ baga kʋ-la nyuŋ, ʋ nyɩsɛ dʋnɩa nɩaa dɩ ba mɛ kʋŋ sɩ nagɛ bumbuŋ baga kʋ-la, kʋ-la ba sɩ pɩra arɩ tokobiiŋ ka ʋ ha wei.

Jɔɔŋ Wʋnaalaa 18:23

Chaanaa ma bɩra bɩ jaŋ chaanɛ ʋ tʋɔŋ. Baalaa arɩ haalaa bɩra bɩ jaŋ jaa dɔŋɔ ʋ lɛ. Babɩlɔŋ bayalaa nɛ fa ŋaa nɩbalaa dʋnɩa deeŋ lɛ. Ʋ kɛŋ ʋ chichiribi wɩaa a nyɩsɛ dʋnɩa nɩaa kala.

Jɔɔŋ Wʋnaalaa 19:20

Nɩɩ-la sɩ jɩl jɔɔ-la arɩ ʋ laalɩyuoroo yuo dii baga kʋ-la a kɛŋ ʋ dɩ nɩɩ-la sɩ nyɩɛ wɩaa arɩ ʋ ŋaa Wɩa wʋlaabʋllʋ kala. Nɩɩ-la fa sɩ ŋaa wʋmagɩlaa baga kʋ-la nyuŋ a wuo nyɩsɛ nɩalɩŋ sɩ kɛŋ baga kʋ-la magɩlɩŋ, aa chʋɔlɛ baga kʋ-la nagɩsɩŋ ba sɩ mɛ bil. Nɩaa deemba balɩa kʋweyee nɛ ba joŋo yuo hɛ Wɩa nyiŋ-la sɩɩ dii a nagɛ jiribiiŋ lɛ.