Jeems 3:3 - WƖA TENIŊ

³ Na jaaba, dɩ nʋʋ nɩɩ chɛ dɩ ʋ dagʋ, ʋ yie joŋ jaaba niiŋ koŋ nɛ a hɛ jaaba niiŋ lɛ. Koŋ-la lɛ nɛ ʋ yie kɛŋ, a dɩdagɛ jɔɔ-la ʋ mʋmʋ lee-la kala ʋ sɩɩ chɛ dɩ ʋ mʋ.

Jeems 3:3 ပူးပေါင်းရင်းမြစ်များ

2 KUOROO 19:28

A tɩŋ ŋ sɩ faasa kɛŋ baaŋ-la arɩ mɩ arɩ babiibal wɩalɩŋ ŋ sɩ bʋla mɩ nɩɩ, lɛɛlɛ mɩ jaŋ joŋ hɛmɩŋ tɔɔ gɩrɩgɛ ŋ mɩɩsɩŋ lɛ, a joŋ mɩ koŋ ma a hɛ ŋ niiŋ. Mɩ jaŋ lɛrɩŋ dɩ ŋ mɩɩra joŋ wombii-la ŋ sɩ to kɔ a mʋ.

JOB 41:13

Kʋbɛɛ nɛ jaŋ wuo puri ʋ teniŋ? Koo a joŋ koŋ hɛ ʋ niiŋ lɛ?

WƖA YƖƖLAA 32:9

Sɩ́ nɩyaarɩ ŋaa a nagɛ jaaba koo kakumo sɩ bɩ wɩaa sɩaa jɩŋ. Ba joŋ koŋ hɛ ʋ niiŋ koo ŋmɛnɩŋ vɔɔ a kɛnʋ dɩdagɛ wɩɩ-la sɩ maga dɩ ʋ ŋaa.”

WƖA YƖƖLAA 39:1

Mɩ sɩ, “Mɩ jaŋ kɛŋ mɩ tɩtɩa woruŋ a sɩ́ wɩaa bʋla laa cheeriŋ. Mɩ jaŋ tɔrɛ mɩ niiŋ dɩ mɩ nɛ hɛ nɩbɔŋŋɔɔ tʋɔŋ.”

AZAAYA 37:29

A tɩŋ ŋ sɩ faasa kɛŋ baaŋ-la arɩ mɩ arɩ babiibal wɩalɩŋ ŋ sɩ bʋla mɩ nɩɩ, lɛɛlɛ mɩ jaŋ joŋ hɛmɩŋ tɔɔ gɩrɩgɛ ŋ mɩɩsɩŋ lɛ, a joŋ mɩ koŋ ma a hɛ ŋ niiŋ. Mɩ jaŋ lɛrɩŋ dɩ ŋ mɩɩra joŋ wombii-la ŋ sɩ to kɔ a mʋ.

Jeems 1:26

Dɩ nʋʋ nɛ joŋ ʋ tɩtɩa arɩ ʋʋ to Wɩa nɛ, aŋ bɩ ʋ tɩtɩa kɛnɛ arɩ wɩalɩŋ ʋ sɩɩ bʋl lɛ, ʋʋ nyɩsɛ ʋ tɩtɩa nɛ. Ʋ Wɩɩ-chʋɔlʋŋ ŋaa pɛɩ nɛ.

Jeems 3:4

Bɩra na lɩɩŋ daborusuŋ ma. Ba ŋaa kʋbalaa nɛ, pel-duoŋ yie lu a kaa vɛŋ. Ama danyiŋ-bie nɛ nɩɩ-la sɩ kɛŋ lɩɩŋ daboro-la vɩvɛŋ yie kaa kuosi lɩɩŋ a dagɛ lɩɩŋ daboro-la lee-la kala ʋ sɩɩ chɛ ʋ mʋ.