Jeems 3:2 - WƖA TENIŊ

² La kala yie ŋaa wɩaa piperigi nɛ. Dɩ nʋʋ nɛ bɩ wɩaa bʋla piperigi, ʋ bɩ wʋcheeli kɛnɛ. Ʋ wuo kɛŋ ʋ tɩtɩa nɛ wɩalɩŋ kala ʋ sɩɩ ŋaa lɛ.

Jeems 3:2 ပူးပေါင်းရင်းမြစ်များ

1 KUOROO 8:46

Nʋʋkala tuo ʋ bɩ wʋbɔŋŋɔɔ ka ŋaa. Ama dɩ ŋ nɩaa Iziral tɩŋŋaa nɛ kʋ ŋaa wʋbɔŋ, dɩ ŋ baanɩŋ sii ba nyuŋ a leŋ ba dʋndɔŋŋɔɔ yuo diiba a kɛsɛba kaa mʋ ba tinteeŋ, dɩ lee-la kpaga koo ʋ bolie,

2 IZIRAL TƖŊŊAA NAABARƖŊ 6:36

Nʋʋkala tuo ʋ bɩ wʋbɔmʋŋ ka ŋaa. Ama dɩ ŋ nɩaa Iziral tɩŋŋaa nɛ kʋ ŋaa wʋbɔŋ, dɩ ŋ baanɩŋ sii ba nyuŋ a leŋ ba dʋndɔŋŋɔɔ yuo diiba a kɛsɛba kaa mʋ tintee-wogusuŋ, dɩ lee-la kpaga koo ʋ bolie,

JOB 15:13

ŋ na baanɩŋ Wɩa teeŋ, a bʋbʋl wʋdosunuŋ deemba?

WƖA YƖƖLAA 34:13

tɩɩna sɩ́ wʋbɔŋŋɔɔ bʋl a sɩ́ wɩaa ma nyɩnyɩa.

WƖA YƖƖLAA 39:1

Mɩ sɩ, “Mɩ jaŋ kɛŋ mɩ tɩtɩa woruŋ a sɩ́ wɩaa bʋla laa cheeriŋ. Mɩ jaŋ tɔrɛ mɩ niiŋ dɩ mɩ nɛ hɛ nɩbɔŋŋɔɔ tʋɔŋ.”

NAMAGABA 10:19

Wʋbʋl kɩŋkɛŋ tɩɩna yie bʋl wɩalɩŋ sɩ bɩ maga dɩ ʋ bʋl nɛ, ama nɩɩ-la sɩ jɩŋ ʋ niiŋ kɛnɩŋ ŋaa wʋjɩnnʋ nɛ.

NAMAGABA 13:3

Nɩɩ-la sɩ jɩŋ ʋ niiŋ kɛnɩŋ nɛ jɩŋ ʋ mɩɩsɩŋ kɛnɩŋ. Ama nɩɩ-la sɩɩ bʋl wɩaa foi foi yie chei ʋ tɩtɩa nɛ.

NAMAGABA 20:9

Kʋbɛɛ nɛ jaŋ wuo bʋl, “Mɩ-na tʋɔŋ pʋlla nɛ, mɩ bɩ wʋbɔŋ kala kɛnɛ?”

NAMAGABA 21:23

Nɩɩ-la sɩ jɩŋ ʋ niiŋ kɛnɩŋ, kɛŋ ʋ tɩtɩa nɛ dɩ ʋ sɩ́ wɩaa jʋʋ.

TƖƖCHA 7:20

Tʋɔpʋl tɩɩna kala tuo dʋnɩa lɛ a ŋɩŋaa wɩaa ba bʋa lɛ, a ha bɩ wʋbɔŋ kala ŋaa.

AZAAYA 64:6

La kala ŋaa disiŋ tɩmma nɛ. La tʋɔpʋl wʋŋaalaa kala nagɛ gɛrɩkɔsʋmɔɔ sɩ kɛŋ nyɛsɩŋ nɛ. La wʋbɔŋŋɔɔ leŋe la nagɛ pɩpaarɩŋ sɩ hɩla nɛ, peliŋ lu a paala viiri.

LEVI DOHO NƖAA 13:39

Wɩɩsʋllɩ sɩpaalaara maga ʋ beŋ tɩɩna lere-la sɩ lagɩsa nɛ. Dɩ ʋ nɛ na dɩ-lagɩsɩa-la bɩ chaasa pʋllɛ, ʋ maga ʋ heeli arɩ tɩɩna bɩ disiniŋ kɛnɛ, kɩalɩŋ ta lagɩsɛ nɛ.

Matiu 12:34

Ma nuhuobiiŋ basɩŋkpɩaŋ deemba, ɛɛ nɛ ma nɩbɔŋŋɔɔ deemba jaŋ wuo ŋaa a bʋbʋl wʋzɔŋŋɔɔ? Ŋ tʋɔbɩɩnaa sɩ kɛŋ wɩɩ-la, ʋ nɛ ŋ niiŋ bʋbʋl.

Matiu 12:37

Wɩalɩŋ tɩtɩa ma sɩ bʋla nɛ jaŋ dii ma sarɩya a dagɛ dɩ ma kɛŋ tʋɔpʋla koo ma bɩ tʋɔpʋla kɛnɛ.”

Rom Tɩŋŋaa 3:10

Ba ŋmʋnsɛ ŋɩɩ nɛ Wɩa teniŋ tʋɔŋ a bʋl, “Nʋʋkala bɩ tʋɔpʋl tɩɩna ŋaa Wɩa sɩpaaŋ, nɩbala ma bɩ tʋɔpʋl tɩɩna ŋaa.

Rom Tɩŋŋaa 7:21

Mɩ lɛɛlɛ na arɩ mɩ nagɩsɩŋ nɛ ŋɩɩ. Dɩ mɩ nɩɩ chɛ mɩ ŋaa wɩɩ-la sɩ zɔmɔ, wɩɩ-la sɩ bɩ zɔŋ yie hɛ mɩ nyuŋ lɛ nɛ. Ʋ nɛ saa mɩ yie ŋaa.

1 Kɔrɩntɩ Nɩaa 9:27

Mɩ kɛŋ mɩ tɩtɩa kala a ŋaa mɩ yaraa diri nɛ arɩ ŋmobuŋ lɛ. Mɩ ŋaa ŋɩɩ dɩ mɩ wuo kɛŋ mɩ tɩtɩa hɛ dɔŋɔ lɛ nɛ. Dɩ ŋɩɩ dee, dɩ mɩ nɛ bʋl Wɩa wʋzɔmɔ-la a dɛrɛ, ba jaŋ bʋla pɩmɛ arɩ mɩ bɩ toru kɛnɛ Wɩa kuorii-la tʋɔŋ.

Galiisia Nɩaa 3:22

Ama Wɩa teniŋ tʋɔŋ ba bʋla arɩ dʋnɩa nɩaa kala ŋaa wʋbɔŋŋɔɔ yosi nɛ. Wɩa bʋl ŋɩɩ dɩ ʋ wuo joŋ kʋ-la wɩaa ʋ fa sɩ bʋla a pɩ nɩalɩŋ sɩ laa Yesu wɩaa dii nɛ, a tɩŋ ba sɩ laa Wɩa dii.

Galiisia Nɩaa 5:17

bɛɛ wɩaa la tʋɔtɔrɛ wʋŋaalaa arɩ Wɩa Dɩŋ-zɔŋ-la wʋŋaalaa bɩ dɔŋɔɔ to. La tʋɔtɔrɛ wʋŋaalaa arɩ Wɩa Dɩŋ-zɔŋ-la saa ŋaa dʋndɔmɔ nɛ, ŋɩɩ wɩaa, wɩɩ-la la sɩɩ chɛ la ŋaa, la bɩ ʋ wuo ŋaa.

Koloosi Nɩaa 1:28

Ʋ wɩaa nɛ la bʋla pɩpɩ nɩaa. Laa kpʋrɩsɛ nʋʋkala dɩgɩlaa, aa dagɛ nʋʋ na-kala arɩ wʋjɩmɩɩ-na kala, dɩ la wuo ŋaa ba waa dɛrɛ Kirisito wɩaa lɛ.

Koloosi Nɩaa 4:12

Ɛpafɩras ma sɩ lɩɩ ma jaŋ ka chʋɔlɛma. Ʋ ma ŋaa Yesu Kirisito tɩntɩnna-la dɔŋɔ nɛ aa tɩŋ ʋ tɩntɩŋŋaa. Ʋ yie chʋɔlɛ Wɩa pɩpɩma arɩ sɩɩfɩɛsɩŋ, dɩ ma waa dɛrɛ Wɩa wɩaa lɛ a jɩŋ woruŋ wɩalɩŋ kala Wɩa sɩɩ chɛ dɩ ma ŋaa.

Hiburu TƖŊŊAA 13:21

Mɩɩ sʋlʋ dɩ ʋ to Yesu Kirisito lɛ a pɩma kʋzɔŋ-na kala dɩ ma wuo kaa ŋɩŋaa wɩalɩŋ kala sɩɩ tɔrɛ ʋ tʋɔŋ. Má leŋ dɩ Kirisito yɩrɩŋ yɩrɛ a kaa mʋ wuu. Amɩɩ.

Jeems 1:26

Dɩ nʋʋ nɛ joŋ ʋ tɩtɩa arɩ ʋʋ to Wɩa nɛ, aŋ bɩ ʋ tɩtɩa kɛnɛ arɩ wɩalɩŋ ʋ sɩɩ bʋl lɛ, ʋʋ nyɩsɛ ʋ tɩtɩa nɛ. Ʋ Wɩɩ-chʋɔlʋŋ ŋaa pɛɩ nɛ.

Jeems 1:4

Má kɛŋ nyalɩma wɩɩkala lɛ a mʋ dɛrɛ, ŋɩɩ nɛ ma jaŋ waa dɛrɛ Wɩa wɩaa lɛ a sɩ́ wʋzɔŋŋɔɔ lɛ nyaa.

Jeems 2:10

Dɩ nʋʋ nɛ paala tuto wɩalɩŋ kala ba sɩ ŋmʋnsa bil dɩ nɩaa tuto aŋ chei ba tʋɔŋ wʋbala ma, ʋ naga ʋ chei wɩalɩŋ kala nɛ ŋɩɩ Wɩa sɩpaaŋ.

1 Pɩɩta 3:10

Ba ŋmʋnsɛ Wɩa teniŋ tʋɔŋ a bʋl, “Dɩ nʋʋkala nɩɩ chɛ dɩ ʋ nɩɩ sɩma a na wʋzɔŋŋɔɔ dʋnɩa deeŋ lɛ, tɩɩna sɩ́ wʋbɔŋŋɔɔ bʋbʋl, a sɩ́ wɩaa ma nyɩnyɩa.

1 Pɩɩta 5:10

Hɛɛŋ deeŋ ma sɩɩ na bɩ jaŋ dieni. Ʋ ŋɩɩ harɩŋ lɛ, Wɩa sɩ kɛŋ zile kɩŋkɛŋ kɩŋkɛŋ a yɩrɛma dɩ ma ma na tʋla-la Kirisito sɩ kɛnɛ a kaa mʋ wuu. Ʋ nɛ jaŋ kɛmma wasa kɩɩ, a leŋ dɩ ma chaasa chɩŋ arɩ doluŋ.